深深甜品

營業中

休息中

提起叁元豆花，最出名應該係西營盤嘅滔滔甜品，嗰日經過深水埗，原來深深甜品都有得食。同其他地方食嘅一樣，呢度嘅叁元豆花底部係豆腐花，上面舖住芋圓，地瓜圓，黑糖珍珠同紫薯西米，最後一款配料四揀一，我揀咗愛玉。食一啖之後，我就對自己嘅選擇有啲後悔😂，因為呢個甜品比較稀同淡，應該要揀雪糕或者紅豆呢啲較甜嘅食材嚟平衡返個味道。撇除選擇錯誤，我覺得呢個甜品中規中矩：黑糖珍珠，芋圓同地瓜圓有咬口，紫薯西米夠創新，愛玉同豆腐花正常味道，總括嚟講，就係樣樣嘢都四平八穩。反而我覺得對面位叫嘅龍珠冰茶仲好食，因為有我最鍾意食嘅冰菠蘿片，底部嘅蜂蜜綠茶凍甜甜哋，茶味都幾香濃。

餐廳裝修行懷舊風，甜品選擇多。整體甜品唔算甜，價錢可接受。豆花紫花園 $38超多料🤤有黑糖水晶,紫米,豆腐花,芋圓...黑糖水晶似有甜味既涼粉，配埋一齊食，幾好食。本身最期待冰烤紫薯雪糕，食落雖然滑，但冇咩紫薯味。另外，芋圓食落煙韌，還過得去。椰汁西米配包心芋圓 $29係有饀既芋圓😍真係第一次食，總共有三款，每款都包左唔同饀，地瓜圓最好食👍入面包左芋泥，煙煙韌韌，碗仲有好多粒。只有兩款糖水跟有饀芋圓，如果其他甜品都可以加就好。

五‧一黃金週，merry豬由粉紅色變一變成玫瑰金先，去黃店渡一渡金先。晚飯後決定去中式糖水店享受宵夜。~木瓜雪耳燉桃膠 (熱)merry豬想再滋補一下，決定點熱的木瓜雪耳燉桃膠，高纖維的桃膠有"平民燕窩"的美譽，merry豬食完會變靚靚，皮膚又會好。桃膠非常爽滑煙韌，好足料，絕不欺場。木瓜清甜，具有解毒功效。雪耳爽朗，merry豬可以補充骨膠源了!-深深甜品：深水埗桂林街46號恆安樓地下C舖                                   

裝修簡單，係香港懷舊風。都算多人等人等外賣同等位。.🔸叁元豆花 ($35)分數: (8/10)一碗糖水滿足我所有慾望，有哂芋圓，地瓜圓，黑糖珍珠，紫薯西米，啱晒鍾意煙韌嘅朋友。底下仲有豆腐花。另外再揀芒果肉topping，芒果肉好甜，亦都好香芒果味。.🔸紫花園 ($38)分數: (7.4/10)冰烤紫薯雪糕，雖然紫薯味唔重，但半溶狀態撈埋個糖水一齊食幾好食。仲有埋黑糖水晶，紫米，豆腐花，芋圓，地瓜圓。

前日(30-4-2020 Thur)佛誕假期,晏晝同老公出到深水埗上嘉頓山前,有好多時間,偶爾見到呢間黃店,於是都食吓糖水,呢間同樣有人龍,等咗15分鐘就有位,我就要$29.00嘅熱桃膠腐竹馬蹄露,老公要$35.00嘅叁元豆花,有豆腐花,芋圓,地瓜圓,黑糖珍珠,紫薯西米,揀愛玉.好快,熱桃膠腐竹馬蹄露到嚟,食到腐竹嘅味道,馬蹄露就好甜,其他口感正常.老公嘅叁元豆花都到嚟,睇見顏色好靚,地瓜圓好味,豆腐花,愛玉偏煙韌多啲,其他都正常冇問題,而成碗味道都唔太甜,OK.題外話:其實我想食腐竹雞蛋糖水,但奈何呢間冇,只有藍絲馬蹄露.

