添寶手撕雞

營業中

休息中

我本身幫襯過幾次 因為我食素 所以我每次都會叫甜酸齋加豆腐胡麻醬麵 今日我用手機落單 去到我問收銀小姐 我叫咗外賣請問有味 佢反問我咁你要咩呀 態度惡劣好似我阻住佢玩電話咁 之後我就講話我要呢個面加甜酸齋同豆腐 之後佢就去執啲手撕雞畀我 我就同佢講我食素 我要豆腐加甜酸齋 佢就夾返手撕雞出嚟 跟住好悔氣咁豆腐夾咗五粒 酸齋夾咗三粒 就收我40蚊 其實40蚊真係唔係大數目 但真係唔好咁誇張 態度又差份量又少 我到最後都係有畀錢要咗 但我覺得真係好唔抵囉 真係唔會再有下次

第一次嗌咗個手撕雞飯份量還算可以。第二次叫咗$35嘅口水雞飯，有一盒雞，價錢都值。今次再次俾咗$40叫個手撕雞飯，手撕雞少得可憐，唔值得再食，冇下次。真係少得太過分，可以睇相。叫飯次次唔同份量，男人收銀員笑騎騎，比勁少手撕雞，對比柴灣的手撕雞$35勁大手撕雞飯成強烈對比。錢唔係咁賺嘅。

其實都唔係頭一次食添寶d手撕雞，本來覺得果個麻辣手撕雞幾好食，就咁叫盒手撕雞係冇問題，點知果日係屋企叫外賣整個麻辣手撕雞飯爽下，有意外既收獲；真心唔明，一打開個飯，見到既係麻辣既汁，係淋係飯度，試下舊雞，原味既，真係唔知果班工作人員係玩野定攪笑，麻辣手撕雞飯竟然係麻辣既飯，原味既雞，重要幾盒都係咁，真係都唔知咩員工咩質素，定還是係公司教，咁真係叫管理層驗下腦，難食到不得了，同令人攪笑既配搭結果食都唔洗食倒Q左佢

今次推介街市中的手撕雞檔添寶🐓， 我已經食咗好幾次KA LA，好在次次都keep到個水準，所以要同大家介紹一下。手撕雞有唔同嘅味道選擇，麻辣呀，原味呀，胡麻醬咁，而我就揀咗皇牌嘅胡麻醬味 ，勁香又惹味，同埋佢啲鷄絲滑溜 ，而家會有少少雞皮，一啖落口有兩種質感😋而且佢啲海蜇好爽脆，佢地既凍櫃有好多款唔同既冷盤小食，可以次次都試到唔同既，真心推介🤤最緊要就係佢地既店員全部都好NICE，又會做埋介紹👍👍

其實己經食過呢間好幾次喇，次次食都KEEP到水準，所以要寫下食評讚下先🤤我頭幾次都淨係叫手撕鷄，佢有幾款唔同味道選擇，我既至愛就係胡麻醬，勁香勁惹味😌今次我想推介既係佢地既手撕雞麵🐓簡左皇牌 手撕雞 可配多一款冷盤，我就簡左海蜇，爽脆食落好過癮而且佢微微辣更多惹味🍴😜打電話去叫定先仲要送多款青瓜俾你食TIM😊份量足夠，唔駛驚唔夠飽🤣同埋店員都好有禮貌，又會同你介紹啲野食，而家價錢合理，所以我都會繼續幫襯😊