港澳義順牛奶公司

營業中

休息中

剛剛在銅鑼灣波斯富街食完烤魚，飽飽地便行一陣銅鑼灣。一路行，一路都系一列嘅食肆，結果我哋見到一間義順牛奶，我哋好耐都冇食燉奶，便要入去食返個甜品。老公柯打咗一個熱薑汁撞奶，賣相都幾靚新鮮滾熱辣，但是薑味唔夠濃郁，奶味太甜。我當然柯打了我最愛嘅木瓜鮮奶，果然寶刀未老，依然咁好飲，無論木瓜和奶，味道濃郁又香滑，甜度適中，正。舖頭唔算大，但都坐滿曬人，冇諗到原來淨返銅鑼灣一間舖頭，九龍區就冇曬，果然生意難撈。

前幾日食完飯想食甜品，諗返起中學時候成日都食雙皮奶，於是揸車去附近食。入到店舖明明都有幾多空位，但係姨姨叫我哋坐喺兩對情侶嘅中間，唔係好明白呢個做法🤔我哋都有提出想坐其他位置，例如店入面有2張比較隱蔽嘅四人枱，但被拒絕。我哋見到之後入嚟嘅客人都被拒絕坐個到。聽店員姨姨喺度傾偈既講法就係個張枱係唔會比其他人坐，除非店舖真係冇位剩，因為萬一有明星嚟食嘅時候就係要坐嗰度😐好彩左邊嘅食客食完好快就走咗，所以我哋先可以坐得鬆動啲🫠服務就冇㗎啦，食物水平同價錢更加係無話可說。雙皮奶奶味唔重，好淡，仲要份量好細份。$40一碗，對我地來講唔會再食下一次。可能因為出名，客人不斷，所以冇服務冇味道，咁呢個價錢食回憶大家可以自行考慮吓抵唔抵啦

就咁 41 蚊先得呢碗咁樣嘅朱古力奶凍，我都整到啦，完全係智商稅。望落咁大碗，頂到盡賣廿幾蚊就差唔多。我原本想哎出面白色一支支嘢，點知只係一支細細地反而賣 29 蚊嘅鮮奶，喺 7 仔賣嗰 d 維記鮮奶仲抵過佢啦，完全係搶錢，早執早著。

小妹近日去完澳門見義順牛奶公司，去開銅鑼灣即時諗去佢🫣雖然呢間餐廳🍴排隊嘅人好多， 但因為大家食野速度好快，所以好快就有座位可以入去食❣️ 呢間餐廳🍴沒有裝璜華麗既佈置，而職員亦沒有好既招呼，但勝在甜品美味😋可選擇凍凍的/熱辣辣的😍冰花燉雞蛋小妹當然要食冰花燉雞蛋🍽️啦～不過天氣很寒冷🥶所以比較喜愛食熱燉蛋🤭 整碗有不同口感及層次，雞蛋超級香濃，入口好順滑，很易一口接一口就將呢碗食哂🤤 一點都唔會想浪費😼呢間餐廳職員態度雖然一般🫣但有新鮮熱辣既茶餐廳美食，亦有港澳馳名既香濃幼滑的燉蛋及燉奶，絕對要再次光臨😎

叫左一個熱的雙皮燉奶，味道非常濃郁，個層皮真係不得了，以味道來講應該都係香港第一味道嚟講，我覺得有9/10暫時未食過其他餐廳嘅燉奶有呢種質素可惜餐廳員工禮貌非常麻麻，感覺好冇耐性唔優做嘅感覺，而且坐嘅環境都唔係特別舒服，100%需要同其他人搭枱，感覺15分鐘就想趕你走，一食完1秒都冇得再坐嘅感覺….不適合想傾偈的人士進來不過如果你單純想追求味道或者外賣，我覺得呢間餐廳絕對可以值得考慮，同朋友或者女朋友就要慎重考慮

