港灣茶餐廳

營業中

休息中

再次到會展罰企整星期，生意不好勞民傷財，浪費資源金錢時間體力。無啦啦有個地中海四眼叔搭檯，仲要係傻既！本來望住個對面檯位靚女食早餐，依家無晒胃口。阿叔您真係唔驚我會發火喎！不停搖張檯，我杯啡都瀉晒喇福街！我可唔可以踢您個頭呀？最搞笑係自己 order 普通咖啡，跟住屈個 waitress 落錯單，要凍齋啡走奶走糖。您見到我杯凍齋啡以為自己都係呀？對住 waitress 嗅串無禮貌，阿叔您邊位呀？映衰晒我香港民，您係咪偽港民呀？州民就滾回州國不要在人家地方生事！每道菜色定價高昂，單餸燒味飯索價 $62 蚊，什麼珍禽異獸那麼矜貴？凍齋啡走甜，非常一般茶記級數，甘澀不香。火腿太陽蛋沙嗲牛出前一丁，我都話走包咯，有無留心聽落單呢，又要掉左去好浪費！太陽蛋穿晒流到成劈勁樣衰都照出，跟火腿全部凍冰冰，搞那錯食冷盤呀？ 如果附近唔係得一間茶餐廳，真係搵鬼黎呀！將凍爛太陽蛋及凍油火腿掉到湯中希望熱熱去，點知連個湯都只係微溫不熱辣辣，我真係火都黎！微暖湯底浸著無味白烚腍劈劈麵條，成舊麵餅沉底，明顯地一早烚定放涼，有 order 就加湯出貨！粉口麵條，毫無生氣 ，奄奄一息，食到我十分傷感。沙嗲牛肉質素入得

因為突然要去會展做嘢，為左方便就去做灣仔港灣茶餐廳叫左個雙拼燒味外賣，埋單簡直嚇死寶寶😓 一個雙拼燒味飯+杯凍檸茶，盛謂$90吖唔該（仲要係得指定嘅叉燒，雞，鴨）係唔包鵝 同 燒腩嘅！好串吖！又唔係特別好食，凍檸茶又唔甜！方便便換來了中伏

以前的港灣茶餐廳有即製菠蘿包，雞尾包，現在麵包區已變成座位，可以容納更多客人。今天一行六人去hi-tea，點了六份西多士，製作很有水準，牛油份量剛好，入口即溶，熱啡剛香！

叫咗白汁雞皇飯, 係炒飯底！$78算係小小貴， 但係喺會展入邊，算啦！嘢食質素都唔錯，炒飯底好正，份量適中。帶咗凍檸茶少甜小冰，好正！！環境都唔錯，好多人食，侍應服務都好快。

是日BB展，與老婆買完BB用品，最好立即找到餐廳坐一坐。最就近會展的，一定是位於會展中心入面的港灣茶餐廳。午市套餐有四個選擇，以會展入面的餐廳來說，價錢算為公道。我選了乾炒海鮮烏冬，稍稍咸了一點和油膩一點，味道算不錯。老婆突破盲腸，問我為什麼海鮮烏冬沒有海鮮，是喔，像乾炒牛河轉了烏冬，只有肉片，沒有海鮮。油菜另加$30。有菜心和芥蘭可選擇，我們選了芥蘭，芥蘭嫩口，配上少許蠔油，清淡而健康。老婆選了蔥油煎豬扒。我食了三分之一塊豬扒，豬扒經過醃制，十分入味，有甜有咸，有茶餐廳味濃的風格。豬扒煎得剛好，十分香脆，但不會過硬。暖暖的蔥油很香，很送飯。可力真係好飲到無得彈，奶香幼滑，有別於一般茶餐廳。總體來說，港灣茶餐廳位置便利，方便逛完會展找地方吃飯，味道有一定的水準，環境寬敞舒適。

