渝味曉宇重慶老火鍋 (新城市廣場) (已結業)

Happy Friday! 來過快樂一人hotpot😊，$98絕對是午餐的上上之選。沙田新城市開了呢間渝味曉宇重慶老火鍋，間直你打工仔之幸，為辛勞工作送上一點甜，可以唔使再食來來去去的沉悶野。真心推介👍🏻！「渝味曉宇」喺 1995 年在重慶一條小街的地踎火鍋館，由老闆張平及太太熊孝禹開設，最勁爆係央視識貨，早於 2011 年已拍攝，在 2014 年播放、介紹重慶火鍋的《舌尖 2》一集裏，介紹了「渝味曉宇」枇杷山正街的本店，紅到成個中國都知。其實 2012 年舖頭已經響朵，由重慶人票選成「重慶火鍋 50 強」第一位。《舌尖 2》播出後短短 2 年，全國就開了 200 多間，而家只要跟國內人提起重慶火鍋，個個都噏得出佢名號，超有代表性。香港店是加盟店，老闆廖小姐是福建人，因為太愛吃麻辣，親身上重慶，由當地人帶路試咗 15 間人氣、連鎖、大型小型重慶火鍋店，吃過渝味曉宇後，她說這間不是最麻、也不是最辣，但香氣香味卻最突出😋，50 強絕非浪得虛名，加上火鍋配料香港少見，覺得有潛力，於是就扑鎚帶來港。雖然沒有影餐廳環境，但環境非常好，座位闊落。服務員的態度非常友善，上餐速度都很快，方便食完趕回公

朋友帶我嚟依間重慶火鍋食飯，餐廳環境唔錯，而且食材方面有好多重慶火鍋特色嘢，食量仲可以揀半份或全份，啱晒兩個人可以揀多幾款試吓。我哋揀咗鴛鴦鍋，麻辣嗰邊佈滿辣椒，辣味攻鼻。食物叫咗稻田毛肚，繡球菌，乾貢菌，燕餃，苕粉⋯⋯依啲都唔係普通火鍋店食到。食物新鮮，個香油應該自行調製過，好好味。不過價錢偏貴。

預先預訂左5：30的一輪，去到就入得。環境不錯，張枱夠哂闊放野食。湯底揀左一個重慶麻辣和牛骨湯。佢啲湯底唔係超濃味果種湯底。但係野食真係好新鮮好好味，彌補左湯底的不足。份量就適中，有半份或者一份選。整體來說可以一試。

難得和重慶老朋友見面，打算試試這家過江龍，懷念一下重慶味道。餐廳環境不錯，和在大陸一樣都是用手機點餐。菜單種類豐富，可因個人食量選全份或半份，但價錢一點都不便宜，份量不多動輒都一兩百蚊….食物質素水準還可以，不過麻辣湯底跟重慶老店真是差天共地，不夠麻不夠辣也不香….不知道是否辣椒花椒不夠地道，還是遷就不能吃辣的人所以改成香港口味。總體來說，對麻辣要求不高吃環境尚可，想要吃正宗重慶火鍋的話，這裡絕非首選。

今晚晚餐選擇左同朋友一齊打邊鍋，仲要係重口味，上次試左尖沙咀店，今次試下沙田分店。原本Book左7:45pm，早左少少到都唔使等，可以直接入去，坐位好闊落，但係頭頂冷氣有D凍，臨走先知原來可以請店員教細D😂。 講到食物方面，一定無得輸，食材一貫嘅新鮮，又有食材味😋，真係完全無令人失望👍🏼 埋單價錢比起高質自助火鍋放題差唔多，但絕對值。

中意食辣嘅嘢 真係唔好錯過呢間打邊爐 一定要叫重慶辣 又麻又正又香 d菜都新鮮 鴨血 鵝腸 毛肚 必點 d菜可以叫半份 就唔驚食唔曬😋 但廚房啲人應該唔識剝鵪鶉蛋 叫咗份鵪鹑蛋 全部係蛋碎😂