上次經過見到一碗碗燉奶已經好想食今次食完晚飯口痕就去食返碗🤤成日覺得佢同澳洲牛奶公司好相似除咗燉奶，仲有各類型嘅鮮奶製品，亦有鹹食三文治同通粉／麵▶️ 馳名雙皮燉奶 ($40)當然要叫返個最經典嘅燉奶款可選凍或熱，個人覺得凍食正啲❄️最鍾意係面層嗰塊皮，好似腐皮咁薄但有質感第一口已經品嚐到牛奶濃郁嘅味道🥛香過飲鮮奶偏甜咗少少🤏🏻不過勝在唔會好假或覺得佢加咗好多糖，反而似牛奶本身天然乳糖味道布甸少少動L，唔可以話非常順滑細膩，可能因為偏水身，但唔會太稀如果鍾意creamy啲、杰身啲嘅布甸，呢個未必好啱你-欣賞佢雙皮奶牛奶味香濃🍼質感未必最好食最滑，但我覺得可以接受依家仲有其他款式味道，本身都有啲興趣試吓香滑咖啡燉奶 (不過驚伏🙈)服務還可以，姐姐做嘢快手啲急啲，態度唔差嘅環境擠迫少少，八點幾九點都仲好多人，全場滿座之餘要等位要同人搭枱都係正常嘅，最多食完即走人💨然而價錢貴咗啲，每年加$1，變到依家嘅$40/碗 (印象中係$36/碗)食完幾開心嘅，尋找返童年回憶味道👅

義順曾幾何時係香港坐擁好多分店，門口仲會充滿排隊長長既人龍，今次去到唔洗等位直入，鋪頭裝潢十年如一咁陳舊，座位狹窄迫迫夾夾，姐姐態度一如以往咁麻麻，可能係店家希望客人快快食完走，唔好久坐阻住做生意🤫🍼馳名雙皮燉奶同朋友仔嗌左一凍一熱，兩碗都大失水準。先講熱個碗，表面有一層薄薄既奶衣，做到雙皮奶既基本要求。奶味偏淡，甜度非常高，似係用巨量既砂糖蓋過牛奶不足既問題🙈亦唔滑溜偏水狀，食到底更有好多水。至於凍食好嚡口唔軟綿綿，味道亦係一樣太甜，以呢個定價呢個質素真係唔值🥲仲要用即棄膠匙羹，食個陣口感唔好又唔環保！📍港澳義順牛奶公司銅鑼灣駱克道506號地鋪

Steamed Milk (Cold) • Ginger Steamed Milk (Cold) • Chocolate Steamed Milk (Cold Only)Can't never go wrong with the original steamed milk! The milk pudding is smooth, silky, and not too sweet.Could definitely taste the chocolate in the chocolate steamed milk pudding. Lid loves this one and the original.For those who like 豆腐花 (tofu pudding), the ginger steamed milk taste just like this but, without tofu. 😆Overall we enjoyed all 3 variants!

每次喺附近剪完頭髮, 都想輕輕鬆鬆食啲小食(因為整頭髮真係要坐太耐..)呢間餐廳唔經唔覺開左咁耐, 食物餐牌不變,唯一變得最明顯就係個價錢😂燉奶係正常水準, 鮮奶咖啡香滑濃味,奶感厚實, 最鍾意就係個牛油咖央多!!😚烘得剛好!(雖然睇相好似好深色咁😂) 咬落去又香又脆, 但又唔會刮到個口~雖然可能好普通, 感覺好似成個香港茶記都做到咁, 但硬係覺得特別好食😂舖頭嘅姨姨感覺都做慣做熟, 大家都輕輕鬆鬆, 食個下午茶都食得特別自在~就算最近遊客多左都好, 只要唔駛排隊,我應該都會每次剪完頭髮就食呢間餐廳😼

