湯串哥

營業中

休息中

今日去到西九龍八樓，見到太多選擇，真係唔知食咩好，求其搵咗一間食小食嘅試吓。叫咗個甜辣燒賣、蝦條同豆卜，估唔到都有驚喜。真係冇試過有呢一隻味，少少香少少麻少少甜。試完都覺得OK ，之後再加咗個牛肚同手打牛丸再試下沙嗲味，沙嗲味真係冇辣味，但係感覺好香，牛肚都屬於冧身而且好入味，爆汁牛丸，真係會爆汁，裏面真係有肉汁，應該仲有啲湯汁結合，所以真係好彈牙爽口。而且全場好似得佢有卡通人物做廣告，好容易認得出，真係值得試吓，下次都會嗌返甜辣醬或者沙嗲味

本身睇佢招牌就唔係好清楚佢賣啲乜，嗌咗招牌牛腩、牛筋(煮得好腍)同雞絲腸粉試吓,原來就等同於關東煮或者廣東煮。不過食得出食物同醬汁有心製作，特別甜辣醬同出面味道相比好唔同，好少食過呢隻味，少甜少辣少鹹，但係又比較香口。等緊嘅時候，都見到好多人都係叫呢隻醬汁。沙嗲醬都係好香口好惹味，嗰度寫介紹係用，鮮蝦瑤柱炸油，再加蝦蓉，雖然酒樓都用呢種方法炸油，但小食店就比較少，咁樣會大大增加經營成本，不過味道效果就真係唔錯我唔係好鍾意食太辣，麻辣就冇試咖喱都OK腸粉裏面嘅混醬都OK，醬汁多絕不吝嗇。總括嚟講可以試吓，算係有啲驚喜!食物質素同服務態度，老闆善談畀人感覺殷勤，下次可以再嚟試吓!值得推介

小食一樣可以大滿足，一樣需要做得好仔細，無論選料，到熬製湯底，最後調配濃郁香口的靈魂＂醬汁＂都需要用心製作，用心做好！而且良好的服務，以及整潔的環境與食物質素，都需要堅持丶誠懇丶盡力做到最好。務求每一位人客，都開心享受整個過程的體驗！只有顧客得到滿足，才是我們服務的宗旨。每款用心製作的秘製醬汁，之前都需要無數次反覆試煉，務求做到最適合大眾口味。特別香甜辣醬，更顛覆舊有對辣的想像與感覺，可以適合到三歲至90歲的任何年齡層．．希望各位跟著都可感受到本公司的誠意、用心及真誠

幾特別嘅甜辣醬，沙嗲味都幾香幾吸引👍可以再試，無論服務態度，同品質味道都感受到用心去做好，繼續努力，應該會越來越多人知道！蝦條、長豆卜丶牛肚、爆汁牛丸都係我鍾意嘅。可以叫朋友過嚟試吓，甜辣醬個味道都真係幾得意，香港本土都係比較少有，冇乜地方可以搵到呢種味道。沙嗲醬嘅香味，老闆話係用鮮蝦炸油，加瑤柱打磨之後，再加喺沙嗲醬上邊，再調教獨特嘅秘方，煉製出嚟．．，所以都係值得推介麻辣汁都係特別調教，都係老闆自己嘅秘方，真係睇到色、香丶味