深燒酒 (已結業)

有次去開tony wong買野，發現佢隔離有間燒烤店 所以就揾左日同D朋友去燒下。我地5個人 叫佢比門口2張台我地想坐門口好似正DD野食都好好 海鮮新鮮 環境都唔錯全部野自己燒，同fd吹下水 食下野 非常唔錯我覺得最正係可推介有幾款鵝肝雞翼，牛肩甲，年糕盒子，牛舌，蟹蓋呢幾款我最鐘意 尤其係個雞翼鵝肝 真係好食到 停唔到口走個陣店長同我地介紹話黎緊會有套餐推出 叫我地可以去支持下 ,所以黎緊既朋友聚會都唔諗啦 就呢度啦，哈哈

零晨時候灣仔,通常宵夜火窩,粥粉麵飯, 今天行過,聞到好香的燒物味,入去試下.唔係好大間, 但坐位都闊落, 爐就係用日本GAS BBQ爐. 老板介紹招牌菜, 用料都唔孤寒, 材料冇調味, 係會另有幾樽比你煮時加, 又可以依自己鍾意及保持食物既天然味.D蜆係個碟度開合, 老板見我地唔係好知點燒, 會主動黎教, 煮到少少乾身, 就會喞D日本清酒, D蜆肉好肥, 有酒香, 正。蟹蓋煮緊時,簡直係口水流, LIKE蟹人一定要試.辣酒螺上爐時只有一半汁, 老闆加清酒,滾時超香,唯一個螺肉較為細粒, 但之後食晒會落個麵, 吸晒汁,回味到可補回螺肉既失分最後有個燒飯團, 燒到焦焦地, 用比埋個D紙菜, 又香又脆仲有好多選擇, 但食唔到咁多,我地食完攬住個肚走。

個日行開經過呢間野、見佢裝修都幾靚跟住同幾個同事入去試下、估唔到啲野咁好食👍🏻正、即叫即炒有水準唔馬虎😋價錢銅鑼灣區黎講可以接受。宜家啲同事日日落去變左飯堂咁😂真心推介一下另外佢夜晚係做港式串燒、搵晚收工綯埋成班去啤啤佢先🤗

裝修好靚好有風味又好乾淨，d野食仲好好味好新鮮， 特別係個鵝肝法包，食過番尋味呀!😍 服務態度都好好，侍應好nice又細心，一個字，正! 食得好開心，會再黎幫襯!!!👍👍👍👍👍

好耐無寫食評 啱啱朋友帶我過黎食 裝修靚 超特別開放式 價錢 服務辣酒煮螺一定要加個面釀蟹蓋老板介紹兩食 原味食啲再加飯落去一齊煮 估唔到咁正 响其他燒烤店食過 但加飯煮都係第一次有人教 個蟹膏仲要原汁原味 之前响其他地方食過嘅個蟹膏係唔知有蒜味定咩味 完全食唔到蟹膏嘅香味。所以必須encore牛脷係手切厚片比起機切薄片簡直無得輸全部肉都係手切口感同機砌真係差好遠海鮮全部新鮮劏 個鮑魚燒嗰陣仲轉轉下 新鮮得黎好恐怖鹿兒島豚腩老板醒左樽私伙調味俾我地試 老板叫我地估下 但估唔到咩黎 好鬼好味最開心仲要係老板話星期四有新菜單所以送左個餐肉玉子燒同鵝肝雞翼俾我地試 搵日要帶屋企人一齊黎再食過

早排行過灣仔駱克道見到一間新開張“深燒酒“都幾特別的串燒店，舖頭雖然唔係好大但是做開放式好特別。所以決定入去試一試，串燒款式都算多，我最鍾意食架芝士年糕，鮑魚，象拔蚌仔， 仲有平時多喺放題先有得食嘅細細粒紫薯，菠蘿串燒嗰度都有，叫左個聖子又新鮮又大隻所以食完再 encore，另外有個蟹蓋又好好味，餐廳老闆好好人教我地點樣燒先好味，另外最特別係牆上有個叉電插方便客人可叉電😉，中午原來重有做午餐，老闆話耐唔耐都轉餐牌，午餐價錢係灣仔都算底，可惜我唔係港島返工，如果唔係一定黎試下，但係下次一定再去幫襯😄😄

平日响觀塘返工去唔到灣仔深燒酒食晏 見到秘制九仔鴨又返黎 專登叫媽子尋日去外賣一份俾我今日帶飯 真係好鬼死正👍🏻 依啲特色菜真係唔係度度都有得食 最窩心係有生菜底跟 叮完仲要唔會出晒油 廚師真係好 仲有個紅咖哩魚柳可惜要即食先好味😩69蚊一個餐 跟前菜，飲品同一碗飯 仲要即叫即炒真係好抵食 官塘區宜家食個晏仲要係求其一pat嘢都要死7,80蚊 深燒酒响官塘開返間就好好羨幕媽子逢星期一都可過去食同啲侍應吹下水 期待下星期午餐 繼續外賣

尋日番工食Lunch.. 行吓行吓 見到呢間'深燒酒' 個名好特別呀! 見到仲有午餐..就決定入去試吓.. 果然出乎我意料.. 我試咗個好咖哩魚柳飯 好好味😋 下次再喺呢頭番工.. 一定要再試埋佢其他款先得😁 其實喺呢區可以用呢個價錢食到咁美味嘅午餐 真係好開心好滿足~

同朋友去食生日飯 門面超正 開放式大門 咁啱去到有門口位 當然要試下市區路邊燒啦啲嘢全部都勁新鮮 原來連啲醬料都係廚師自己煮我地叫左蟶子同蝦 老闆話原來佢地係每日叫貨 跟住加埋清酒一齊煮 啲蟶子勁甜 啲蝦上碟時仲要札札跳跟住個蟹蓋又係唔洗講 食過幾間都有類似嘅蟹蓋 但依間個蟹蓋係勁足料 蟹膏勁香 上碟時店員仲教點煮跟住個芝士年糕直頭好味到想喊 愛芝一族一定要食返夠本 仲有仲有流芝丸龍蝦沙律丸仲有個鹿兒島豚腩 唔洗講嘢起碼要食兩串 肥而不膩 本來見佢咁肥叫一串試下 點知原來咁好味仲有仲有燒茄子原來又有技巧之後同店員混熟後 佢地仲介紹我食麻辣拌飯同辣酒煮面 愛辣嘅我 加上店員款待永遠飯堂下次要再去試埋其他嘢先得