兩個人食了1200，唔值，有D離譜，食物分量極不合理！不如去食火牛放題，400一個人可以食到飽。食物可分半份同一份，點了碟牛肚全份，上到黎睇落好多，下面全部係冰，望真D先得6-8片，收128，碌完縮水仲肉酸，完全唔覺得有幾好味。心唸如果我叫半份咪得3片？收68合理嗎？其它食物就唔講喇，係衛生嘅，但係真心唔值，我寧願用呢個價去食最貴嘅火牛放題，都係500一個人，點份麻辣湯，仲可以食到飽。味道方面，湯底好普通嘅辣料，冇香味，但係醬油真心好味，應該係自己調教過。如果係因為間野上過電視（好似係舌尖上的中國）而我要俾呢個價錢去享用的話，sorry，冇下次！

好難得有重慶老火鍋呢間都算係連鎖有不少分店所以格局都比較新潮 唔算得10分正宗但係麻辣湯底都很不錯餸菜都係正路野不過價錢唔平相對特別既有炸腐竹 配麻辣湯底一絕糍粑比較硬唔夠煙韌

亞仔終於開學，我終於放監，第一餐刺激D食四川火煱，係，32度一個人食四川火鍋！真係第一次！叫咗yin yang 一人煱，一邊麻辣，一邊芫茜皮旦煱底，肉要咗嫩牛。一坐低有碗雪耳糖水比您滋潤吓先，食甜品先又幾得意喎。講番個湯，麻辣湯唔算好辣，但有麻香，D辣味慢慢出，唔錯。 火煱好丰富，主菜嫩牛肉真係好滑，口感似干炒牛河D牛肉，煮耐咗都依然滑，牛肉味都不錯。其他仲有腸仔，午餐肉，芝士丸，菇同菜。仲有個udon.一個女仔真係食唔晒。至於D醬料，有麻油，醋同醬油（甜甜地），仲有蒜蓉同䓤任用，食得辣仲可以問要紫天椒。服務也不錯，夠人手，叫人唔駛等。$98加一算抵，有下次👍

攪乜我咁諗唔開不嗜辣的我無喇喇去食重慶火鍋叫鴛鴦湯底諗住食唔落都有另一面好在食落又頂得順食完竟然有滿足感湯底加上麻油及豉油調味汁認真滋味牛小排優質各種菜餃鮮最正個豆腐好味卻唔識形容最後甜品解辣又一次辛盡甘來Edaciousness 6/10為乜我會咁自虐？

從來冇諗過我會黎呢度食晏，直到我知道佢地有鴛鴦火鍋！！🤩午市一人火鍋（$98） 1️⃣湯底（ 4選1）重慶麻辣、山珍菌、番茄、皮蛋芫茜重慶麻辣係佢地們既招牌湯底，必點！我都知我肯定頂唔住，所以我仲點左山珍菌湯。🤣超級辣！！！🥵但係好惹味，會忍唔住一直放野食落去滾~食完之後我既嘴同胃都好慶……🔥🙃 2️⃣肉（4選1）曉宇嫩牛肉、紐西蘭精品羊肉卷、黑豚腩肉、美國安格斯優質肥牛（+$20 ）揀左嫩牛。牛肉滾左好耐都好嫩。好味！！🤤 🤤主食（4選1）曉宇苕粉(薯粉)、稻庭烏冬、出前一丁、白米飯選擇左薯粉，因為佢比較唔常見。鍾意佢既嚼勁~👍🏻如果你食到好辣，你可以放落麻辣湯煮。佢會吸收好多湯，咁你就可以盡情享受麻辣湯既辣味。 4️⃣飲品（2選1）自製羅漢果茶、自製洛神花茶揀左羅漢果茶。甜甜地，帶有獨特既回甘味。我知道有啲人唔鍾意嗰種甘味，不過我唔係~😋

