港記糖水

營業中

休息中

吃完晚飯與朋友很想來吃吃糖水，我們點了刨冰、糖不甩、 pancake和夏日之戀,食物質素還可以地方不算大普通港式糖水譜但是有很多人來吃人流不絕。店內很先進可以用支付寶來付款。

經理左一日嘅苦要甜番下，特意來到官塘，淨知創紀之城過邊夜晚無野食，咁就過來舊少少嘅呢邊，一見門口好多人夜晚11點都要等位，人氣有番咁上下。鋪仔唔大但坐滿後生一代，但樓面收銀姐姐都係上一輩嘅人，幾特別嘅畫面。餐牌內容唔係有特色有溫卿有舊式糖水，今次嗌左古今兩種夏日之戀同埋芝麻糊豆腐花。夏日之戀係有兩球雪糕，生果同朱古力脆棒，雪糕食落好似係產自香港雪糕廠房嘅波波雪糕因為好圓嘅球體，岩岩好嘅甜度。總括而言幾好嘅舊區之選。哀左一日嘅辛苦嘗試用甜埋尾先。

食完晚飯之後同朋友來這裏食中式糖水這裏的糖水雖然賣相唔算話十分精緻但價錢合理親民我們叫了一個雜果刨冰🍧和夏日之戀 有兩球雪糕可以選擇不同的味道刨冰不是日式或者韓式那種比較綿的質地 冰粒係比較分明 不過以這個價錢來說 性價比也不錯

十一點半左右去左試呢間港記糖水，試左佢既雪糕西米露（$24）同奶皇湯圓（$4/1粒，最少要加兩粒），雪糕有曲奇、芒果、朱古力同芝麻選擇，我就簡左曲奇，曲奇雪糕同西米露唔太夾，雪糕冇曲奇既口感，但味道都不過不失，而西米露做得幾細粒下，奶皇湯圓真係幾好食，奶皇好香，皮有咬口，但料既量就好少，加上湯圓應熱食，店員冇另上湯圓，直接加左去西米露到，搞到湯圓涷哂，啲奶皇都冇流出黎感覺，如果另上味道一定好好食^_^其實我同三個朋友嗌既野份量大致上都算足，加上個價錢都係真親民架，所以都可以試下，但就唔需要專程去食。

自從觀塘開始重建後，好多舖頭都執曬，冇咗好多小店。。。 甜品店黎講，觀塘選擇真係唔多。尤其中式糖水，黎黎去去都係嗰幾間，味道其實冇乜特別，但有時總係想去坐下，食碗糖水吹下水。硬係覺得食糖水去小店食會正宗啲🌟今次嗌咗綠豆沙加芋圓，估唔到港記呢種舊式小店都會有芋圓，芋圓地瓜圓控緊係要試下😂但幾失望，芋圓口感唔夠煙韌，又無乜味，唔知自己食緊乜咁。。。但綠豆沙唔錯，唔會太甜，食落清甜～好舒服。果然呢啲最傳統既中式糖水係做得最好😋 下次黎都係食返啲傳統野 價錢都好平 $20一碗，加芋圓地瓜圓都只係$6。

在觀塘區睇完電影吃完晚飯，又不想回家。便看看附近有沒有岩口味的糖水舖。 最終給我發現這間...有傳統糖水吃，而且價錢非常平民化，便選擇了這間了♥️周五晚上的確很多人，排隊等了一會兒才能進店進食，我點了薏米腐竹雞蛋糖水， 以香港地十數元一碗的糖水來說，都幾大碗。 而且味道還不錯，不會太甜。 雖然點的是薏米腐竹糖水蛋，但糖水裏面多加了一些白果，建議材料可以再多一些份量，不知道可否加錢加底的呢？( 下次再來可以問問)

夜晚晚係食完晚飯後 朋友說要吃糖水，作為好朋友的我一定奉陪到底呢。偏愛吃中式傳統糖水的我倆，正好在冬天時節尋找吃熱糖水的地方，呢度就正好符合我地既要求。中式糖水 當然要吃最傳統的 ，濃濃的 黑黑的 吃下去甜度剛好。看下去都可以看出她的細緻呢 傳統既工藝永遠係即沖既成品不能取替。好吃🖤而朋友另一款 。喳渣底 其實跟紅豆沙底差不多也夠沙既質感，再額外多雜豆 口感較為豐富呢。另外加配既湯丸 我沒有吃，但聽朋友說應該不錯呢 也見不少人有加配。 看他在我吃到一半芝麻糊時，他已把她吃光光就知道 味道應該不差吧。..雖然而家糖水店有五花百門既選擇，但傳統糖水總是不能被取替。一碗熱騰騰既糖水，永遠係冬季裡 宵夜最讓人吃下感到溫暖而滿足既甜湯呢。..你不愛❓ 但至少我愛❤️..

