清潭韓國餐廳

營業中

休息中

石鍋拌飯賣相：🐧🐧🐧🐧🐧味道：🐧🐧🐧🐧🐧拌飯連石鍋熱騰騰送上，內含多款色彩繽紛的配菜，有牛肉、紅蘿蔔、豆芽菜、菠菜等，還有原隻新鮮雞蛋，非常足料抵食。用附上的大鐵羹把配料、飯和韓式辣醬攪拌勻均，食落口感豐盈，焦脆的飯焦令整體更有嚼感，味道香辣又惹味，令人食不停口。海鮮豆腐湯❣️附有白飯一碗賣相：🐧🐧🐧🐧🐧味道：🐧🐧🐧🐧🐧湯底微辣鹹香，盡得海鮮的甘甜滋味，無味精不死鹹，原鍋飲用也不渴喉，伴飯一流。湯內附有極多嫩滑豆腐，吸納了湯底的精華，鮮甜又充滿豆香。另有極新鮮的青口、魷魚、蝦仔等等，滋味滿分。🐧❣️餐廳會提供免費茶水，玄米茶清新又解膩，十分不錯。另外有售賣的梨汁和桃汁都採用韓國牌子，新鮮爽甜兼有粒粒果肉，不妨一試❣️🐧❣️餐前會附贈8 款地道韓式小菜，辛香又開胃。🐧❣️餐後贈送兩粒甜美的一口朱古力雪米滋❣️環境：🐧🐧🐧🐧🐧餐廳設計簡約時尚，座位以卡位為主，空間私隱度足，裝橫寬闊又舒適。餐廳設有室外座，客人可邊欣賞開揚城景，邊感受清涼自然風用膳，感覺悠閒又寫意。🐧❤️結語：石鍋拌飯份量足味道棒，誠意推薦。

平時港女聚會 唔知點解好多時都會揀咗西餐有時都好想轉下口味 同男朋友一齊時就可以自由選擇喇😆呢日我哋就揀咗去一間正宗嘅韓國菜餐廳全部店員都係韓國人 幾位店員都非常熱情有禮入座即介紹地道美食 又不時過嚟睇下我哋有冇咩需要又主動幫我哋影合照 最後仲請埋我哋食甜品雪米糍呢啲服務會唔會太好喇🥹餐廳環境闊落 坐得都幾舒服仲設有户外用餐區 可以邊食美食邊欣賞美景 一坐低 店員已經奉上熱嘅麥茶俾我哋享用******************************🥢8款前菜估唔到前菜竟然有成8️⃣款咁多❣️而且款款好食 仲可以無限添加有泡菜、菠菜、大豆芽、茄子 、炒粉絲、魚糕、甜薯 同魚乾 當中最鐘意嘅係魚糕 味道甜甜辣辣咁好開胃🥰 韓式粉絲口感煙韌又充滿麻油香味 甜薯都幾有驚喜 集甜、酸、辣多重口味於一身 🍕泡菜煎餅 ($160)煎餅煎得非常香脆 鮮橙色色調鮮明奪目裡面嘅泡菜亦非常多 保留到濕潤感 唔會太乾身而且煎餅表面唔算太多油 🥘海鮮豆腐湯 ($130)上枱時仲係滾熱辣 出晒煙㗎❣️食落係預期中嘅辣度 唔算好辣 味道啱啱好湯非常足料 有好多海鮮 包括青口、蝦同魷魚重點係有大量嘅滑豆腐 超嫩滑又有豆味 大

✅ The menu offers a wide variety of delicious and mouthwatering Korean food. Impressive range of dishes and drinks ✅ braised short ribs is stunning too. Same as the one we had in Korea ✅ Spacious restaurant✅ One of the good Korean restaurants at reasonable price in Hong Kong✅ Can’t wait to return again

今日冇乜胃口😅食韓國菜就最啱啦酸酸辣辣好開謂最開心有八小碟泡菜小食可以不停任添💜選擇多多又正宗🥢最推介泡菜同菠菜調味適中好開胃🙆🏽‍♀️海鮮豆腐湯$130🥘飲湯最緊要夠滾夠熱👍🏻上枱仲不停出緊煙 微辣加上海鮮嘅鮮味做湯飯一流🙆🏽‍♀️明太魚片拌麵$170🍜🐠用上韓國粉絲煙煙韌韌配上酸辣醬汁蘿蔔口感一流👍🏻🙆🏽‍♀️泡菜煎餅$160🥙煎得香脆而不油膩🙈辣辣地粉漿厚度適中配爽口泡菜非常夾🥢食到停唔到口😋最後仲送兩個朱古力雪糕糯米糍🍫🍦大滿足😋👫人均消費$250👫

