滋潤棧 (已結業)

之前都講過，係深水保區食午餐真係唔容易，出名果d基本上排晒長龍，有d就可以差到不知所謂，見倒呢間坐o左一半人價錢又唔貴所以試下，呢度所有套餐都係25蚊，有飯有(食送)有飲品。我要一個蕃茄豬肉鬆炒蛋，飲品要o左例湯，好似有人話呢度唔加味精，但個湯一飲好明顯實有.... 不過唔緊要啦，有幾多地方真係無味精丫，味道唔錯都已經ok，蕃茄豬肉鬆炒蛋份量幾多，仲幾開胃，但我唔係太肚餓所以食唔晒，食呢d套餐最重要係個白飯，呢度如果十分滿分既我比七分啦，算係唔錯。服務方面老板娘對客人幾有禮貌，不過對d員工就麻麻地，睇落好似好假咁.... 同埋呢度有做外賣，仲幾受歡迎，電話不停咁響，d送外賣阿姐行完一轉又一轉。整體黎講幾好，仲可以再黎。

忽然諗起想食家庭式無味精客飯小菜，會諗起去邊?除咗太子蘭宛饍館外，就係呢度...久未幫襯，每次多數嚟食lunch。客飯六選一，加埋碗老火湯，清清哋...呷一口沙蔘玉竹雪梨豬骨湯。初時飲落，都頗清。再呷多口，咦...喉嚨有少少痕。真係無msg添加?茄子排骨客飯。味道偏鹹，排骨淡而無味，要靠厚厚嘅獻汁"俾"味；茄子倒係煑得頗淰。用嚟拌飯吃，總算食得落...邊食邊喉嚨不適，完全無味精添加，信焉?但相比起普通茶記出品，又不致於咁過份...

2007年7月15日約下午二時, 同朋友行深水po, 附近食店好多人, 依間滋潤棧望落應坐得舒服(因為間野主打甜品類, 所以當時唔太多人) 咁就入左去喇! 時叫了2個午餐$23 叫特式飲品另加錢當落單的時候講到要"蜂蜜綠茶" 老闆說加7元(後來發覺原來餐牌上是寫加5元)但叫"蘆薈汁"時佢無講加$7, 所以照計應是加$5 (這個蘆薈汁之前已睇過是加$5)好喇! 照計總數是$23 x 2 + 5 + 7 = 58食食下老闆比單我地見到30及33我一望覺得奇怪就問下佢佢話"蜂蜜綠茶"要加$10元, 我就話唔係喎落單時你話加$7元喎仲有我個"蘆薈汁"又加咁多餐牌上寫明加5元佢竟然話餐牌是七年前的.....最後佢張個數改為30 x 2 出來總數都係同餐牌有差別不過都癈事再爭辯.. 佢一講個餐牌是七年前的好明顯是有心呃人至於食物質素我覺得ok 但個老闆唔老實好難再光顧

7月20日4:30入去呢間位野於深水元州街分店叫左個麵餐$19(雞翼+回鍋肉+公仔麵包野飲)食到緊之後叫凍飲(西瓜汁)飲緊之後個仕應竟然話我個餐唔包西瓜汁,要另外再加$15。我把鬼佢我都唔係第一次入去呢間野食麵餐架啦。食完之後打死狗講價話我食開個麵餐已經冇做好耐。借問聲你個仕應係唔係有問題呀??如果唔包或者冇個餐你係唔係應該係我叫西瓜汁前話唔包啦或者冇左個餐呀??大佬我等飲緊杯先同我講話個餐冇左??有冇搞錯呀??原本想食一個又平又實惠既下午茶點知夾硬俾人屈左比晚餐仲貴既價錢食個下午茶。呢間野既服務態度又左價錢又唔清楚,如果有其他想入去食野都要諗清楚呀.

一間小小舖頭, 睇落名似係賣糖水, 原來除多款糖水選擇, 仲有刨冰, 果汁, 小食, 飛碟, 健康餐, 麵餐, 飯餐...真係款式多多!午市晚市都有主張住家菜客飯餐, 款式經常唔同, 餐湯係老火湯, 幾足料. 飯都真係幾住家feel, 味道唔錯. $22一個餐, 算交足貨, 起碼無茶餐廳咁多味精嘛.糖水試過紫糯米加湯圓($15) 好大碗. 唔太甜, 又多紫米,好味! 湯圓係超市買到d, 雖然唔係皮薄餡靚款, 但撈埋d糖水就已經好好味lu.