深深甜品 Shum Shum Desserts+台灣菜+ 台式飲品+ 裝修有特色冰茶龍珠 $35好食指數：⭐️⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️⭐️👍🏻幾特別@@ 咬開龍珠 竟然是紅豆 👍🏻 冰茶味果凍不錯 像道地蜂蜜綠茶味道👍🏻芋圓煙靭 但太淡☹️冰菠蘿太薄 厚切更好
鮮雜果仙草 $31好食指數：⭐️⭐️⭐️打卡指數：⭐️⭐️⭐️⭐️大份指數：⭐️⭐️⭐️⭐️抵食指數：⭐️⭐️⭐️👍🏻幾足料🧐仙草味有點偏淡
深水埗桂林街46號恆安樓地下C舖Shop C, G/F, 46 Kweilin Street, Sham Shui Po星期一至日15:00 - 01:00喜歡我的文章，可以關注我及讚好以作鼓勵

好耐冇出街食飯同老公撐枱腳應該有三個月😕難得今日同老公去拜山順便周圍食食食拜完山叫做路過深水埗好耐冇食甜品，經過見到呢間有芋圓就入去試吓見到啲相都覺得OK然後見到佢枱與枱之間都有塊膠板格住感覺都幾安心我嗌左一個好似乜都有嘅試吓入邊有芋圓，有豆腐花，有西米，珍珠...etc點知⋯⋯冇試過食凍嘅甜品唔凍個囉除咗個雪糕係凍嘅之外，全部都係室溫然後我以為係我嗰個先係咁再試老公嗰個，都係一樣個味道冇嘢，不過真係對個溫度非常失望難得出街食飯，點知試着一個咁嘅😕

終於返黎食深深，每次經過深水埗都想返黎食，但時間總是對不上！今日終於有機會，當然點了我必食的叁元豆花！豆腐花、芋圓、地瓜圓、黑糖珍珠、紫薯西米。芋圓唔係未食過，但似終覺得深深最好，加上價錢又唔貴，大大碗，顏色又繽紛，豆腐花好滑，又夠奶香！味道總是保持水準，所以食完又食都唔厭。但今次再食，覺得甜左啲，如果甜度減返三份一就Perfect！而家出街嘅人少左，好擔心小店會做唔住，所以真係有得食好食！要多多支持！得閒就黎食！

位於深水埗嘅深深甜品一開始係俾佢個舊式裝修吸引咗.見到佢門口Poster推介冰茶龍珠($35)幾特別就試吓嘩！好有驚喜喎！甜品或台式飲品嘅爆珠就食得多但呢個龍珠好唔同！咬開每粒珠，中間竟然係紅豆😮😮每粒珠表面都非常Q彈，但咬開一刻勁爽口，真係有爆開嘅感覺，之後中間就係完整嘅紅豆粒，咬開係綿綿的。一粒爆珠但有三個口感，好衝擊的口感啊！另外介紹係佢個蜂蜜綠茶果凍，好創新的配搭！未入口綠茶香味已好濃，入口有淡淡的蜂蜜甜味配上果凍QQ質感，好有新鮮感。不過綠茶嘅澀味係果凍形態更明顯，如果唔係茶控嘅人可能會覺得苦。不過配埋冰菠蘿一齊食，就可以遮到陣澀味。冰菠蘿超冰凍入口即痺的感覺，真係超懷舊的！.叁元豆花($35)雖然唔算特別同一般港式撈撈甜品差不多，但味道不錯。用咗台式甜品嘅芋圓同珍珠，芋圓做得煙軔有咬口，唔會一入口就散開；珍珠粒粒分明唔會痴埋一舊，口感都好好！紫薯做嘅西米唔算好重紫薯味，但賣相搭救。面頭配上雪糕球(雲尼拿味)，底下仲有半碗豆花，勁多料都只係$35，性價比一流！.

剛開始入座態度正常，在點完餐食唔夠10分鐘無啦啦行過來講「請問你地食完未呀？！食完唔該出去埋單先啦！出面好多人等緊！！！」請問係咩服務態度？我唔係話客人大曬，要你地服務，但請問可否唔好咁惡劣？第一：我地坐唔夠10分鐘，諗住一路傾計一路食，有咩問題？你食甜品唔係想relax下慢慢食咩？其次，入座時無話食幾多分鐘，你自己控制唔到人流發洩在客人身上？第三，叫人埋單無問題，但請問可否態度好少少少，加個「唔該」？？？最後，圖文不符，沒有特別值得推薦之甜品，份量少。如果唔想受D職員氣，可有更好選擇

