湯。雞

營業中

休息中

一個月之前買過一次午飯外賣，覺得味道不錯， 湯內的食材也有驚喜， 因此今晚晚餐再去一試， 今次叫了雞刀削麵， 外賣收左我3 蚊， 老闆說是分開麵 ， 湯， 雞3 個盒， 所以收3 蚊。點知最後又話唔夠盒， 將湯分左兩個細盒， d 雞同麵放埋一齊， d 麵因為雞都變淋左，雞同麵都少左， 雞得4 舊， 仲要有一舊係頸位….老闆仲好識包裝， 話咁係比多左湯我， 盒錢都係3 個盒…..結果是 湯很咸， 雞很少， 翅和火腿粒只有兩細片和兩粒。總結是比之前差了很多…

呢間聽唔同朋友都有介紹過，終於到我有機會都試下我同同事Lunch時間去食，座位比較少所以等左一陣，老細超好禮貌叫我地行下再返去點都會記得我地！大概20分鐘左右有位！桃膠椰子雞淮山麵 $69呢碗全部都係雞胸，啲肉都好「鞋」。湯都好重味，有點鹹。但藥材既味道都好出，配埋淮山麵都好開胃桃膠都係好少量，好少係點綴下咁藥膳醉雞米粉 $7x藥膳味同醉雞味都好夾，唔會搶走大家既味反而呢碗雞件份量相對多，但真係有個唔好地方，啲雞骨好碎令到啲湯同米粉都會勾到雞骨，進食既時候真係要小心睇住呢碗都係一樣比較鹹，食完要飲好多水下次可以叫佢少鹽，唔係真係食唔到

每次行葵廣都會想試下呢間嘢，今日就放棄曬其他垃雜嘢食湯雞店舖位置唔算大，但勝在檯與檯之間間隔唔太密，坐得比較舒服。選擇主要係藥膳同雞湯為主我地叫佐個砂鍋姬松茸蟲草花螺頭花菇雞刀削麵，同藥膳醉雞淮山面。兩個相對比我會比較喜歡前者嘅湯底同面，湯底味道鮮甜，一口氣飲佐2碗，面都可以吸到湯底嘅味回味指數五粒星🌟🌟🌟🌟🌟藥膳醉雞味道都可以，但最為驚人嘅係佢嘅雞，一啖咬落去真係好滑連埋雞皮同軟骨一齊食仲會有種爽口嘅感覺，真係被驚艷到大家行開葵芳嘅真係值得一試，下次會再去試埋個砂鍋花膠雞

【湯底足料夠濃郁！敗筆竟然係雞件？】推薦程度：●●●◐○抵食程度：●●●◐○🍲 砂鍋姬松茸蟲草花螺頭花菇雞｜$65可選飯/米線/新竹米粉/粉絲/紅薯粉/淮山麵/刀削麵/銀針粉/鳥冬或出前一丁(+$5)麵底揀咗粉絲，份量好多，食極都有✨ 配返個湯清清地連湯飲好舒服！湯底係好大驚喜，好濃郁嘅姬蟲茸蟲草，加埋螺頭嘅香甜，啖啖滿足👍🏻 面頭有少少油，飲咗一半會開始膩，但唔口渴！證明用料十足，冇太多添加同味精✨ 但廚師刀工麻麻，雞件好多碎骨，令粉絲會掛到/湯會飲到，大扣分🫠 同埋對比起下面個撈麵，雞肉冇咁嫩滑，有參差⋯🐔 麻辣口水雞撈麵｜$58麵底可選刀削麵/米線/粉皮，揀咗刀削麵，略嫌麵質腍咗少少，麵條唔夠彈牙，麻辣汁些少偏咸，但唔情況唔嚴重，同埋夠辣夠惹味👍🏻 花椒好足料，大概小辣程度。份量都好足夠，食到最後一啖麵仍有醬汁包覆！雞肉大大件，不過脂肪同骨嘅比例都高，唔算啖啖肉。肉質嫩口一啲都唔鞋👍🏻 略嫌骨位少少血水；整體不錯不失。

