滿樂潮州 (東薈城名店倉)

營業中

休息中

出個食評純粹想話比大家聽，唔好叫隻太爺雞…一坐低問佢有咩推介就介紹左個太爺雞，上到黎都大大煲都幾似招牌菜。其實佢係一個炆雞黎，但一放入口就係超重口味（唔好食個種）個雞係淋但係淋到冇哂肉感，食落都冇雞味，好少可叫到樣野食係會難食到放低手，老老實實估唔到推介既招牌菜會咁難食，仲要$488一隻雞…其實其他野食同服務都唔差，唔計隻雞都幾抵食，補充多樣佢切餅費都收$200人頭，應該都真係幾唔想人黎食蛋糕。Anyway都係個句，真係唔好叫隻「太爺雞」。

東涌友都知道，其實東涌冇乜嘢好食，不過，好彩有間滿樂潮州，都叫有啲嘢食吓。我次次都會叫個滷水鵝拼盤，因為隻滷水汁五香味夠濃，甜鹹適中，可以醋都唔洗點，啲鵝片就已經好好食。鵝片比較瘦，但絕對唔嚡口，帶有鵝香，絕對係必食之選。另外，滿樂潮州重有碟潮式炒麵線，我覺得都值得推薦。古語有云，越簡單嘅嘢越難做，佢啲麵炒得嚟夠爽身，唔油膩，重要好夠鑊氣，熱辣辣咁呈現喺食客面前，平星木食慣蠔仔粥嘅我，都轉咗食依個麵線作為我嘅主食。

今日5月1日，因為落大雨，所以提前17:35落單，美食平台完全唔食得，雖然食開老店（銅鑼灣百樂-大哥主理），細路嘅園方，時代廣場等等店都唔差，連粵曲中心滿樂中菜都試過，但滿樂真係要做好啲。

一直以來我都係滿樂潮州既常客，餐廳野食種類多得黎又好味。今次趁週末疫情稍微回落，我帶兩老黎飲個早茶，出黎輕鬆一下。但換黎既係失望！▫️▫️值得讚服務維持良好、友好、迅速食物質素維持良好: 每件點心都係熱辣辣咁送黎，餡料份量維持一直以來的水平▫️叉燒腸粉 熱辣辣送到，維持3條，亦有兩條菜比你炸兩腸粉 炸兩非常之脆，腸粉非常滑、有口感玉蘭菜圃炒河粉 好在夠大碟，分到大約5碗。河粉亦都炒得好爽口好味▫️▫️失望份量少: 點心雖然冇特別加價，但份量少左，變相性價比不再。本來厚厚的餐牌及彩色點心紙變左薄薄既餐牌同一張單頁點心紙。其實以下點心都仲係⚡️冇得輸既高質⚡️，只係份量難以醫肚或難以與三人分享。▫️一份點心只有兩件: ▫️韭菜粿 本來3件變2件叉燒包 3件變2件糯米卷 4件變2件▫️▫️三或五人一起來(分枱)既食客難以分享點心，老人家亦都話好冇癮、食得唔高興。其實今日都聽到隔離既客人婁次話 “下 得兩件既”▫️平時我地3個人食7至8個點心已經好滿足，今次要叫多碟炒河先填飽肚子！▫️明白疫情期間困難重重，但餐廳既取捨(減量)長遠來說只會漸漸失去支持佢地既常客。今日(星期日)既客量明顯比之前冇左一半，相信最大原因之一係

公司食聖誕節🎄飯🍚，一行5人👦🏻👧🏻，即日係OpenRice booking 👍🏻8:15左右入坐，環境座位舒適，枱與枱之間唔算逼夾👍🏻，不過我就覺得環境比較暗左一啲可能佢嘅裝修風格係工業風嘅潮州菜啦😜😜食物方面冇太大驚喜不過不失✔️杏汁白肺湯，超正😄非常濃郁，如果鍾意好結身嘅你一定鍾意❤️ 一啲都唔稀✅😱😱😱我又無影到相添🤔個麵正如之前有人講過佢只係煎咗一邊冇煎，感覺失望因為一邊脆一邊好淋，如果可以雙面都煎就完美🤔滷水鵝片，真係真係等到所有嘢都食晒佢都仲未出現，之前都係有人comment過但係都唔知點解唔改進😯😯好食嘅但唔期望食潮州嘢鵝片係最後一度菜

