滋味食堂 (全輝中心)

營業中

休息中

之前都食過牛魔王但今次真係太差湯底係鼓油加水得鼓油味叫河粉但係比左呢種好似膠紙既麵未食過咁難食既麵比較似即食個種蔥油拌麵都係純粹用豉油撈冇蔥油香味越做越差如果唔想影響全日心情建議唔好試

每次都叫外賣。今日啱啱響附近。就去試吓堂食。水餃十分之好味。我通常食10隻左右就飽。但係佢地手工餃可以令我想不停咁食🤣，食咗15-20隻水餃之後我又叫左15隻煎餃試吓😆。煎餃又係另一個口感。外脆內軟夠多汁。小菜有多款選擇。泡椒鳳爪好野味😆愈食愈辣。豬耳同金錢肚也好好味。不得不贊醋好香同黃色蒜頭辣醬十分之好味。之後仲外帶左3大盒回家😂，店舖細細。但係老闆婆又靚又好人。下次一定會再去。支持小店💪🏻💪🏻

早前見到網上有人介紹冬菇雞軟骨餃子同黃辣椒醬覺得幾有特色 想支持下小店 特意黎試下---可惜卻遇上一位中年女員工/老闆一開口態度異常惡劣 呼呼喝喝 非常之奇怪難怪較早前有食評都評論店家服務態度不理想估計平時有穩定街坊生意 唔太重視服務方面---講返食物 雞軟骨餃子有創意 口感較一般餃子特別可惜味道冇驚喜 平平凡凡黃辣椒醬少少都夠辣 有特色但同餃子又唔係太夾---小結相信店家有心經營 但食物味道沒大驚喜唔太建議特意黎試 但經開貪得意可以試下店家對客人沒有基本尊重 令人十分失望希望可以好好改善

上網睇到有人推薦呢間小店，今日終於可以去到食啦🥰餐廳位置係沙田圍站C出口，要步行七分鐘就到，今次同朋友叫左兩個全日套餐C，套餐$65蚊有15隻水煮水餃+時令油菜+一款涼拌小食，今次我地就order 左三鮮餃🥟配菜心、冬菇雞軟骨餃🥟配生菜、雞絲粉皮同海蜇小黃瓜，另外加配左一碗上海麵$18，三鮮餃內有粟米、西芹同埋紅蘿蔔，感覺上好健康🤩而冬菇雞軟骨餃子有驚喜，加左雞軟骨好有咬口，好特別，好好味🤩涼拌小食味道都ok，十分惹味，有機會經過一定會去食👍

平時都好少寫食評，但真係想表達下.....訓醒諗住落樓下醫肚，見呢間餃子店開左排，我又中意食餃子，所以諗住試下啦！因為第一次食，見佢唔同餃子都有唔同配搭，點知企左門口睇左無耐，一個40幾歲阿姐突然之間大大聲問「點呀？食咩呀？」，我話睇多陣先，無幾耐，佢好無禮貌甘問多次「叫得未呀？」 你當自己係譚仔？個個去到唔洗睇餐牌就即落單？？好啦！最尾剩係叫左個湯餃子加青菜，見佢態度甘大口氣，以為野食超好味，（通常店員態度差，但間野野食都特別出名同好食）試左啖，唔係囉！！湯係好淡既味精湯，加3皮菜甘多，餃子就不過不失啦！但個價錢我去超市買到一大包同成斤菜再加甘既態度，自己煮都無甘嬲絕無下次！！

更正：其實我媽應該不會包到這麼有水準的餃子😂極小的一間店舖，我們去的時候大部份時間也是包場。門口大大個牌寫著水餃，所以即使店舖還有蒸飯、炒飯等選擇，我們也選了水餃。點了一個餐，有十隻水餃、時菜加小食。另也點了一個餃子麵。價錢中等，再加了一罐汽水一百蚊有找。餃子分別點了三鮮餃跟冬菇雞軟骨餃，各有特色。三鮮餃加了粟米，感覺清新健康一點，冬菇雞軟骨餃則加了雞軟骨硬粒的口感，感覺特別。調味適中，簡單點些陳醋已經很好吃，充滿住家感覺，亦肯定冇味精。配上清湯上海麵也是大大碗，就像家裡會為我準備的午餐。