以前番學同剛出黎做野成日都會去食糖水，依家出黎做野少左食糖水，加上依家潮流轉食靚靚甜品，個個都為左打卡。今個晚上同中學同學重拾童年回憶，在舊學校附近食糖水。尼間港記都開左好多年依舊無時無刻滿座，餐牌亦無轉到，價錢都無點加，差不多都係廿幾蚊碗。睇完餐牌款式真係太多，最後揀左熱既《海底椰紫米露》$25海底椰超多，紫米露煮到夠淋同椰汁🥥也很滿，亦吾會太甜天氣凍凍地食番碗熱糖水係正既另外老公叫左碗《金多寶》$26金多寶係即係乜都有，多種糖水既綜合，一次過滿足晒幾個願望😂材料超足超滿，而且口感豐富，不過只有凍揀。食完金多寶我發現岩晒我尼種吾知揀咩款既朋友食正唯一不好的是太多人食完就要趕走你同好擠逼，不能好好聚一聚。

吃過晚飯有點意猶未盡，到官塘曾一個康寧道食糖水。不久前，已曾到附近的另一間糖水鋪了，今次決定到港記嘗試它的港式糖水。同行朋友點的紫糯米豆腐花，味道偏淡。核桃糊，不會太甜膩有核桃香味。芝麻糊不會偏甜和太杰身，值得一試。

返到觀塘想食多少少野，就諗起食糖水。記得呢間港記都開咗幾耐吓，就入去食吓。差不多11 點食客都差不多滿座，幸好也不用等位。坐位比較迫逼，有時要郁吓就人出出入入。鮮雜果大西米 ($28)，雜果都係西瓜、蜜瓜、哈蜜瓜、芒果之類，另搭一片奇異果，都幾refresh。上面的芒果汁遮著大半生果~下面的大西米係花奶底，流埋D芒果汁落去，正!第一次食大西米，成粒爆珠咁大粒，好有"趙"口，食哂勁飽。不過如果大西米再霖少少就更好~蜜瓜涼粉 ($24)，大大舊切成方形的蜜瓜都幾多，涼粉當然也是花奶底，都好好食~~

自從你間糖水舖搬咗入觀塘之後，終於覺得觀塘有間好味嘅糖水舖！以前一定要落APM食滿記，可惜越嚟越Hea。一早同朋友講咗食完飯要嚟你度食個糖水！我自己叫咗木瓜燉雪耳糖水，始終秋天到咗，天氣咁乾梗係潤一潤啦，糖水唔會太甜，仲有好多材料添！朋友叫咗夏日之戀，依家仲邊有20幾蚊個糖水有兩球咁大嘅雪糕？芒果汁勁濃勁多料，我都忍唔住不左啖仲叫多咗個涼粉，不過朋友話冇諗過佢落花奶，佢話如果落之前可以問一問佢要唔要返嚟就會好啲囉！總括呢間糖水舖真係好抵食！不過位置就唔算太方便，但係為食嘅我唔緊要啦！

港記開係康寧道斜路，其實都好幾年，地點算方便，觀塘街坊都知道。中意黎尼度食甜品係因為中意食他們的芒果，時時過黎都好香好甜，不論咩季節。芒果加布甸 $27芒果香甜，布甸夠滑，攪埋一齊食又香又滑，連小朋友也很喜歡。芒果黑珍珠 $27黑珍珠爽滑，口感清新得意，加埋芒果的香甜，絕配，不論外形或是味道，都是很適合夏天消暑之用。其實之前試過其它傳統甜品，例如咋咋等，也是做得很不錯。他們的出品不太甜，正適合我口味，大家有空可以來試試。

10點半去到，不用等位，好多人，坐滿的，點甜品後5分鐘便有，很快，服務好，食物質素好重要，甜品美味， 讚讚讚😋😋😋會再光顧的，觀磄食糖水的好地方呀！下次想試下湯圓！

每次黎親港記，都一定例牌照舊！夏日之戀：曲奇、朱古力，多汁多奶🤤呢碗糖水真係非常足料，生果包括芒果、奇異果、西瓜、蜜瓜同哈蜜瓜，加兩球雪球-可選曲奇、朱古力、芝麻&/芒果味，仲有芒果汁同花奶 顏色色彩繽紛，生果酸酸甜甜，但加埋一齊又唔會覺得奇怪，反而夠豐富，一定夠飽！店員都唔會孤寒，叫多汁多奶會見到芒果汁真係多到滿瀉！糖水仲加左小明珠(西米露)，真係好有誠意。 個人覺得整個甜品既精髓係兩支曲奇條！每次甜品一到都同朋友爭住食，哈哈！好味到唔記得影相添！但有試過其他甜品 e.g刨冰、芒果清涼爽，同埋美味可口！

去到懷孕後期，同事提我要食下芝麻糊，除了有助排毒、令bb頭髮烏黑外，黑芝麻富含鈣質，有助bb吸收足夠鈣質之餘，亦免媽媽缺鈣。提起芝麻糊，除了想到佳佳，亦會浮現港記。港記芝麻湯圓出色外，佢既芝麻糊亦係人氣no.1。芝麻香濃，濃杰適中，甜度岩岩好，食一整碗亦不會甜到口乾。真心推介。