行到累一累，再唔覺意見到間潮洲野，真心勁耐冇食過…胡椒豬肚湯好夠辣，雖然一陣份量，但係入邊都好足，而滷水都算正宗，墨魚好好食。最特別係蠔餅，好特別煙煙銀銀， 但我最鍾意佢碗魚蛋粉，唔怪得係招牌菜，河粉好滑身，魚蛋好彈牙，湯底都係潮洲湯底！老公就鍾意潮州粥，不過如果多啲湯會好啲，但係佢好足料，同埋潮州煎麵我家小孩好鍾意，我就覺得佢可以做得硬身一啲，一夾上去有啲鬆散，原本想嗌反沙芋，但係食到後尾已經好飽啦！

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻 /5P.S. 另有分店於尖沙咀𝐻𝑒𝓁𝓁𝑜 𝒟𝑒𝒸𝑒𝓂𝒷𝑒𝓇 👋🏻👋🏻 又到聖誕🎄🎅🏻 又到聖誕🎄🎅🏻 每年聖誕節最喜歡就是到迪士尼暢玩一番，每次瘋狂放電8小時以上，最後總會順道到東涌東薈城大吃一頓，滿樂潮州永遠是我最愛的選擇～為什麼？因為餐廳可以預先網上訂位，因為餐廳潔淨企理，因為價錢合理，因為最重要的食物質素確是很高質，理由足夠了吧？！😉💋 滷水鵝肉拼盤 ($118)潮州菜的靈魂：滷水！真心認為它的滷水膽味道做得很傳統，薄薄鵝肉片肥瘦適中，味道甘香醇厚，質感軟腍，有入口即溶感覺；豬五花滷得同樣入味，油香滿滿；而墨魚片則很爽滑，是我喜歡的味道；還有墊底的滷水豆腐，入味又滑溜；整體加起來，既豐富又美味，很滿足！💋 杏汁白肺湯 ($208)人所皆知白肺湯是一道功夫菜，以這個價錢來說，這個湯算是CP值很高！經過長時間的燉製，是十分濃郁的杏仁味，湯頭就像鮮奶般順滑，味道香而濃，是非常足料的象徵；豬肺白白滑滑，清洗得非常乾淨，老公最愛點豉油來吃，也吃得特別放心～ 💋 潮州手

真係食到一肚氣，訂左星期日1:45 ，入坐後等左一段時間要再捉住d侍應先有茶來，跟住點左蠔粥、豬紅、水晶包、蠔餅同糖醋麵，但侍應入完機就走返來話無水晶包、蠔餅同糖醋餅。下，呢機樣都係間餐廳既招牌菜，叫五樣無三樣，而且黎得潮洲館就緊係想食潮洲野啦，唔通來食點心咩⋯⋯都算啦，米改叫紅棗糕同滷水拼盤，侍應係落單時已經好趕急甘好似無心聽我地講野，講聲好就走左。等到食哂蠔粥同豬紅個拼盤都未來，所以就問侍應，個侍應聽完後就行左唔知邊度，跟住走返出來同我地講：「係米要大既滷水拼盤? 好快有。」好啦，佢講到甘肯定，應該有落返單啦，甘米照等啦，但等到我地都忍唔住食埋甜品紅棗糕後（由入座到食個糕已過一個鐘），個拼盤仲係未來⋯⋯跟住我惡死d 再問侍應,先見佢真係check 下個電腦，之後走來同我地講都係無落到單！！！喂！喂！喂！我今天下午經歷左d咩？個時兩個人淨係食左個粥、豬紅同埋甜品，真係一d都唔飽，咩都食哂淨食個拼盤已經唔gur，現在仲要同我講「都係無落單」？！ 真係好「慶」law，我寧願餓住再去第二間食都唔等啦，跟住埋單走人。

失經無神，話去大嶼山心經簡林，自然要在東薈城食午餐才上昂坪，又好自然來這裏，因為喜歡百樂潮州，這是他的青年版。 在店外等位時，聞鹵水味，撲香，令口水激流，即垂涎係咁滴。 約等20分鐘，四人枱分2人枱，就有位。 鹵水鵝肉拼盤，小份$118，不負所望，肉嫩入味，滷水濃香，百般滋味嘴舐舐，白墨魚，爽，有墨味，嫩豆腐墊底。 叫碗白粥陪食$52，先至爽，但可惜有味，有瑤柱，白果，绵稠，有米香，但我要潮州粥，有米水嗰隻，清清鹵水重味，又可解渴，一啖落肚，全身舒暢。 本點椒盐倉魚骨，又香口又未食過，侍應話無，倉卒就噏椒鹽九肚魚$108代替，轉眼好/大碟又好大件的啡色肥蟲上枱，有點驚嚇，我的暗瘡，生完都未謝，谢咗紅印未腿，但不想浪費照食，粉脆厚身味咸，送啤酒一流，吐曬炸粉，魚肉鮮味，魚肉薄，但鮮。 左右隔離都係退休夫婦 ，右手邊叫到成枱食物，食剩有6盒要取走，左手邊連一個工人，叫白肺湯一鍋，炒一碟菜遠牛肉炒河，點心，記憶中又係食好多嘢，我吔相形見绌。食飽飽上山去，睇牛牛，食豆花。

