滷府 (已結業)

放工經過這間滷府，已經聞到陣陣滷水香，望一望餐牌，除了有多款滷水拼盤外，還有多款滷味飯，最抵食一定要特價滷味飯，包括滷水雞、滷水鵝及滷味雜拼，最平的$48有交易還包飲品，所以外賣了兩盒飯返去同老公開餐。慢煮特調滷水雞飯滷水雞滷得很入味，雞皮皮下脂肪少，雞皮爽口，而且雞肉應是浸滷水汁浸熟，雞肉保持嫩滑，旁邊還有些滷腐皮、滷蛋及酸菜，送飯一流。特選滷味飯滷味飯有豬腩肉、豬耳及紅腸，豬耳爽脆，腩肉肥瘦均勻，入口肥而不膩。

得閒都會買外賣滷水加餸🫢 今次黎到鰂魚涌呢間滷府，個名好搞笑🐯🐯本身想食滷水鵝🙉 但因為見到隻雞既色水滷得好靚，忍唔住轉左買雞🤣 另外仲加左墨魚同千層腐皮，今餐真係蛋白質滿滿隻雞真心要讚！！肉質夠熟得黎又勁滑～雞髀位好食就好多地方都做到，但呢度係連雞胸位都滑，加埋佢個汁真係好好食🫣 自己一個都清左一大半另外墨魚腐皮水準都唔差，下次再試下d滷水內臟先店員非常有禮貌講解唔同既食物，仲好細心問要唔要多d醬汁，又會提醒唔夠味先沾醬，如果唔係怕太鹹～

多次幫襯都係覺得滷府質素最好，今次食豪啲，滷佛爺加墨魚，每次都必叫鵝腸同墨魚，今晚響滷佛爺同雙拼兜兜轉轉掙扎下，終於揀咗滷佛爺，打開盒蓋見到滿滿既滷水，鵝髀大大隻，仲有半隻大鵝蛋同本身隨餐既滷水蛋，鵝肝、鵝腎、鵝腸，加埋額外點既墨魚，擺滿晒成個外賣盒。下次要再試埋五花腩同鵝掌翼！！

可以睇住師傳切～慢煮特調滷水雞飯 $50去買的時候剛好做緊優惠，$50就買到～估唔到呢個價錢仲有附配菜果啲。滷水雞顏色非常亮澤，夠哂油潤。入味但又唔會死咸，配飯岩岩好。另外的滷味配料唔知個飯本身都有滷水千層腐皮，自己又加左份。同埋鵝腸、紅腸。大推滷鵝腸，超級爽口彈牙，配酸汁非常開胃。滷腐皮都彈牙，而且重豆香，想食得健康啲可以諗諗。都幾有心做branding XD，覺得幾靚忍唔住影多幾張。同埋負責落單既小妹妹好nice～講野好温柔，揀唔到食咩都可以問下佢～

很有質素的滷水外賣店，鵝肉很好味，試過其他的滷水也很不錯。除了鵝肉，最喜歡鵝腸和墨魚，而且可以一兩起加購，很適合想食多款餸既人士。套餐還配有半隻蛋，腐皮和酸菜，外賣首選👍🏻

收工去咗行街，行到去鰂魚涌，發現有間專賣滷水嘢嘅店舖，門口仲印隻有老虎圖案，吸引咗我走埋去八下，櫥窗有一隻隻滷水鵝掛係到，仲有齊各式各樣嘅滷水食品，款款都好想食睇餐牌買晚餐回家，買咗份 [ 特選滷味飯 $48 ] 仲跟餐飲 [ 熱檸檬水 ] 呢份特選滷味飯，仲有好多配料，有肥瘦均勻嘅滷水豬五花腩肉、紅腸、爽口滷水豬耳、滷水千層腐皮、滷水雞蛋半隻及辣酸菜，辣酸菜撈飯食好正除咗叫咗個套餐外，另外仲叫咗隻 [ 滷水雞蛋 $8 ] 滷水蛋夠入味；爽口彈牙嘅 [ 滷水墨魚 (兩) $20 ] 切出嚟都有十幾塊，另外仲配有酸醋及醬油，點埋先食，令味道更突出；最後就叫咗碗 [ 白灼生菜 $18 ] 份量都好，新鮮爽脆滷府鰂魚涌海光街7-9號龍景大廈地下5C號舖