鴛鴦鍋：40蚊一位。QR code落單，上菜速度超快。重慶辣湯底放咗好多花椒，會越煮越麻辣，非常爽。山珍菌湯底：菌嘅鮮味十足，可以當作湯飲。美國安格斯頂級肥牛：毫無牛味，同普通肥牛無分別，半份就4片，119蚊，超唔抵。如果要食牛，一定要選「曉宇嫩牛肉」，一份10片以上，仲有鮮滑到入口即化嘅口感。今日試咗半份後，又encore一份。珊瑚蚌出奇嘅鮮脆，口感同鵝腸差唔多。非常推薦酥肉係重慶火鍋嘅主角之一，每次到重慶食火鍋必選。曉宇嘅酥肉味道唔錯，夠酥脆。不過就係肉量太小，大部分都係用油炸好嘅麵粉塊充數。一份裏，有三分一都係油炸麵塊，並唔係肉。

有啲驚，一間收得你咁貴既火鍋，上湯底竟然有隻蚊，仲要係喺豬骨湯底上面，湯底係白色,好明顯有一點黑色野，個服務員都睇唔到，你到一睇，有隻蚊浮左喺面，我立即叫服務員過嚟，拎另外一盤出嚟，再玩返嗰盤入去，咁都可以返啲低級錯誤，雖然之後送返一個嗞巴俾我，但問心又貴，食物普通，只會幫襯一次！

由西環見到開始已經好想試吓，不過我哋都係沙田友，比較難約喺西環聚餐，而家沙田都開咗啦，一於去試吓先！麻辣鴛鴦鍋 佢嘅麻辣湯底味道比較紮實 ，唔係化學味道，入口麻香四溢，也不會過辣過鹹，喺香港的麻辣湯底來講算不錯👍重慶酥炸肉呢個我當餐前小食，豬肉條係炸的，食嗰時都有啲驚喜，因為條脷會麻麻哋，應該係包住左麻椒之類一齊炸，送酒一流！豬腩片不會過肥，入口也不會有臊味萵筍同鴨血打邊爐我必叫，鴨血好煙靱，配麻辣湯底真係絕配，而萵筍吸晒啲湯好清甜而無渣衝上雲霄百香果雞尾酒呢杯等得耐少少，想飲嘅要早少少嗌入口都幾清新，大很濃郁的百香果甜味打邊爐食到辣辣地飲真係爽！

約咗朋友係沙田睇傢俬，又好想打邊爐，就發現呢間渝味曉宇，就book咗位晚市。 佢晏就打電話黎confirm booking。環境都幾舒適， 2個人呢講，座位都算歡堂。用QR code落單。未叫嘢食之前，每人有一碗雪耳糖水！我哋點左鴛鴦鍋，一邊係大骨湯一邊係重慶麻辣。我朋友食得辣🌶🌶🌶，佢就覺得唔夠辣， 我一開始就覺得啱啱好，之後愈食愈辣，但係都好過癮。再後期......我都集中返係大骨湯🤣🤣，呢個叫鴛鴦鍋嘅好處。我地叫左聖子、牛舌、萵筍片、乾貢菜、毛肚、牛心椗、重慶耗兒魚、苕粉、鴨血、黃金菇同重慶炸酥肉。因為得2個人，好多樣都叫半份，試多啲唔同嘢食。乾貢菜食落嘅感覺新鮮，十分脆口。黃金菇同金菇冇咩太大分別。苕粉吸晒麻辣湯d味😋！牛心椗冇咩味大部份嘢食都有個牌仔寫住要淥幾多分鐘，另外每張枱都有個Timer。洛神花茶賣晒，唯有叫左一渣羅漢果茶。甜品叫左一入到去就想叫嘅紅糖糍粑！煙煙韌韌，加埋紅糖，真心鍾意食！