港澳冠環球食脯專家有限公司

營業中

休息中

去元朗吃吃喝喝的一天少不了要買d手信 😬😬係元朗住左好多年嘅朋友介紹有間老店冠環球 d肉乾同齋雞粒好食😋就去買下買左幾隻味嘅齋雞粒（ 原味+沙嗲+麻辣）佢地係即炒出爐💖口感真係幾酥脆個麻辣味真係勁辣🔥🔥見到新鮮出爐既雜果花生糖🎉彩色既🌈好靚另外我仲買咗一盒香蕉糕..薑糖..金錢豬肉乾同埋蜜汁豬肉乾佢呢度勁好可以揀買幾錢唔使一定買半磅或者一磅咁就可以試多幾款👏🏻👏🏻我呢堆嘢加埋都係買咗一百蚊💫好抵

睇完「東張」介紹，終於有機會去元朗買來試試，結果十分失望！ 好多齋雞粒黐埋一齊有些無味，又黐牙，又有肥膩感。不會再買了！黑芝麻糖味道一般，但好硬，買給了兩位朋友都不大喜歡。Disappointed

早幾日行過元朗掃街，準備過年。每逢過年呢d 老店一定係最有新年氣氛，各式各樣既既糖果，瓜子，賀年糕點一應俱全。呢間冠環球原來係家族傳承，而家已經黎到第三代，真係歷史悠久。由於新年既食物我地都已經準備好，所以我都今次黎都係買d 小食，佢地馳名既有自家製齋雞粒，老闆話佢地自創左多款口味，其他地方都無既。後來先知原來TVB 既東張西望亦都黎採訪過呢個齋雞粒。👍👍👍👍👍招牌菜又點止一樣，花生糖亦都係另一款熱賣產品，佢地堅持每日新鮮整既花生糖係最好味既。花生糖亦都有各種口味選擇，佢地會分別以保鮮盒保持，確保衛生同品質。👍👍👍👍👍我地仲買左豬肉乾同香蕉糕。豬肉乾都有驚喜，啖啖肉。👍👍👍

歲晚年貨籌辦中，在又新街偶然發現冠環球，還以為是澳門才有店，即時內進搜購一番。大量合心水零食，肉乾，一於血拼一番 😋😋鼎鼎有名的齋雞粒，即炒出爐，熱辣香口，無得頂 👍👍，當然是目標之一。牛肉乾、豬肉乾有多款不同口味，同樣即時烤焗，惹味到一個點 😋😋😋，肉質軟熟，好味道。買了盒花生軟糖，麥芽糖煙煙韌韌，花生芝麻香口，口感一流，如甜度低些，更合現代人口味 😋買了多包不同款的蛋卷、鳳凰卷，價錢吸引，送禮自用兩相宜。

📍香港📍元朗📍港澳冠環球食脯專家有限公司📍元朗元朗大馬路34E號任安樓地下📍星期一至日 10:00 - 22:30🦄 3併花生糖 (椰絲, 黑芝麻, 原味) $45🦄 評分: 7/10 花生唔會整到太細粒所以食落好有咬口👍🏻 個人鐘意黑芝麻花生脆糖香口過原味😝😝 呢啲香脆小食一打開個盒真系會食到停唔到口🤦🏻‍♀️🤦🏻‍♀️🦄 雞蛋捲 $30🦄 評分: 7/10全部蛋捲已經一分為二 貼心位因為方便進食😽😽 蛋捲比較厚硬身 幾香雞蛋味 如果再鬆化少少就💯呢間元朗老字號傳統懷舊小食已經系第三代家族生意🤙🏼 堅持每日新鮮製造😼 最出名其實係肉乾同埋齋雞粒😹 但媽咪想食花生糖同蛋卷 唯有下次再試😾😾 新年嘅時候絕對可以過嚟掃油角 笑口棗 牛耳仔 蛋散😋😋#foodieschu元朗~~~~~~~~~~~~~~~~~~~~~~#hk#hkfood#food#foodie#hkfoodies#hkfoodie#yl#Yuenlong#元朗#傳統小食#懷舊小食#傳統懷舊小食#元朗美食#冠環球#花生糖#花生脆糖#雞蛋卷#米通#笑口棗#油角#蛋散#賀年食品#豬肉乾#牛肉乾#肉乾#齋雞粒#雞粒

係元朗居住多年嘅朋友 介紹我嚟呢度買年貨，同埋新年禮物比長輩新年禮物五花八門，計我話最緊要就係好食😌😌一於買住幾樣，試咗睇吓好唔好食先😎😎齋雞粒口感係幾好嘅，夠酥脆 可能係新鮮造，又真係好脆👍🏼👍🏼👍🏼味道甜甜地 又咸咸地 好懷舊既小食🙂🙂豬肉乾我覺得唔錯 揀咗蜜汁豬肉乾 佢幾好咬口😎😎厚厚地。有時好驚d肉乾好乾/好un/好難咬，但依隻唔會，仲幾juicy下南瓜子酥糖 依個幾好食！ 見佢好似幾健康，所似心動買黎試下😋😋每粒都由好多南瓜子組合而成，好香，好酥脆 又唔會太甜推介！👍🏼👍🏼佢哋嘅包裝都幾靚乾淨企理幾十蚊有交易，用嚟送禮都真係唔錯嘅選擇😎😎

