滾得棧 (已結業)

呢間餐廳以粵式小炒為主打，網上評價唔錯，我都趁著周末晚上黎嚐嚐。首先，我點咗招牌菜之一嘅「炸蝦餅」。呢道菜嘅蝦餅外皮炸得好酥，蝦肉鮮甜有彈牙，同埋搭配店家自製嘅特製辣椒醬，味道更加香辣，好好味。值得一提嘅係，呢道菜份量十足，足以供應三至四人享用，非常實惠。其次，我又試咗招牌菜「手切牛頸脊」。呢道菜嘅牛肉好嫩滑，入口即化，再加上店家秘製嘅醬汁，令味道更加突出，真係好值得一試。最後，我仲試咗「鱔片」。呢道菜嘅鱔片好鮮嫩，入口即化，同埋配上店家特製嘅醬汁，味道鮮美，特別啱搭配米飯一齊食。總括而言，「滾得棧」嘅菜式好豐富，價錢實惠，而且每道菜份量都好足夠，非常啱哂畀屋企人或者朋友一齊聚餐。而且餐廳嘅環境好寬敞舒適，加上服務態度好親切，整體用餐體驗好愉快。如果你正尋找一個正宗嘅粵式小炒餐廳，我一定會好推薦你黎「滾得棧」試下。

朋友提議去烚下烚下有人常到呢間店，所以我哋又去試吓先！我哋平日去估唔到都算幾full ，我哋叫咗鴛鴦湯底一邊皮蛋芫荽另一邊沙嗲湯底！湯底味道好濃郁👍🏻食物方面，我哋仲叫咗啲手切牛、餃子、炸魚皮、手打丸、椒鹽豆腐、魚片頭、菜、蠔、飲品⋯⋯每款食物都好新鮮足料👍🏻我哋個個都食得好滿足，我哋當晚五個人食，每人大約$360 ，價錢屬於中上，不過啲料都真係唔錯👍🏻

讚1 食左好多年 由深井到油麻地分店都好穩定水準 湯底足料 丸、餃子都一貫地足料 午餐飲、鬼馬油炸鬼都炸得香噴噴脆卜卜 處理功夫多年黎都有水準2 份量大彈1 肉類退步左 以前本地牛都好得 宜家係差左

「打邊爐」一向是我的至愛，滚得棧最近的新湯底麻辣小龍蝦湯底，先食龍蝦再打邊爐，最正是那麻辣湯底，味道剛剛好，真是超級的惹味，再加入招牌手切牛頸脊同吃，滋味絕對是攞滿分。真心推介呢款麻辣小龍蝦湯底，一般的龍蝦仔大家都知無肉可食，但呢款龍蝦仔真是有原條龍蝦肉，入口鮮甜又彈牙，而鍋底更有齊薯粉、青瓜、蓮藕，與麻辣湯簡直是完美組合。由於個麻辣湯底實在是太吸引，大家都忍唔住叫個薯粉橯埋個麻辣湯底，每條薯粉吸引了麻辣的精華，麻、辣及香俱全，爽口得來好惹味，令大家都食唔停口。這裏出名海鮮類好新鮮，講多無謂就先來個龍蝦刺身，入口超級的爽甜，肉質又彈牙。大大隻鮑魚用來打邊爐，試過就知是超正。打邊爐絕對唔少得炸午餐肉。蝦膠油條外脆肉軟，那足料蝦膠爽甜好彈牙。招牌手切牛頸脊，肉味香濃，油脂分佈均勻，越滾得越耐就越腍，在麻辣湯底內吸收了所有精華，正到無得彈。好爽口的黑柏葉，沾滿了麻辣汁爽脆惹味。每款配菜，仲有火鍋必備嘅其他食材都好新鮮，如自家手工餃、手打四寶丸及雜菌時蔬拼盤。原來呢度的潮式紫菜鍋都好吸引，於是大家都點了一個來試試，未火鍋先飲啖湯先，好有家的感覺，估唔到火鍋店都有咁出色的潮式紫菜湯，正呀！粒粒分

好友推介左我好多次，依間牛肉好得，有機會一定要去試，所以早幾日見佢地出左新湯底，一次過滿足自己慾望。打邊爐前先食本地龍蝦刺身，肉質鮮甜爽彈，大家重可以叫餐廳安排將龍蝦頭整嘅泡飯，配埋脆米食，超暖胃。新湯底係麻辣小龍蝦，裡面有薯粉、青瓜、蓮藕等，而且佢地小龍蝦好得，平時我勁怕食嘅我都忍唔住，惹味到停唔到口。朋友勁推嘅招牌手切牛頸脊和香口牛眼根，油脂分佈均勻，入口肉味勁濃，而牛眼根甚少係其他餐廳食到，同其他牛肉唔同，佢煮得越耐，肉質就越嫰。食麻辣食到咁上下，所以轉左佢地另一款招牌湯底，就係潮式紫菜，未食飲下個湯都已經好有驚喜。打邊爐邊少得鮑魚、炸午餐肉、脆魚腩、蝦膠炸油條、腐皮等。梅菜豬肉餃餚料十足。話左要一次過滿足自己慾望，所以點埋生炒糯米飯，依個真係好掂，炒得勁乾身，臘味勁靚勁足料，真係食到唔識個飽字點寫。

