淺草

營業中

休息中

14/4/2022 復活節假期前夕，中午漫遊酒吧街搵食，行到這裏，見到近門口戶外有枱，比較獨立位置，又可以望街外，睇吓路人及車輛，有活動氣氛。侍應好友善，安排好我哋坐低，比餐牌我哋慢慢揀，由於我唔係太肚餓，我揀咗兩款小食，朋友揀咗豬手，可以share。蜜汁炸墨魚丸，平時食墨魚丸多數是咸的，估唔到，甜甜地嘅墨魚丸都好好食。脆炸雞中翼，微辣，脆卜卜，雞肉嫩滑，一路飲酒一路食，好chill 😊德國豬手，大大碟，新鮮出爐，香噴噴，豬皮咬落脆口，皮與肉之間的骨膠原，超正😋中午嚟酒吧街搵食，有驚喜😊

晚上7時左右同幾個朋友黎飲野，個女職員（短髮戴眼鏡，3十幾到尾）安排我地坐幾台桌夾住的位置，我示意要求坐近門口無咩人位置，女職員態度不佳地比我地坐，落order時叫左幾杯啤酒，態度依然不友善。直到有人坐我地隔離，中間隔著門，可以左右拉，佢竟然無問過我地介唔介意就直接拉度門，變左可以互相聽到隔離桌對話，超級不舒服。食物叫左意式雲吞但望落去係餃子黎，仲要中式！離哂譜！個條街成條都係酒吧偏偏選中間最差。下次一定唔會再黎，我會同埋身邊識得既人通叫佢地唔好黎！