The weather was cold and I wanna eat some hot food . I have tried this restaurant for the first time . Shopkeeper was really friendly . She was making the dumpling but still willing to help me . I have ordered a shiitake mushroom chicken cartilage dumpling with noodle .  The texture of the dumpling wrapper was really good . About the stuffing,the taste was not bad .Shopkeeper was really considerate . She have separate 5 dumpling to other plate because she was worry about the dumpling  in the sou

11月29 秋風四起的陽光浴星期五的午飯被家鄉味濃郁小店添上完美的秋意，大愛手製薄皮餃子，內餡充分貫徹健康風味，絕對適合一個人的浪漫午餐西洋菜陳腎餃配生菜：皮薄餡靚的餃子，外皮薄得透視了滿滿的西洋菜，與其他餃子店不同，菜肉比例反傳統，食得出健康鮮甜，絕對適合午飯輕食者，配以山西陳醋、黃辣椒，又有另一番風味，原味、醋酸對比菜甜、微辣鹹香，食出三種口味，食過返尋味椰子螺片燉雞腳湯：湯水「能見度」相當高，清楚地透露足料的湯底，厚切椰子粒、薄切螺片、一雙雞腳，味道出奇地濃厚，適合秋天滋補之選，值得一試

這家小店 滋味食堂 的手工餃子飽滿滋味，尤其是獨一無二的 冬菇雞軟骨餃子。The chewiness is perfect until you bite into the cartilage and think “OMG! The cartilages it contains more than perfectly complicate and deepen the dumplings’ flavor! Heavenly taste! “而其他餃子也很有心思，比如韭菜餃子裡面有蝦米絲，很能挑動味蕾。青菜是菠菜、豆苗等很好吃的品種。非常清爽有營。價格很親民。最近兩個月已經吃過六七次。

這是第一次光顧 碰巧今天晚飯想吃得清淡一點 想簡單吃一頓麵就足夠 所以刻意在Openrice搜一下店鋪位置雖然有點偏僻 在花園城的內街裡 但找一回也很容易找到店鋪門面十分小 座位因此也不多坐下來一回兒已經想好食物 點了圖中的白菜鮮肉餃子10隻配麵餐單上另外有6隻的選擇 價錢則比起10隻減一點點下單等了沒多久食物已經來到開始時先試了湯底 是非常清淡 令人感覺健康的味道之後一名女士 相信是老闆娘在上麵的同時遞了相中的調味料給我 這可真的是整店最成功的地方 調味料非常惹味 起初並不知道是什麼味道 所以只敢放一小匙嘗了後 調味道是混合了辣、惹味、和帶點點酸就有點像一些餐廳會提供的菜莆 味道十分吸引 最後共放了三次 很適合喜歡吃辣的人除了以外也有一併提供醋 不太能吃得出是黑醋還是什麼類型的醋拌餃也是不錯的這餐廳大力推薦 唯一是就是空間太小 而且沒有提供咖啡奶茶簡單的一餐 惠顧HK$50吃得多滿足 是一間值得不定期再來光顧的餐廳

碰巧聽完講座，黎到利裏搵下有咩好野食。看到這家自家餃子店，第一眼價錢便宜，32元有10隻餃子，有四款餃子選擇，緊系要食。作為餃子迷的我，我看到有冬菇雞軟骨餃子，這款餃子比較少見，未食過，一於點冬菇雞軟骨和三鮮餃各五隻。嘩，嘩，味道令我一些難忘，那冬菇跟雞軟骨異常的夾，餃子份量大，多肉，味道異常好食，維是淨餃子冇湯配上，如有住家湯配上，一流。另外店子仍有其他的美食，包括牛肉麵，牛展，鳳爪等美食，不訪嚐一嚐。沙田朋友，不訪來到，光顧這些用心製造美食的小店。下次再來沙田，必定會再來幫襯。

