添記麵皇 (已搬遷) 新店位置

2.4.09係門口見到佢包既餃, 個樣好似幾OK又寫係冇味精, 正宗豬骨湯咁就入左去食喇坐低, 好似唔多對路喎....款色少, 改魚湯又加錢, 一碗都要$26但又冇乜好揀, 飲品都最少加$5一杯...都係奶茶個類, 貴左D喎最後揀左個韮王水餃米線啦等呀等, 都幾耐先有得食見後面既師奶食到好開心咁, 等我仲有少少期待點知黎到先只係好普通個湯食唔出咩正宗豬骨湯既味-.-而且入面加左D生既洋蔥入去.....個味好怪D米線好硬, 好似煮得唔夠林, 但明明等左好耐喎??到D水餃, D皮都算幾薄既D餡都幾多韮王呀....不過冇乜肉味同埋唔知點解好散咁, 雖然有5粒但冇乜吸引食完就返屋企繼續開夜車了

以下有一單懷疑誤導客人的案件，希望各位市民可以提供資料。週日，有一名貌美如瓜的中國藉女子以及其男友，因為突然收到freshness burger 結業的消息，加上看見此店門外大大隻字以「無味精湯底」作招徠，於是決定一試。甫坐下，由於該名中國藉女子啫辣的關係，一到可以轉「東南亞酸辣湯底」，即時雙眼發青光，雖然要加三個大洋，都一於照叫個酸辣花枝片米線；其男友則要了個唔使加錢的豬骨湯底鯪魚球米線。此店的上菜速度甚慢；等到花兒幾乎謝了之前，女事主的酸辣花枝片米線方送到。一喝湯，的確有點冬蔭功的神韻，但太酸了點，而且一點也不辣；鮮味也太假，完全沒有蝦鮮可言。當時，事主已對「無味精」這一點有所懷疑，幸好花枝片和米線尚算夠新鮮爽口，還算吃得下去，也暫且不多作追究但男事主的豬骨湯底鯪魚球米線送上時，侍應加了一句：「試下啦，無味精的」；聽罷，女事主心感不妙：吓？點解我果碗送黎果時冇人同我講既？WHY? 唔通我果碗係有味精？望望餐牌那句「健康最重要 正宗日式豬骨湯 絕不含味精」，吓？唔係只得豬骨湯先係「無味精」呀吓！後來女事主報稱，結賬離去後，開始感到喉乾舌燥感覺襲來，就算立即吞了一個雪糕球下肚仍無幫助