行經鰂魚涌海光街，發現一間招牌畫有老虎，店名滷府，吸引我過去一探究竟。走近發現原來是滷水店，所以決定入去買啲返去試下。多款滷水套餐可供選擇，仲有派對特盛，買返份返去開派對就啱晒。櫥窗內有各式各樣滷水食品，滷水鵝色澤金黃，泛著油光，令人食指大動，其他滷水食品外貌亦非常吸引。滷水豬腩肉腩肉油脂豐富、口感軟嫩，油脂及肉鮮味，另滷水味道更加豐富。滷水千層腐皮口感煙韌有彈性，味道清香，十分入味，而且非常健康。

放工返屋企除咗要煮幾味之外另一選擇當然就係斬料加餸啦，😝 之但係加餸嘅選擇唔係手撕雞就係燒味，似乎食耐咗都會悶。 呢個時候就係滷水大派用場嘅時候，啲汁仲可以愛嚟撈飯添。 😎嚟到鰂魚涌呢入邊睇到嘅係越來越多新嘅餐廳開咗，當中都係以外賣為主，其中一間個名夠晒特別稱為滷虎嘅滷水專門店就成為咗眼中嘅獵物🥰慢煮滷水鵝肉飯—- 滷水呢家嘢呢就越耐火候就越入味，😉無論係滷水雞鴨鵝定係其他內臟一樣都係要用慢煮慢滷嘅形式先至係最新鮮最佳風味。 睇到嘅係滷水鵝肉就滷得連外層都已經睇到係經過長時間嘅炮製，鵝肉本身質感就稍為容易乾身，🥢經過滷水長時間浸咗之後頓時變得層次分明，仲好軟淋淋添，用嚟配飯當然係一流🍚滷水豬耳—- 🐷豬耳亦都係一個滷水常見嘅菜式，擁有超獨特嘅兩層層次非常分明嘅質感，而呢一度嘅豬耳除咗大大塊之外每一塊都相當厚，🐷外層骨膠原嘅質地仲會連住少少肉，睇嚟呢一隻豬應該來頭唔細，🐷另外軟骨部份就非常脆卜卜，一咬就已經脆住咁樣一分為二。🐷百葉千層— 擁有腐皮嘅外表再加上豆乾嘅味道，一層又一層嘅豆皮疊埋一齊營造出嚟嘅效果係千絲萬縷，🥢個人覺得絕對係豆類嘅藝術品，同時亦都好似腐皮同炸枝竹嘅混合體，🥢即使

又係嗌外賣嘅時候，街坊朋友介紹有間鹵水專門店， 價錢合理而且幾好味 ，今日就買嚟試下。舖頭名稱叫滷府， 取其諧音聽上嚟好有氣勢，只供外賣。餐牌非常清晰而且有不少外賣優惠， 一眼看曬廚房、收銀處和師傅切野地方，感覺乾淨衛生，安心食用。叫咗半份鹵水雞，一份紅腸和一份千層滷水腐皮。慢煮特調鹵水雞(半隻)鹵水雞色水好潤澤，賣相十分唔錯， 雞的肉質嫩滑新鮮，而且滷得好入味，又唔會太鹹，值得推介。紅腸好爽口，十蚊一份都算抵食。而千層鹵水腐皮感覺幾健康，非油炸所以完全沒有油益味， 清清地， 做素食小食是不錯之選。不得不提包裝同店內陳設都造得不錯， 是值得支持的小店。

滷味達人剛巧到港島區附近辦公，所以順路買個滷味外賣回家，這間滷府～店名食字「老虎」，所以招牌都有個老虎圖案。是新式的滷水店，門面挺乾淨的，而不是舊式風味的。看了看餐牌，有飯餐，但因不想吃飯，所以散點～點了滷水豬五花肉，滷水千層腐皮和滷水鵝腸，另外配的醬汁是酸汁和醬油。可以用八達通收費是不錯的選擇，即點即整，可以在旁邊玻璃窗看著師傅處理，感覺更透明乾淨。回家後急不及待就吃了，味道挺好，濃而不膩，特別讚的是千層腐皮，超入味，建議再整熱來吃，味道更勝一籌。