今次食真係勁無語嘍，我朋友一人點咗一個花膠雞湯翅，兩個湯同花膠都咸到發苦，同埋啲雞好柴，問返阿姐佢話換咗個師傅落手重咗，唔好意思😅之後就冇咗下文！呢個唔係你的鋪頭品控唔好嘅問題，點解一啲表示都冇！超級唔好食！所以真係唔推介大家食，太咸了所以對身體唔健康！！！！！难吃死了，点了好几次，换了师傅没有以前好吃。咸到死！！！😡😡😡😡😡😡😡😡😡😡😡😡😡😡😡😡😡😡😡😡

位於葵廣3/f，jollibee炸雞店隔離，一間細細哋嘅餐廳。門口會有外賣醉雞醉鴨舌買，今次決定入去試吓。$55一碟醉鴨舌，食咗幾條先記得影！所以一碟大約有10條，價錢尚可接受，因為鴨舌本身就唔係平嘅食物。”湯底”嘅酒味都幾濃，但鴨舌如果更入味就正！$78一大鍋砂鍋花膠雞湯翅加米線！一定要讚就係佢嘅花膠雞湯😍大大碗，雞湯味道濃得嚟唔會係死咸。湯入面有幾舊大花膠/翅，當然始終一分錢一分貨，你唔可以期望真係名貴花膠魚翅！但夾埋湯一齊食，簡直係一流！而家雞肉份量都唔少，又有米線，所以食完一大碗都好飽！重點係飲完一大煲湯，你唔會覺得好口渴，證明個湯應該無乜味精。另一點值得一提，好彩餐廳冷氣夠大！因為飲佢湯真係特別令人熱血沸騰，所以冷氣大係好重要！始終葵廣太多選擇，價錢嚟講呢間都唔算平。但如果想飲湯，即管要試吓呢間#湯雞！！！(滿分為🤤x5)好味指數：🤤🤤🤤🤤抵食指數：🤤🤤🤤回頭指數：🤤🤤🤤🤤

砂鍋姬松茸蟲草花螺頭花菇雞D湯非常之濃郁，張相無加任何燈光同filter效果架！可以選擇配飯，米線，米粉，淮山麵，銀針粉…..總之實有一款岩你💛砂鍋亦都好足份量，食完麵再飲埋鍋湯，包你一定好滿足👍湯上碟既湯料都好多，睇下d姬松茸幾大粒，雞既份量都ok，而且雞肉都好滑有咬口。朋友點的是花膠雞，花膠真係有幾舊，湯頭比較清甜，睇相應該都見到顏色對比😎除左湯面類，小店仲有各樣既麻辣/花鵰醉小食，堂食同外賣都好受歡迎😋無味精 食完唔口渴嘅湯粉😋

晚上8:40左右去到，等左10分鐘左右舖仔細細都幾多位，呢個鐘數都仍然坐滿人，單邊二人枱有少少迫不過都可以接受8:50pm落單到上個麵要22分鐘覺得耐左少少，可能太忙了砂鍋雞湯翅刀削麵$68，黎到熱辣辣仲好滾嘅都幾多舊雞，正面靚，反一反嚟睇，切得麻麻地，有好多碎骨，但係肉質就唔錯嘅都幾香雞味，有好細粒嘅金華火腿粒，翅有一匙羹，口感都唔錯爽爽地唔會煮到淋晒，個雞湯都算濃幾好飲，可以飲晒，至於個刀削麵就麻麻哋，煮得太淋，冇乜咬感，淋到連刀削麵嗰個波浪邊都冇乜。藥膳醉雞配粉絲$64，成碗都係粉絲冇加底，勁多，煮得唔會太淋好好食，碟醉雞份量都多，切得幾靚，同雞湯翅既雞真係差好遠，都係好滑淡淡肉，酒味勁濃覺得酒精都重，好好味都好飲，藥膳湯配料唔係好多，唔會好重藥材味夾埋個醉雞湯岩岩好。呢個價錢係抵食既，份量夠，飽到食唔到葵廣其他小食店😂😂店員態度冇問題，切雞既刀應該要磨返靚就解決到問題。如果可以解決埋出餐時間會更好，又或者佢又要做外賣同堂食出唔切。葵涌區可以一試！

