温野菜

營業中

休息中

有一日喺海港城睇醫生，就去搵嘢食啦。周圍都好多人排隊，跟住行到過去L C X，見到溫野菜唔使排隊住。諗起嗰陣時喺日本食溫野菜，都覺得唔錯，但係已經好多年啦。兩個人會安排一張好大嘅四人枱俾你，呢樣嘢我覺得十分之滿意，坐得真係好舒服。當日有假日lunch set，我揀咗最基本嘅豬肉加雞肉，因為本身唔太食牛肉。啲嘢食好快嚟到，而且原來佢都送蔬菜+送咗兩粒芥辣豚肉丸+少量嘅年糕。覺得種類好多，每樣都有啲，心情唔錯。湯底揀咗堅魚湯底，加$10, 喜歡甜甜地。落咗少少肉後，再飲一啖湯底，清，見到佢個湯底有塊堅魚片喺度，感覺都幾新鮮。有一個位令我10分喜出望外，就係芥辣豚肉丸。我咬一口嗰陣，佢啲肉汁係不停不停咁樣流出來。我睇住佢留咗好耐，D 肉汁都流左一段時間先停。而且芥辣嘅口味有少少嗆鼻不太誇張，呢個觀感刺激亦都係我很喜歡的，又適合喺冬天嘅時候保暖之用。整體我對呢粒丸係十分十分之喜愛。肉片嘅質量我覺得算是比較正常，冇什麼特別的。但係整體坐得好舒服、服務態度亦都幾好、而且嗰粒芥辣豚肉丸十分之有驚喜，所以呢一餐我都食得十分之滿意。

今次第一次食溫野菜 之前食開牛涮鍋嗰啲可以打電話去預約 呢間舖原來唔太大 所以如果遲咗係需要重新論候 好在係平日去 唔算多人雖然呢間唔係90分鐘方題 不過入座後90分鐘時限有4人套餐 要$1070 平均$267/人 覺得有啲貴 又唔係全部野都食 所以決定散叫share佢全部可以自己用QR code落單 好方便先揀湯底▶️昆布湯 ($19)呢個係最基本 最淡味嗰個 清到似水 不過都有啲真昆布絲另外有碟籮蔔 用黎點醬如果大家想冇咁鹹 健康少少 可以揀呢個順帶一下 佢有個柚子醋汁好好味！一定要點黎食🍋1️⃣椰菜 ($28)真係一舊椰菜切開咗 冇特別味道少少甜甜地 當開胃菜2️⃣黑松露膳良豬肉餃/香菇膳良豬肉餃($32)呢兩個都有驚喜 佢係用omnipork整 一開始賣相好扁 好似麻麻哋咁 估唔到熟咗之後大粒咗 個皮簿得黎煙韌煲咗好耐都唔會散🥟餡料真係有黑松露/香菇味 亦同真豬肉好相似 可能仲腍啲添 黑松露嗰個大粒啲 不過鍾意香菇嗰個嘅質感3️⃣鹽枝豆($25)呢個係前菜 唔洗煲一碟連皮 已經夠鹹純粹等緊啲肉熟嗰陣攞嚟食🙈4️⃣ 野菌雜炊 ($38)呢個非常特別😮係日式risotto佢仲有好多款揀仲有專人幫你煮

閒日行過LCX見溫野菜無乜人就拎氣入去食，可能因為閒日既關係，人真係唔多，等左大概半個鐘就可以入座今次叫左會員既二人餐$462再upgrade左豬肉同雞肉做澳洲M9和牛肩脊肉（+$70）同美國和牛肩胛眼（+$40）二人餐包到一枱都係野絕對夠飽，比起以前無套餐既日子，而家溫野菜真係抵食左好多👍🏻👍🏻👍🏻

溫野菜📍 尖沙咀廣東道3-27號海港城海運大廈LCX 3樓37A號舖之前勁鐘意食放題，但宜家鐘意貴精不貴多🔍溫野菜會員限定2人邊爐抵食😋👍🏻豆腐沙律🥗前菜x1美國上級牛肋肉 x1美國牛肋肉x1丹麥雞腿肉x1丹麥豚梅肉x1菜x1墨魚滑x1蝦丸 & 芝士雞肉丸x4跟2份烏冬/飯兩個人食岩岩好～同埋環境好好唔會太嘈～好岩同朋友仔到傾下計😋

