渡亭

營業中

休息中

渡亭 地址: 灣仔軒尼詩道375號利威商業大廈地下A號舖電話: =====================很多街頭小食都能代表香港，魚蛋燒賣真係由細個讀書食到大，這回憶與情懷，是慰藉心靈的，也方便快捷$30 大碗雙拼魚旦燒賣，咖喱汁芳香，仲可以加辣油，燒賣軟糯有加了豬脂肪那種，不經意的豬油香加甜豉油，正呀！串燒由$11 起，口痕買了幾串過癮下。亦有麵餐，都只是四十幾數。雞翼雞腎雞軟骨，鷯春蛋等，食盡唔同部位。也點了蔬菜，包括脆玉瓜，韭菜，本人偏愛口感爽身架菜的。麵我了一個日式肥牛湯烏冬餐，肥牛脂肪帶咬勁仲有兼賣長洲慶發記糖水，$28 起

食串燒都可以食得健康得黎又好味，串燒店既食物都係由店主一家每日人手準備❤唔係就咁叫貨預先調好哂味!❤串燒食物選擇好多，主打叫左肉類，怕太辣既我叫左孜然粉再加小小辣~ 佢地好貼心，燒完之後會入2個袋，袋入面有層銀色既保溫❤所以我拎到返屋企食，都仲係熱嫁!唔知大家食出面既串燒，不論口感同味道上，分唔分到邊串打邊串，串串好似都一樣，食唔出咩分別，但係!!!!佢地真係燒得好好，食材亦好新鮮所以調味唔洗重手，亦都食得出每款食物本身既味道，再落小小調味，每款食材既味道又豐富左。串燒牛柳粒❤軟腍惹味串燒雞肉粒❤鮮嫩Juicy串燒羊肉粒❤零膻味串燒豬頸肉❤爽滑彈牙串燒雞全翼❤皮脆多汁肥牛京蔥卷❤牛味香濃日式豬骨湯烏冬紫菜❤湯底唔算好厚身，但豬骨味濃，即叫即煮，配埋粗身烏冬，返到屋企食，烏冬都唔會因為浸住湯而淋哂或者發脹，仲好入味!串燒都係即叫即燒，所以要預返小小時間等候，如果唔想等既都可以打電話去落單再預時間去拎，都好方便嫁。另外，想食d甜食既話，佢地都有同長州慶發記糖水合作，我地要左小島芒果布甸 同 極上椰青凍。所以想食咸食定甜食既，呢到都一定滿足到你口味!

今日晚餐唔飽，路過聞到好香，就停低試咗。肉質靚，羊、豬半肥瘦。亦都燒得好，雞肉依然嫩滑，醬汁味道啱啱好。好好食！只係人手不足，好多單，等得有啲耐:/ 不過好值得？！

試左佢地豬頸肉、牛串同雞串，三樣都好及格。牛串：無咩牛味，但有咬口，$13一串知道材料成本，但好啱送酒！雞串：夠滑夠淋夠入味，正常水準豬頸肉：有咬口，唔膩，餸酒好ok 出餐好快，點左五分鐘就有！可能係無咩單（但唔希望係咁），灣仔串燒店好少。之前都有食天樂里試過，已經鍾意，見佢執左嚇死！揀左正常調味，有蜜糖、孜然粉同唔記得咩，出黎係偏甜攞多左我嘅味覺。但真係抵食抵買，會再支持！如果出個淨鹽燒就好了。🫣

上星期路過聞到陣陣串燒味道不禁停下來。看了一下。突然發現店家原來是原本在天樂里的輝記小食。恍如發現新大陸。之前店家有打算搬到九龍。最近才發現她在附近找了一個新店重新營業。新店比以前更為吸引。裝修光線充足，可以看到店內非常乾淨。他們的串燒又便宜又好吃。我最喜愛他們的印尼沙嗲口味。還有孜然粉配羊肉特別美味。從串燒看得到他們不是工場貨色。他們還有本地麻辣味和泰式酸辣味，我沒有試過。他們還有燒賣魚蛋，不試不知道，他們的醬汁驚為天人！他們的辣椒油簡直是挑戰愛吃辣的自己。他們只提供外賣，外賣包裝非常精緻。用有錫紙的紙袋包裝，就連外賣碗都比其他一舨店講究。他們從老店開始已經接受WhatsApp下單，這樣可以省去很多等候時間，否則人流多的時候可以等上半小時。