呢間小店，好明顯係賣雞湯，亦係位於葵涌廣場3樓，只此一間。我去到只係叫咗2樣嘢，因為之前已經食咗好多嘢。但呢2樣嘢已經足夠令我番轉頭。(˶‾᷄ ⁻̫ ‾᷅˵)1.麻辣花膠 $48 🐟以小食份量嚟講，算係多，有十幾塊。花膠凍食我都係第一次，因為都有返咁上下厚度，咬落都係爽口彈牙。個麻辣汁好夠味，花膠都好入味，不過係稍嫌醋味太重。2.砂鍋鮑魚花膠雞湯翅 (附白飯)$98 🍲完全冇犯商品說明條例，真係用個砂鍋上之餘，所有料都好足，個湯差不多fill晒成個鍋。一飲個湯，心入面大叫咗一下，好濃好濃，你感覺到真係熬咗好耐，唔係味精湯。就算我食完個咁重味嘅麻辣花膠，都飲到佢個精神。佢啲雞竟然唔單止唔係煲湯煲咗好耐嘅擦子膠雞，仲要係嫩滑。花膠有2大塊，鮑魚有2隻，仲有啲背翅係底。雖然只係$98，夠2個人飮到飽，啲料真係冇hea你，咁當然冇得同啲貴價鮑參翅肚比，但個湯絕對係誠意之作。❤️‍🔥📍留意返，設有每位最低消費$60

之前睇社交平台 page介紹去食左1次，覺得好好食，之後有帶朋友去食，自己亦會間中去食！湯底非常足料，有1個鮑魚，2大片花膠，介有好多料係底，但吾清楚係咩，超好味！我會飲曬個湯底，平時好少食麵好少會飲湯底，這個價錢超值，非常飽肚，外面應該找不到同樣價錢但這樣好味的雞湯底，絕對值得回頭幫襯！我朋友亦都好似上左癮咁，係葵芳番工，放lunch會自己走去食；另一個朋友放假問佢想食咩，佢都話不如食尼間🤣

同收銀講咗兩位，佢叫我喺門口等一等點知等等下有一個男人行埋嚟大家一齊企喺度等，之後有客人離開走個男人一枝箭咁坐低咗？？？😰最搞笑嘅係佢哋啲員工繼續幫佢落單🙂之後再行過嚟同我講等多陣？？？我心諗我明明到先😅你啱啱幫佢落完單你唔覺得有問題？之後我就好開心繼續喺度等🙂咩道理入到去坐低，枱面都唔會太過黐立立但係旁邊調味料有污糟但係冇清潔叫咗個花膠雞湯（紅薯粉）+ 4粒 雲吞（$24） +一支汽水（$8）店員叫我叫多啲嘢食，我哋兩個人食唔夠最低消費🥲（一個人$60）所以叫多咗個糖心蛋（$10）汽水係新式玻璃樽，好少見嘢食嚟講花膠好厚好好味但係啲雞比較鞋個湯非常之口味濃郁雲吞比較普通糖心蛋真係一般，似係直接將隻蛋放入醬料中，完全冇醃過

❇️砂窩桃膠雪梨椰子雞米粉🌀個湯好好飲，幾乎飲曬😋有好香甜既椰子味，無味精，雞肉嫩滑，但冇咩雞味，可能已經融入D 湯度，仲有d 桃膠，好似食啫喱咁。❇️砂窩姫松茸蟲草花螺頭花菇雞飯🌀材料豐富，湯味濃郁，真正老火湯👍❤️以上砂窩可以配麵/米線/刀削麵/淮山麵/飯/米粉/烏冬

