湊湊火鍋‧茶憩 (家樂坊)

營業中

休息中

自從禁晚市之後都少左出去打邊爐，難得媽咪放假就帶佢食餐好😆😆今次去左家樂坊個間湊湊火鍋‧茶憩🍲地方大之餘又坐得好寬敞舒適，外面仲有個任食自助吧包括有唔同既醬料、餐前小食同水果，可以係打邊爐前醫一醫個肚☺️☺️☺️佢地有好幾款湯底可以選擇，我見蟹粉黃魚湯係季節限定就試下佢🤩真心十級推薦蟹粉黃魚湯👍🏻👍🏻魚味濃之餘，入面有兩大舊魚肉，仲要係煎香過，仲有4碟蟹粉，見到都流哂水🤤🤤店員溫提示可以先將蟹粉放係碗度再加湯感受下，嘩飲落極濃郁又鮮甜，真係必試🤗🤗🤗企鵝丸企鵝🐧外型好誘人又得意，忍唔住叫黎打卡，估唔到原來係墨魚漿製，食落彈牙得黎又鮮甜🥰而且墨魚味好濃郁，好食到想encore多次😚😚牛肩胛肉眼牛肉都幾大塊，油脂分佈好平均，食落牛味濃之餘，肉質嫩滑又多汁💦加拿大松坂肉以玫瑰花為造型好吸睛🤩但食落就麻麻地，肉質比較韌，而且送到黎個陣又未解凍，想一片片食都唔得😔風味鴨腸平時食鵝腸既我想試一試鴨腸係點，食落係爽口🙂但冇鵝腸肥美，始於都係麻麻地🤨🤨飛魚籽墨魚滑墨魚滑入面佈滿飛魚籽，彈牙得黎勁有口感😋😋墨魚既鮮甜配上飛魚籽簡值一流👍🏻最後仲有甜品，梅子茶凍，綠茶既清香配上酸酸甜甜梅子可以解解膩😚

早前行開黎旺角家樂坊呢邊見到呢間火鍋店幾吸引，今次同友人都想打邊爐就嚟試吓，大家記得要預約如果Walk in應該有排等，平日都多人排隊，食物方面叫左日本鹿兒島和牛肩胛，賣相吸引，擺設放置幼小樹枝，好岩打卡拍照，和牛肩胛肉質擁有均勻雪花，入口即溶，牛好鮮味濃郁，另外叫咗企鵝造型嘅墨魚滑，食落幾彈牙，墨魚味幾重，我推介佢既炸荔枝蝦球味道很特別，配上脆脆的表皮蝦滑好彈牙整體食物質素都幾高，會再encore

買咗兩杯奶茶 凍同熱竟然放埋一齊 咁就算啦！ 熱個杯細過凍個杯好多 但係價錢一樣最難頂係 其中一杯冇落到糖同奶 30幾蚊買咗杯珍珠茶 澀到冇嘢好講失曬水準 呢d基本嘢都做唔好 學咩人開鋪？第二次po 竟然ban我 食物質素不夠好 可以吸取多d意見並做好d？ 雖然都鐘意飲某款珍奶 但咁嘅態度 絕對冇下次！ 唔會再幫襯！我覺得尼個價錢已經算係唔抵 30幾嘅奶茶 根本唔值！ 對比隔離come bye tea，雖然貴但係味道真心 或者coco 性價比超高而且味道唔差最後 希望OpenRice做好d 寫200字食評先出到街 無嘢好講 同埋勁多bug（俾唔到錢etc）

7點3開始拎飛 keep住問門口個女仔幾時嗌位 佢話等6點果陣埋單 大約8點半開始嗌 其間佢不停放d訂左台既客入去 我明白餐廳要留位比訂左台既客人 但點都應該留d台比walk in客掛 一係你就熄左部等位機佢囉 真係等到成肚氣 等兩張台等左兩個幾鍾係咩玩法？ 咁樣對待客人係岩的嗎 咁樣既安排麻煩你盡快撒出香港

叫咗幾樣餸，樣樣都話無，咁可以食乜…食物質素又一般又貴，cp值低另外有一個22年1月6號到期嘅優惠，問一個員工又話個優惠無咗，不解下年先到期嘅優惠點解會今日就話無咗！仲有叫買單叫咗3次都唔比單，服務質素有待改善

