清真牛肉館 (打鼓嶺道)

營業中

休息中

最鍾意食呢度嘅牛肉餅😍，嚟到一定要食。牛肉餅即叫即煎，熱辣辣，食嘅時候要小心熱湯汁會辣到個咀！牛肉餡好juicy，夾嘅時候可能會漏汁！咖喱雞嘅咖喱味好濃，有少少辣。😙糖醋蝦球味道酸酸甜甜，蝦球彈牙。🤩店員同我地講冇哂甜品，將甜品改為飲品。因為朋友生日，我地一早訂咗蛋糕同佢切，但原來餐廳唔俾切蛋糕🧐，可能個原因係餐廳比較繁忙啦！不過餐廳可以幫手雪住個蛋糕。咁我地唯有要留少少肚再去附近糖水舖食糖水 + 切蛋糕啦。😌

✨牛肉餅即叫即煎 熱辣辣 牛肉餅 皮厚薄適中 香脆肉餡 鮮味 多汁 調味適中食時記得小心熱同爆汁✨咖喱牛腩飯咖喱 香濃 帶少少辣勁牛腩 份量唔少 肉質軟腍薯仔夠腍 飯偏軟身✨咖喱角 咖喱角 熱辣辣 新鮮炸起炸得香脆 唔會好油膩餡料豐富 咖喱味濃 放左一陣先食 仍然好熱 ✨豆漿豆漿唔算大杯 豆味唔算好濃 但唔太甜食物唔錯環境正常 地方算大 但擺枱較迫 幸運坐到二人枱 唔駛搭枱 相對較好服務正常 茶記服務 餐廳不停人來人往 人手有點不足要搵個人都有啲難 價錢合理 可以一試

位於宋王臺站，出站後步行3分鐘，位於九龍城打鼓嶺道，「清真牛肉館」，平日午市時段非常多人，全場爆滿要等位，等大約10分鐘左右，座位都闊落 ，唔算太迫，不過環境好嘈，侍應快手，但廚房好多甩漏。 咖哩牛腩飯；牛腩入味，咖哩唔算太辣，好香咖喱味，真係非常出色。 牛肉餅 ；熱辣辣，不過皮厚薄不平均 有點失色。回鍋肉；78蚊好細碟，唔值呢個價。牛腩湯粉絲，湯好飲，不過好少料很多湯。上碟真係好求其睇相就知。 埋單二百幾蚊，唔貴嘅，都值得可以再去。

🤩 九龙城｜清真牛肉馆 #丁丁香港探店 180HKD地址：九龍城打鼓嶺道33-35號地舖这家店现在也很火了跑完马之后去吃排队等了半个小时味道确实很棒！-「牛肉饼」真的很好吃！汤汁鲜美肉也很扎实不过吃多了还是会腻一个就够了「咖喱羊腩」「咖喱牛腩」咖喱也很好吃！我更爱羊肉味儿拌饭一绝「羊肉小笼包」这个也很有名但是我感觉味道只是及格汤汁不够多

九龍城除左泰國菜出名仲有好多特式菜今次試左呢間清真牛肉館下午5點幾入去到已經滿得7788.✿牛肉餅($44/2pcs)即叫即煎．預左要等10-15分鐘餅皮夠薄身．煎到兩邊金黃色好香脆牛肉餅輕輕咬一小口．就見到裡面爆哂汁要好小心食．唔係會被湯汁辣親牛肉餡好香而且好juicy呢個牛肉餅個口感同味道真係無可挑剔✿咖哩羊腩飯($59)咖哩味幾香濃羊肉有3-4舊但因為羊肉有D騷我食唔慣所以無食朋友話羊肉肉質唔會好實有咬感仲好香羊味✿賽螃蟹($78)拌勻蛋黃加少少醋食落真係似蟹肉口感滑嫩．個味好鮮甜被我稱為雞蛋既華麗轉身整體而言個牛肉餅好得🤤之後上網搵番原來好幾間清真菜館都敵唔過疫情/加租只有呢間屹立不倒

😍🤩自從屯馬綫開通左之後，我大概一個月都會嚟一兩次九龍城～除咗食泰國嘢之外，今次我都係慕名而來食呢一間清真牛肉館～聽人講話佢哋嘅牛肉餅係超級好食😋😍結果真係好好食呀，超級爆汁，點埋辣椒醬仲更加惹味，牛肉都好大舊，絕對一啲都唔孤寒，唔怪得知係佢哋嘅招牌啦🥰😍😘🤩仲有呢個炸羊肉，食落去有淡淡的羶味，鍾意食羶嘅人應該對呢個好滿意，佢嘅炸漿夠哂薄身，所以食落口嘅感覺就係啖啖肉😋😋😋😘

去到九龍城，除左泰國菜，我就成日聽清真牛肉館呢個名，佢地最出名嘅牛肉餅好似話日賣過千個，所以我次次去九龍城都幾乎會食。留意用係點心嘅肉餡應該係一樣嘅，所以如果叫左牛肉餅，我就唔建議食牛肉鍋貼，小籠包之類。————————————————🐮 清真牛肉餅, $44（4/5）牛肉餅係即叫即整嘅，大概係叫左之後要等五至十分鐘到。牛肉餅皮薄平均，一咬落去，肉汁好似食緊小籠包咁係口到爆出嚟。牛肉餡無筋，亦加入少少葱增加口感同香味。不過可能因為自己食嘢比較清，所以覺得調味稍重手。P.S.因為即叫即整同多汁，食嘅時候小心燙口同整污糟件衫。

