滿堂樂滬京風味

營業中

休息中

Blingbling美食推介✨📍紅磡🥟滿堂樂滬京風味✨好有溫度既上海菜館☺️💠💠💠💠💠💠💠💠今晚黎到係紅磡既滿堂樂滬京風味，細細間舖頭，但好多野食！而且價錢都好划算，食物質素又高，怪唔知9點都仲滿曬人！而且好有溫度，店員會記得熟客食開咩，仲會主動同客人傾計☺️覺得好溫暖啊~💠淨上湯鴛鴦餃（白菜餃&韭菜餃）$44餃子好大隻，好足料！上湯都好濃，飲完一d都唔口渴！☺️💠燻魚 $35用先炸後燻，外皮脆，肉質嫩🥰💠擔擔麵 $45每條麵都掛湯，而且仲可以自選麵既軟硬度，鍾意食爽d又得，淋d又得~🧡💠醉豬手 $60超級大份！！黎到既時候比佢嚇一跳啊！💠熱豆漿 $6💠凍豆漿（支装）$12豆漿係低糖~ 唔會好甜☺️餐廳環境：💎💎💎💎💎/5服務質素：🌸🌸🌸🌸🌸/5食物味道：😋😋😋😋😋/5性價比：💰💰💰💰💰/5

呢間餐廳出名食粢飯，有甜同咸選擇，我地叫左一個咸食，呢度既粢飯好大個同足料，入面既涵料仲可以跟據個人喜好去加涵料或者減涵料，加涵料都只係加多幾蚊，我地叫左一個涵料真係好豐富，仲幫我切開左方便易食，入面有勁多肉鬆，榨菜同埋油炸鬼等涵料。餃子叫左雲吞拼餃子，韮菜餃自家制入面好多韮菜涵，雲吞都幾大粒。煎餃比較香脆，小編比較鐘意食煎餃既口感，鐘意飲湯既就揀湯餃比較好。份量都大碗嫁。豆漿枝裝方便飲，豆味幾濃

心血來潮突然很想吃粢飯，就到附近滿堂樂點了一個外賣，付完錢才想起為什麼自己很久沒來。30元一個粢飯，M記都可以吃到一個餐了，而坊間的粢飯往往才12-18元。多支付了50%, 那麼好吃本身就是應份的。只是香港人太有錢了，對低價餐飲的價格敏感度很低，往往只要100元以下，質素好一點，拿到Michelin, 香港人就很容易趋之若鹜，覺得很划算，忘記了食物本身的價值。對餐廳而言，只要卡好50元上下的街頭小食，100元的心理關口，或者400元3-course的必比登推介，把10元的粢飯堆砌到30元，把50元的車仔面堆砌到100元，那就離大排長龍不遠了。

話說阿媽同我講以前食過鹹豆漿！唔知呢家邊一度有得食呢？最終俾我搵到一間有得食鹹豆漿鋪仲要係2024年米芝蓮得獎🏅👀鹹豆漿$16 好多油炸鬼同蝦米！健康之餘好足料生煎韮菜餃（五隻）$30🥟好味煎得好香！仲食咗兩碟添😋燻魚$35呢個熏魚酸酸甜甜好開胃！👍🏻酸辣湯$32呢個真係讚👍🏻好多料，口感豐富，酸酸甜甜辣辣🧡 多重口感 擔擔麵$45 呢個比起一般出邊唔同ge佢係可以俾我選擇粉絲或者米線 👍🏻👏🏻！味道唔會太鹹！多肉碎榨菜🫶🏻辣椒油、芝麻醬、碎花生! 好味😋而我選擇咗粉絲 變了另一番風味🙂

上海朋友上次帶我們到這間小食店食完之後我哋覺得味道真係好好，所以今次再一次encore去食，但試試他其他招牌菜（5⭐️最高）即做粢飯（5⭐️）份量真係大滿足😌，內有肉鬆及新鮮油炸鬼。外邊熱辣辣內裡脆卜卜，食完之後已經差不多半飽。yummy 🥰鹹豆漿（5⭐️）這款是上海必食的招牌菜內容有小蝦、蔥花、熱豆漿及油炸鬼。味道要調校配得好，都要有一定功架😘雲吞雞扒麪（5⭐️）這款揀選了上海粗麵，除了有自家製的菜肉雲吞外，雞扒亦都煎得香透幼滑，雞味香濃💓雲吞冬菇麪（5⭐️）這選擇了上海幼麪，我覺幼麵更加好味，另外冬菇煮得非常之腍😙，而且入口彈牙。生煎津白餃（5⭐️）脆卜卜的外層，內裏更充滿着肉香味😍，超好味。熱豆漿加蛋（5⭐️）傳統的上海美食是熱豆漿加入了蛋花，原來都好好食🤤。

