添好運點心專門店 (已結業)

平時放假都會同屋企人去添好運食點心，貪佢平靚正！假期好多人，都要等幾個字位，今日等左4個字左右，最出色係佢個叉燒包，我每次黎都要食！外脆內軟又唔會好乾爭爭其他唔係好多點心可以揀，但都已經好足夠，其他點心都係正正常常，啲店員服務都唔會因為好多人而態度唔好，讚！

今晚特然好想食點心，酒樓夜晚又無得食啦，就諗起其實有添好運！我地兩個人叫左七樣點心，有燒賣，粉果，菠蘿叉燒包，蝦腸，炒麵，同煎堆。雖然知道食點心好油膩，但我都唔理得咁多。點心叫完唔洗5分鐘即刻送到，熱辣辣。推薦:菠蘿叉燒包個皮非常香脆，面包鬆軟，個涵好足料，咬到粒粒叉燒，真係想食多幾個。奶皇煎堆炸到金黃香脆，個奶黃甜度恰到好處，一啖咬落去，熱到咀都辣親。唔推:炒麵超級油，食完成個咀唇好似搽完潤唇膏咁，而且塊量超少。其實個茶真係只係有色既水，大可以唔收茶位錢。另外啲碗同杯都幾污糟，呢一個要改善下。

上星期日想同屋企人去飲茶，康城係一個了不生蛋既地方，我哋一家人就決定搭的士，出將軍澳飲茶而添好運就係我哋落車附近，素來聞名佢係米芝蓮星級香港美食之一，加上茶位/$3及免加一，就去排隊攞位。我哋去到見到，午市時間特別多人排隊，目測要等半個鐘，攞完飛就企埋一邊等。終於叫到我哋，但我哋攞4人飛得3個人到咗，佢就堅持一定要齊人先俾入座。過多陣終於齊咗人，反而又要再等多15分鐘坐低咗，d職員好快手舖好枱面，俾點心紙我哋寫。之前嚟過兩次都無鮑汁鳳爪(HK$29)，今次終於有仲叫咗晶瑩鮮蝦餃(HK$27)、鮮蝦燒賣皇(HK$27)、鳳爪排骨飯(HK$29)、蝦腸($26)等11碟點心。個場好忙，連經理都幫手上菜，幾碟幾碟咁上🥟酥皮焗叉燒包：呢個都係次次嚟必點，外脆內軟，配帶入味既叉燒汁，但略嫌份量較少，不夠飽肚。蝦餃:4粒都大大粒，外皮熟既程度恰到好處，唔會一拎就散哂，蝦仁都好足料，啱啱好俾我哋4個人分呢度好啱兩三個人嚟飲，每碟份量都剛剛好，如果遇到大食既朋友，就要考慮清楚啦總括而言，人均消費$60-$70，咁既價錢，味道都保持水平，值得回頭

已經很多次來添好運食飯了，以前在旺角廣華街很出名，等位最少2-3小時的時期過了，現在幾乎不用等位了（平日）。今日和朋友中午來到了將軍澳添好運店食午飯，我們三個人叫了17樣食品，全部吃曬，好過癮。每個時期都會有一些新加入的特色食品，我今日就叫了 京蔥牛肉餃，賽螃蟹春捲。京蔥牛肉餃不如叫牛肉球升級版⋯因為內餡真的是牛肉球料加入了一點點蔥，不過就是牛肉球吧，可能我的期望過高了，味道okay。賽螃蟹春捲不錯，就是味道不夠出，但算是真材實料吧，唯一就是希望餡在多一些就好了其他菜色還叫了大眾那些，例如蝦餃，燒賣，腸粉之類的，水準依舊保持。非常要稱讚一下店員的上菜速度！快到讓人還沒有反應過來，菜就端上來了⋯厲害！

本人在2017年12月26日中午四點左右，在將軍澳店吃東西，蒸排骨非常咸至於煎釀青椒是落油炸，不是煎的.上完碟放在檯面上的青椒全是油底.希望有人跟進這問題.比我上一次吃品質差好多及失準好多.

