清真牛肉館 (打鼓嶺道)

營業中

休息中

已經係3點幾，仍然有人排隊堂食同外賣。最高人氣既牛肉餅，真係一咬就流晒肉汁，皮雖然唔係特別薄但係餡多，開頭覺得$22一件有啲貴，試過後再叫多一件。 咖喱羊腩就相對其他清真餐廳既咖喱差啲。 咖喱味道唔突出, 羊腩又無味，似係急凍貨。 最後上菜既係羊肉小籠包，仲以為同咖喱既羊腩口感差唔多。 原全係兩種口感，小籠包既羊肉好夠羊肉味而且夠膻。 雖然小籠包入面唔多汁，但又無蒸到硬晒， 咬落去係啖啖羊肉。 接受唔到太重羊味既應該食唔到依個餃子，因為真係好膻，最多都係食到兩隻。

平日after lunch去，吾多人吾需要排隊。我同事話牛肉餅應該要試下，其他食物佢試過麻麻地，司機都話食過咖哩牛腩飯，個咖哩汁麻麻地。我買左個牛肉餅，外賣，超多汁，大家食既時候真係要好小心，會整污糟件衫。牛肉無牛肉味，我吾覺得特別好食亦吾覺得特別吾好食。可以一試，甘平，不過比預期失望

這真叫人失望的，根本不是什麼新疆菜，內裡有四川，上海，雜亂無章，再加上端來的羊肉熱度也不夠，吃一會已凍，我就不會再光顧，希望大家不要中伏了，我還抱著希望去試，結果只是虛有其名。

等左好多地既屯馬線終於開通喇！真興奮！我地特別安排左一個土瓜灣美食團一日遊，第一站緊係唔小得喱間在土瓜灣區屹立60年既清真牛肉館啦！由於當日是屯馬線剛剛開通，成個九龍城都佈滿著海量既人群，清真牛肉館都唔例外，堂食起馬要等90分鐘，外賣都要等30分鐘起跳....由於我地時間有限，唯有叫外賣自取啦清真牛肉餅 $44兩塊牛肉餅外層好薄好脆，皮薄餡靚，一啖咬落去個牛肉餅d汁噴哂出來，牛肉味好香濃，帶一點點羶味，肉汁肥美，鮮嫩多汁，好正！完全明白點解佢可以紅足半個世紀，希望下次有機會試下佢其他食品價錢有少少貴，但哩個味道絕對值得一試，好難忘好好食😋餐廳入面唔算好大，同埋都幾逼...地下感覺油淰淰...老店的感覺，建議大家唔好揀d繁忙時間來試，會舒服好多，同埋果日爆哂單好混亂，我地原本叫果份牛肉餅居然比左第二個客，好彩佢地叫廚房即刻整番比我地，所以其實唔止等半個鐘🤣

第二次食 今次就寫個食評比佢喇！今日諗下食乜野出到黎旺角 最後諗起呢間野既牛肉餅 ，即刻渣車沖過去食！去到門口人山人海 等左十幾張枱 半個中到喇 因為佢地流量都幾快，見到門口多人都唔洗怕 等一陣就有 ！嘟個安心出行碼量個體溫 消毒埋隻手仔就入去了！今日就點左牛肉餅同山東燒雞 加咖喱食下牛肉餅黎到，唔洗講架喇 食過都知有幾好食，不過小心熱同爆汁，因為我奶過野 爆到成身都係汁，山東燒雞一般，冇我想像咁好食，咖喱好食！加埋燒餅一流！有下次

咖喱羊腩咖喱味超級香濃，牛腩亦都煮到好淋身。咖喱嘅濃汁香口唔會過咸，係每一次嚟到呢間舖頭都一定一定一定要食嘅嘢。牛肉餅係爆汁嘅選擇，但係真係要小心自己嘅嘴巴，因為真係好容易辣親。蔥油餅係超級酥脆嘅蔥油餅，即叫即整嘅關係係熱辣辣，佢哋嗰種鹹香嘅味道，係絕對唔需要點咖喱已經好好食，當然如果你想味道有層次啲你可以點少少咖喱。但係我自己個人推介就就咁食已經勁正。呢啲餐廳一定要糖食先至好食，試過買外賣返去就已經係另一回事

九龍城除左糯米糍同泰國嘢之外，呢間勁出名嘅回教餐廳牛肉餅都好好食😋所以點都要外賣一個食牛肉餅($22)🐮牛肉餅即叫即整，大約⏰5到10分鐘，一個熱辣辣嘅牛肉餅🐮就出現左係我手上了😆外層煎到好脆，咬開時候係熱到出煙💨，牛肉味濃同埋好juicy係足料之作，食嘅時候一定要小心入面啲湯汁，因為真係好辣口🥵，我就唔為意，已經辣親條利👅推薦？🟡🟡🟡🟡🟡就算唔入餐廳食，都應該要買一個外賣食，因為真係好好味😋

很久沒光臨清真牛肉館，聽說舊鋪賣了，現在只有新鋪，所以今次去左新鋪。新店比舊店大很多，跟以往一樣，很多人排隊。坐底即有店員問我食咩。。。。俾人望下個餐牌都得掛。。。。到我點餐個陣。。。店員好似好勁咁，態度又非常良好。。。。最後咪係寫漏單囉牛肉餅是必點的，但水準下降了，餡料是很美味很多汁，但皮不像以前美味。如果只是餡料好食就不用叫牛肉餅了，佢可以直接推出牛肉餡蔥油餅，普普通通清真炒年糕， 年糕很硬而且跟咖喱汁很不搭高力豆沙埋單205，價格合理，但服務態度很差。先後麻煩四位侍應，先拎到杯水。四位侍當時回應“得啦”，但係走左去吹水， 最後個個係因為發現我望實佢先俾水我。。。。。“水”果然係地球上珍貴既資源。。。。。。

