湘遇

營業中

休息中

中午去試吓間餐一入餐廳人都冇幾個加幾個阿姐 仲要枱號都撈亂埋感覺好新咩都唔識於是入去試吓 叫咗個鐵板肥牛飯 $48得兩片肥牛 加白饭 再加咗D老乾媽感覺很搵笨 唔好去食 劣食

二個人叫左3個餸 都食吾曬 * 招牌水煮魚*大盆手撕包菜* 擂椒皮蛋Le 3個餸用梨餸飯 真係可以一流 平時吾食飯 我都食左3碗🤭🤭個人覺得性價比同份量 都ok .最緊要係真係好食呀

晏晝見佢新開試吓lunch，嗌咗個小炒雞木桶飯（$48），夠膽講所有雞嘅肉加埋砌唔滿一隻匙羹，全部都係骨，仲要大部份係碎骨，以為嗌咗小炒雞骨，隔離枱都媽媽聲話得頭頭尾尾，一間餐廳俾啲咁嘅嘢人食收48蚊餐廳好唔好意思？兩個朋友嗌咗個豬肚同酸菜魚，一個就豬肚碎濕濕，一個啲芽菜一大浸草青味，酸菜魚仲要再貴10蚊，唔知夜市係咩情況，亦唔會夠膽試，邊個想食佢lunch真係交智商稅，請附近返工嘅人留意下，係咁。

好好味    新開的小店，好足料，好好味，水煮魚好滑，辣度可以同老闆講，食到最尾無晒仲想撈下有無碎仔食😂一碗香都炒得好香口，個人認為唔算好油。下次再試下麻辣香鍋同小食🤤

星期五晚同朋友三個人嗌咗烤魚，干扁肥腸，炒雜菜同埋個甜品。餐廳環境新同乾淨，坐得舒服，店員好熱情。份烤魚好大份新鮮啖啖肉好抵食味道因為怕辣所以嗌咗小辣，但係已經超級香同好好味。肥腸同炒菜唔記得影相如果鍾意食大腸嘅話，一定要嗌干扁肥腸。佢地炸到好香口拎嚟送啤酒真係好夾成餐飯最驚喜嘅就係個甜品，佢地個甜品係超級好味！啱啱新鮮炸起,出面脆卜卜裏面煙煙韌韌加埋黃豆粉喺面同點黑糖一齊食，暖暖甜甜咁真係好好食！必點！一定會回頭再食！

天氣凍就想食辣野，同朋友星期五去咗呢間新開嘅湘菜聚下。試咗佢地嘅主打菜：烤魚，肥腸，仲有紅糖糍粑。 烤魚的外皮烤得酥脆，魚肉保持到鮮嫩多汁的口感。調味料同魚肉完美融合，又辣又美味。😋😋肥腸香辣彈牙，食到停唔到。🤤🤤紅糖糍粑外脆內軟，做甜品啱啱好。😊😊無論是口感還是味道，它們都表現出色，令人回味無窮。價錢方面完全唔貴，份量又多。如果您喜歡湘菜又想搵個地方一班人聚聚，極推薦你地去試試！🤌🏻🤌🏻🤌🏻

红磡新开了这家湘菜馆真的很不错！很家常味！住在红磡几年了，一直在探索红磡各种美食。本人是四川人，平时口味偏重，喜欢吃辣。这家吃过很多次了，每次下班后都喜欢去那里点几道菜来试一试。最最最推荐的是“泡椒炒牛肉”！我的妈呀！超级下饭！酸酸辣辣我的爱！直接吃掉两碗饭（太好吃了，忘记拍照）推荐菜2:“一碗香”，一口下去就是很地道的农家乐味道！也很下饭！推荐菜3；“烤鱼”爱吃辣的记得加辣。鱼肉很嫩，烤鱼调味合适。吃完鱼再煮点菜进去，香！还有好多菜都试过，觉得都不错。红烧肉，泡椒猪肝，肥肠鱼。

住喺附近行過見到有間新湖南菜，平時唔係好辣野，但陪男朋友唯有去下，點知超級驚喜🤯整體來講好多選擇，價錢實惠，分量超多（兩個人完全食唔晒，要打包再食多兩日）🤰🏻服務態度亦好好，好有人情味，老闆娘同職員成日過嚟吹水，好重視客戶意見1. 水煮魚🐟($298)雖然食到流晒鼻涕，雖然好辣，但係辣味完全唔會搶咗個魚嘅鮮味，魚肉又滑又無骨，好好撈飯2. 小龍蝦🦞($288)（太好食，食到隻手污糟晒唔記得影相🙇🏻‍♀️）$288都預咗係一定好大份，但係佢啲香料&汁好惹味，啲小龍蝦好入味，完全停唔到口🫢3. 辣子雞🐓($98)出面食過好多好呃錢 肉就得幾嚿全部都係辣椒，呢度明顯肉比辣椒多好多，并唔係完全辣椒入面搵肉食～而且鸡肉非常酥&入味（依度既入味并唔係纯粹既辣味！）可惜佢每份都太大份，今次只試到3樣，希望下次可以去再試多幾款！！

📌 湘遇 - 紅磡崇潔街91號崇廉樓地下101-103號舖🗓(9/11) 星期四 ⏰ 晚上7點左右 💈特式：樓下剛新開左間湘菜，我作為專業試食員，係我所在地頭開新店，我當然要第一時間去試下啦。🥩🍔🌭🌮🥗🥯🥘🍲🍝🍣🥟🍤🍱食物：睇名都知餐廳以湘菜為主，主打都係辣野/烤魚/肥腸/農家菜等等，而家等我同大家講下「湘」味道先。🐟招牌肥腸火鍋魚 $3️⃣9️⃣8️⃣ - 既然餐廳主打肥腸同烤魚，咁就梗係一次過試晒呢兩樣主打野啦。首先，份量真係好大，落單時都有問過店員，就咁叫一個火鍋魚夠唔夠兩個人食，但事實係兩個人根本唔會食得晒，因為除左肥腸同魚，個鍋入面仲有大量芽菜同薯粉，我估起碼3個人先食得晒；肥腸份量多得驚人，我保守估計超過40舊，而且舊舊都有劏開處理乾淨，淨係食到腸味，食唔到有內臟噏味。魚睇落有一條份量，而且預早已經有加工，起肉切片，所以食得比原條方便，而且魚肉好嫩滑，不過美中不足係魚鱗清得唔夠乾淨，間中都有食到不少魚鱗，不過整體都係唔錯。紅糖糍粑 $6️⃣8️⃣ - 呢個紅糖糍粑係即叫即做，一份有8條，上枱熱辣辣，表面香脆，入口軟糯，糍粑個心又煮得夠透，係非常高質數嘅紅糖糍粑。💖☕️🍵🥤🧋🍺🍷🥃🍹

午餐時間試下新嘢，12點15左右到達，餐牌酸菜魚同雞雜都已經無曬，全場話menu係晚餐先有，🉐️幾個餐有3個賣曬，每個木桶飯盛惠$48，加左檸檬茶，亦都好難飲，豆乾炒肉木桶飯，切肉手法非常犀利，每片唔超過3mm厚度，大小唔超過3x3cm，比例係辣椒>豆乾>肉，最尾出場嘅係手撕雞木桶飯，姐姐話新鮮撕俾你，所以等得耐左d，無乜雞味，有麻醬定花生醬味。估唔到可以咁難食，請各位睇下評論先決定要唔要試新屎坑。