經food panda 外賣自取優惠落單，慢煮特調滷水雞飯套餐 + 熱奶茶 + 滷汁生菜 Total $83.21) 去到現場見到有外賣雞飯套餐包埋飲品都只係 $50 (無奈...)2) 幫襯過好幾次，今次份量非常少，真係少得好可憐！雞肉得5 小件，而且骨多肉少，女仔食都完全唔夠飽！ 飯亦偏硬！3) 熱奶茶苦到飲唔到！成杯倒咗！4) 飲品杯蓋每次都係閂唔實，一定會自動打開咗，倒瀉整濕紙袋新開張嘅時候食過好好，一直有幫襯，但而家質素每況越下，又少一個選擇了 ！

也是第一次写食记。斩料师傅技术一般般，切下装没有询问就去掉所有骨，卤水鹅用的鹅应该不错，但是下装浸得时间不够长，明显偏欠火侯；另外买了鹅肝，也是不够火候，有很强烈的腥味，不是食材问题，绝对烹饪问题。唯一值得称赞的是赠送的素鸡底。依家卤水在香港不是平野，质素有待提高。新创业小店，加油！

路過太古坊呢邊，見到呢間滷水店燈光光猛，食物睇落都幾新鮮，而且滷味永遠都係佐酒嘅最佳配搭，就外賣啲返去試下～我order咗墨魚🦑、紅腸和鵝掌翼墨魚係滷水店常見食物，呢度嘅墨魚$20一兩，價錢屬於中上，勝在用料非常新鮮、厚身，入口爽口。一般滷水店都見到嘅紅腸，呢度嘅口味有啲特別，帶有少少煙熏口味，入口彈牙，唔錯👍🏻鵝掌翼皮薄，質感比較實淨，汁料都頗入味，咬感！附帶仲送咗潮式醋汁和滷水汁，返到屋企再雪一雪，凍冰冰又開胃，夏日佐酒一流💓

原來鰂魚涌有間專賣外賣滷水嘢嘅舖頭，而且係標榜只賣滷水，不賣老水最平嘅特選滷味飯都只係48蚊仲要包埋飲品我就買咗個慢煮滷水鵝肉（例牌），$128，好大盒， 裝滿曬成個外賣盒， 另外附送兩包汁醬，（原來啲鵝肉下面墊咗啲千層腐皮，千層腐皮都好好食好有口感）呢間嘅慢煮滷水鵝肉，肉質好嫰，滷水滷得好入味， 但係又唔會一味得個鹹字滷水鵝肉彈牙， 冇乜骨， 咬落去啖啖肉，唔知係咪因為係慢煮嘅關係， 所以啲鵝肉一啲都唔韌，反而軟稔彈牙，鵝皮就比較爽口總括而言，呢間滷水嘢都算性價比高

下午茶時間口痕😩想揾的小食醫下個肚皮, 而公司附近開左個滷味店就去試下, 好少何喺街度買滷味嚟當零食, 所以望緊餐牌既時候店員細心咁講解建議選擇嘅食品, 加分👍🏾其實佢哋嘅鵝掌同鵝翼先係招牌菜, 不過今次只係拎黎當零食所以下次先試啦🙂1/ 滷水豬五花肉 $88 / 例牌五花肉肥瘦均勻, 帶有滷水汁既光面五花肉咬落去油膩同豬肉充滿喺口腔內, 感覺都幾滿足😋份量都幾多, 有20件左右, 可以一家4口一齊食👍🏾2/ 滷水墨魚🦑 $20/兩本身其實對兩呢個重量冇咩概念, 我數過原來切出黎都有成14-15塊都幾多!😮滷水味做醃製得唔錯, 內裏不失墨魚既彈牙同嫩滑, 易唔會醃得好鹹, 點埋隨滷味配上既醋同醬油, 更加撬起整個味道😋