全港最出名的清真餐廳，一直未來過，宜家趁宋王臺站開通，特登同朋友來試。不愧是名店，不接受電話預約，只可walk in，而且要人到齊才可進店，超過五個號碼要重新取號。徬晚六點幾到門口已有很多人排隊，等咗二十五分鐘終於落座。點了二人套餐，當中包括鎮店之寶牛肉餅。一咬落去勁多汁爆出來，皮好薄但可以鎖住汁，牛肉好足料，味道不錯。名不虛傳溫馨提示，小心燙口！咖喱牛腩粉絲湯：牛腩幾入味，咖喱味幾濃。麻油雞：雞肉幾嫩，但味道偏淡。下次可以試吓蔥油餅和餃子！

呢間係九龍城嘅回教餐廳最出名嘅就係牛肉餅。今次主要都係叫咗牛肉餅同一個甜品高力豆沙。 牛肉餅出名係有原因嘅。食落去牛肉味濃，一口咬落去勁多肉汁，食嘅時候要小心。除咗牛肉餅，原來甜品都好食，高力豆沙，食落去唔會太甜，而且咬落去十分鬆軟。

最鍾意食呢度嘅牛肉餅😍，嚟到一定要食。牛肉餅即叫即煎，熱辣辣，食嘅時候要小心熱湯汁會辣到個咀！牛肉餡好juicy，夾嘅時候可能會漏汁！咖喱雞嘅咖喱味好濃，有少少辣。😙糖醋蝦球味道酸酸甜甜，蝦球彈牙。🤩店員同我地講冇哂甜品，將甜品改為飲品。因為朋友生日，我地一早訂咗蛋糕同佢切，但原來餐廳唔俾切蛋糕🧐，可能個原因係餐廳比較繁忙啦！不過餐廳可以幫手雪住個蛋糕。咁我地唯有要留少少肚再去附近糖水舖食糖水 + 切蛋糕啦。😌

✨牛肉餅即叫即煎 熱辣辣 牛肉餅 皮厚薄適中 香脆肉餡 鮮味 多汁 調味適中食時記得小心熱同爆汁✨咖喱牛腩飯咖喱 香濃 帶少少辣勁牛腩 份量唔少 肉質軟腍薯仔夠腍 飯偏軟身✨咖喱角 咖喱角 熱辣辣 新鮮炸起炸得香脆 唔會好油膩餡料豐富 咖喱味濃 放左一陣先食 仍然好熱 ✨豆漿豆漿唔算大杯 豆味唔算好濃 但唔太甜食物唔錯環境正常 地方算大 但擺枱較迫 幸運坐到二人枱 唔駛搭枱 相對較好服務正常 茶記服務 餐廳不停人來人往 人手有點不足要搵個人都有啲難 價錢合理 可以一試

位於宋王臺站，出站後步行3分鐘，位於九龍城打鼓嶺道，「清真牛肉館」，平日午市時段非常多人，全場爆滿要等位，等大約10分鐘左右，座位都闊落 ，唔算太迫，不過環境好嘈，侍應快手，但廚房好多甩漏。 咖哩牛腩飯；牛腩入味，咖哩唔算太辣，好香咖喱味，真係非常出色。 牛肉餅 ；熱辣辣，不過皮厚薄不平均 有點失色。回鍋肉；78蚊好細碟，唔值呢個價。牛腩湯粉絲，湯好飲，不過好少料很多湯。上碟真係好求其睇相就知。 埋單二百幾蚊，唔貴嘅，都值得可以再去。

🤩 九龙城｜清真牛肉馆 #丁丁香港探店 180HKD地址：九龍城打鼓嶺道33-35號地舖这家店现在也很火了跑完马之后去吃排队等了半个小时味道确实很棒！-「牛肉饼」真的很好吃！汤汁鲜美肉也很扎实不过吃多了还是会腻一个就够了「咖喱羊腩」「咖喱牛腩」咖喱也很好吃！我更爱羊肉味儿拌饭一绝「羊肉小笼包」这个也很有名但是我感觉味道只是及格汤汁不够多

九龍城除左泰國菜出名仲有好多特式菜今次試左呢間清真牛肉館下午5點幾入去到已經滿得7788.✿牛肉餅($44/2pcs)即叫即煎．預左要等10-15分鐘餅皮夠薄身．煎到兩邊金黃色好香脆牛肉餅輕輕咬一小口．就見到裡面爆哂汁要好小心食．唔係會被湯汁辣親牛肉餡好香而且好juicy呢個牛肉餅個口感同味道真係無可挑剔✿咖哩羊腩飯($59)咖哩味幾香濃羊肉有3-4舊但因為羊肉有D騷我食唔慣所以無食朋友話羊肉肉質唔會好實有咬感仲好香羊味✿賽螃蟹($78)拌勻蛋黃加少少醋食落真係似蟹肉口感滑嫩．個味好鮮甜被我稱為雞蛋既華麗轉身整體而言個牛肉餅好得🤤之後上網搵番原來好幾間清真菜館都敵唔過疫情/加租只有呢間屹立不倒