之前好喜歡到中環添好運分店、但中午或放工後往往大排長龍、非要等半小時不可。但將軍澳店開幕後就成為我們經常去吃點心的地方、又或者OT過後買外賣回家作晚餐。尤其喜歡它的雪山叉燒包、黃沙豬膶腸和大大隻糯米雞。添好運必食的雪山叉燒包外皮酥脆、內裏义燒餡料很juicy。我一個人也能吃三個呢另外其他點心- 燒汁釀茄子及虎皮尖椒亦做得很不錯。兩個人吃得超飽都只不過百元、好抵食。唯一可改善是牛肉蒸飯的牛肉感覺太生。

呢度幾乎係我屋企嘅飯堂。今日紅日，四圍d酒樓都要等勁耐位。同一時間，呢度等20張，但樓上翠園要等200幾張。咁梗係食添好運啦！酥皮叉燒包、菜苗餃、粉果都係正嘅！我個人超鍾意叉燒包炸両、豬潤腸又係大愛呀！杞子桂花糕😝

晚上打完波就即刻去添好運添返個好運😍由於太肚餓既關係🙊眼闊肚窄地點左好多野食😂添好運既點心不嬲都好食～所以點左幾個點心有菠蘿叉燒包、蝦餃、牛肉球、馬拉糕、叉燒腸等一上台即係被清空！🤤🤤🤤我地仲試左個豬手～本人對豬手比較嚴格～所以佢雖不是太嚴重～但仍有少許聲味我都唔係幾接受到～其他人就幾滿意此菜式既～個牛肉蛋蒸飯同鳳💪🏿排骨飯都幾好食～不過可惜太飽食唔曬～最後特別order既桂花糕真係好濃桂花味又清爽～食多幾件都唔會'仔'❤️❤️❤️

周不時都會有啲想食添好運嘅癮，就係因為佢嘅酥皮叉燒包（其他點心其實冇乜特別）！今日一場嚟到將軍澳，行到攰攰地又想坐下，就入咗去叫咗兩份點心食，因為其實都係淨係想食佢嘅王牌酥皮叉燒包！酥皮叉燒包＄20:等左10分鐘到就上枱，個包非常熱非常脆，仲好香添！其實每一次食呢個包都唔會失望，水準keep得非常好，果然係王牌！叉燒腸$22:腸粉個皮好薄，而且叉燒都幾多，不過豉油就淡左啲。總括來講識食就淨係食佢嘅叉燒包下午茶時間來坐下都唔錯。

身為將軍友 眼見日日都多人排隊 就連原本對佢無咩興趣既我都有想一試既衝動。今日下午一行三人一於去試下啦， 咁等左一陣就入去，點左鳳爪，燒賣，蝦餃，咸水角，叉腸，煎蘿蔔糕同津白餃，滿心歡喜以為唔會差得去邊，點知大失所望。個鮑汁鳳爪個味似"老"水味，鮑汁味失蹤了，質感不過不失燒賣賣相不討好，味道一般蝦餃無汁乾身，食之無味棄之可惜咸水角味道不錯，但皮厚餸少叉腸又係食之無味 棄之可惜， 叉燒好珍貴 三條入面得啲零碎既叉粒，沒有丁點蜜味 甜也沒有蘿蔔就煎得夠香 但一夾就散 好明顯係整既問題津白餃就正常一般貨 蒸過左時候個茶就得色無味👎🏾👎🏾👎🏾👎🏾👎🏾👎🏾👎🏾不會再去今餐咁就165元 不算貴 但性價比不值