今天帶著家中長老去吃聖誕大餐，疫情以後爸爸很久沒有出「遠門」，今天放任你一天。這個蟹粉黃魚湯很鮮，喝完再開始吃我們的海陸大餐，牛🐂羊🐑豬🐖再加上鮑魚、扇貝，吃很滿足！台式麻辣鍋，辣度適中，本喵不太能吃辣的也可以開爐吃到尾，兩個湯底都是真材實料。俗語話：打邊爐湯底就是一切。還有外形很可愛的 荔枝蝦球🦐重點是麻辣鴨血無限添😋😋😋長老們非常愛吃這裡的前菜，應該是魚皮跟中華海草？？？非常爽口醒胃的，來回添了數碟，滿足🥳

想試呢間火鍋店好耐，今日終於有機會一試，沒有失望地方好大，每張枱都是卡位，坐得好寬敞舒適。湯底有好幾款不同種類選擇，我哋揀咗台式麻辣同野菌湯底，兩個湯底都好正食物質素亦好高，牛肉好嫩滑另外呢個大大杯大紅袍珍珠奶茶🧋非常之吸引到我夠大杯茶味濃，叫咗少甜唔會好甜店舖亦送咗呢杯棉棉冰俾我哋好味

第一次來家樂坊店，即日經openrice 訂座，過程順利下午時段回電確認訂座。準時到達準時入座，安排坐於左方位置（正前方是原店設計）雙座椅有點奇怪，很細，坐兩個大男人不舒適。食物基本上點讚，沒有失望，花膠湯好飲，每次來湊湊都必叫，很想食鴨血所以配上台灣麻辣鍋好味，麻辣不是太辛口適合我不吃得太辣的😅。 今次也試了不同食物，黑毛豬同菜拼盤都得滿意。唯獨此店沒有肉燥有點失望。另外，本身想用openrice ORPAY 賺取優惠，點知埋單才告知壞機無得用攞唔到openrice 優惠，失望。

一早訂咗五人枱，去到得張四人卡位，坐唔落，調咗我哋去第二邊，乜都冇，冇人、冇醬料、前菜，等佢加番D嘢，想落單又冇人，，等落單都等咗半個鐘，每欠、想叫一樣野，都要走番去原本嗰邊叫人過嚟。等到個鍋，個花膠湯底粉太多太厚，D花膠好似豬皮咁。仼食嘅鴨血唔叫就冇，我哋五個人，俾得每人一舊。其他食物質素正常，但係價錢又唔算平，服務唔好真係乜都補唔到，開頭仲話要限時兩個鐘，我話我等都等咗半個鐘啦，先至話補番俾我。冇下次。

同朋友食生日飯，平時鐘意打邊爐嘅我地，就揀左呢間台式火鍋試下。店員安排左卡位，所以都幾闊落同舒服。我地揀左個$699二人餐，啱晒我地有選擇困難症嘅人🤣 個餐可以揀兩個湯底，包兩份肉，一份海鮮，一份丸，一份菜同一份麵食。佢地有個自助區有涼菜小食同生果。個人覺得涼拌魚皮幾好食，口感爽脆同辣得幾惹味。湯底我地揀左臺式麻辣鍋同胡椒豬肚雞鍋。因為我好鐘意食鴨血豆腐，所以佢地麻辣鍋有得任添鴨血豆腐都幾加分👍🏻但呢個湯底好似冇得揀辣度，所以食落去又唔覺辣。食到咁上下，店員都幾主動話要幫我地加鴨血豆腐，服務都幾好。胡椒豬肚雞湯入面有4件雞肉(分開上)同豬肚，個人幾鐘意呢個湯，唔會好咸同飲落啲胡椒湯，辣辣地幾惹味。肉類份量都算足，食落新鮮有肉味，而且唔韌。企鵝丸造型好得意🐧不過就有啲粉，口感又唔似丸又唔似滑，嗌番普通嘅應該好食啲。冬粉係必嗌，好吸湯，超好食👍🏻我地都額外嗌左杯大給紅袍珍珠奶茶，好大杯😆奶香幾濃，珍珠都幾彈牙。最後送左個梅子茶凍做甜品，啫喱食落有淡淡茶味，配埋酸酸甜甜嘅梅子汁，好啱解膩🤣

天氣突然間轉涼，即刻要去打個邊爐暖暖身。其實尖沙咀湊湊都已經去過好幾次，但咁啱係旺角行完街，所以今次就揀左家樂坊嘅呢間分店☺️💛 食妝鍋 $198每次黎湊湊都必點嘅一款湯底，非常足料，大量花膠係湯入面，名符其實食完會美顏嘅一個湯底。 飲完湯就可以叫侍應加雞湯打邊爐🤤💛 特選牛小排 $228份量都算多，牛味亦十分濃郁👍🏽 脂肪比例亦都好好，所以烚完都唔會好靭💛 飛魚子墨魚滑 $68口感好特別，因為墨魚滑入面有大量飛魚子，所以咬落去係咁Pop Pop聲😂💛 響鈴 $58正常發揮，不過8條對我地2個人黎講就有點多，當然亦都可以話佢地比足料😂😂另外有樣野好好就係張枱有個櫃桶裝好晒紙巾同濕紙巾，啱晒我呢啲打親邊爐都會好呢Hea嘅人👍🏽

