滿記甜品 (已搬遷) 新店位置

係apm食完晚餐,又去滿記買甜品食,唔知D staff個個係咪都喉嚨痛呢?!俾張單A,A又指去B,B又指去C,喂~做咩呀~大佬,出下聲啦,我估野唔叻架~好~呻完,講返食物,今次食左海底椰豆腐花($19)同榴槤忘返($29),個豆腐花正呀,個底係椰汁黎,D豆腐花又香豆味,海底椰又軟.個榴槤忘返就ok啦,不過D黑糯米少左D,榴槤就一貫水準,但陣味太勁,攪到食唔到其他味...都係pancake 襯佢多D.

已經食左滿記幾次, 都覺得味道係唔錯......白雪黑珍珠($22) - 都無咩特別既....只係一d 阿塔子同加一d芒果, 香蕉, 同一d 好似係龍眼乾既什果.....但感覺都好flash~ 同好香.....唔似普通既~ ~香芋焗西米布甸($22) - 平時一講到西米布甸, 一定會覺得好甜, 但哩個又唔係wo....淡淡地, 裡面係芋容, 都幾唔錯...不過都幾細, 得一個小小既鍚紙碗仔~榴槤pan cake ($22) - 哩個算係至好食既....唔怪得咁多人買, 平時都見都好多人買, 好香榴槤味~ 一開個包裝袋就嗅到....超正....雖然細細件, 但都幾膩, 小妹子只係食左一件已經好膩, 但味道係超正.....榴槤迷必食~不過滿記真係唔得環保....用好多膠碗~ ~要改善改善~~

尋日收工就去apm行下,同bf食完飯之後,心郁郁想食甜品,見有滿記兼且好耐冇食過榴槤,咪叫左個榴槤pancake囉,好彩keep 得到,依然皮薄餡正,不過如果D cream少D同榴槤多返D就perfect喇!