轉左番尖沙咀一個月已經嚟食左五次lunchlunch set選擇成三十款 真係成日食都唔會厭味道好正宗 店員大部分都係韓國阿珠媽 客人都好多韓國人 成個feel就好似去左韓國咁前菜八小碟 食完係可以refill嘅次次嚟都有唔同款嘅前菜燉牛排骨真係燉得好腍好入味 醬汁鹹鹹甜甜咁牛排骨連住少少筋位燉到起晒膠質 入面仲有蘿蔔 索晒啲汁好正人蔘雞湯其實唔係好食得出蔘味 個湯淡淡地但幾鮮成隻雞煮到好腍 入面釀左糯米飯都煮得好綿海鮮煎餅煎到好香脆 粉漿薄薄地包住大量蔥同海鮮 食晒都唔怕好飽好膩

廣東道附近發現呢間樓上餐廳食韓國料理，由韓國人主理，真正食到正宗韓國地道菜，餐廳裝潢雅致，店內主要都係卡位，坐得好舒適。🔺前菜點餐過後店員隨即遞上多款前菜，包括泡菜、蜜糖薯仔、醬漬茄子、大荳芽、涼拌菠菜、魚糕、韓式粉絲同卷蛋，真係非常之豐富！🔺泡菜煎餅煎得好酥脆，夾住大量新鮮泡菜，口感豐富，味道酸酸辣辣，惹味又醒胃🔺石鍋拌飯上枱時熱辣辣，石鍋燒得好熱，入面有各種野菜同牛肉，色彩繽紛，用韓式辣醬將全部食材拌勻後就可以食，石鍋夠熱到鍋底有飯焦，香脆惹味🔺人蔘雞湯石鍋同樣燒到熱辣辣，份量足夠二人食，隻雞入面釀咗糯米、紅棗、人蔘，雞肉煮到好軟嫩，入口即化，重點係湯頭香醇濃郁，飲到淡淡人蔘味，個人好喜歡！而且個石鍋都好保暖，食到最尾都保持到溫度

呢間樓上韓國菜雖然價錢唔平，但係我覺得質素唔錯今次已經係第二次嚟呢度食午餐,前菜份量好足，有六款，而且全部都可以添加今次最值得一提同埋覺得最好味嘅就係野菜家庭套餐入面嘅煎魚，睇個樣冇咩特別，亦都唔知係咩魚，但係一食落去嗰種質地完全係我未食過嘅魚肉，好嫩滑而且好彈牙，啖啖肉，冇細骨，一啲都唔腥，非常之好食！！！但係覺得個餐就真係唔平要160蚊，另外配咗一碟韓式野菜，全部都係平時比較少見到同食到嘅種類

呢間野比我一種感覺係好「亂」，哈哈，唔好誤會我覺得佢好差，應該係「亂」得嚟又幾搞笑。入到去有幾個明顯冇乜做飲食生意經驗嘅韓國人忙住招呼人，走來走去團團轉，起菜但係D柯打又亂晒籠，say sorry ，一輪韓文鬧嚟鬧去之後，😂又再等好耐廚房都出錯野，出D前菜之後又等好耐先見主食。仲有一個露台仔方便食煙人士，或者想呼吸下新鮮空氣嘅，驚喜特色！前菜有8小碟，食晏嚟講係好有心，價錢非常合理，人蔘雞好正，各類麵食，石鍋飯都有，食住晏又有免費「韓劇」睇，我反而覺得好得意，成套「人生如戲」做比我睇😝😝！

終於都忙完手頭上嘅工作😮‍💨所以今晚就約咗BFF食生日飯，佢揀咗尖沙咀韓國人主理「清潭韓國餐廳」，結果不似預期😓人頭$500位，食物質素同價錢唔成正比。。。前菜七碟泡菜、茄子、魚餅、豆芽、西洋菜、薯仔、魷魚絲茄子最好食，辣辣地又腍又入味泡菜味道不太適合個人口味，得個酸字魚餅口感比較煙靭薯仔唔夠入味其餘普普通通豬肉包菜餐牌圖片同實物不太相乎，明明見到餐牌份量好多，但上枱就只有兩行五花腩，份量都係其次，肉質比較乾身，冇乜味道，要點辣醬加泡菜黎食海鮮煎餅❌❌❌本來海鮮煎餅係做得不錯，有大量魷魚同葱，入口外脆內軟，但係我食食吓嘅時候居然食到一條好尖嘅膠條喺入面，吐返出黎都未黎得切影相，侍應已經立即收走條膠條同埋取消咗個海鮮煎餅，其實真係好危險，食咗落口真係會吉穿喉嚨❌❌❌明太魚片拌麵醬汁味道奇怪，有少少酸辣味同酒味，只食到一條魚片其餘都係蘿蔔條辣炒魷魚取消咗海鮮煎餅，我哋就換咗辣炒魷魚，呢碟最好食，魷魚爽口彈牙煙靭配上洋蔥同甜辣醬汁撈麵好夾，但係餐牌上張相好似唔係咁樣。。。📍清潭韓國餐廳 (尖沙咀)尖沙咀廣東道116-120號海威商業中心4樓人均消費：$500食物：⭐️⭐️環境：⭐️⭐️⭐️⭐️回頭率：⭐️