經過見到呢間唔顯眼嘅上海鋪，竟然有米芝蓮2024，聽講係紅磡開左好耐搬新鋪✨新裝修光猛乾淨🍲鹹豆漿 $16鹹豆漿好足料，表面鋪滿油炸鬼同蝦皮，入口微鹹香滑，等耐啲仲開始變豆腐花質感🌶️酸辣湯 $32入面有木耳、番茄、豆腐等，仲見到好多辣椒，又酸又辣，食開bb辣嘅我覺得偏辣，但越食越過癮，食兩啖鹹豆漿解解，再食酸辣湯🍙即做粢飯 $30粢飯黎到攞起都辣手，糯米軟糯，油炸鬼脆到好似食薯片，仲夾左好多肉鬆同酸菜，唔中意食嘅配料，手機落單時可以剔走，好友善🍜雲吞豬扒麵 $52豬扒分量都幾多，炸到金黄脆口，雲吞大大隻🍜油豆腐粉絲湯 $40豆卜吸曬湯嘅精華，仲有出街食飯好少見嘅菜，清清淡淡食落好舒服🥛凍豆漿 $12🍽️滿堂樂滬京風味 📍紅磡機利士南路38號必嘉坊地下G713及G715號舖

早午餐時段嚟到呢間位於紅磡機利士南街既滿堂樂滬京風味食店，我之前一早已经睇定餐牌要試下佢地d醉雞。咁早餐淨食醉雞有d寡，咁不如就加多個陽春麵嚟配雞一齊食。手机落單，不一會就上碗熱騰騰既陽春麵，隨後再上碟醉雞，早已急不及待先試一啖醉雞，食落去不太硬，有陣幽香既花雕味道，最緊要係花雕加糟鹵比例適中，入口一d都唔苦，好味！陽春麵清湯底出色，麵條爽弾，配醉雞食十分之夾。口味：🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚

今日同朋友去咗紅磡嘅滿堂樂滬京風味叫咗佢哋嘅招牌菜 真係有驚喜！餐廳位置喺必嘉坊地下 都幾易搵👍🏻👍🏻首先必試嘅係招牌粢飯 外層脆卜卜 入面糯米軟熟 夾住油炸鬼同肉鬆 口感豐富 好正宗！秘製醉豬手（半份）都好出色豬手爽口彈牙 酒香濃郁但唔會太嗆食完想encore！ 另外叫咗雲吞冬菇麵（轉米線）擔擔麵（轉米線）米線吸晒湯汁好入味雲吞冬菇湯底清甜 冬菇夠厚身擔擔麵嘅花生醬香濃 叫左走辣 好開胃！飲品方面鹹豆漿 好特別配料足 而且豆香濃搭配白脆油炸鬼、榨菜、蝦皮、蔥花等暖胃又滿足整體來講 食物質素高 價錢合理服務都唔錯如果想食滬京風味 呢間絕對值得一試！ 📍地址：紅磡機利士南路38號必嘉坊地下G713及G715號舖

好有上海味道的餐廳值得再來，價錢合理出品是十分滿意👍，我會介紹其他朋友來訪及建議大家一起去，聽說他們是連續三年米之蓮推薦，服務及食品都是十分出色我強烈推薦大家來試試。

這道酸辣雲吞麵，我選擇了上海幼麵，配以酸辣湯汁和美味的雲吞給人一種酸辣清爽的口感。津白餃雞翼麵結合了津白菜包裹的餃子、香煎的雞翼和上海幼麵，帶來多重口感和風味，是一道豐富的美食選擇。即做粢飯是一種現做即食的傳統美食，將糯米飯和各種配料混合烹飪而成，口感軟糯，味道香濃，為您帶來滿足感。這款鹹豆漿配有油條、蔥、榨菜、蝦皮和豉油，超級足料。給豆漿帶來豐富的口感和風味，是一種濃郁而美味的早餐選擇。生煎韮菜餃是一種煎至金黃酥脆的餃子，內餡以韮菜為主，味道清新，外皮酥脆，是一道經典的中式小吃。凍豆漿是一種冷飲，清涼解渴，口感滑順，適合在炎熱的天氣中享用，帶來一絲清爽。