最近想食壽喜燒 見到instagram 有人介紹呢間就特登試下 如果想拎飛download "Kabu" app呢間係單嗌唔係放題 肉類$80-$200左右一碟丸類其他食物 $30-$60一碟 肉都好薄好細片😅相比之下 就叫左個平啲既 「二人前」餐豆腐前菜x1牛肉x2 豬肉x1雞x1蟹柳x3丸x7墨魚滑x1烏冬x2蔬菜x2轉湯底要另外加錢 （壽喜燒$30蚊左右）價錢非會員 $616 + $30 再加一 差唔多$700兩個人碟牛真係好細碟 好薄 仲要得兩碟🙂其實都只係靠啲烏冬塞飽 $700我會寧願食任食既火煱🥲 因為啲牛都唔係好出色 仲要每人得4塊🥲個人感覺 性價比嚟講 我覺得其他放題邊爐抵同好食好多

口痕好想打邊爐，就同朋友訂左枱去，叫左個會員二人餐🥢呢個餐有兩板牛、一板豬、一板雞。兩份烏冬/飯，一份菜，4粒蝦丸、4粒芝士雞肉丸、一份墨魚滑同一份豆腐沙律🥗前菜🍖肉類雞同牛好好食，牛就好鬼薄，無乜口感但有牛味墨魚滑中間有黑魚粒，好有咬口好彈牙芝士雞肉丸辣辣地，中間仲有芝士，無得彈吖！蝦丸都食得出真材實料🥬菜係推薦，樣樣都好新鮮，不過份量好少，連我好少食菜都覺得唔夠食

Ordered the credit card special with Kagoshima wagyu chunk roll and US wagyu. Both are nice and beefy but personally I prefer the Japanese one. It's very juicy and marble across the beef rolls. It includes also assorted veggies, octopus balls, fish balls, Japanese Udon and Japanese Tofu. The produce are fresh and the soup is light. I like the Hokkaido seaweed soup base. The good thing of this chain is that you get your own individual pot so you can eat at your pace in your preferred sequence of

溫野菜 基本上walk in都要排好耐所以預先用手機APP book定 襯lunch time 果個幾鐘衝過黎食入座都會比個紙袋你放口罩  一間餐廳肯咁樣投放成本都值得比個讚佢一個餐 有咁多野食其實真係好抵 重點 壽喜燒呢個湯底真係配咩都夾肉又夾 菜又夾 臨尾再整埋個烏冬  將所有精華吸收哂 真係食到停唔到希望可以開多幾間分店啦! 繁忙時間等位真係好辛苦

今日放工路過溫野菜，見冇人排隊就去食下，可能因為閒日既關係竟然可以唔使等位直入，開頭比左門口果張枱我地，但我真係唔太鐘意坐門口位，咁我地就答職員我地再等下一張先啦，轉個頭5分鐘佢地就執左第二張枱比我地，服務一讚👍🏻👍🏻今日我地揀左信用卡既套餐包既野其實都好多，兩個人食絕對夠飽另外再加左兩杯野飲同一個甜品餐包兩份黑毛和牛同兩份美國牛肋肉另外左包左d配菜甜品揀左芒果雪芭，我覺得就太甜，少左個清新感