本來特登去深水埗想搵網友介紹嘅康x芋圓💕🤣，但出錯出口🤣，見到呢間好似唔錯，忍唔住入去。依間糖水店裝修幾特別，好似好懷舊咁，連隻匙羹都好似就快要生銹，好似用咗幾十年咁。📍仙草紫草園（$38）賣相OK啦，不過又係圖文不符🥱，明明餐牌寫住+畫埋圖係冰烤紫薯雪糕🍠，應該要有紫薯味先啱？又話食到粒粒紫薯肉，又係呃人🤥，明明就係雀巢香芋雪糕咁嘅味，同紫薯拉唔上任何關係⋯⋯垃圾🥱我比張$20紙俾你當$50得唔得，唔同㗎嘛🥱🥱啲芋圓完全冇味，好似食膠咁⋯嘥我quota🥱口味嘅嘢好個人，有興趣嘅人士可以去🥱我阻止唔到嫁

#支持良心餐廳黑糖薑茶配包心芋圓$29首先要講一講個薑茶真係好薑😂 仲有陣好出嘅肉桂味本身呢度有其他款都想試但係好少食包心芋圓所以想試下 不過我自己就覺得口感爭左啲 係得地瓜圓 橙色嗰隻個口感chewy啲入面包嘅係芋頭/🍠 總括嚟講唔係好甜嗰種 行養生路線～

▾#Serena食食食深水埗多數都係食一啲路牌嘅糖水舖，但最近嚟買完game見到呢一間糖水舖裝修咁得意，就入咗去試啦。 【冰烤紫薯雪糕配芋圓】見到呢個名冇理由唔叫啦，紫薯雪糕好出色，芋圓都可以，同其他鋪頭差唔多，但值得一試。坐咗一陣就走人，唔係坐得好舒服，而且好多人，但價錢抵食，如果想試新野值得嚟呢度一試！🔸 深深甜品 🔸📍深水埗桂林街46號恆安樓地下C舖▸▸▸▸▸▸▸▸▸▸▸▸▸▸▸▸▸▸▸▸▸▸▸▸▸🔱S指數🔱（滿分為5）美味度：👅👅👅打卡度：📸📸裝潔度：✨✨✨回頭度：😍😍店員態度：✅✅---------———————總推薦度：💓💓▸▸▸▸▸▸▸▸▸▸▸▸▸▸▸▸▸▸▸▸▸▸▸▸▸＃深水埗美食 #SerenaChuk

平時喺深水埗一食糖水就諗起康瑞甜品，適逢呢間深深甜品原來都係💛店，今日就可以懲罰下佢啦！·店內裝修幾骨子下，主要sell舊時港式嘅裝修，係新式嘅懷舊style🤗黃黃的不錯😗·我叫咗一個鮮雜果仙草，免頭嘅雜果都幾足料下，有切西瓜🍉、哈密瓜🍈、芒果🥭、椰果🥥，簡直係水果控嘅天堂。（題外話，當年我喺某一間甜品店叫咗一個「西瓜天堂」，點知出嚟嘅係一舊西瓜幫我切哂細細粒，感覺被騙了，完。😂😂）·仙草味好香濃，又滑漏，配埋花奶食剛剛好～🥰🥰·食黃店其中一個好處就係同隔離食客趣味相投，嗰種有共鳴又聽得順耳嘅對話真係好爽皮㗎💛大家明唔明🤤🤤-鮮雜果仙草｜$31-深深甜品 (深水埗)深水埗桂林街46號恆安樓地下C舖-

天氣乾燥，特別想食碗糖水滋潤吓。早前出深水埗買嘢，見到一間裝潢幾特別的甜品店，加上午餐吃不多，就入去試一試。店面不大，約有十張桌左右，裝修走懷舊路線，有鐵閘及鐵皮信箱等裝飾。至於糖水，除了傳統港式糖水外，亦有台式的，如仙草凍、芋圓等。🔸 補血紅豆紫米露 + 芋圓（熱）加了椰汁的紫米露，賣相很迷幻（誤！），味道幾濃及香甜，糖水加配了芋圓，芋圓煙煙韌韌，很有口感。🔸 黑糖薑茶配包心芋圓（熱）由於先吃紫米露，覺得黑糖薑茶不算甜，包心芋圓就是有餡的芋圓，size比較大粒，口感似煙韌版的湯圓，因為有餡，味道比普通的芋圓好味。