影片
營業時間
今日營業
06:30 - 18:00
星期一至日
06:30 - 18:00
以上資料只供參考, 請與餐廳確認詳情
之前嚟食過兩次覺得嘢食okay 啦，地方都算乾淨嘅，今日諗住食個快lunch,入嚟見到牆上面個電子餐牌，第一行寫住選用走地雞嘅海南雞配香蔥油飯，問餐廳職員可唔可以「走胸」，佢話冇㗎，不過可以加十蚊𨍭脾，心諗個餐$66再加$10，$76我一定可以食得好啲，所以冇𨍭。湯同奶茶未到，個飯已經嚟咗，相機先食，影完張相拎開碟醬下面全部都係「白曬曬」去咗骨嘅雞胸（失望到唔記得影低😥😥），另一邊有隻斬開嘅雞翼加幾舊帶骨嘅雞胸。😭😭見到啲雞個樣已經冇晒胃口，食落去更加勁後悔，覺得今日嘥咗60幾蚊。今餐嘅感受：從未食過咁難食嘅海南雞飯，只可以用白曬曬、凍冰冰（雖然預咗）、嚡熠熠同淡而無味嚟形容。仲話選用走地雞，連雪雞都不如！😭😭我啃晒啲雞，食咗幾啖飯，飲咗幾啖奶茶，飲埋碗湯，快快走人，應該經過今日之後都唔會夠膽入嚟再試其他嘢食！P.S. 今餐失望到一個點，之後去咗一間餃子店，食咗幾隻鍋貼加埋杯豆漿，先感覺良好番啲啲。😥
繼續閱讀
好耐冇去茶餐廳食早餐，叫咗份典型嘅港式早餐。有雪菜肉絲米粉+煎雙蛋+迷你菠蘿包🍞雪菜肉絲米粉就正正常常，不過裡面有少少辣椒絲，所以味道比較濃。估佢唔到嘅係有菠蘿包!!! 菠蘿包外層都算脆同香😋
繼續閱讀
今時今日仲可以咁差嘅服務態度！ 我以為澳牛出咗名㗎啦！估唔到呢間港里茶餐廳一樣！ 我自己身為香港人我都好奇怪，問過夥記攞個餐牌睇佢叫我，自己睇個檯面 最慘佢基本上呢一個四人座位,每一邊呢就係只貼一張 ，細個一半A4 size嘅餐牌!! 再＋上啲字係好細隻 我呢啲有老花嘅點會睇到呀 ！！ 咁咪問個夥記 畀一張早餐餐牌我睇, 兩個都唔肯提供!! 只係繼續叫我睇餐枱 我結果要趷起身行過對面位， 仲要搬開 嗰個枱面嘅 食物餐具先睇到！！ 係咪好精彩呢🤪痴線 ！！打印餐牌成本有幾貴啫? ！當你好貴都係六蚊一張影印。你仲要細個一半A4 size，你一次過打印一張都可以擺放到四個餐牌啦. 你六蚊可以打印到四張餐牌咁都唔肯投資 ， 夥記佢仲要個樣好厭煩 當你問佢攞餐牌 ，香港茶餐廳 多得呢啲咁嘅餐廳服務 想好都難啦！ 唔好怪人北上消費 😩最後試咗去所謂嘅招牌沙爹牛肉 ，非常普通， 唔需要專登走去試 ！奶茶完全唔合格， 求其自己買即沖嘅都好飲過佢另外蛋治又係唔合格, 炒蛋：雞蛋冇味 ,炒得太碎.菠蘿包個皮 用鐵匙羹都敲到kwok kwok聲, 證明好硬，不合水平👎服务差，食物质素不合格，不会再幫襯了。。。
繼續閱讀
有效率有禮貌茶餐廳今日去完裕華買野，行去尖沙咀搵午餐，行到去一系排隊，一系裝修好舊，終於行返轉頭中途見到哩間，因為之前行過見到麵包同裡面裝修都OK。12點半左右去到仲有卡位，2個人坐4個人卡位都無話你，OK喔。坐睇叫左兩個午餐，覺得服務態度吾錯—叫海南雞本來要求走胸，伙計大哥話要加$10轉肶，跟著加一句其實廚房可能吾叫都比你，最後又真系比左肶。—真系1分鐘都無就上菜，真系有效率，—上到來啊姐仲好風趣咁話啊媽靚湯，又話咁快系出量咖嗎，哈哈。—在午餐途中亦見幾個伙計對其他客人態度非常友善海南雞飯餐($66)3分— 是雞肶，太開心啦！—睇到雞肶連最低果塊都見到有透明的雞油，好難得。— 雞皮可以話有彈力，可惜雞肉比較熟，好在吾鞋，都算有雞味，所以如果系雞胸就吾知道會點啦！— 油飯聞到好香，食落比較其他餐飲重姜和香料味，幾特別，唯一吾好系太硬，食完都有頂胃感覺。土魷魚蒸肉餅($55)4分—土魷估計吾系一起蒸而似系炸過最後放系肉餅面，所以幾香，幾有心思—肉餅都系正常肥肉比較多，吾死實，都算有肉味。—哩個餐又系差在個白飯，比較硬。例湯(5分)— 比足料，好甜，成碗青紅蘿蔔，仲有雞腳同豬骨，奶茶(4分)—奶茶真系幾滑幾香，如果熱小小就perfect。檸檬水(3分)—正常埋單後見到外面咁多遊客買麵包，又買左一個核桃蛋糕做下午茶，食落牛油幾香幾鬆，系甜左d，但系茶餐廳level都可以攞4分，吾好用cafe 比較
繼續閱讀
至愛的沙爹牛肉麵和港式奶茶 這裏都好美味 簡直是絕配👍奶茶的味道是正宗的港式奶茶, 非常好飲！星期日到佐敦必去的地方, 但是有時很多人,有種擠迫的感覺. 還有每人必須嗌一個餐 不能白坐😂
繼續閱讀