滋味靚湯

營業中

休息中

以前成日一得閒就返阿媽度食飯飲湯，但呢排疫情咁嚴重，就少左去媽度飲靚湯。自己要好好照顧自己要搵啲湯水滋潤下，同事就介紹左我觀塘呢間"滋味靚湯"。我買左4包湯，又飲又囤下貨，冰格儲存可擺三個月，啲湯翻熱只需要成包放落熱水加熱扭開蓋就飲得得，好方便。何首烏川芎女貞子杞子烏豆飽魚響螺煲雞、海蔘鮑魚紅棗椰子花膠椰奶煲雞、花膠魚翅竹笙冬菇瑤柱煲雞、杏汁響螺豬肺，啲湯名咁長，湯包肯定係用左好多材料淆製。先試左個海蔘鮑魚紅棗椰子花膠椰奶煲雞，好香好濃，真心正。包湯無湯渣份量都唔少，飲一包都好飽。原來"滋味靚湯"做左成十年架啦，見佢有湯卷，圍返$39.1一包湯，都ok 呀。

朋友喺觀塘返工，介紹咗間佢成日幫襯開的湯品。我今日去開觀塘見客，經過這大廈，順便買包黎試試。滋味靚湯這個品牌喺香港已經營10年了，由之前在香港仔經營，工場大約1000呎現在搬到觀塘5000尺的食物工場製作，由本身的家庭式經營，到現在已經係企業化經營。工場企理衛生乾淨，所有的湯品都是真材實料煲，絕對沒有味精及其他添加劑。絕對飲到係屋企媽媽煲的味道。海參鮑魚花膠瑤柱紅棗鮮奶雞湯$450/10包。平均為到$45一包，真係好抵。自己買材料煲都唔止呢呢個價錢，性價比非常高，而且真係飲到每一種食材的香味，值得一試。好飲過某大品牌的湯包，仲要平成一半，今時今日真係要幫襯返本地努力經營的品牌。