試過買你嘅齋雞粒好好味，今次趁過年又食下其他食品，好等我買黎送禮，唔好永遠買超市禮盒咁悶。呢包裏面係有黑/白芝麻/椰絲花生糖，我比較喜歡呢啲軟身花生糖，芝麻超香，特別係黑芝麻。而最最最重要係佢唔痴牙，呢點係好重要😉下面呢包係脆身花生糖，花生大大粒，所以都好香口。脆得黎唔硬，又係一個抵讚既地方。嘩! 至於呢款蜜味豬肉乾呢…真係食到唔停口。正因為佢又厚身又林身，蜜味适宜，唔會有燶味，諗番都流哂口水。必食! 其實佢仲有好多肉乾，下次又樣樣買啲黎食先，有信心佢其他肉乾都好味。齋雞粒ok既，有脆同林比你揀，我就揀咗脆，都唔錯。

就到新年，又係時候採購年貨了。路過又新街呢間冠環球，見到好多人買緊年貨🤣見我在觀望，有個客人仲主動同我介紹話呢度d野好好食，佢年年都買🤣🤣見係咁，我都試下先今次買左好多款，每款都20-30蚊，就有滿滿一袋。本身見單價唔算平，都要成百蚊一磅，估唔到幾十蚊都有一大袋😆「原味齋雞粒」係最多人買既，我都買左些。雞粒脆中帶點鬆軟，入口有麥芽糖以及肉桂既香味，好正！每日新鮮人手製作同包裝好既成品果然有好大分別！另外我仲買左「黑椒牛肉乾」同「蜜汁豬肉乾」。豬肉乾肉質比牛肉乾鬆軟，牛肉乾就較韌但肉味更濃郁，兩款各有特色，都好好食🤤呢度既「花生糖」有分煙韌同脆口的，我就揀左20蚊脆口的雜錦花生糖。花生烤到非常香脆，喜歡香口甜食既人要試下😄

要食呢啲傳統懷舊小食呢，真係已經買少見少，唔知去邊度買先好。🤔 呢度冠環球係家族經營，已經嚟到第三代，仍然每日堅持喺香港火炭製造，唔係made in China。⁣⁣🇭🇰⁣⁣齋雞粒（$40）［好味度：8/10］⁣⁣⁣⁣⁣⁣⁣⁣佢哋嘅齋雞粒係新鮮製造，仲要人手製作，唔係機械生產，所以做到真係外脆內軟，唔會死實實。😙 一咬落去，開頭有個鬆脆嘅感覺，但係咬多幾下就會開始痴牙，口感好特別。😲 而且佢經過醃製，味道夠濃。😋 慢慢就會發覺食落根本停唔到口。⁣⁣😨⁣⁣雜果花生糖（$50）［好味度：7/10］⁣⁣⁣⁣⁣⁣⁣⁣有時花生糖食嚟食去都係嗰隻味，真係有啲悶。😅 所以冠環球就設計咗更多款嘅特色口味去配合潮流，包括咗南瓜籽花生糖，低糖口味等等。💁🏻‍♂️ 見到佢五顏六色咁樣，真係好吸引。🤩 於是就買咗呢一款雜果花生糖去試一試。🤤 唔同嘅果仁，配搭上軟熟嘅花生糖，更加令到口味更加豐富，唔會得淨係得花生浸味，而係配埋有好多層次嘅果乾味。⁣⁣😇⁣⁣蜜味豬肉乾（$60）［好味度：7.5/10］⁣⁣⁣⁣⁣⁣⁣⁣呢度亦都有唔同款類嘅肉乾賣，連羊肉乾都有。😯 可惜當時啱啱好賣晒羊肉乾，所以試咗呢個蜜味豬肉乾先。🐖

新年放長假，而好多餐廳也相繼休息。為了享受美味的食物，就來到這間元朗老字號的食品店入貨。香蕉糕一貫傳統的味道，甜甜地帶有香蕉味，值得一試。紫菜肉鬆蛋捲肉鬆味道突出，蛋香味濃，而且很脆口。紫菜肉鬆鳳凰捲能嚐到肉鬆和紫菜的味道，少少甜，豐富了口感的層次，別有傳統澳門的風味。雞蛋捲每一條都是長條型，咬落有濃濃的雞蛋味。齋雞粒店家新鮮熱炒，之前上過電視，賣相吸引，每一粒都很香脆。不用去澳門，在元朗已可品嚐澳門美食。