呢間韓國菜開咗冇幾耐，今次過嚟試下午餐冇叫到午餐套餐，反而散叫首先前菜已經有好多款，而且份量好足，樣樣都好好味，大部分都係蔬菜類，泡菜可以無限添加，我哋加咗一次散叫方便叫咗一個泡菜餅，正常發揮，唔算好特別牛肉火鍋入面有牛腩，亦都有牛胸肉，同埋娃娃菜，個牛肉湯超濃，好好味，不過就係有啲油再叫咗一個豬手，份量當然係好大份啦，炆得軟淋，要加埋蒜頭同埋麵豉醬一齊食先至係最好食再叫咗一個齋嘅拌飯，其實入面啲料就即係佢前菜嗰啲料，但係加咗辣椒醬之後都係好味嘅服務亦都好好，叫到一枱都係大概1200蚊六個人食，絕對有下次

今次去左新開既韓國餐廳同Foodie們聚舊，叫左個「辣牛肉及八爪魚鍋」惹味又好食，即場剪八爪魚落鍋，食落口好新鮮，即刻諗起即食生八爪魚😁但「牛肉他他」就差啲，無乜牛肉味同麻油香味，牛肉亦都切得太粗，可能依個唔係佢地招牌菜整體環境幾好，店員係韓國人，而且在坐都好多韓國客人，氣氛甚好，我會再黎既👍🏻

一直係韓粉嘅我～見到新開嘅韓國餐廳，所以去潮聖一下，內面嘅裝修非常靚⋯⋯餐牌菜式雖然不多，但也非常有韓國風格～首先有七燒碟嘅泡菜～非常精美🤩🤩我們點了兩個歺～1） 泡菜豆腐湯 （味道正常）2） 燉牛肉（非常推薦😍😍）

尖沙咀新開呢間【清潭韓國餐廳】好吸引我～因為係韓國人主理，以及食客都係韓國人🇰🇷好有氣氛！我哋兩個人點咗3樣食物，已經好飽，食物都好有驚喜🥰我非常喜歡呢間嘅前菜8小碟，除咗泡菜芽菜等，仲有粉絲、茄子🍆、炸青椒、小魚乾，韓國x香港口味混合，估唔到好食！仲可以添食😍🔸牛肉湯飯（雪濃湯）$150呢款裡面係無飯架，反而係有麵條，店員話呢款係雪濃湯，所以要飲湯～味道剛剛好，不會太鹹，好有鮮甜味道👅有少少麵條有飽肚感！牛肉係牛展，係湯入面軟化晒，好易入口！🔸海鮮豆腐湯 $130呢款有少少辣，唔會太辣，適合返香港人口味！裡面有好多滑豆腐，海鮮有青口、魷魚、蝦etc…所以個湯好鮮甜，飲晒都得！🔸海鮮煎餅 $180呢個好有驚喜，因為真材實料，裡面用咗好多韭菜做底，只係混合少少粉去固定！配合個醬汁令個煎餅昇華，必食😋另外仲有韓國最出名嘅醬油蟹及燒肉可以食，食物種類都好多，可以同一班朋友嚟聚餐，感受下韓國風！

Weekend同朋友去尖沙嘴一間韓國菜食晚餐，聽講餐廳係韓國人主理，菜式味道好正宗，令人好期待😚 我地兩個人叫咗一份燒肉同主食，本身仲想加菜但點知份量非常足料，食到非常飽好滿足😆-醃牛肋骨店員主推一定要試試佢哋嘅牛肋骨，所選一於叫一份試試～牛肋骨份量好足有兩大條，肉質睇落好新鮮，店員仲好nice幫我哋燒埋添～ 食落真係好高質，咬落肉汁十足又厚肉，配埋泡菜一齊食真係perfect match😋-炸醬麵炸醬麵份量都係好大，醬汁好惹味但一啲都唔會太鹹，裡面配料有雜菜同肉粒，記得一定要趁麵熱辣辣嘅時候同醬料攪拌好呀👍🏻

座位都寬敞，坐得舒服叫咗幾款嘢食，味道同平時香港食嘅韓國菜會有啲唔同，佢會偏酸少少我哋叫咗醬油蟹紫菜飯$270，呢份整到飯團波波咁，有六粒好可愛好得意，上面佈滿韓式紫菜另外隻醬油蟹都好大隻仲有叫咗海鮮豆腐湯$130，呢個好食幾鍾意，係平時食開韓式海鮮豆腐湯嘅味道，好惹味好好送飯，不過都有少少辣泡菜煎餅$160，呢個煎餅都係偏酸少少，如果你鍾意泡菜嘅酸酸地嘅味，應該會幾鍾意另外，佢仲送咗啲韓式醃製菜俾我哋，不過呢個泡菜就有好多唔同嘅菜種類，可以食到好多款唔同嘅菜，酸酸地幾開胃