今晚帶兩位80幾歲老人家去金紫荊參觀，之後兩老累，想搵地方坐下，就去左依間茶記。叫左3碗牛腩面，老人家覺得咸，叫待應拎碗，想倒走湯，再加水，點知待應當住老人家食面時，倒水到碗面內，嚇親老人家大佬丫，老人家幾十歲，係咪咁嘅服務態度丫？！之後我自己去拎碗比兩老，待應白眼，問我要咩，叫我坐返埋位，佢拎碗比我。如果第一次叫就拎比我，我就唔會做埋你果份啦，我只想兩老坐下，休息下，點知換來咁嘅服務。依度價錢貴，3碗牛腩面埋單$180，仲要咁嘅態度對老人家，如果唔係兩老累，我都唔會入來幫襯，絕無下次

到會展出 SHOW, 一到放飯時間一定好多人, 但行出去灣仔又遠, 一來一回都用去寶貴既60分鐘, 所以我一定揀這間茶記, 雖然會場都有其它選擇, 但半自助餐貴, 後面小型 CANTEEN 又難食到可怕, 去到千其吾好比條龍嚇到, 因為其實人流去得好快, 原本以為兩行半隊要等15分鐘, 但不到十分鐘就入到!我吾太餓, 選了個牛腩河, 同事選了XO醬豬扒炒河粉, 我既不到5分鐘就到, 牛腩算多, 好林, 湯夠肉味, 河粉略少, 女士OK分量!同事選這個等了很久, 都差不多要20分鐘才到, 應該是即叫即做,需時耐但豬扒好多舊, 國內同事贊口不絕! 只是XO醬不太夠!這裡債錢比出面茶餐廳貴, 一定是必然, 鋪租問題吧, 但分量很足! 不過佢地沒有 SET, 飲品要另叫!

系灣仔做野多年，但呢間餐廳就真系第一次食，可能因為開系會展中，所以一直冇機會去試下，價錢偏貴，但環境唔錯，食物都比想象中好，服務質素中上。今日我點左個lunch set，照燒雞扒，凍奶茶。杯奶茶上先，飲一淡，滑。雖然奶茶味道間間茶記都差唔多，但呢間就比人一種好滑既感覺。再講下個雞扒，兩件一齊上，雞肉冇雪藏味，而且好多汁，皮都好脆，但個照燒汁就偏咸左少少，但總體黎講都系唔錯既。

行咗一個朝早茶展，都仲未行完，所以個lunch就地解決就算！於是揀咗在會展入面的餐廳下午1:00左右仲以為會等位等到癲咗（因為今日有多個展覽同時開，包括好多人的美食博覽），點知在餐廳門口等咗兩分鐘就有位了！（我們一行四人）叫做寬闊，我們坐卡位餐牌都叫多選擇我叫咗叉燒米粉，特登要求要燶少少，雖然個侍應話未必做到，但係最後係有燶位，好滿意！叉燒夠滋味，有濃濃叉燒汁味，於是配上較清淡的米粉都唔覺得單調。上面有兩條菜心，煮得恰好對面係食燒腩仔飯，都好食。而另外兩位係叫叉燒蝦仁炒飯，好大碟，兩個女人都食唔晒而健康的我當然要叫郊外油菜啦（$30），份量尚可，口感不錯，不會太硬或太軟，建議大家可以叫黎食飲品就叫咗熱話梅柑桔蜜，夠甜夠熱，不錯！

因為有比賽，所以一早便要在會展等候。還有點時間便到樓下的港灣茶餐廳食早餐。這是第一次食，也是最後一次，因為那裡的員工實在太沒禮貌。落單時已黑面，一聲不響。我叫了一個中式早餐，等了廿分鐘，細問才知沒有粥了，為何不通知？轉其他，又對我黑面，又大聲呼喝叫我等陣，先生，你的早餐價錢不便宜啊！是因為我幫襯太小嗎？食一個早餐，為何要我一早就要受氣？以後最多行還 d 食其他，也不會來這裡