聽過温野菜嗰名好耐，不過從來都未試過，今日想食壽喜燒就黎試下先，香港可以食壽喜燒嘅地方始終都唔係多。餐牌選擇好似唔多，有幾款定食揀，價錢有正常價有高價，都唔多似飽肚。不過亦有飽肚啲嘅雜炊揀。壽喜燒定食 $398 另加一壽喜燒定食好似包好多野，不過其實份量好少。主角肉類有兩款，分別係鹿兒島茶美豚梅肉，另外可以揀米澤牛黑毛和牛肩脊肉，或者長崎黑毛和牛肉眼，我哋揀左米澤牛黑毛和牛肩脊肉。仲包一個野菜盤，烏冬一碗，同生蛋一隻。上完菜之後，服務員問洗唔洗幫手起鍋，我哋梗係照殺。服務員先將油脂喺個鍋度淥一淥，然後幫手將啲蔬菜順次序放落個鍋度，再加入壽喜燒湯，等個鍋滾起之後就由你自己整肉食。鹿兒島茶美豚梅肉，米澤牛黑毛和牛肩脊肉鹿兒島茶美豚梅肉，同米澤牛黑毛和牛肩脊肉，每款四塊，放喺同一隻碟一齊上，有紙條寫明係乜肉。鹿兒島茶美豚梅肉規定左喺個餐度冇得揀，好韌，唔係好得。米澤牛黑毛和牛肩脊肉切到超薄片，冇乜質地可言，證明塊牛一定係好貴，牛味都算濃嘅。野菜盤有旺菜，京蔥，大根片，紅芯大根片，啡金菇，冬菇兩大隻，春菊，同葛絲。野菜質素參差，旺菜好韌；京蔥外皮又係例牌韌；啡金菇吸左壽喜燒湯，好味；冬菇好新鮮

位於尖沙咀海港城既呢間溫野菜長期都有好多人排隊，但由於真係想試吓既關係，都要排左一陣先入到座～而店內既裝修充滿日式風格，感覺上十分舒適，而海港城既呢間溫野菜係以散嗌為主，逐項嗌逐項收錢，而價錢都係定於中高價水平，比較好小小肉質既平均都要約$150起一碟，價錢都唔算太平，但味道要試試先啦～而今次叫既肉都係以長崎同鹿兒島既牛為主，而部位都係肉眼，西冷同肩脊肉為主，而佢每一份肉上黎果時油脂分布相當平均，算得上係雪花和牛，而每一碟大約有4-5片左右，而每片都幾大塊下～但味道真係入口即溶🤤🤤塊牛肉既油脂入口好似牛油咁即溶，而牛味亦都好濃郁，係會令人食完一塊再食多塊既，牛肉既質素係十分高質👍🏻👍🏻👍🏻而佢仲有一款叫玉子雜炊既野食，將飯倒落湯度再加蛋漿，最後灑上紫菜就食得，呢款就有啲似湯飯既食法，但味道依然唔錯，因為個湯底已經入哂啲牛味，再加埋落個飯度真係十分出色👍🏻整體黎講溫野菜既水準十分高質，亦都解釋得到點解佢會長期都要等位既～

星期日放假，想去打邊爐🥰於是，我就用app遙距取飛，坐緊車果陣就已經要拎定了❤️去到好快就有得入去坐👍🏻👍🏻👍🏻下午茶時間有套餐，我地鐘意食牛，所以就叫左2個 set B. 大概係$198 for 1除左有基本既溫野菜，仲會可以有得簡三款牛，同埋有兩粒介辣丸同粟米丸，都好好食。想食好啲嘅牛肉，仲可以加$90食和牛⭐️⭐️⭐️⭐️⭐️溫野菜雪糕 套餐加$10 推薦⭐️⭐️⭐️⭐️湯底方面就叫左壽喜燒湯底加$10 同埋 藥膳湯底加$20 。 兩款湯底都好好味 仲可以飲埋😍

💕好耐冇食過溫野菜啦😍，原來最近LCX店出左期間限定嘅米澤牛壽喜燒定食，好鍾意食壽喜燒嘅我當然要試下啦🤤🌟米澤牛壽喜燒定食 $398個鍋上枱時會有職員先爆香京蔥同冬菇先，慢慢有香味先會再加其他配料同湯汁。定食包左米澤牛黑毛和牛西冷同埋鹿兒島美豚梅肉，和牛西冷實在太驚艷，係入口即溶架🤤，可惜和牛西冷只得3塊，好唔夠喉，另外仲有雞蛋同烏冬，整體份量偏少，雖然好好食但性價比唔高。所以我地再追加左其他食物：🌟黑松露湯底 $39 （黑松露味好香濃😍）🌟美國上級牛肋肉 $89 🌟鹿兒島美豚腩肉 $62🌟英國安格斯牛肋肉 $99 （壽喜燒追加另外有8折）🌟丹麥豚梅肉 $42 （壽喜燒追加另外有8折）🌟新潟雞爽肉 $49 （壽喜燒追加另外有8折）🌟中華麵 $18 （麵質幾好）🌟野菜五品盛合 $68 （蔬菜幾新鮮）🌟金菇 $28 （正常）🌟苦瓜 $35 （我唔食苦瓜嘅，男朋友話好食）🌟黑松露豬餃子 $32 （入面好多黑松露😋）🌟芥末豚肉丸 $29 （未食過芥末味嘅丸，幾特別）🌟芝士雞肉丸 $25 （正常水準）🌟白粟米 $29 （好鮮甜🤤）🌟溫野菜特飲 $24 （有d似波子汽水）🌟白桃活乳酸梳打 $19

