温野菜

營業中

休息中

有日心血來潮，好想食壽喜燒知道溫野菜一人火鍋同壽喜燒選擇所以就入咗去食舖頭唔算太大 如果得兩個人好多時都係有塊板隔住兩張枱然後四個人坐喺四人枱 有塊板隔住但係如果三人或以上就冇呢個情況餐單有五六款主食選擇今次揀咗和牛套餐 仲有個牛加豬兩個都係食壽喜燒 所以除咗有壽喜燒湯底仲有個月見汁(醬油加生蛋)另外見到好多人會揀火鍋底 有蕃茄火鍋 會有原舊蕃茄肉類總共每碟會有4-6片 (薄薄地但係都叫大塊)肉類就真係要睇吓自己揀啲乜嘢 和牛套餐嘅牛就真係好有牛味入口即溶 但係普通嘅都唔係太差之後每日都會有一盤菜 (冇豆腐🥲) 另外配菜都可以另加套餐仲會包兩款小食 叫咗個餃子 丸類同埋蟹柳 除咗餃子有兩件其他都係一件一個餐唔算太多嘢但係都會飽嘅如果諗唔到食咩都可以去食吓

食材新鮮可口，高品質的食物和良好的用餐環境。在這裡嘆了一個美味的火鍋，點了個夠特別的藥膳湯底，切成薄片的牛肉很棒，放在餐桌上的火鍋裡烹調，幾秒鐘就熟了。嫩滑美味的黑毛和牛肩脊肉和牛肩胛眼，入口溶化，無筋無腥味。藥膳湯底鮮甜可口，香濃好飲。大蝦夠鮮甜，是寶藏級的美食。沙律醬青瓜卷作為前菜，清新可口。肉丸都好好食，爆哂粒。麵條爽口，滑溜溜的，口感夠晒特別。正所謂一分錢一分貨，這間高級日式火鍋店的價錢雖然較貴，但勝在肉類和蔬菜都非常新鮮可口，而且配菜如冷麵、南瓜、黑木耳、涼瓜，肉丸等食物品質優良，絕對物超所值。特別推薦藥膳湯，另外我個朋友叫咗個鰹魚湯，但稍為鹹。

初一第一餐lunch揀左食溫野菜。之前食過印象中幾好，坐得舒服，所以今日行過經過諗都冇諗就入咗去啦。我叫咗自選三款（豚肉，牛頸脊，同埋牛胸腹肉）set，男朋友叫咗和牛set。食咗佢和牛（澳洲M9+日本黑毛和牛）之後，我發現我三碟完全比唔上，好大分別。兩款和牛入口即溶，日本果隻味道更加一流。我既就厚啲實啲，三款嚟講得牛胸腹肉比較OK，另外兩款麻麻地，感覺唔係咁值。湯底叫左月見壽喜燒同蕃茄湯一齊share，感覺係淥肉既就壽喜燒湯好啲，淥菜就蕃茄湯好啲，菜係壽喜燒湯會比較咸，同埋淥肉後浸雞蛋汁增加口感👍🏻👍🏻甜品加咗一個雪糕黑糖抹茶，好食又抵加錢（$10），比我想像中大球。整體來講唔錯喇～

已經食過佢哋幾次，好鍾意佢哋嘅湯底有好多唔同嘅選擇，最鍾意食佢哋嘅壽喜燒湯底味道甜甜地配上肉類同蔬菜一流另外佢哋嘅年糕福袋亦都每次都會叫，而且餐廳環境亦都舒服乾淨。

溫野菜一向以靚日本牛肉豬肉主打，價位中上，但午餐就好抵食。平時夜晚起碼百幾蚊一碟肉，其實都唔係好食得飽，可能靠狂飲湯先飽。但午餐，有3款肉、野菜盛合、烏冬、飲品、湯底、鍋肴只係198，金會員照有85折，乜都有得食而且食得好飽。前菜沙律，有啲硬，後期扔埋落鍋煮飲品ginger ale烏冬野菜盛合，有五品是日鍋肴，2款，冇得揀，呢日係芥末貢丸，三文魚魚腐芥末貢丸好香，但芥末味都幾勁三文魚魚腐都唔錢，不過好快淋唔好煮太耐一個套餐有3款肉，我哋2個餐6碟分別叫咗4款牛肩，好嫩彈牙牛肋肉，冇咁嫩但好香牛胸腹，最嫩豚肉，都好嫩唔鞋每人198好豐富加湯係加番原本嘅湯，所以加左幾次都唔會越嚟越淡會員coupon日本黑毛和牛肩胛肉當然最油香最軟熟好食

