湯加 (欣榮商場)

營業中

休息中

這間新開了幾個月的「湯加」， 標榜健康飲食，有紅米飯、淮山麵，都是很健康的食物。今天和阿仔3人，共叫了3碗淮山麵，淮山麵是幼身麵，煙韌彈口，感覺很健康。湯底也有幾款可以選擇。豬軟骨淮山麵（ 蕃茄湯底）- 豬軟骨大部分都是大舊的軟骨，要有咁上下牙力先食到。豬潤牛肉淮山麵（ 鮮魚湯底）- 牛肉很淋，豬潤和牛肉都很新鮮。雞肉片魚腐淮山麵（ 蕃茄湯底），都不錯麵餐包嘢飲，飯品不是一般茶餐廳的奶茶咖啡檸水， 特別飲品都不用另外加錢，抵讚。我們叫了柑桔蜜、柚子蜜和冬瓜茶，很不錯啊！另外，飲水機是自助形式，有需要可以自己斟水，不用下下叫服務員

次次都係食同一碗湯麵，今次試吓食湯飯。嗌左個竹絲雞湯配藜麥飯，湯入邊有淮山，松茸，紅棗等等，好香好入味。諗住碗飯細細碗，應該會唔夠食，不過佢有免費無限追加嘅飯，啱晒大胃王，但係食到碗飯差唔多完嘅時候，竟然覺得飽飽地，飲晒個湯就已經夠晒飽，所以唔好望到碗飯好似好細碗，但係其實都幾夠食㗎！咁樣埋單都只係50幾蚊，出面大把有湯嘅鋪頭，飲碗雞湯都要6，70蚊，所以呢個價錢仲有碗飯已經真係好抵！試過咁多次，感覺都係仍然好好，等我下次試吓食佢既其他嘢先！

最怕食野乾爭爭，湯飯，湯麵，全部都好啱我口味屋企附近開左間湯加，有湯喎！即刻去試下！多最都係早餐時段同下午茶時段幫襯，好抵！29蚊一個麵一杯野飲，野食味道又唔錯，仲想點？餐廳設有自助形式斟水，拎紙巾，調味料等等，客人就唔使狂叫店員拎比你喇食左好多次，當中八成都係嗌呢個蕃茄魚角米線，好中意蕃茄湯底，對番茄湯底好有要求嘅我，次次都會飲哂，絕對唔係淨係有味既蕃茄湯，係有啲渣架！唔錯唔錯！有機會試下啲湯飯先！

今日放工又去揾好野食，見到欣榮商場有間專食湯飯的餐廳，係涼涼地的天氣，我們二話不說就入左去了。餐廳的湯飯有不同的飯底揀外，更有不同款的麵，一定有款會岩大家。除了有Set好的湯飯/麵外，更有好似車仔麵咁的自選湯飯。今次我揀左牛肉豬潤魚湯飯⋯ 豬潤唔算特別厚大，不過味道都Ok的。牛肉就係用左好多粉「拿」過，所以肉質滑，不過肉味唔太濃。可能有豬潤的加持，個湯係超級甜！餐廳的飯會係另上的，大家一早Mix埋又得，一口一口Mix又得。男朋友就要左份鯇魚片蝦滑魚湯飯。蝦滑尚算彈牙，不過魚就散左少少，不過味道唔腥。==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

欣榮花園新裝修後，我們未有時間去逛逛，昨天早上我地見到個商場1樓變化好大，原本得一間大酒樓就變左有3間食店，酒樓面積縮了不少，其中kfc及大快活要10月尾才開張，我們就第一次去試下新開的“湯加”，我們一入店已見好多人食緊，冷氣不夠，環境十分嘈吵。我們找到卡位就叫左個早餐3雞扒餐及早餐4炸魚柳餐（餐桌係枱下櫃筒，冇紙巾）。等了好久才有早餐送黎，先黎係2碗跟餐麥片，我們都感覺味道好淡。跟餐凍飲+3元（餐牌上寫左的8款熱飲不用加錢），凍齋啡味道淡，熱金桔蜜超甜（我飲2啖已放下）😓，之後就有2碟早餐送黎，我個跟餐有班戟超硬又冇牛油🙄（ m記班戟鬆軟好食的），他跟餐的係軟淋淋的多士（我們平時食開其他餐廳供應的係脆多士），差過太興的跟餐多士……幸好蛋、魚柳係正常，雞扒超細件（個底係燶既）😖，整體黎講34元一個咁質素份量的早餐，同區有好多選擇，我地平時食開幾間不錯的早餐店的地點仲好近我們tim!至於服務方面，我們剛食完早餐及剛放下餐具，但未飲晒杯嘢（店員好急趕咁收走我們面前2份早餐，好像感覺想趕人走，我們食完咪走又不是坐下拖延，係普通食早餐的時間），門口又冇人排隊，心諗使唔使咁呢？所以這一間餐廳幫襯