係迪迪梨staycation, 搵間東涌中菜慶祝小朋友兩歲生日正日，訂左19:30, 19:10左右到，去到一遍混亂，門口同我地講要同拎飛一齊排，仲有好多枱未埋單。仲話有個男仕等左50分鐘都係咁。旁邊餐廳又爆，最後要等到19:50 先有得入座，掃晒興入到後，問左三個職員先安排到bb椅如果安排唔到留座就唔應該開放有訂座選擇。就係想確保19:30有得入座先會訂，好彩有自己有帶零食俾bb頂住，唔係餓到發慌野食一般又落錯單，叫魚蛋粉俾左糖水失望

味道唔錯嘅潮洲菜餐廳，不過價錢都唔平。呢日叫咗一個蠔仔粥同埋鵝片拼盤。蠔仔粥好足料，蠔仔好大隻，好食😋😋鵝片拼盤味道都唔錯，不過今日D鵝片肥左少少，豆腐都好好食😋

呢度嘅蠔餅 係我成世人食過最難食嘅蠔餅，無鑊氣，令我真心覺得係現成frozen 嘅野，拎出嚟整返熱….. 鴨腎….. 其實都可以慳返錢 唔駛叫，個質地好似豆腐咁淋杏汁豬肺湯..個湯勁杰.. 好似飲緊杏仁茶，我自己不太喜歡。

滿樂潮州今日東涌行街購物， 行到攰了，就想食個中餐做晚餐，就來了地下呢間滿樂潮州。潮州鮮蠔仔泡粥粥是傳統潮州粥，料同粥水是分開，但一樣有好濃既蠔既鮮味。粥料既蠔都好多，一定每一啖都食到蠔，真材實料~~~韮菜豬紅兩種材料配合起來十分惹味，材料亦多。豬紅把湯汁完全吸收，口感亦十分之好，值得推薦。清湯蘿蔔牛腩煲牛腩份量很多，牛腩即使煮過，仍能保持腍滑的狀態，值得欣嘗。而且牛肉的牛味十分香濃，喜歡食牛的可以一試。椒鹽九肚魚椒鹽十分香口惹味，九肚魚好滑，而且無骨，實在吸引~最後飲埋湯，完結好飽既一餐。

來到東涌 經過潮州菜館 看到覺得吸引，而且環境乾淨，就入去一試了~先來一個胡椒豬肚湯，湯有四人份，而且有很多豬肚湯了。濃濃的胡椒味，少少辣但又十分醒神。之後來了潮州鮮蠔仔泡粥，蠔仔份量超多，每啖都食到蠔仔鮮味。清湯蘿蔔牛腩煲牛腩一來，已被份量嚇親，想不到有咁多件牛腩。牛腩不會很肥，但烹調時間剛好，十分腍滑，值得一試~~。清湯味道不濃，適合不喜歡重口味人士。之後的韮菜豬紅和椒鹽九肚魚一樣出色，味道香濃。食曬成餐之後好飽好滿足喇~~~~~

D 消費卷終於有機會用啦，行完OUTLET 就搵左間野坐低抖下，見有乜人就入左黎，呢度茶介每位$15, 餐前小食鹹酸菜同青瓜加埋就＄30黃花魚肉質嫩滑，魚一啲都唔腥，用蔥蒜炒過後更加帶出魚嘅鮮味。鵝肉滷水拼盤鵝肉肉質嫩，其他材料有墨魚片,五花腩，蛋，仲有滷豆腐墊底。方魚肉碎粥比較淡味，岩晒食完滷水拼盤之後清油脂。鮑汁炆雞腳鮑汁味好濃，仲有豐富嘅膠質，所以食完之後都幾飽鴛鴦水晶包係紅豆餡同蓮蓉餡，水晶皮晶瑩通透，食完d咸點係要食返啲甜點中和返