港城茶餐廳

營業中

休息中

超难吃，没有想象中的好吃，比较糊弄事，烧麦就是面一类的东西做的，牛杂面好咸，上菜速度倒是惊人的快。忘记拿找的零钱老板也不提醒，从地铁返回，他才从抽屉取出，说我一顿，好尴尬😅

呢碗雲吞麵，$32，飲野要原價十幾蚊杯，所以無跟。湯底已經係失敗，令人失望，竟然係用烚麵鹽水做湯底，非常之鹹，我原本覺得幾冇誠意嘅一間麵鋪都好， 衰極都會攞啲牛腩汁等等做湯底吖，點知原來可以低成本到用鹽水作為湯底真心有點哪個😫鹼水麵冇完全地無鹼水麵應有嘅質感同埋口感，一係烚過火，一係本身啲麵過份低質。而雲吞呢，就係豬肉多個蝦極多，應該係豬肉雲吞嚟，麻麻地好食，只勝在包得實淨兼大大粒咁，同埋算有唔少菜食下咁，雖然啲菜都烚老左啲一整體嚟講，碗麵最多值$20，連埋租金價值。

尋日同Dfriend打完波之後去左呢間茶餐廳，叫左一個茶餐，選擇好多， 又包埋野飲。我坐低個時D人都唔多，所以幾闊落。 但系食食下就多左勁多大陸客，搞到成間餐廳好嘈！！勁無mood. 好彩D野黎得快， 個牛腩河又幾正wor 連埋杯凍飲， 都系20幾蚊， 都算ok嫁喇。有機會一定會再去食， 牛腩河同埋豆漿都值得推薦！ hohoho ~~~~

同同事M去攀石, 去之前來個簡dinner補充氣力, 見就腳就揀0左呢間茶記試下啦~紅豆冰, 真係差到呢...豆硬, 豆少, 奶水無甜味, 奶味亦很淡, 冰很多...如果唔係我頸渴, 我一定唔會同佢清晒杯豆冰...= ="豬紅蘿蔔牛肚粗, 食晒0既就只有蘿蔔同粗麵...蘿蔔唔錯, 入味但又唔太腍太硬, 食落無渣, 粗麵口感OK, 只係仲有殘餘的鹼水味...豬紅--- 劣...突出的血腥味...亦食到有點異味...牛肚--- 更劣...我食0左一件就放棄了其餘的...肉質霉晒不特止, 仲要有陣怪味...麻婆豆腐飯, 豆腐是用炸豆腐, 應有的肉碎變肉絲...個汁就梗係唔係熟悉0既麻婆豆腐sauce啦...好彩芡汁未算太杰...呢間0野, 食完聽朋友S講返先知...原來衛生係好麻麻的...=_=無壞啦, 都無下次0架喇...

尋晚落左車好鬼死肚餓, 咁見到呢度有d小食賣, 於是就買少少野黎頂肚, 結果就.......行到賣去要左一串燒賣一串魚蛋, 燒賣一串四粒, 賣相直頭嚇死你, 一pat野咁, 放入口試下啦, 發覺就非常之熱, 而質感就麻麻, 成舊膠咁好韌, 食左一粒已經唔想再食, 好唔得; 而魚蛋一串六粒, 辣就幾辣可惜魚蛋一d都唔爽口, 而且係幾腍身下, 係幾入味不過唔吸引, 差囉!總括黎講小食質素就好唔得, 師傅真係唔敢想像佢其他野食會係點, 但係就好肯定係師傅一定唔會再黎, 十蚊兩串咁質素, 師傅覺得d錢真係使得有d冤枉呀, 如果唔係肚餓真係唔買黎食呀, 所以一定冇下次!

我地食完生漬癌之後發現左呢間野，發覺自己都好耐冇食常餐，於是叫左兩個。個茶餐幾豐富，有菴列、牛油方包、沙爹牛肉、腸仔午餐肉米同野飲。碗粉幾大碗，仲有菜添，ok架，十蚊麵質素，多士冇烘又唔熱，菴列麻麻啦，唔夠滑。２３蚊算係咁。

今朝來呢度食早餐,都有幾多組合同選擇.我就食左火腿煎蛋+牛油方包+雪菜肉絲米+熱hollick.d食物ok,阿姐亦笑笑口好有禮貌,但今日咁鬼熱,就應該開冷氣啦,熱到我拿拿臨食完走人.