滿記粉麵甜品

營業中

休息中

聯和墟已經愈來愈少糖水鋪，有次咁岩行過就走入去試下２個人食，叫左一個普通西米露同埋一個芒果涼粉等野食果時周圍咁望下，呢間鋪比到一種好奇怪既感覺我即係，成幅牆貼晒各種糖水既相，但係門口又有個大火爐用黎煮車仔麵感覺就好似入左間麵店食糖水咁好喇，野食話咁快就黎到首先係西米露，得個甜字，冇椰汁味，西米亦都冇口感芒果涼粉，芒果可能雪得太凍，食唔出ｄ芒果味，撈埋涼粉食感覺比較"結"兩碗糖水已經睇得出店鋪對客人既誠意，埋單果時發覺價錢更冇誠意兩碗糖水都係比公價為貴 (實際幾錢唔記得了,只係記得比一般為貴)食完今次已經決定以後都唔會再去.....

呢一間餐廳的公仔麵都己好食還可以加牛腩汁，徐此之外他有一個麵餐叫做印尼撈麵餐，裹有兩個印尼撈麵加一杯嘢飲，都吾錯。

去聯和壚幫朋友攞手飾，行完牙癢癢想食甜品，經過滿記，試一試啦，開頭都有d驚，因為地方都唔係太乾淨，但見佢咁標榜佢d自家制豆花就一定要試啦﹗叫o左芒果豆花，真係好正喎，d芒果又香又甜，加上滑滑豆花，口感一流﹗在炎熱的晚上，帶來了清新涼意，真係有意外驚喜呀﹗

本來想去7仔便利店叮隻雞脾食,見到呢間有得賣,買隻o黎試o下o羅,o的老水味好香好濃郁,隻脾好夠熱不過佢話係"大雞脾",我話佢誇"大" 就真oanyway,我都會再去幫襯的,仲有,呢間o野都幾多甜品食喎,有机會再o黎....

同d fd 去完欽記食麵,叫到呢間嘢有咁多甜品食,仲話佢\d豆花係自家石磨,咪入去試吓囉,老闆娘介紹我哋食芒果豆腐花,佢\話係呢度既招牌甜品喎,開頭我其他3個fd都抱觀望態度,於是我咪\"藝高人瞻大\"叫住一個先囉,點知個芒花一出場,我地個個都嘩嘩聲,我哋都未見過有糖水呢d咁靚既雕花玻璃碗,呢個都係其次,最正係豆腐花同芒果既比例大約係6:4 呢,d芒果大大舊,仲加埋d芒果汁喺上面,剩係個賣相都正到暈呀o 食落去,老闆娘真係冇講錯,d 豆腐花真係超滑....$14蚊咋!!!其餘三條友仔,咪即刻嘭嘭聲叫嚟食囉.... -_-!