港飲港食 (已結業)

今日自己一個人去了食午餐店舖面積很大是一般茶餐廳的三倍點了一個豆腐火腩飯火煵做得有點令到吃的時候不夠滑口豆腐就沒甚麼問題但可惜也沒甚麼特別有的店舖可以把豆腐做得好像很有水份所以吃的時候特別滑口不過豆腐或許在這菜中都只是配角如果只計火煵的味道的確遜色了不少……

我同仔仔嚟食晚餐，呢度環境比一般茶餐廳好，招呼也OK，朋友介紹我食美極是但炒麵(~$40)，炒麵有芽菜、肉片、魷魚、火煺，都幾大碟，我哋倆個食到很飽炒麵炒得幾好又足料，芽菜又爽口，味道不錯，但肉片就唔得，完全冇味，我諗如果唔落肉片會好啲。

每逢星期日，都令我好頭痛，因為觀塘真係冇乜野好食。今次大膽嘗試去工廠區，於是就黎到港飲港食啦。入到去，唔係好多客人。叫左個瑤柱蛋白炒飯。等左一陣就黎啦～睇落去清清地，唔太濃味，有少少菜絲﹑瑤柱絲（我諗半粒至一粒）﹑蛋白等，唔算係好特別，但係我食食吓嗆襯。呢個炒飯係健康既，但唯一唔好就係略嫌多油。

如拿這餐廳與其他區的茶餐廳相比﹐那這裡相信會比較遜色﹐可說是龍中之蟲。相反﹐如以大部份粗質素飯堂的觀塘工業區食肆來說﹐那這裡便會是比較好質素的一間。 這裡室內環境坐得幾舒服﹐室外還有好幾張枱及大陽傘供顧客在外用膳。 是日要了薑蔥金菰肥牛籠仔蒸飯 - $44 - 上枱時真的被那大量蔥的嚇了一驚﹐整個飯面都被蔥密密的覆蓋。雖然金菰份量不多﹐但肥牛及飯的份量絕對不少﹐最後也吃不完。 飯以紅米﹐糙米及白飯混合以成﹐但飯質較淋身﹐廚房下了過多水。 如乾身一點﹐質素會更好。以這區來說﹐這裡的質素可說是蟲中之龍。

星期六到觀塘辦點事，隨意到一間叫「港飲港食」嘅茶餐廳午膳，叫了一客乳香雞翼擔擔麵套餐。雖說是祕制上湯湯底，其實味道無乜特別。雞翼用類似香茅嘅香料醃過，可惜因放在湯中的關係，味道口感都差了。相較之下，擔擔麵麵質做得不錯，幾好食。除了擔擔麵，套餐還包括一碗上湯浸時菜及飲品一杯。浸時菜的上湯和擔擔麵的不一樣，味道更鹹，更多味精。埋單要$40元，唔抵食。

岩岩一大班同事去醫肚, 嗌左個午餐, $39蚊, 午餐黎講都真係幾貴下..o個個唔知乜鬼野意粉..嘩, 難食到..個賣相已經好驚人肉冇肉味, 意粉冇意粉味, 好似唔知煮過幾多次咁.. 都唔知係唔係 o係人地食剩碟野度撈返出黎..我地就食唔落喇, 碟野完全冇郁過..整體真係好失望, 呢間野真係以後唔使諗

又黎左呢度食tea~正~唔係食大肚婆炒飯就食雜會炒麵呢2個必食呀~再唔係普通一個豉油皇炒麵都冇得頂~服務又一流d侍應有禮貌,黎左幾次就認得我地一order完就即刻拎辣椒油比我地環境又算乾淨~喺觀塘工業區黎講算幾好喇~

依間餐廳我以前食過幾次, 今次係第1次寫食評咋.依度d 餐都好平. 好大份. 特別d 小菜& 麵 1個餐2個人食都得.真係好抵食咁環境ok. 有個大tv 睇. 可以1度睇1度食d waiter 服務態度勁好. 落order 勁有禮貌. 有次好夜去. 坐左好耐先走, 佢地打洋都無趕我地走. 仲比我地睇住tv 慢慢食. 琴日我地叫左 2 set1個係水煮牛肉. 好多料. 個湯勁大. 有飯, 有湯+餐包, 有甜品. 都係$46but 唔夠辣. 如果加返辣就好另1個直得推介 : bbq焗豬手. 雖然等既時間長d(落order 佢有提你既). 但真係好好味. 1黎到就好香la. 食落覺得煮到岩岩好, d 汁都好match. 佢焗既時間岩岩好. and 豬手size 都夠大. 成個餐有意粉, 湯+餐包 + 飲品 $58下次去. 我會再食p.s. 依間餐廳都好早收下. 10點就收la~. 1定要早d 去