哩間小店已開業27年，連續3年榮登《香港澳門米芝蓮指南》🎖️🎖️傳承傳統手藝，所有菜式都堅持使用真材實料👍🏻👍🏻推介❤️🍙招牌粢飯所有粢飯即叫即包😍😍 以免粢飯過熱令油條變腍、肉鬆出油、糯米冷卻後變得硬身特別用上泰國糯米🍚貪其糯性重之餘，有粒粒分明號效果， 一定要試下🍲鹹豆漿精心製作嘅鹹豆漿😋😋搭配酥脆油炸鬼、榨菜、蝦皮和新鮮蔥花豆漿濃郁，比較稠身👍🏻👍🏻好好食🥟生煎韮菜餃煎餃一定係揀韭菜餃😋😋好香外面煎得香脆，而入面餡料好juicy🥰🐟滬式燻魚魚肉經過燻製，口感鮮嫩，味道醇厚👏🏻外皮微微酥脆，配上特製惹味酸甜醬汁，口感層次豐富另外推介💕🍜擔擔麵🥛凍豆漿🥟炸雲吞➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ ➢ 好味指數：😋😋😋😋😋環境指數：🪴🪴🪴🪴🪴回頭指數：💖💖💖💖💖🔖 滿堂樂滬京風味 (紅磡)紅磡機利士南路38號必嘉坊地下G713及G715號舖

昨日無意在網上見到視頻介紹一間有米芝連級數食咸豆漿粢飯的小店，因為香港現在這類食物的店舖已經買少見少，好味道的更加少，所以特別約朋友一起去品嘗，點知大中伏，點了最期待的咸豆漿，炸云吞，加一個酸辣湯，酸辣湯來到的時候完全唔熱，只係微溫而味道怪怪，第一次食到有蕃茄件的酸辣湯，唔知係咪正宗呢？完全唔係一般酸辣湯味，毫無辣味，只有微酸加微甜味。炸云吞餡料淡而無味，不過是唯一夠熱的食物。咸豆漿無豆味，來到時已是微溫，唔熱😓蝦皮有腥味，唯一咸味來自菜莆，極度失望，超級唔好食，唔會有下次😓想知米芝蓮2024如何獲取，本來有個朋友知我哋來食，都趕過來一齊品嘗，但因為實在差勁，截停咗佢唔好過來。

應侄女要求去試米芝蓮，三人入到去唔夠十步嘅舖面叫你電話落單，個版面又唔係perfect，要問個女侍應兩次點落order，之後就一直黑面，點咗擔擔麵，酸辣湯麵，水餃麵，豬扒同餃子小食，全部嘢只係水準之下，得個豬扒OK，中菜只可以提升味道，佢想用新做法去改味道但係失敗咗，仲要係上海菜，最多只係落酷調味，但係佢大部份嘢都係唔鹹同無味，唉……米芝蓮喎，算把喇，伏晒。

呢間新嘢係米之蓮? 特登叫咗一個粢飯外賣。晚上叫外賣，都真係要等好耐 20+ 分鐘等一個粢飯, 預咗堂食都應該要等咁耐. 啲staff 都有預告俾啲walkin 知會耐啲. 我嗌咗薄粢. 即係唔要咁多飯，但係嚟到嘅都好大嚿, 壓得唔夠實. 咬一啖... 感覺就係某啲位啲飯太濕喇! 影響咗整個粢飯嘅口感。內裏啲料冇咩特別都係差唔多。最後食晒啲料就算, 掉咗半舊飯. 係失準定慣常都係咁？ 啲嘢食唔貴, 但係粢飯就可以不試, it's not good.

約了朋友係紅磡食飯，正當苦惱緊去邊間餐廳食之際，竟然比我搵到一間平靚正的滬京菜的新餐廳。雖然位置係新樓盤個邊，附近好似唔太多人路經，但係這間小店竟然爆滿。生煎水餃 – 千萬不要立即放入口食，因為真係煎到熱辣辣，小心慢慢食。餃子煎得很脆口，但又唔油膩。滬式燻魚 – 半煎炸的燻魚，配上特色醬汁，很香口和惹味。酸辣湯麵 – 酸辣湯很豐富，有豬肚、豆腐干、木耳、竹筍、菜和蕃茄，味道有點特別，好似同其他店舖的酸辣湯不同，但味道很不錯。幼麵，我選擇了要爽口點的，有咬口之餘亦很掛湯。雲吞豬扒麵 – $52有豬扒有雲吞，仲要配埋大大碗麵，難怪咁多人幫襯啦。豬扒薄切，炸得很酥脆；雲吞大大粒，個餡包得一D都唔手軟。整碗麵份量十足，又好食又抵食。