叫左一個花膠雞湯翅米線（$78）一嚟到即刻趁熱飲兩啖湯，食左舊雞仲落左好多胡椒粉，仲感嘆緊咁大份好抵食，不過撩極都撩唔到啲米線，好疑惑之際…個樓面慌失失走埋嚟話自言自語話俾錯左我估應該係嚟錯左一份淨花膠雞湯（$148）同佢講「已經食過同撩過晒啦喎😱😱」佢一句都無回應，默默咁收左個湯入廚房🤔有少少驚訝通常餐廳應該點處理？食過都收番入廚房點知你會唔會俾其他食客？🤯🤯一句野都唔講直接收番入廚房，真係好難唔令人誤會😓唔係想貪你個份食物，但係好鬼唔衛生咁Btw麻辣墨魚頭好食 湯好飲只係覺得樓面無乜禮貌（後生女）落單個呀叔九唔答八😓😓😓勁簡單都落唔到真係幾好嘅 無肚痛嘅！

第一次去葵廣唔係掃街 而係正正經經坐喺度堂食都係因為想試呢間無味精嘅雞湯麵店主打多款砂鍋雞湯麵 有唔同養生配料同埋麵可以揀大鍋之餘 仲超級濃湯🍲去到見到一人都食一鍋 心諗一個人邊食得曬點知瞬間明白了(˶‾᷄ ⁻̫ ‾᷅˵)♡︎📌分類#couple_fooddiary葵廣掃街 #couple_fooddiary_港式🇭🇰 ✍︎︎ꕥ 砂鍋花膠雞湯翅 配薯粉$78熱辣辣用砂鍋上 湯底呈奶白色用金華火腿同雞熬製 充滿雞嘅精華飲落勁暖心滋潤 好濃郁嘅雞香花膠有幾塊 夠厚身 口感幾滑同好淋(˶‾᷄ ⁻̫ ‾᷅˵)薯粉比較幼身 口感煙靭推介(•̀ᴗ•́)و☞︎ 𝗧𝗮𝘀𝘁𝗲: 𝟴/𝟭𝟬 𝗥𝗲𝗰𝗼𝗺𝗺𝗮𝗻𝗱: 𝟴.𝟱/𝟭𝟬ꕥ 砂鍋雲吞雞 配刀削麵 $70湯底同上面差唔多 係多左雲吞同埋小棠菜雲吞比較少同細粒 雞件多但唔算好嫩刀削麵口感滑之餘仲超掛湯 同雞湯絕配！推介大家揀刀削麵！︎☞ ︎𝗧𝗮𝘀𝘁𝗲: 𝟳/𝟭𝟬 𝗥𝗲𝗰𝗼𝗺𝗺𝗮𝗻𝗱: 𝟳/𝟭𝟬ꕥ 滷水豬大腸 $34滷水汁超正 甜甜地醃得好入味豬大腸無澀味 洗得乾淨 不過比較多肥膏 扣咗少少分☞ ︎𝗧𝗮𝘀𝘁𝗲: 𝟳.𝟴/𝟭𝟬 𝗥𝗲𝗰𝗼𝗺𝗺𝗮𝗻𝗱: 𝟴/𝟭𝟬ꕥ 醉鴨舌 $55酒味唔重

打算掃街前食過輕食， 叫咗個松茸 螺頭雞麵， 醉雞卷， 鹽水雞腎，先講嗰面， 個湯底無械可擊， 簡直有我爸爸煮嘅濃郁雞湯， 夠曬好味， 醉雞卷酒味幾香， 係唯獨是個雞味不夠重， 鹽水雞腎味道正常， 雞腎淋咗少少， 唔夠爽口， 下次都會再嚟食， 想試下個鵝肝