呢間同日本嘅「溫野菜」完全唔係同一間嚟嘅。菜品唔同、服務又差。壽喜鍋冇雞蛋，牛肉係成舊冰咁就上台。冇咩食、埋單竟然千六蚊。真係搵笨，唔會再嚟幫襯，各位自己睇路、自求多福。

😍星期一至五晚市限定😍-本身諗住去九龍塘又一城嗰間不過咁啱想去海港城有嘢想買所以就去咗海運中心食即日訂枱都有位去到唔使等！-全部都係用QR code落單叫人幫手埋單都係自助-我同朋友叫咗兩個晚市定食$255 x 2😎夠$400！可以用埋張會員coupon-定食好多嘢可以揀～有一份牛可以揀西冷或者肉眼再有一份豚肉或者係雞髀肉我哋2個人當然試曬佢-湯底可以轉正價$29以下佢本身預設係配壽喜湯底仲送雞蛋一隻，平時要加價架～呢個湯底係超好食！愈煮愈濃，配肉配菜都好入味尤其係烏冬其他有咩揀可以睇相，有details！-全部肉都好好食非常之薄唔會un淥一陣就可以食得趁肉仲熱嘅時候點生雞蛋汁蛋汁完全係掛咗喺啲肉上邊必試！必試！😋😋😋

味道很不錯，定食餐也很豐富。牛肉新鮮很靚，只是蔬菜並不好，尤其是沙拉。但是壽喜湯非常正宗。plus穿白襯衣戴眼鏡的店員態度非常差，會裝作聽不到。講話也傲慢無禮。

今日突然間想打邊爐，就去左一直以嚟都想試試的溫野菜啦！平日夜晚兩個人唔洗等，可以直接入座🥳！本身以為呢間都係任食，點知原來係單嗌嘅！不過唔緊要，橫掂我哋都唔係食得多🤰🏻Overall都唔錯，特別中意佢個柚子骨膠原火鍋！勁濃稠，加熱先變返稀，用嚟烚咩肉都有一種去油膩嘅感覺😋正啊！相對而言就唔覺得佢哋個藥膳湯底唔係咁出色了🥲另外要提一提嘅係佢肉嘅種類都幾夠！而且每一種肉都真係食到唔同口感味道👅雖然食完之後唔係話好驚艷🤔埋單每人$350，計埋餐廳環境都叫唔錯啦！

平時行街見到一直想試，但次次排長龍令我好卻步。咁岩工作完經過見到唔太多人等，即刻去試下!!湯底揀咗骨膠原柚子塩湯，有淡淡嘅柚子香味，成個湯底好清新，好適合唔鐘意油膩嘅朋友仔👍🏻套餐包咗4片A5和牛西冷🥩，薄薄地但油脂分布均衡，入口即融，好有牛味，雖然分量唔多，但勝在夠高質。另外豚梅肉無豬肉嘅臊味，味道正常，不過不失。竹筒免治雞肉同蔬菜都好有驚喜!雞肉加埋雞軟骨，好有咬口，雞肉彈牙雞味濃。蔬菜唔洗講，十分新鮮。食完套餐包嘅蔬菜之後要再追加一份油麥菜🥬🤩豆腐夠濃味又夠滑，反而丸就無乜特別。整體黎講，成餐飯都覺得好新鮮，雖然價錢比一般火鍋店貴，如果食量唔太大，又想食得高質啲，溫野菜係唔錯既選擇。👍🏻