🥕馳名雙皮燉奶：6/10 （$32 凍熱同價）雙皮奶嘅質感尚算Q彈，搖下佢嘅話都會輕微彈下彈下，但係口感方面就略嫌唔夠幼滑細膩。味道方面，奶味濃郁，甜度適中，蛋味都足夠。🙎🏻‍♀️同🙍🏻‍♂️就覺得作為招牌菜再加上呢個價錢，口感方面應該可以做得更好。🥕熱巧手薑汁撞奶：6/10 （$35）薑味好濃，食落去確實係好暖胃，但係同時薑味亦都太過搶，蓋過曬本身應有嘅奶香。而奶底口感、質地方面大致同雙皮奶無異，所以除非你係好鍾意薑味嘅人（成碗嘢都幾辣下🥵🥵），如果唔係我地都係推薦叫碗原味燉奶就可以啦。

突然好想念傳統港式糖水的雙皮奶～小時候爸爸經常自製給我吃的以前義順的雙皮奶 印象中又香又滑可是現在的雙皮奶卻如此水皮... 失望極了—✎ 雙皮燉奶（熱） $38極為水狀的雙皮奶 食起來沒有布丁般的質感牛奶味也不重 愈吃愈甜...✽好味指數：★☆/5.✎ 冰花燉蛋（凍）$30燉蛋味道反而好一點 有些蛋味質感是滑的 可是也是水狀感較重✽好味指數：★★★☆/5—｜ 𝘼𝘽𝙊𝙐𝙏 ｜⚐ 港澳義順牛奶公司 地址： 銅鑼灣駱克道506號地下人均消費：HK$35 (ppl)回訪指數：🤤🤤/5環境舒適：🪑🪑🪑/5

老字號，經歷過風風雨雨，仍然屹立不倒！無論裝潢，氣氛都是以前風格風情。每次都會食薑汁撞奶，奶白得像冰面，滑溜溜。食時小心熨口，新鮮熱辣，入口隨即薑味散發，然後撞奶會自己自然地溜入口中，好香好滑，果然人氣之選咁多年，沒有被人遺忘。

雙皮奶 通常以為澳門先有，估唔到香港都食到好開心今日行過 無意中發現到呢間港澳 義順牛奶公司超級好生意 人流多到時時滿場好彩我一入去都有位🤗之後啲人先慢慢跟住入嚟 好多大陸遊客幫襯可能係小紅書有介紹🤔我叫咗一碗凍紅豆雙皮奶我唔想齋奶 想甜啲 果然唔錯 拿拿聲好多食哂之後再加一份 奶醬多嘆個豐富下午茶好多奶同醬 好好味 厚多士 但唔係超厚岩岩好 如果你哋未食過 我都建議一試唔太貴 但可以平啲不過香港得一間 所以貴啲都正常嘅😆😂

啲嘢大不如前都已經好差，雙皮奶唔夠凍，態度仲差過乜！$32嘅豬扒包唔脆之餘個豬扒得番個包嘅一半！啲位得番啲做嘢嘅阿姐話哂事，指係去邊就邊！一入嚟要人兩秒order，答佢諗吓佢都狂「啤」住我哋 !走人嘅時候追我以為漏咗嘢。（追出嚟我已經話，我唔要㗎啦）只係一個空樽同一張leaflet都唔肯幫我掉！咁你不如俾埋啲紙巾我掉！咁大過人都未聽過有啲咁嘅規矩，原來執枱只係執碗！香港服務本身好差，估唔到疫情後可以再差啲阿姐咁嘅服務態度，就嚟連呢間都冇得做，搵過份工囉！（不過唔好再害我哋啲食客受氣啦唔該）#因果報應

今天光顧這茶餐廳，給人的感覺大不如前，店員服務態度差劣，有食客再點東西時居然告訴他:要一次過點餐，難道若果我吃不飽就不能再加其他東西，以這樣的經營手法希望好像九龍分店一樣: 遲早執笠; 寄語香港人:光顧前請三思。