最近同朋友食左一間很不錯的火鍋店想說第一次來，鍋底點個基本款就好叫了先叫左呢到好出名潮式紫菜湯底，湯頭鮮甜，好有驚喜店內仲有好多新湯底提供，朋友再叫了最新推出麻辣小龍蝦湯底最上面擺放了小龍蝦，視覺上是很壯觀吸睛的再配埋薯粉、蓮藕，青瓜吸附飽滿的湯汁，很麻、很香、很過癮…小龍蝦肉紮實帶點Q脆，很順口好吃店家有貼心的準備了塑膠手套，讓我們可以吃的痛快又不失優雅牛眼跟大概放進鍋底燙個幾秒左右就可以入口了口味非常的軟嫩帶點脆度，重點不是很多地方有得食其他火鍋料也很不錯響鈴、桂花蚌，鮑魚、手打丸等等大大隻本地龍蝦刺身鮮甜爽口兩食再用龍蝦頭整泡飯，極滿足！最後絕對要叫生炒糯飯，用料上乘，炒得乾身，真的好食！油麻地砵蘭街39-41號順好樓地下A-B號舖

人人都有間自己食開嘅火鍋，呢排呢間都係心頭好。無他，牛肉真心高質，你自己去街市買都冇咁靚，而且獨有嘅牛眼跟，真係唔係咁多地方有。最精彩嘅係呢度有好多新湯底提供，剛剛上星期推出嘅麻辣小龍蝦湯底，加上薯粉、青瓜、蓮藕等等，食到唔願停口，完全感受到那種地道氣息。呢到仲有個好出名嘅潮式紫菜湯底，驚喜度滿分，就咁飲都夠開心。今次仲試左呢到嘅刺身，本地龍蝦刺身當然不錯，兩食用龍蝦頭整嘅泡飯，不得了。當然仲有其他靚靚打邊爐料，炸午餐肉，梅菜豬肉餃，響鈴、桂花蚌，鮑魚等等，食到頂住個肚。人多勢眾，試埋佢嘅生炒糯米飯，聽講攞哂獎，幾飽都要試，炒得貨真價實，每粒脆口，加上靚臘味，當你今晚咁飽時候都仲要食幾多啖就知真係好好食。睇下相，又想拖馬去試新湯底，聽講將會有新湯底，下次再介紹俾大家。

好耐未試過七百幾個留言，我要啲時間先覆得哂PM，Meta真心好慢，setting又奇怪，啲post schedule左都要先出。今次係火鍋三部曲，好耐無試過一星期打三晚邊爐都有好野，要分享下，呢個post唔PM啦，好攰。聽過滾得棧呢個品牌好耐，知道佢出品係幾唔錯，今次又係跟朋友黎威。呢到嘅本地牛頸脊真係好得，最重要係價錢唔貴，仲平過你係街市買，如果一班牛魔王過黎，啱晒。全城應該獨有嘅牛眼根，你google下應該就知係呢度先特別提供，個口感好特別，加點檸檬汁，特別爽。湯底人人知花膠雞出色，今晚特別啲食嘅係雞煲，辣度適中，令人想隊碗飯，加湯打邊爐當然都適合。其他配料推薦幾特別嘅雞腸，鴨紅，響鈴，象拔蚌丸同限量供應嘅梅菜豬肉餃，呢幾樣，值得你黎好幾次。

公司大姐履新一週年，特邀請我們幾位同事火煱聚餐慶祝一番🍻🎉。此店位置超方便，靜中帶旺，毗鄰油麻地地鐵口，門前又有車位👍🏻內部裝修古雅精緻，座位寬敞舒適，不過多得阿姐精明預早book 枱，可以坐到門口落地玻璃旁的大圓枱，個人覺得一大班人食火鍋始終要坐圓枱才最有氣氛。點餐時有一本書另加一張印刷精美好似街報的點餐紙，但因太多食物可點選，點餐紙有點密麻麻，少啲眼力都睇唔掂😅，又沒有價錢，最後變咗隨口噏落單算，想食什麼就唉什麼，反正多謝阿姐🙏🏻。菜單上都有好多熟食選擇，先來一碟蝦膠油條攝攝肚先，外脆肉軟😋。不過其他食物及湯底都好快上枱，簡直快、靚、正👍🏻蕃茄薯仔/四川麻辣/芫茜皮蛋/招牌沙爹🥘兩個鴛鴦鍋，有辣有唔辣，任君選擇😋其實湯底都有好多料，豆腐卜及豆腐可以慳返唔點😃大號招牌手切牛頸脊，有姿勢有實際，賣相奇佳，打卡首選，輕輕一灼，美味無窮👍🏻👍🏻👍🏻誠意推介圖中有如馬拉糕的蜂巢豆腐，有密集恐懼症的我第一時間扔晒佢地入煱，不過豆腐索晒啲湯汁，滋味其佳，有益又美味多汁😛竹笙/魚鰾/雞子/粉腸/珊瑚蚌/蝦滑/黑柏葉/雲吞/魚皮餃/生菜/響鈴/豆卜/蘿白/鱔片……全都不叫不可😀走油芋頭原碟10塊，粉

