湯加 (啟業邨)

營業中

休息中

上次去到食，味道已經好差好難食。算啦，諗住今次俾多次機會佢，點知又係得到多一次的失望。店舖今日廚房完全係做唔切，出餐極慢，但又要不斷接新客。客人叫左野食最少都等左40分鐘，每一枱都幾乎喺度催單，非常離譜。啲職員淨係識話「做唔切呀，無辦法啦，你等下啦」，仲要啲時間喺趕正返工返學lunch break，有客人明明早早黎到，都只係得5分鐘食野就要走人。 我最後直接走唔再等，嗰職員仲要黑臉，嘥人時間！以後唔會再去食

我又食湯加啦，不過今次我唔係食飯而係叫左烏冬，我發現佢哋嘅烏冬都比較特別，比出面嘅烏冬粗幾倍😍食落去煙煙韌韌，雖然食落去係烏冬嘅味道，而且食落去都幾好食，但係個外型真係好怪好粗🤣🤣不過呢個烏冬一定要浸落個湯度一陣先食🍜今次湯飯DIY 自選兩菜1飯係：牛肉+腐皮魚角+勝瓜 配 蕃茄湯 配 刀削烏冬+$4我都幾鍾意佢哋嘅腐皮餘角，食落去有啲似食緊韓國魚糕，不過係厚身又硬身少少嘅魚糕，佢哋嘅牛肉都好滑，最鍾意就係佢哋嘅勝瓜，好鮮甜🥬而我嘅朋友就嗌咗水煮鮮牛肉，一上到嚟就有好香嘅麻辣湯味道，而且水煮牛肉入邊會有米寬粉😋😋超級煙韌，又入味，而且牛肉都好新鮮好滑，整體來講都幾好食👍🏻⭐️湯飯DIY 自選兩菜1飯 💰$49⭐️水煮鮮牛肉 💰$55

大概一年前旺角都有一間湯加🥣🍲，但最後唔知咩原因最後就執咗，每一次去湯加我都會點湯飯DIY 自選兩菜1飯，湯飯嘅湯底一定要蕃茄湯😋因為我都幾鍾意佢哋嘅蕃茄湯底，不過今次有少少酸，但係我都幾鍾意🥰🥰 佢哋嘅飯係可以無限添🍚!👍🏻而今次我就叫咗「鮮蝦滑+自製魚腐+娃娃菜 配 蕃茄湯 配 有機藜麥飯」佢哋嘅鮮蝦話唔會好腥🍤🦐，自製魚腐食落去有啲似食緊炸鯪魚滑🐟，娃娃菜好清甜😍🥬 一碗飯啱啱好，其實食落去嘅感覺就有啲似食緊屋企人煮嘅滾湯🥣🍲⭐️湯飯DIY 自選兩菜1飯 💰$53