今晚男人的浪漫 一個人唔知食乜好 行過泰國菜一個人又好似冇咩好叫 行去太興 又好似一個人叫餸又唔係 叫碟頭飯又好似寡得滯 係個商場到左行左行 諗左諗右 啱啱行到落地下落到地下就見到添好運 都好喎食點心 有好多選擇喎 咁就行咗入去坐 門口位服務員非常有禮貌招呼我入去坐 當其時客人不多 佢見我去一個人 佢安排我坐張二人枱 係舒服的二人枱 佢唔會專登安排你去一啲好逼夾嘅二人枱度坐 佢服務態度非常好一個人叫咗 晶瑩蝦餃 鳳爪排骨飯 香西牛肉腸 連埋茶錢都係＄79 冇加一服務費 食物新鮮 味道也不錯 坐得也舒服 d普洱茶也是不錯 大家不妨一試😊👍

添好運係出名嘅米芝蓮餐廳，點心價錢算係比出面便宜。茶位都平。但能夠食到米芝蓮水平嘅點心，性價比算高。我最鍾意食嘅就係酥皮叉燒包同鳳爪排骨飯。酥皮叉燒包依然一向既香酥，惹味。就算一個人食兩三個都唔覺得厭。另外鳳爪排骨飯個醬汁好好味，排骨唔似出面喇到冇晒味咁，佢係有肉味的。不過唔好處就係呢度坐得唔耐，不是朋友敘舊聊天的地方。

添好運一向係我飲茶嘅首選之一，果到啲點心價錢合理又幾好食😋而我每次去都會叫呢個酥皮叉燒包💕佢嘅外皮同一般叉燒包唔一樣，而係好似菠蘿包咁，食落鬆軟又有少少甜。但係最近添好運啲點心好似縮左水😂蝦餃比以前細粒左🤔所以要扣少少分😛

先要講一句“深水埗總店係天堂既話，呢間將軍澳分店就係地獄”慢慢解釋下我點解禁講，平日晚上6點入到黎，人影都唔多個，一台起兩台止以為未到飯市所以禁靜，原來唔係落左紙無耐，個叉燒酥已經上台，我心諗：禁快？一摸個包面，凍既？再咬埋落去，都只係暖再上係個鳳爪排骨飯，e，點解隻鳳爪禁既？好嘔心，我老公問佢：呢隻鴨腳黎架？鴨腳又挎大左既，似花生雞腳個啲囉，我見到隔離台豉汁鳳爪都係呢個樣，好彩無叫！係咪唔夠貨頂檔用先？我只係知面前呢種，係街買會平過真係用黎整豉汁個重羅而且啲飯好爛，排骨好咸再黎個咸水角，已經係一上台即食，係凍架，連個心都係凍架總店既咸水角係我至愛，而呢度，我咬左半粒，已經想掉呢度真係得杯茶係熱過總店，因為總店冷氣位比較低，唔洗10分鐘已經由熱吹到凍，但係啲點心好食到一上台，唔洗10分鐘已經清哂，呢間一黎已經係凍既，放到走都唔願食再加埋呢間啲服務好差，明明成張台面都吉既，啲食物一黎就禁罷落隔離台邊，全部都要自己羅多次放返去自己張台度，明明我台既右手邊，成條走廊，都要放去左手邊既另一張台上面離哂譜，放左水壺，都要你羅開個壺比佢放落去個張唔係坐緊既台度，不知所謂開分店如果keep唔到啲質素

本身想趕在11:30惠顧將軍澳廣場某一間歐陸+泰國餐廳食早餐，等了一陣仍未能入座，怎料餐廳說早餐是按入座時間計，我們過了時間仍在等候則是代表沒早餐吃。他們早餐生意太好了，不太願意安排未能入坐的客人點早餐。我們就這樣白等了好一陣子。那早餐吃不成，亦不想再那裡吃，於是我們決定去添好運飲茶，星期日下午惠顧既客人不算少，也有叫外賣的客人在等候。我和友人等了十分鐘左右也可以入坐。鮑汁鳳爪$28酥皮叉燒包$20鮮蝦燒賣王黃沙豬膶腸$22蒜香雞絲春卷$20店內滿坐，而且外面等候的人也開始很多。茶位每人$3，共5個點心埋單都只係$122。雖然這裡沒有大酒樓這樣多選揀，反正二個人吃也不會多，這裡又沒加一呢。