影片
港鐵上環站 A2 出口
繼續閱讀
營業時間
星期一至六
05:30 - 17:00
星期日
全日休息
以上資料只供參考, 請與餐廳確認詳情
上年轉工到上環上班，一舊同事介紹源興的奶茶好好飲，叫我一定要試，自始源興便成為我半個飯堂。早餐最鍾意腿蛋治配奶茶，午餐就係雞扒炒意或酸菜米，佢啲雞扒好入味又炸得好香口，食極都唔厭。街市環境預佐唔會坐得好舒服，但這裡(其他檔都係)事頭和食客會一齊傾計好似一家人咁，偏偏就是因為這份人情味，當然仲有好味的食物，所以經常幫襯。
繼續閱讀
上環街市熟食市場係區內上班族嘅窮人飯堂，價廉物美，食得你飽，又唔使太貴，識搵食仲可以搵到啲好好味嘅嘢食。除咗出晒名嗰啲之外(我反而好少食)，仲有好多都係臥虎藏龍。啱啱先同朋友講起喺上環好難搵一間蛋治煮得好食嘅茶記，點知今日就咁岩嚟咗呢度。叫咗件蛋牛治，實在係區內食過覺得最好食嘅 (因為本來最好食嗰間蛇竇已經冇咗，變咗呢度係最好食)。首先係塊麵包，嗰種柔軟程度，如果你唔話俾我聽呢度係上環街市熟食中心，我以為自己去咗啲日式洋食店食三文治，因為嗰塊麵包嘅質感，實在就係日式方包一樣咁軟滑！炒蛋恰到好處，大概就係七成熟，配埋碎牛，超正！入口無論由麵包去到雞蛋再去到碎牛，都係差不多嘅軟滑質感，成件蛋治就融為一體，好掂！而且師傅好窩心，整件蛋治一開四，食起嚟好方便！唔係好夠皮，叫多碟意粉，見到有紅腸，二話不說就叫個煎蛋紅腸意粉，而家去茶記想搵紅腸食真係碩果僅存！煎蛋好夠火候，啱啱好起焦有燶邊索埋d豉油汁係一絕夠惹味，而中間蛋黃仍然係半生熟有蛋汁，撈落意粉度食真係童年回憶返晒黎！今次食住呢兩樣先。
繼續閱讀
係上環附近返工，成日忍唔住就行左去食茄汁雞扒燴意粉。源興既雞扒唔肥，又多汁，上菜速度又快。雖然係邪惡嘅，但間唔中食下真係好滿足。不得不說有位侍應哥哥，成日見佢好忙依然笑容滿面，仲同客人有講有笑~輕鬆既茶檔lunch~如果lunch食既，大家要有等位或者搭枱既心理準備。不過等位平均速度都快嘅，所以如果同事一齊傾下計應該到了。話說源興除左有雞扒、仲有牛扒，豬扒嗰啲，今日見到隔離嗰碗沙爹牛米都好似唔錯。值得推薦
繼續閱讀
：脆皮腸雙蛋黑椒汁意粉 $28 本身想食乾炒意，點知叔叔話廚房個爐唔得，推介我食呢個🙈估唔到lunch hour咁多人，叔叔都勁好招呼 仲介紹我食黑椒汁😍而且不斷過黎吹水，問我岩唔岩食，會唔會太辣😂😂本身一開頭仲struggle緊要沙爹定黑椒，都係覺得微辣會惹味d haha 意粉份量絕對唔少，重點係汁醬剛剛好！最怕多到好似湯咁既，而且食太多醬汁真係會卡路里超標😆雖然煎蛋好普通，但佢係脆卜卜架！仲要有半流心蛋黃 係屋企要煎到咁真係好高難度🍳脆皮腸就太耐冇食所以想試下 都有四條咁多架😎係上環街市，真係好邪惡 我宜家好有罪惡感 嗚嗚😭😭
繼續閱讀
很懷念上環的美食，今天放假便找舊同事一起吃午餐，她們問我想吃什麼，我二話不說便選擇了源興；我先到達找了位置，始終午飯時間比較難找位置。源興的選擇也很多，坐下來後感覺愉快及有親切感。登，登！我最期待的茄汁豬排蛋飯，熟悉的味道，還是一樣的好吃，豬排嫩滑，獨特的茄汁（不會太酸和甜）加上蛋配白飯吃，就是這個味道了。再配一杯「茶走」，充滿活力的午餐。
繼續閱讀