影片
今次又係去食兩餸飯，冇計，因為窮。添飯餸又係兩餸$34 ，今次比上次新開張嗰時候少人咗啲，所以好快1:00排隊就輪到咗我。見到都係因為店舖面積比較細，所以餸菜選擇相對比較少，同上次種類差唔多，可能食埋今次就轉其他兩餸飯。先講吓，今次我食咗啲乜嘢餸，我食咗牛仔骨同埋冬菇蒸雞。牛仔骨佢嘅煮法唔算太過入味，但係肉質比較腍，可能落咗好多鬆肉粉，但係牛仔骨嚟講肉鬆先可以咬得入，所以可以體諒佢落咗肉鬆粉來嚟整腍啲，但係會令到味道反而冇咁好。至於冬菇蒸雞不過不失，阿姐都俾咗好多肉俾我。$34算係咁。👍🏿👍🏿總括而言，佢嘅缺點就係餸菜款式太過少同埋經常相同，所以想選擇比較多嘅朋友可以選擇其他兩餸飯店舖，但係添餸飯算係不過不失。
繼續閱讀
以上資料只供參考, 請與餐廳確認詳情