成日都見好多人排隊今日見唔多人就拎張飛試吓啦等左半個鐘左右就入得環境算坐得幾舒服揀左個2人套餐湯底分別揀咗鰹魚湯同昆布湯鰹魚湯幾夠味打邊爐剛剛好但昆布湯就失望左d 太清淡好似水咁冇味升級左換左個長崎黑毛和牛呢個有驚喜 又幾高質 薄切靚牛 好食另一個有美國牛肋肉 都唔錯 牛味較重反而期間限定既牛小排有比較之下就差啲啲豚肉就普通我地加左份海鮮拼盤呢個就一般 蜆冇肉好細粒蠔同帶子都係冇驚喜 可以唔洗特別叫總括嚟講套餐2人食都夠晒飽都唔需要再額外追加 日式火鍋係海港城黎講都算抵食嘅 會再試其他湯底

好味，高質，多素菜選擇，素肉都有的火鍋非常罕有！素肉好食！撞正星期二宵夜時段時8:30後（星期五六日的話好似9點後）材料新鮮乾淨好食，竹笙都高質過好多餐廳，份量合理，湯底好味😋👍🏻👍🏻👍🏻👍🏻👍🏻

去完尖沙咀海洗城行完好攰，好多餐廳都已經排隊好多人等位所以唔做諗住食到，而附近唯一唔使等位（因為我係金會員，可以優先輪候）得返溫野菜同牛角（同一個Kabu集團）可以選擇，最後擇公字揀左溫野菜，呢間日式火鍋店，門口附近位置一個個卡坐隔得有距離，有私人空間，而且雖然價錢有d貴，不過勝在質優，揀選左鹿兒島黑毛和牛放題套，除左鹿兒島黑毛和牛，還有長崎牛肉可選，不過最貴最好食返鹿兒島黑毛和牛，油脂分布均勻，有肉香有脂香，另外熊本黑毛豚都試埋，肉質不夠軟腍，至於蔬菜方面，大多都係來自日本，水菜，啡金菇，紅心蘿蔔等，整體有質素，所以食得貴都可接受。

🤑價錢約每人 $200-400🪑有部份位睇到海景 👍🏻 24號聖誕前夕夜晚 5點倒係app拎飛 6點倒就有得食👍🏻👩🏻‍🍳 服務正常 唔會自動自覺幫我地加水/湯 而且仲見到有2個服務員打爛碗碟 仲有自己QR Code落單Ⓙ 聖誕盛合🎄 $238呢個都幾抵食 咩都有d 唔洗特別去諗 有牛肩胛眼同豚肉仲有各種丸類同蔬菜 D肉都切得幾薄 幾新鮮 湯底方面就一人一個 一個試左養顏的柚子骨膠原湯底 另一個試左新出ge辣湯底 辣味十足👍🏻另外都加左個腐皮餃子🥟 幾特別 用腐皮黎代替餃子皮最後仲用個辣湯底整左個米炊 服務員都用心幫我地整埋

好耐好耐以前食過溫野菜印象中唔平但質素都唔差趁住食生日飯，再試下排隊排到嘔既溫野菜推薦度：2/5🍴HSBC 優惠2人餐揀左最貴兩款湯底：有機豆乳湯，骨膠原柚子鹽湯 柚子湯底係正嘅，豆乳湯底一開始覺得無乜味，越打越濃，拎黎煮麵食係幾好味既，不過如果加多少少鹽可能果豆乳會更加正，所以偏好柚子鹽湯底。其他小食無乜好講，普普通通啦，係菜類的確幾好食，不過我唔係素食者，身為食肉獸要講下d牛。牛得兩款，各款有兩層，美國牛肋肉普普通通，而黑毛和牛牛肩肉脂肪較多同分佈得好靚，係好好食！但可惜兩款牛實在太薄，煮完好細撮，對於食肉獸黎講，真係唔夠喉，如單點牛肉又唔平，唯有靠其他食物填飽肚啦～😔🍴單點芝士燒魚卷，豚肉餃子及飲品二人餐有hsbc優惠已經要7百幾，但都唔包飲品，要另外叫，真心覺得果餐唔抵食。除左黑毛和牛好食外，仲有芝士燒魚卷（獅子狗）都係好食架，芝士係包左係獅子狗入面，咬落去流哂d芝士汁出黎，好濃芝士味😋總括黎講，咁貴既價錢，要等咁耐，仲要2人枱非常窄，一d都唔抵，無下次喇😔（附上點餐record）