國際會展唔好再寫雞脾喇，唔係脾氣、唔係脾臟，係雞髀！從骨字部，髀肉。凍齋啡走甜，茶記味道，夠甘夠苦，正常。無飲管既？見侍應阿姐明明成紮飲管插係籮柚度架喎。環顧四周，發現大多數食客都無飲管，即刻明白晒﹗原來走飲管，無問題，我直接飲就可以，支持。腸仔太陽蛋沙嗲牛肉出前一丁，太陽蛋可能由廚部煮理，跟水吧煮麵分開呢，所以一早送到，而湯麵就等多 5 分鐘，我習慣要等齊一家團聚先會開始食。太陽蛋，蛋白嫩滑，邊位焦香微脆，蛋黃味道甘甜濃厚黏滑，吉穿讓蛋漿掛在麵條上大啖啜，美味絕倫。腸仔居然用上高質熱狗腸，肉味特別香甜濃郁，不腥不嗅無怪味，硬淨有咬口，好食好食。可以再熱一點就更正，如果炸一炸更開心！牛肉全熟結實不韌不硬，保有少許滑溜感，撈埋甜甜香香不辣的沙嗲汁，醒腦開胃滿足滿足。師傅您返來喇？相隔 7 年終於食到以前港灣米芝連的丁麵味道﹗即煮熱騰騰優質丁麵，爽彈幼滑。湯汁已滲入每條麵條之中，泛出耀眼的淺啡色，每淡濃郁可口美味無比。掛上清香沙嗲汁捲埋牛肉淋上香辣辣椒油，更是如虎添翼，十個讚無甩拖，食多碗都厭唔夠喉。估計食物質素突然提升，事因生意淡薄，樂得清閒，丁麵無需煮定，不再粗製濫造馬馬虎虎，腍劈劈煮

無其他選擇，但求既經濟又安靜的午餐，惟有要常常去...午餐時段比其他人早吃一個鐘頭，時間頗為鬆動...每日都有4至5款特餐選擇，包飲品，只是$68..但近日來頗難吃，水凖驟降，一時超咸，一時超油膩，有時超淡...拉面硬崩崩的，而且，portion不大，不夠飽肚...頗為失望

去開果頭做野，唔想行番出去灣仔大街食，唯有係度近近地食餐晏。果日撞正有展覽，所以好多人，餐廳門口排晒隊，要等叫先可以入去坐。但佢人流快，大概10至15分鐘左右就排到入去。。我叫左個香茅豬扒炒公仔麵，差不多70蚊，但就唔包野飲。大既等左10分鐘，碟麵就上枱。其實佢都俾左幾大塊豬扒，雖然切開一塊塊上碟，都有好多舊。啲豬扒都入味，幾香幾好食。至於個公仔麵落左好多3色椒，都炒得幾香，不過係多油左啲姐，係會展樓下食到啲咁既質素既午餐都算唔錯啦

中伏一間唔推介大家去食的餐廳😓😓搵食無辦法~~~~亞太美容展 忙嘔電，到下午4-5點先有時間食午飯。會展 #港灣茶餐廳，若非因為忙爆，在會展樓下隨便找間，係唔會去亦唔會覺得值得去。貴到離譜，一個飯基本$58左右，餸少得可憐，飲品再加$22，咁就每人$80。。若非但求醫肚，真係唔會食。。。#明明會展是香港的國際交流中心_但餐廳水準偏是差藍貓.愛食煮靚

Also known as Yi mein, these are wheat and egg noodles, made with soda water giving it a springy soft texture, in addition to that chewiness. They were smooth and very easy to eat. And I was starving and polished that whole plate.In an effort to understand more, I read about the braising or cooking style of these noodles here .I haven’t had these particular noodles before but these tasted good here. One of the things I don’t appreciate is the use of plastic serve-ware or dinner-ware at sit-in pl