尖沙嘴嘅溫野菜應該算係早幾年嘅飯堂，因為我好中意打邊爐，但又怕成日食會好吾健康又肥，我就會選擇食溫野菜，因為佢嘅菜都係嚟自日本，同埋佢嘅肉量都吾係好多，湯底都好似比其他嘅無禁油膩感，至少我地對得住自己🤣🧏🏻‍♀️溫馨提示：餐具比較特別，佢會有個碗係裝住隔湯器皿，用嚟隔走食物上多餘嘅湯同埋醬汁，吾怕味道掩蓋食物原味道。今次叫嘅係Lunch Set，大家可以試下散叫，因為佢嘅前菜/鍋肴都非常好食而且特別，野菜款式多亦都好新鮮，所以非常推薦-▪️茶美/丹麥豚、新潟/丹麥雞定食 $98 鰹魚湯 +$10 新潟雞爽肉 丹麥豚腩肉 是日鍋肴（年糕/芥辣豚肉子） 溫野菜盛合 烏冬 凍烏龍茶▪️美國牛·茶美/丹麥豚、新潟/丹麥雞定食 $128 昆布湯 新潟雞爽肉 美國牛肋肉 是日鍋肴（年糕/芥辣豚肉子） 溫野菜盛合 烏冬 凍薑味汽水▪️羽衣甘藍 $28-#鰹魚湯因為第一次食set，平時散叫都算貴，今次見到$98可以食到高質邊爐，緊係叫個平平地試試佢先。今次我試鰹魚湯，味

已經係幾個月前去食，終於的起心肝寫返個食評🤣 溫野菜有四間分店，銅鑼灣店可以揀放題或散叫，其他分店都只得散叫。放題同散叫都食過，放題食材種類會比較少，但可以任食貴價牛，而散叫就適合鍾意試多啲唔同食材嘅朋友！兩種都係限時120分鐘。今次主要講散叫，係一人一鍋形式，佢個碗特別地係有個隔，可以輕輕隔走啲湯，好鍾意呢個設計🤩👍🏻 配菜就唔逐一評分了，簡單嚟講就係每樣配菜都好高質！菜類算好多選擇，連羽衣甘藍都有！🥢 黑松露湯底 $39市面上好少機會試到黑松露湯底，黑松露濃度剛剛好，每樣食材都帶有黑松露味，但係食到最後會覺得偏咸。🥢 秘傳月見壽喜湯 $29同平時既壽喜燒湯底差不多，食唔出個分別。🥢 洋蔥胡麻醬 $免費關於醬料，洋蔥胡麻醬比普通胡麻醬好食好多，洋蔥胡麻醬充滿洋蔥粒，酸味較重，好開胃好惹味👍🏻🥢 長崎黑毛和牛西冷 $199超級薄！唔肥膩入口即溶，肉味夠。🥢鹿兒島茶美豚梅肉 $62切得超薄，口感彈牙，吸收哂湯底嘅味，就算唔點醬都好正！🥢英國安格斯牛肋肉 $99肉質都彈牙，有肉味，抵食！🥢鹿兒島茶美豚肉眼 同另外兩款豬嚟比較，係頗失色，唔彈牙。🥢藍橘子荔枝菠蘿梳打 $28🥢益力多菠蘿梳打