次次行過又新街，都會有被佢嘅香味吸引到我停一停、諗一諗，究竟今次買邊款嘢食好呢度出名肉乾、齋雞粒、花生糖，見住佢新鮮出爐，香味四溢，好想樣樣都買番屋企逐樣試門口有好大塊肉乾做生招牌新年仲有好多過年食品齋雞粒新鮮出爐～花生糖有好多款，有軟有硬因為新鮮出爐，所以今次就帶佢番屋企啦～鐘意呢度嘅齋雞粒，係因為佢口感煙韌，好有咬口，唔會硬到𠝹口肉乾之中，最鐘意圓形嘅原味豬肉乾，呢度嘅肉乾比較厚身，好有肉味，仲要好juicy ，香香甜甜～～ 尺寸剛剛好，唔會食到成面污糟呢款花生糖都係新鮮出爐～雜莓/雜果軟花生糖，煙韌嘅花生糖，越咬越有花生香味，中間又有酸酸甜甜嘅nuts味道

今日入咗元朗辦年貨，行吓行吓見到呢一間冠環球老店， 感覺好似澳門大三巴個嗰啲咁樣有啲花生糖啊，豬肉乾嗰啲， 咁我就行咗埋去睇下，見到啲齋雞粒啱啱炒起， 好香呀， $160/磅， 最少買$20, 我就買左$20 食， 另外就見到我鍾意食嘅花生脆糖， 店員話可以比我試吓食啱食先買，啲花生糖好脆， 又唔會太甜， 另外仲有d 傳統小食， 油角啦炸芋蝦啦， 笑口棗， 糖蓮子糖冬瓜.我本身都好鐘意食豬肉乾， 所以都買左兩款,果汁味豬肉乾同埋豬肉金錢甫， 呢兩款都屬於比較"林"身嘅， 另外佢都仲有啲豬肉紙同埋啲豬肉薄脆咁樣嘅。俾錢嘅時候， 老闆同我講就話已經係傳到第三代啦， 佢哋家族生意嚟嘅， 伯爺早係194幾年開店到而家， 到佢個仔已經第三代。返到屋企開封， 油角糸正呀， 鬆化又唔會太甜， 兩款花生糖， 我鐘意黑芝麻個款多d, 好好好脆。 豬肉乾， 一開食唔停口呀。我買左2款花生糖（花生脆糖， 黑芝麻花生脆糖）好好好鐘意食油角仔 ( 包得好靚）豬肉金錢甫

元朗有不少地方可以買賀年食品，屋企人揀左黎有名氣的冠環球，星期日的下午真的是人頭湧湧，想行埋去收銀都唔易。掃左一大袋分啲比親友，一啲擺下年盒咁啦。最後呢四樣留返比自己食，拎返公司同同事分享，正。花生糖，揀左呢款賀年版，加入杞子紅紅地好好睇，食落煙韌有花生香，不太甜，好啱口味。牛耳仔十分香脆，同事大讚，佢一個人啪左半包……嘩嘩，留返啲比我呀！蛋散同樣香脆，食落不油膩，也不錯。仲有好出名嘅齋雞粒，現場有四款口味，我就揀左要南乳呢款，80蚊/磅足砰，店員係電子磅前逐粒加，加到啱啱好一磅為止。一打開已經食左半包，哈哈，好香南乳味啊。煙煙韌韌有口感，食落甜甜地，但中途又有少少辣，好食到停唔到口～過年過節真係會大量增磅㗎，哈哈～

吃香港懷舊小食, 我會選擇一些老字號, 因為這些小店出品的食品, 才品嚐到小食當中的經典口味, 是兒時回憶呢！合桃糖 - 不是平時吃的那種超脆的口感, 反而是帶一點煙韌的口感。合桃有微香脆的質感, 合桃味很香, 同時亦有麥芽糖的甜味, 吃多幾粒還嚐到一點白芝麻香味。一盒裏面有很多粒合桃糖, 適合和家人一起分享。花生糖 - 好香脆的！花生粒不會太碎, 很有口感, 麥芽糖的份量剛剛好, 不會覺得太過甜, 細細粒, 容易放入口, 也不覺得太飽肚, 任何時候也可以拿出來吃~

今日去元朗同朋友掃街，適逢新年就到，就順便買些時令食品回家賀年。我位元朗朋友推薦我去港澳冠環球買賀年食品，去到店鋪，已經見到條長長人龍，睇嚟好受歡迎呀！仔細一睇，先發現大家都在排隊買即炒齋雞粒，原來經東張西望介紹完，人氣急升呀。港澳冠環球是間家族式經營的食脯專家，現在由第三代傳人主理，出售大量香港地道食品，有肉乾、花生糖、齋雞粒、炸油角、甜酸齋等等，好多花款，人人經過都忍唔住望一望，全部都想試一試。今次只係買左兩樣嘢，就係餐廳的招牌肉乾，一份是牛肉乾，一份是豬肉乾，每種選擇半磅，價格約$75一包。肉乾幾軟腍，有點黑椒味，豬肉乾較好食。港澳冠環球真係好多客，好受歡迎，味道都好，但服務態度可再改善。