添寶手撕雞 (銀湖天峰)

營業中

休息中

炎炎夏日有時都會唔想食熱野，所以試下麻醬手撕雞拉麵，這個是涼拌款式，店員先醬麵與麻醬拌勻，然後加手撕雞。手撕雞夾了青瓜絲，份量約有1/3個盒，我再加錢要埋牛肚，牛肚份量亦不少，牛肚入味及軟，雞肉就不是特別滑及有肉味，但整體味道不錯，在opanrice外賣自取40幾蚊，性價比都算高，值得再encore。

之前食過呢間嘅涼拌小食都唔好食，不過今日想試吓佢特價嘅燒賣魚蛋， $22套餐已經有四條腸粉 五粒燒賣五粒魚蛋幾抵食因為心血來潮好想食腸粉！好耐冇食過懷舊腸，魚蛋同燒賣質素普通，魚蛋係粉嘅感覺，但係都好合理腸粉彈力好味！醬汁正常唔會唔新鮮 但係辣椒醬就麻麻哋有啲古古怪怪涼拌小食有啲貴，而且睇落賣相同埋食過都覺得麻麻地就唔再試 $45（單併）$52（2-3款）$72（4-5款）$130（10款）呢度嘅手撕雞都麻麻哋吸引，感覺呢間嘢嘅做法比較鄉下特色之後發現原來呢度係有賣汕尾嘅特產，我食過馬膠丸好好味，而且係要純魚肉冇豬肉嗰種，呢度$65一包好似係一斤，下次可以試吓！不過比起普通魚蛋當然貴好多質素應該唔錯㗎$28酸辣粉底，就試吓啦，加$10要咗一個雞腎， $10再要多個涼拌嘅鵝肝 中國嗰種一打開個酸辣粉，嘩真係嚇親！係油浸㗎好驚嚇！雞腎同埋鵝肝嘅份量，正常發揮啦但係個粉就真係好嚇人，如果相對之下另一間$13有個面底酸辣粉就好啲 我諗以後嚟呢間買魚蛋燒賣就可以 其他嘢就不要了

手撕雞餐冇手撕雞見到有手撕雞餐寫住飯或麵可以轉海蜇，所以同店員講想轉海蜇，外賣拎到返屋企發現完全冇手撕雞。叫手撕雞餐冇手撕雞。完全係呃錢，千祈唔好再幫襯。味道都好難食。海蜇得少少，跟住粉皮就一大堆，但完全冇雞。未試過食咁差嘅手撕雞。

平時食開台式辣牛展飯，有時啲牛展多到食哂啲飯都仲有好多牛展未食哂，有時啲肉又少又細塊，啲飯仲要占左三分二嘅盒，多到想嘔。叫過十次以上嘅外賣自取，有两次唔知點解系用細嘅飯盒去裝比我，個两次真系完全唔够飽。希望啲啊姨可以統一返啲分量

第一次幫襯覺得幾好食, 烏溪沙附近冇海蜇燻蹄買。 但第二次同樣叫海蜇燻蹄, 份量少好多； 幾十蚊, 好似冇乜嘢落肚...心裏有些不是味兒...質量同樣重要, 希望有所改善！

平時有時經過都會覺得呢間幾吸引，但係一直都冇咩機會食！因為屋企人唔係幾識呢啲今日有朋友都想食呢類食物，所以就買一啲當開party咁樣食..一買就買好多，因為冇諗過佢質素咁差其實呢間價錢唔係特別平，但係佢質素就好似下欄嘢牛展拼牛肺，平時冇乜機會食，特別係牛費！所以俾咗一罐嘅份量佢！牛展就不嬲都好味嘅，但係覺得佢啲調味整體都好差！同埋好多食物嘅質素都好似唔新鮮咁，係豬耳好少少🤏 鵝肝完全唔掂！超級粉，嗰種粉係擺咗好耐好唔新鮮賣唔去嗰種質素極為呃錢生腸不過不失不過我覺得佢整體撈油都太多！調味古怪，個牛肺都幾甜彈牙嘅，口感唔錯，但係調味非常古怪正常質素，合格之讚～其他嘢就唔講咁多啦！結論就係下次唔想再試同埋個阿姐都有啲古怪，特登收起啲靚嘅唔夾比我地😅😅😅

第一次買海蜇燻蹄同樣都係55蚊。頭一次幫襯畀好多，第二次叫, 只得八塊燻蹄，明顯少咗之後，去鋪頭問返店舖職員，佢話只會畀盒既三分一，每次我要自己check，主動提出各一半！點解責任係顧客身上。我不打算再光顧了。失望！☹☹

好耐無食過街頭小食啦，原來依家街頭文化已經唔再係咖哩魚旦，雞蛋仔咁簡單😂😂。呢間添寶手撕雞原來有好多間分店，食物選擇都好多，有好多係涼拌小食，有辣有唔辣，亦有D係飽肚既飯或者撈麵😋😋。價錢仲好抵添，招牌手撕雞飯/撈麵都係 $35。今日就試下手撕雞撈麵，再加左$8 配生腸😃。手撕雞一絲絲既撈埋配左辣汁既麵，味道好香口，雞絲唔嚡，口感唔錯😋😋。生腸真係好耐無食過啦，自己好鍾意食爽口既野食，呢個生腸都爽脆既。真係大件夾抵食，唔怪之得開左咁多間分店😚。

呢間手撕雞有好多口味，胡麻醬、麻辣醬、豉油皇、芝士醬、咖哩汁，仲可以配撈麵或或飯，但係依間鋪雖然叫手撕雞，除咗手撕雞仲有好多唔同嘅嘢選擇，如果唔要手撕雞可以改做海蜇或者墨魚，另外仲有台式滷牛肉、滷牛𦟌、台式鹽水鴨、口水雞、花雕醉雞湯麵、客家鹹雞、鹽焗雞翼、鹽焗雞腳等等，款式多到講唔晒，手撕雞平時就食得多啦，今次我就買左頭抽墨魚同生腸返屋企加餸，墨魚同生腸都好爽口，而且味道亦都十分好，下次可以再買，我好欣賞啲姐姐會帶頭套，口罩，手套，因為比較衛生

突然間想食辣，但又懶得出九龍，望下OpenRice見到呢間添寶手撕雞係屋企附近外賣自取仲有9⃣️折，梗係嗌黎試下先份餐牌超多選擇😍😍都唔知揀乜好淨手撕雞就有好多口味，芝士好似都好好味除左雞之外，仲有多款麻辣小食🥰最後揀左麻辣手撕雞，原本以為係涼菜，拎到手上竟然熱辣辣！手撕雞嘅份量好慷慨，麻辣陣味好香，唔好見佢咁多辣椒碎，其實唔會話好辣，下面嘅腸粉超多條，底下仲有麻辣汁，雞肉唔鞋都幾滑，可惜嘅係腸粉就冇乜味，要自己落番啲豉油、以下午茶黎講，呢個價錢絕對物超所值

今天去烏溪沙的「添寶手撕雞」店(在銀湖天峰街市的門口)，訂了一個胡麻醬手撕雞，套餐非常豐富！配埋冷麵與海蜇，口感濃而不膩丶吃後非常飽肚，絕對物超所值！手撕雞亦有其他口味可供選擇，例如黑松露丶芝士醬丶麻辣醬等，叫定兩三份，更方便一家大細或小型聚會品嘗。老板及夥記十分友善，會主動向客人推薦新的餐欲配搭。大家萬勿錯過！