添好運點心專門店 (已結業)

周不時都會有啲想食添好運嘅癮，就係因為佢嘅酥皮叉燒包（其他點心其實冇乜特別）！今日一場嚟到將軍澳，行到攰攰地又想坐下，就入咗去叫咗兩份點心食，因為其實都係淨係想食佢嘅王牌酥皮叉燒包！酥皮叉燒包＄20:等左10分鐘到就上枱，個包非常熱非常脆，仲好香添！其實每一次食呢個包都唔會失望，水準keep得非常好，果然係王牌！叉燒腸$22:腸粉個皮好薄，而且叉燒都幾多，不過豉油就淡左啲。總括來講識食就淨係食佢嘅叉燒包下午茶時間來坐下都唔錯。