清心齋 (已結業)

東大街出名多嘢食，而我就好中意這間家庭式的素食餐廳，裝修有點舊，同時好乾淨企理，侍應好有禮貌，亦好體貼客人需要，例如經當斟茶。午飯時間有兩種set lunch, 叫餸的$42連湯連餸，又或碟頭飯、炒粉麵$45，一樣包湯，無味精，味道剛好不太濃亦不个淡。不用加一，仲有免費茶水。好抵，一般食客亦不會坐太耐，即使係勞動力的顧客亦比較安靜斯文。餐廳細細間，都坐得舒服，有卡位有四方枱亦有圚枱。Set lunch都係即叫即炒，好快手亦好新鮮滾熱辣。😋😋飯好大碗，可以叫少飯，咪嘥嘢😊😊

今天來筲箕灣買東西，順道食埋午餐至走，揀了來清心齋用膳。這裡的一人午餐不錯，包埋湯及飯，選了A 餐 - 雜菌鮮竹炆豆腐，內有少量蔬菜，入味多料。飯大大碗，要叫少飯才吃得完。湯很夠火候，整體而言，非常不錯吖

今日唔係初一十五,但有時食素可以洗條心靈,將煩悶嘅情緒掃走。素菜款色眾多,但我2人都只係可叫兩款,因份量都幾多,好抵食。叫左一款小菜套餐:湯+喇沙粉絲五蔬+白飯一碗 ($60)湯好清甜,冇油膩感 呢一款要多一碗白飯都唔夠呀!因為嗰個汁真係好惹味呀!葡汁加好重嘅椰汁,撈埋啲白飯食,嘩真係不得了。 五蔬如茄子、蕃茄、薯仔、蜜糖豆和雲耳好入味。 欖角蜜汁香叉燒$62雖然佢係用咗假肉,但係個味道調得不錯㗎! 我之前食過佢有埋炸淮山, 不過細問下,原來已經冇咗呢一款菜式。食素後成個人平靜左,開心番唒。

今日媽咪生日, 她通常這些特別日子, 都係會食齋的, 因為我地好少食齋, 所以由媽咪自己去揀餐廳, 今次她揀了這間清心齋. 位置算地鐵附近, 都方便易找的.今次食飯, 我們有6個人, 加上事前己訂桌, 所以坐上層. 環境尚算乾淨, 都算坐得舒服.店員介紹我地食套餐, 但不是每碟都啱口味, 所以我地改散叫.我們最後點了, 藥膳湯, 齋卥味, 椒鹽雞腿菇, 家鄉蓮藕餅, 菠蘿咕嚕猴頭菇扒, 怡香茄子煲. 呢個係藥膳湯, 聽個名, 以為係藥材湯, 其實係是日例湯, 今次呢個係老黃瓜湯, 味道不錯, 應該無加味精.齋卥味佢地有分大細size, 大就咩都有D, 我地覺得唔太好食, 所以最後好浪費咁, 食剩大半碟.呢味係椒鹽雞腿菇, 呢碟真係值得叫, 好好食, 可能係椒鹽關係掛, 好香口野味, 最快清左既一碟, 裡面有雞腿菇, 仲有秀珍菇. 不過係炸, 所以都幾多油.家鄉蓮藕餅, 同出面食開唔同, 出面食係硬身乾身一D, 但佢就係打蓉左, 再炸, 佢係軟身, 似酒樓炸鮮奶口感, 小朋友, 老人家食就幾啱.菠蘿咕嚕猴頭菇扒, 賣相同味道, 跟菠蘿咕嚕肉都好似, 幾開胃, 幾好食.原先我地唔係叫呢個,

已經連續好幾個星期六和姐姐在八雲吃午餐，這個星期想轉一下口味。幾次路過清心齋，都給它門外的小菜照片所吸引，今天就藉機試一下。店員都很熱情，我們站在門外看一下照片，已經馬上出來請我們內進。別單看進去就以為客人少，其實它有兩層，很多客人都喜歡到樓上去。「自選二人套餐」牌上寫著適用於星期一至五，今天雖然是星期六，但店員說也有供應。金湯海皇素翅：我想是南瓜湯底。材料不少，湯濃但不會太糊，味道偏淡，很好喝。南乳家鄉齋煲：南乳帶一丁點酒味，有很多Erumesu愛吃的雲耳，讃！燒汁野雜菌金錢片：菇菌是先上薄粉走油後再上燒汁，有像吃燒汁炸肉的感覺，不太吃齋的人也很容易接受；但吃罷令人有點口渴。家鄉蓮藕餅：原以為會是一片蓮藕釀些了甚麼，但這裡的蓮藕餅是弄碎的，當中偶爾會吃到爽脆的蓮藕粒。其實感覺像吃芋頭魚；外脆內軟，沾著喼汁吃更好味。齋滷味：窗前放著各式各樣一盤盤的齋滷味很吸引，姐姐按捺不住點了幾款合併一碟，才三十圓，每款都各具特色的好味道。我和姐姐都吃得飽飽的，除了湯和齋煲，其他都剩了一點。店員主動過來問然後幫我們包好方便拿走。我和姐姐都同樣想著，這麼好味道，下次要帶媽媽來嘗嘗啊。

今日同大伯和姑婆到了這店食LUNCH,因為姑婆行動不便最攪野係姑婆的工人唔肯食素先回了家,真霸氣我本身唔係咁CONFIRM這餐廳是否我食的那間,但看到其他的食評的台和茶壺,相信無錯了價錢真係幾平,LUNCH仲有碟頭飯,3X蚊小菜都好平南乳X煲略為淡了一點,不夠醬紅燒素翅一大鍋68蚊口感十足,很多竹笙,味道不太咸,份量十足推介芝士雜菌炒蛋芝士味咸咸地,幾香口,加上點點的蛋味,十分惹味,雖不夠滑,但無損味道4樣野加埋再加3個白飯,都係2百頭,抵食喔

東大街今晚好多人，終於搵到間冇咁多人的齋舖，其實呢個位原本也是齋舖，是較平宜的齋舖，都也不差。新開的這問齋舖，重新裝修，光鮮！店員也很落力！不過價錢好似貴左好多！都有幾多的新派的齋菜，峰巢黑松露牛肝菌，峰巢不脆，沒有黑松露味，但係牛肝菌很新鮮，炒得很好！芋頭魚炸得很香口，送飯一流。竹笙雜菌湯麵很多菌，一般水準！可能今晚是母親節食左二百元，大時大節都算係咁了！