條女話想食火鍋，咁岩天氣又凍左，咁就訂左呢間湊湊火鍋，食物質素非常高同好食，不過服務就有待改進，訂左位都要係門口等成10分鐘 完之後落單果時個適應好似無乜心機 係咁叫我講多次要咩 加湯要嗌好多次， 落左 和牛前胸 鴨腸 毛肚 響鈴 油麥菜 蝦滑 酥炸排骨等等 值得一提係個炸排骨值得一試，係即叫即炸熱辣辣好好食 會主動加湯同埋會問冷氣是否太凍等等。。。。 最後比左個解辣菠蘿沙冰，，整體ok打邊爐好去處 ，，，最後埋單1469 正，

今日又去食湊湊台式火鍋🍲，呢間火鍋店已經第三次去啦，每次去都覺得非常好食😋不過今日我哋去咗新嘅分店家樂坊果一間分店都食，咁嗰度都好近油麻地地鐵站行過去都係幾分鐘非常方便。咁入到去覺得個裝修都幾中國feel,環境優美寧靜。今日我哋都係叫咗個台式麻辣湯底，咁我哋叫咗個美國特選給牛小排、飛魚子墨魚滑、時蔬湊湊、毛肚、鴨腸等等，都係非常新鮮好食！呢間新分店啲員工好主動幫我哋加鴨血豆腐服務幾好👍🏻👍🏻最尾都有送甜品同埋菠蘿特飲，咁嗰度啲員工聽到我哋喺度傾話菠蘿特飲好好飲，佢仲特登過嚟問我哋需唔需要多一杯，幾好飲。正！！👍🏻👍🏻

一飲入魂之花膠鮑魚湯底—湊湊火鍋今日繼續凍凍地系列，之前同朋友食完煲仔飯之後，今次同個出名鐘意食牛同打邊爐的牛魔朋友食火鍋，初初只係諗住揀火鍋放題，因為食幾多想食乜餸都可以自己揀，又唔會食好多。不過經過旺角家樂方就比一個火鍋＋台灣茶廣告吸引，廣告寫上「回歸初心，相聚重逢」，係好奇心驅使之下就走去望下呢個火鍋到底有乜初心，點知卜望埋餐廳就心動，仲即刻walk-in訂枱添。佢係一間台式精品火鍋加台式茶品的餐廳，餐廳裝潢好有特色，有少少中式宮廷風，裝修好靚，坐得又舒服。湯底有８款你揀，都係雞湯，台式鴨血，川味麻辣，蕃茄，鮮菌，魚湯等等。今次雲遊大思同朋友叫左鴛鴦鍋，有花膠鮑魚雞湯底同台式鴨血麻辣湯底。花膠鮑魚雞底好足料，真係有花膠同鮑魚，味道好濃，好重骨膠元，好入味，飲完湯先再加水打邊爐，真心好正，就係呢個花膠湯，將整個回頭指數推高呀，因為真係好好味。而台式鴨血麻辣湯底，同其他店的味道差唔多，牛魔朋友話未道唔太辣，可以加辣。呢度的鴨血同豆腐係可以免費任加架。唔錯唔錯。食火鍋飲珍珠奶茶真係好邪惡，食食下仲有店員拎啲甜品過嚟，係芒果沙冰，酸酸地好開胃，食到中有返杯可以消消膩，呢個舉動好貼心。而食

一年一度慶生晚餐，難得同好姊妹生日去打邊爐，之前已經去過K11嗰兩間湊湊火煱，今次終於試埋佢新開嘅家樂坊分店，以後去旺角行街又有多一個選擇👍🏻呢度嘅裝修都係同之前嘅湊湊差唔多！呢間就係台灣主題，都係有自助生果同小菜白飯，本來今次想食豬仔麻辣火鍋點知原來已經暫停供應，唯有叫返台灣麻辣鍋。豬頸肉玫瑰花好靚，珍珠奶茶好飲，企鵝墨魚丸好可愛加埋冬粉吸曬d麻辣湯好正！最後仲每人帶走一袋鴨血豆腐回家再食過😋