有新地方可以食個日常 lunch，當然要去試下啦。同層有間中式茶樓，仲有未開張嘅大快活同 KFC。呢間門口有人等架，要攞飛。裝修係新嘅，舖面光猛，窗邊仲睇到街境。我地舉手要落單，見到4枱都有人舉手。舖面得兩個人。落單之後出番張張嘅。喺枱下面櫃桶有餐具，都幾方便同乾淨。餐飲要咗咸檸檬七喜同熱香滑奶茶。整罐七喜上，好開心。見個餐牌咁多豬潤嘢，應該食豬潤出名，試一試啦。果然係好味，諗之外份量又多。湯同配料都好夠味。可免費轉藜麥飯，不過偏乾同硬，一定要加湯一陣先好食。黃酒薑絲煮雞湯好夠味，料都好多！雞真係有肉食嘅。白飯都有少少栗米粒。紫菜四真清湯都好大碗。薑絲豬潤牛肉烏冬，嚟到有碗米線，唔見有烏冬。即時同上菜嘅職員講，佢完成無意思想攞返入去廚房。算，咁多人都唔知入返去等到幾時，照食。原來d烏冬喺碗底，俾多咗碗米線就真。加9蚊要嘅唐揚雞粒好似俾人食咗一半咁... ...跟餐嘅唐揚炸雞加薯條，再放埋嗰9蚊炸雞落去，啱啱好變成一碟~ 25蚊4條炸春卷，唔脆，唔會再點。總結嚟講招牌湯飯湯麵嗰d係好d嘅，其他食物水準好一般。服務方面有待改善。不過喺附近無咩新嘢一般可以開飯嘅地方，自然多人試又多人食。嚟呢

星期六朝早出去食個豐富嘅新鮮早餐啦。商場1樓新裝修，有酒樓，湯加，一開張就爆渠嘅大快活，仲有裝修中嘅KFC。成11點幾，咁快快地試個湯加早餐先。門口有人等緊，要攞飛。等咗一陣即有4人枱。早餐餐牌有兩面，都算多選擇嘅。落好單之後，會印一張俾返我地。我地點咗3個蕃茄湯火腿餐肉腸嘅餐，本嚟嘅通粉賣曬，所以兩個轉米粉，一個轉公仔麵。兩碗睇落都大碗架，有蕃茄架。腸仔係長嘅，唔係普通廚師雞肉腸，好味d嘅。餐肉同火腿都厚切，有咬口。點知第3碗轉公仔麵嘅就出事喇，無蕃茄湯嘅？同嗰個出餐嘅職員講，佢好似唔信錯嘢咁，又完全無意思攞返入去咁囉。算啦，樓面得嗰3個人，個個都忙到不得了，入返去都唔知幾時出，只好照食... ... 粉餐加5蚊轉多士做班戟，都係正常嘢，食得嘅，仲1塊班戟跟1包糖漿，夠曬甜啦。粉餐加6蚊轉多士做蔥油餅半份，都份正常嘢，唔油，食得嘅。餐飲都係正常份量，要金桔蜜都唔洗加錢。我唔食得牛奶，所以落單嘅時候問職員呢個蛋白麥皮有無奶。佢答我糖自己加... ... 咁我都試一試有冇奶啦... 食落就知無奶，不過係甜嘅... ... 又話糖自己加嘅？不過食落係正常嘢，都算啦。落單嘅時候我同咗職員講，

啱啱開，好多人，等位等20分鐘左右係魚米旗下嘅鋪頭，標榜健康飲食，除左白飯仲有三色米/蕎麥飯/燕麥飯等選擇菜色主要係養生型中菜，連炆花膠都有，而且唔貴今次去叫左湯飯，湯底有幾款可以揀，聽落非常吸引。我地分別叫左鮮魚湯同紅燒牛肉湯。餸可以揀2款肉款同1款菜類，相當健康話說附近有間餐廳個牛肉湯勁好味，等餐途中我一直以為係果隻味，滿心歡喜。但此牛肉湯不同彼牛肉湯，根本得味精味。魚湯都差唔多... 餸菜都好普通，一般茶餐廳味道但不得不讚下佢管理好好，張單有列出每款餸有幾多件。座位闊落，兩個人會安排你坐一般茶餐廳4人坐嘅卡位。我地仲講笑最近有餐廳要求人客繁忙時段4人枱要坐6人.... staff即使啱啱開業非常忙碌，仍然好照顧客人，問d老人家洗唔洗要碗仔or飯夠唔夠etc. 有個吧枱位俾人自助斟水同拎調味料。排晒長龍但唔會一食完就趕人走兩個人食加埋野飲埋單100頭。其實土瓜灣大把選擇亦唔少好味過佢。適合平時食開連鎖鋪唔介意味道但講究坐得舒服嘅人