天氣突然轉涼，間想打個邊爐，好彩打電話仲book到位！成日都要響油麻地搭小巴返屋企，但係就未試過滾得棧。今日專登嚟試試，估唔到環境算乾淨。上菜嘅時候估都估唔到啲嘢咁大碟。除咗啲嘢好味又新鮮，個個都食到飽！飽！飽！同埋舔舔脷😋下次會再來！

以前只光顧過銅鑼灣分店，今次即興和朋友即日book 了油麻地分店，好彩都有位。4大1小，安排了角落的卡位位置，卡位幾寬落，6人坐都不會太迫。但由於角落位，而且人手不足，經常搵唔到人落單和跟單。鴛鴦鍋：海底椰豬骨湯和四川麻辣湯豬骨湯非常淡味，麻辣湯非常咸，兩個湯底都一般上了湯底半小時，牛肉還未到，催了幾次先上枱牛頸脊較有牛味，由於厚切幾有口感，份量充足。竹蔗茅根水由於剛煲好，還是暖的，所以用冰筒上枱，睇落好似飲啤酒😆蝦滑一般把蝦絞成蝦泥，但呢個蝦滑是原隻蝦的，所以放入湯底基本上是會散開的。黑牛柏葉和珊湖蚌都好食，魚皮和響鈴很香脆。但墨膠釀油條就有點失望，油條不太脆，而且墨膠只有少許。 最後追加了生菜，但等了很久也未上枱，最後唯有取消。希望以後可以改善下服務。

一行6人去打邊爐 個個打哂針梗係搵間可以坐耐d 又可以一齊坐既地方食野 而家真係好難搵😭 呢間都唔係第一次食 佢真係好出色 尤其係d staff 佢地返工返得好開心 睇得出佢地做野好落力又快手 要讚讚！我地叫左好多野 其實食唔哂 我盡量將佢地list哂出黎啦 我地叫左胡椒豬肚湯底 湯底有誠意 唔係只有辣我覺得最推介係牛眼筋 真係要食！佢特色係要烚耐d, 大約15分鐘啦！出面好少有得食 口感就係爽既 但中間個層筋係脆卜卜咁 好特別架！佢既牛都特別新鮮 都係一定要order!第二出色係個糯米飯 人多先好叫 因為好大兜 一人試少少就岩 佢既臘味好香架 仲有另一樣都係熟食 唔記得叫咩名但係蝦釀油炸鬼咁 好脆好香 呢個fusion菜好特色 又係必叫！仲有幾款手打蝦滑墨魚滑牛滑呀咁 爽口彈牙 佢既蔬菜類都好新鮮架 但食到最後好飽無再加了 餐廳可以坐到凌晨兩點 終於唔使再轉場轉黎轉去 飲多兩轉啤酒都仲得！

疫情期間，心思思想外賣邊爐套餐，就有試過呢間滾得棧，600蚊都夠4個人食（有海鮮、牛肉、雞、其他配菜等）咁本身都覺得抵食，自取介有8折優惠。 咁今次就想試下呢間堂食火鍋可唔可以滿足到我火鍋控，因為首次堂食關係，唔係好清楚落單紙（無角可以叫半份，價錢減半咁）職員好耐性咁解釋俾我地知，務求可以俾我兩個人嘗試多款菜色，落左個椰子豬骨湯底，想讚下個湯底都多豬肉同埋濃郁味道，上菜速度係快，所以我幾滿意。另一半叫左個蝦膠油炸鬼，呢個趁熱食，好香脆同埋蝦膠係幾爽口，我幾鐘意呢款野食。呢間我會推薦大家可一嘗試。

見到Openrice感謝祭有coupon, 滾得棧$20食魚刺身，仲有得打邊邊就試吓啦～1) 魚刺身 - 條魚上枱仲郁，係切既刀功差少少，唔可以同日式食肆比較，$20就真係無投訴啦～2) 潮州湯底 - 未見過就試一試有紫菜，但味較淡，唔太適合做邊爐湯底3) 手切牛肉(大) - 算幾好4) 象拔蚌丸 - 一般，唔太有象拔蚌味5) 四寶丸 - 手打好彈牙

野食算新鮮，湯底叫做合格，餐廳內環境叫做可以，只係啲卡位比較多污漬，要自行清理先敢坐。叫野食時都易溝通既，起碼唔係啲鄉音阿姨先啦。 睇返啲野食，牛肉有多種選擇，叫做價錢合理，野飲叫一jar絕對夠八個人飲。叫啤酒仲好貼心有埋冰凍啤酒杯，都係開心事。 可惜啲丸類好似貴咗啲，但手打既都叫座叫好。 其實我地都食咗兩個鐘都無趕人走，呢啲加分位囉。 可惜埋單時真係感覺被監視，千零蚊唔通幾個成年人會無咩，點都好啦野食真係好新鮮，味道係水平之上，湯底尚可，都係誠意推介。