今日出街夜返左，想起滋味食堂好似9:30 close， 一睇时间已9:25分了。马上打电话过去问下可否再叫餐。老板娘好好人，我点左4个餐话大约9:40分到自取外卖，佢话ok。呢间店我成日帮衬，因为实在是良心出品，无味精。食材好新鲜。由海鲜汤饭的虾可以食得出，大多数店都用急冻虾，虾无虾味，一阵雪味。但是滋味食堂呢个海鲜汤饭，绝对真材实料罗，试问$50文，有元贝，鱿鱼，肉片，紫菜，3只大虾，仲要系鲜味十足又非常弹牙的虾肉和汤底。绝对唔系急冻虾罗，去边度可以吃到啊？仲有牛么皇上海面，好似会吃上瘾甘，每周最少会吃一次。贡丸面都是我挚爱，有好多青菜，而且汤底一滴油都睇唔出。好好饮，我喜欢吃辣，呢度的凉拌和泡椒我都吃匀晒。每一样我都好中意，每次点都选择困难症，因为样样都想吃香港依家D餐厅越来越唔难吃，周围都系味精用添加剂来调味。搞到D人健康越来越多问题，好似滋味食堂甘既良心餐厅，真系好少有罗。反正我就好buy佢啦，开左应该有6个月左右吧，我每周最少帮衬一次。感觉就好似吃住家饭甘。 今次令我最窝心系我去到，老板娘话担心D食物冻晒，又唔知我几时来到，所以等我到先捞起 饺子和面，等我可以吃到最好

呢間小店都開左一段時間 之前見佢賣涼拌 蒸飯為主 宜家就餃子為主今日同我死C6 每人叫左一個餐白菜鮮肉餃 10隻 $40 皮薄餡多 我一個女子頂多都係食到八隻三鮮餃 10隻 套餐跟 泡椒豬手 時菜 $45 豬手酸酸辣辣好開胃 總括餃子係有家的味道 無味精 新鮮唯一 餐無跟飲品 如果配埋豆漿就very good嘞聽見隔離枱叔叔食海鮮烏冬餐$50 讚口不絕 話足料 新鮮 下次可以試試店舖當晚得一個樓面姨姨 廚房一個哥哥 出品需時 加上都有街坊買外賣🥡請耐心等侯

平時夜晚食親都係炒粉麵嗰啲見小巷內開左間小店，以餃子作主打，於是膽粗粗入去試下見到餐牌，有四種餡料嘅餃子，我選擇左白菜同雞軟骨兩種味道，合共15隻，一個蝦醬腩肉豆卜蒸飯，配個菜外賣包得好好，開盒餃子隻隻好飽滿跟餐菜竟然係豆苗味道：餃子 - 雞軟骨餃子味道濃一啲，軟骨好有咬口白菜豬肉餃子味道會清一啲兩款餃都好好味，但今日可能口淡淡，所以喜歡雞軟骨餃多啲菜 -豆苗係用水灼熟，啱啱好，想食得清清地就啱哂，可選擇要唔要加蠔油蝦醬腩肉豆卜蒸飯 -蝦醬味濃郁，唔算用上大多醬，感覺係啱啱好，唔似出面食通常偏咸同油膩，有椰菜，紅蘿蔔同豆角一齊蒸，感覺好健康整體黎講成個組合好健康，會再試共他款式餐目

呢間小店出乎意料之外地好食，尤其是冬菇雞軟骨餃同西洋菜餃，由2018年12月至今日，一個月已經食左四次，每次必叫，攪到仲未有機會試其他餃，湯飯湯都亦好有誠意，。炒米粉就油膩左少少，最值得一讚係跟餐嘅菜，竟然用豆苗，雖然份量唔係好多，但大家知豆苗同生菜、芥蘭同菜芯價錢差幾多架啦。不過有樣野真係要鬧，我每次都係經叫外賣，湯飯同湯麵都係用一個碗，湯同飯/麵一齊，未知於稔晒，但永遠個蓋穿晒，湯漏晒不在話下，好難處理，感覺好唔衛生囉，點解唔分碗，同個客講收多一個碗錢，個客唔肯咪佢自己受囉，一係唔好做外賣，費事影響質素。我希望店主睇到呢篇食評，唔好因為一個環節，浪費好食物同心思。