黎清真牛肉館只係為左食牛肉餅🤤🤤然後叫埋其他野食真係覺得得牛肉餅值得黎試🤭～.牛肉餅 2件 $44個餅皮厚度岩岩好，煎到金黃色咁好香脆！！個牛肉餅一咬落去真係爆哂汁🤤超香牛肉味而且好juicy🕺🏻一上枱真係唔好咁心急食～唔係肯定人比啲湯汁辣親😂.咖喱牛腩粉絲湯（細）$50個份量真係一啖食哂😂～咖哩味真係幾香口我相信配飯會更加夾！不過份量太少扣好多分⋯性價比不高呢～.羊肉嗆湯麵 $53羊肉完全無怪味🧎🏻肉質厚實好好味～湯底帶有藥材既味道感覺好養生😂份量仲要超大碗🤙🏻.下次再encore都只係為左牛肉餅而黎😆

大約在3年幾前我就食過呢間清真牛肉餅，我重記得當時個陣一咬d汁就爆曬出黎，成件衫都係爆出黎的湯汁，真係又熱又多汁又好味。所以今次去開附近我就諗住買兩個外賣回味下，但係今次就失色了不少。1. 外面的皮唔夠脆，成個餅都係好煙韌。2. 個餅已經穿左d汁漏曬出黎。3. 不過味道都重好香牛味和好味，不過食個陣就麻煩d一路用個餅兜反d汁黎食。不過整體牛肉餅的質素都ok,不過可以唔洗特登去食，如果經過或者係附近得閒買黎食下都ok。

禮拜六中午同auntie黎呢度食lunch，12點鐘已經門庭若市，睇黎唔少人同我一樣都係睇左蔡瀾老先生嘅介紹慕名而來。等左大概45分鐘終於可以入座。鎮店之寶清真牛肉餅的確名不虛傳，皮脆餡靓，肉汁鮮甜，一個人食兩個都覺得唔夠喉。另外我哋食左鹵水牛展，賣相已經覺得失色，啲醬汁又提升唔到牛展嘅味道，所以有哋失望。咖喱羊肉飯不過不失，碟飯有小小硬而且唔熱。餐廳二人枱居多，四人以上週末來食嘅話等候時間就會再耐小小。網上見到其他人推薦嘅菜式今次無試到，下次再來食牛肉餅嘅時候會再試下。

九龍城必食➖清真牛肉館🤭九龍城出名食泰國菜 次次嚟親都係食泰國嘢生蝦金邊粉咁 但呢個牛肉餅真係一試難忘 所以要特別為佢出返個食評👅就算唔係餐廳入面食飯 次次經過都想買返兩件即食/打包返屋企 不過即食係正好多 夠新鮮同熱！🔥〰️清真牛肉餅 $40/2件呢個價錢真係唔算平 不過係值得食嘅 牛味好重😍香料方面 食到有少少茴香味道 唔會好重味精都唔會有牛羶味 食落去勁多汁 外皮煎得啱啱好 唔會太油 每次食都係同一水準👍🏻最近佢搬左去新鋪位 大家記得check清楚唔好白行一趟🤭➖➖➖➖➖➖➖➖📍清真牛肉館 (打鼓嶺道) (九龍城)九龍城打鼓嶺道33-35號地舖

各种朋友都推荐过这家，在小红书也看到不少广告，今天周日终于去试试了。下午一点多，高温预警35度的天气，外面居然很多人在排队，只好点了外卖再打车回家吃：牛肉饼，牛肉锅贴，咖喱羊腩，羊肉小笼包，香菜牛肉羹。其中羊肉小笼包的五香粉味比较重，不太习惯。别的几样都非常好吃，尤其牛肉饼的饼皮很香，里面有汁水，牛肉鲜嫩，满口留香。要小心别滴在身上，很容易弄脏衣服。牛肉锅贴也不错，羊腩留着配米饭太赞了。牛肉羹口味淡淡的，配着一堆很香的东西吃正合适。

嚟到九龍城就緊係要去最知名餐廳試下佢主打40蚊兩件嘅招牌名物「清真牛肉餅」啦！等左大概十分鐘先出現嘅牛肉餅、煎得香脆，包著惹味多汁的牛肉，都算係物有所值嘅，試下

第一次去九龍城但唔係食泰國野，試左呢間都幾多人讚既菜館，叫做清真牛肉館。叫左一份牛肉餃子，一份五香牛腩飯，同埋一份蝦仁炒飯。野食未算好特別，同普通食既差唔多，唔算太驚喜。

十年無去過九龍城，港鐵通車後跟仔仔參觀宋皇臺站，順路去九龍城尋回舊日的味道。醬牛肉凍食熱食都好味，湯好清，麵入不到味，不過麵身算彈牙牛肉餅是必食之選，$22一個，多肉汁沙薑雞肉滑，入味牛肚淋也入味醬牛肉和麵上的是一樣的有啫喱狀的牛肉偏淡牛舌好淡口，但可配醬油食咖哩好香，不辣的，推介