兩人各點一個午市套飯，$23 送湯/糖水/飲品，幾抵食~分別是磨菇腸仔意粉+豆腐花及咖哩牛腩+百香果珍珠(+$3)...磨菇腸仔意粉像一般快餐店貨色，洋蔥汁有點咸，磨菇太少，不甚好吃。豆腐花不算滑，不過不失吧!咖哩牛腩...愛人很快放下匙筷，味道似乎....最好味的，是百香果珍珠。

上星期二陪完老公去黃金買野..之後行返出黎覺得又熱又累,想坐低食碗糖水,就入左呢度喇!其實呢度d lunch set都幾抵食..又送是日老火湯/湯水..不過我地兩個都唔餓..所以每人叫碗糖水算,可能接近lunch hour..店內好多人,而且大部份人都食lunch set,坐得好逼硤..老闆娘同d阿姐都好忙..所以落單有點唔清楚,service亦一般..不過老公個蜜瓜西米露同我個紅豆+綠豆沙都唔錯!d蜜瓜仲幾甜添!!食食下先見到呢度有冰食..my favourite!!下次少d人再黎試下先

首先，員工的服務很好！食物方面，不錯，那次的冬茹肉餅好吃！豆腐花很甜！很好吃！

曾聽朋友訴說有次在中午飯時間，去深水地鐵站出近匯豐銀行的滋潤棧午膳，本想在辛勞的工作後平常地享用一頓午餐，以血汗錢買這一間滋潤棧的飲食服務，這個政府也在電視中以劉德華宣傳叫服務業界以真誠的態度服務顧客，(…..這樣的服務態度是不夠的….. 要用真誠的服務態度…….. 叫顧客放心…..) 但這一間滋潤棧的一位身型肥胖的女仕，看她應該是該店的業主，或老闆娘，由這位滋潤棧肥胖的女仕所提供的消費者顧客服務質素極之低劣，食品品質以及顧客服務的態度大為令人不滿！ 在食品品質方面，冷凍食品和熟食食品亦一同出售，有病菌交叉感染之疑，外表似平常沒有分別，但他說經過兩次光顧(上次光顧時間大約兩星期前)，但每次進食後不久在公司裏，就有腹痛、腹瀉、嘔吐、等病徵出現，請病假看醫生後，是進食不潔食物所引至，及發覺在滋潤棧廁所內的衛生環境極差，當時本人想如廁時很驚嘆！看到屎積滿坐廁皆是，尿味很臭，病菌源頭是否由該處出現就不確定….. 在消費者方面講，滋潤棧在顧客服務方面令到眾友人極為不滿，顧客服務態度惡劣，朋友訴說有次想叫一客甜品，但遭受該店的肥胖女仕呼喝，立即令到本人遭受眾人目

自己本身住深水土步~去過好多次呢間o野~都好"正"o架~d野食都唔錯~老板娘經常問我d野好唔好食o架

$22一個套餐, 以同區o黎講已經算係偏貴, 不過就勝在夠乾淨, 不過套餐的質素就麻麻地啦, 個套餐出來的時間仲快過茶餐廳的快餐, 所以肯定係事先整定, 所以不夠熱, 而且d套餐的款式很多都以肉類為主, 略嫌不夠健康, 小妹試過呢度的豆腐花, 糖水落得太多了, 很甜, 服務方面, 侍應都幾有禮貌, 主動問客人要不要水, 老闆娘仲猛咁同熟客仔打牙較添

食過兩次，佢o地的糖水，都唔錯呀，<br />我覺得好食過同區間松記。

今日第二次幫"親"呢間野，今日見到d地方唔係咁乾淨，想即刻閃，但係又好似唔係幾好意思咁，諗住求奇食完就閃啦。點左過香檳葡萄($15)，嘩，勁好味/抵食。佢個底係黑糯米，但係我怕太甜，改做涼粉，上面有d刨冰及練乃，睇落去好似好普通咁。最精彩就係個葡萄汁及提子乾，呢隻葡萄汁好似曾相識，細路仔時飲過呢隻味，唔識形容，絕對唔係藥水味，好正。加上佢用乾冰伴住上碟，視連覺都可以享受。下次一定會再去，試下其他味道，但係環境就真係要攪攪佢啦！

例湯好正! 好足料!$22 有飯有湯，算幾好喇!

Lunch 食物仲差過快餐店~ 不過甜品同混果汁幾有特色~ 齋食甜品同果汁好過~