母親節一家來到這店子晚飯叫了褔建炒飯海南雞飯豬排擔擔麵黑椒牛扒飯四川餃子好快就來到~不過海南雞飯無雞味都算連個油飯都唔系油飯只系用椰汁炒下飯就叫海南雞飯福建飯更加無用心做老婆食一口就話難食做食的我試一口嘩我靠蝦仔同其他材料都未飛夠水就照出廚師應記一大過其後食品算系麵部出品都算可以

以前係觀塘做野, 通常都揀呢間食, 貪佢又多野揀, 味道又ok, 唯一係覺得午餐咁既價錢份量較少, 不過都ok既. 附近既茶餐廳可能平d, 但就係一分錢一分貨囉.服務算係咁, 起碼唔會搵個人都無, 食物味道ok, 鐘意食酸辣餃子米線. 間唔中經過觀堂都會想再食. 近來再食雖然貴左, 但一碗麵有成五隻餃子(我忘了之前有幾多隻), d米線就肯定粗左... 肯定食到你捧住個肚, 都覺得唔貴啦...

今日遲了吃飯，所以去咗港飲港食食下午茶餐，最愛呢度的炒飯同炒麵，炒飯夠鑊氣又唔油膩正，至於炒麵就夠脆口。但今日得一個人，只可以叫一樣，我叫了碟傻佬炒飯(即豆豉鯪魚、松子炒飯人)+熱好立克都係$28呢度服務好好，而且有免費雜誌睇tim ~

講既係果個甚少遇見的黑白淡奶個外賣紙杯。到九龍灣點倉，時間緊張當然外賣化算，倉主推薦這裡的外賣不錯，就要了份乾炒三絲意粉及鴛鴦！送來見到這個外賣紙杯當堂醒神，心理用得了黑白淡奶的話這杯茶怎樣都不會差；實情剛剛相反，茶味咖啡味不濃之餘還有點苦澀味，不濟！另外的三絲意粉算是可以，起碼不太油膩。其他同事的據說味道麻麻，都是時候跟倉主清算一下。

尋日係無心插柳下黎左呢度食晏, 全因為呢區食飯時間好難搵位而咁呢度有位咋, 於是咪試下囉!坐底睇下餐牌發覺都有幾多選擇, 幾多野食不過價錢就唔算平, 唔算抵食架, 不過一餐半餐就算數啦! 跟住就柯打一碟豉椒牛肉飯, 一碟星州炒米同埋兩杯凍檸茶!豉椒牛肉飯個豉椒汁煮得好香, 唔算太油, 而牛肉亦算鬆身, 幾腍下, 而份量都算多, 可以啦; 星州炒米份量都唔少. 全碟都滿, 不過米粉就多d料就少d, 而咖哩太濃太重, 炒得唔算香口, 一般啦; 凍檸茶又係麻麻地, 夠凍不過唔夠茶味, 慶幸都唔算太甜, 可以啦!總括黎講師傅下次應該唔會去, 因為唔算好味加上咁價錢, 呢區真係大把有得你揀; 不過值得一提就係呢度有位伙計都幾有禮貌, 雖然食店內人來人往, 但依然唔該前唔該後, 縱使係念口枉都依然冇停過, 師傅我就好佩服好欣賞喇!師傅完全冇期望但求醫肚宗旨底下, 呢間食店完全做到野呀!

今晚食咗晚餐(一): 法式焗羊膝先嚟羅餸湯, 好明顯好有心機煲, 落足料, 唔似有d茶餐廳求求其雜菜加茄醬加胡椒就算. 最正係蒜容麭, 用法麭加香草加蒜容焗, 好俾心機, 好好食.見到頭盤咁有心機都覺得有d出奇. 工廠區既茶餐廳居然咁落本? 到主菜上更為驚訝, 賣相十足高級西餐廳. 味道雖未至於驚為天仁, 但都好好食, 有羊味, 肉好淋.冇甜品, 但有我更喜歡的茶餐廳凍檸茶.個餐換轉o係好少少賣相, 好少少位置既西餐廳應該值百幾蚊. 但呢度凍飲加兩蚊之後都係46蚊, 抵到爆!

喜歡星期日來呢度食,貪佢人少,出邊泊車唔駛錢,來過2次,11月頭同11月尾.都係坐卡位,幾舒服,人少唔嘈,本menu真係有好多野食,價錢中等,上次食福建炒飯,唔錯,幾多料,今次食雞絲漡米,料都多,但味道太淡,老公食gor個担担麵真係唔掂,下次都係食番炒飯.