滿越越式河粉專門店 (已結業)

最近很想吃越南湯粉。想吃到寧願飛起不愛吃越南菜的老公，獨個兒出去覓食。家裏附近的都吃過了，上openrice找到這間店子，見食評不錯，於是特意走來一試。説是特意，就是有近的不去，大熱天時3x度由地鐵站步行十多分鐘到來。店子剛開門，沒客人，於是讓我在卡位坐下。環顧四周，店子的新裝修讓人感覺乾淨舒服。以下是我點了的食物:荔枝冰首先來的就是荔枝冰。有齊冰 + 水 + 荔枝肉，但...竟然完全不甜不凍! 如果想解渴的話，大家請不要order此冰。春卷湯金邊粉 （牛肉湯底）可能希望越大失望越大。當侍應把食物放到我面前時我就盯著縮了水的春卷。春卷剛炸起很脆口，但還是細件了點。至於牛肉湯，和我最近吃過的四五間越南店子不同，我不覺得這是牛肉清湯，喝了有一種胡椒還是黑椒的感覺流在口裏。我心裏想著的牛肉清湯在這裡找不到，不喝湯只吃粉，吃完后只好來一口不甜不凍荔枝開水加冰...最後感覺這裡只是會路過肚子餓有位子進去醫肚的地方，我個人不會再特意來食。

見到雜誌推介呢間越南野，雖然住得唔近都入去睇下係咪真係咁好味。呢間野都開得唔算太近地鐵，我同女朋友唔識路搵左陣至找到，原來有好大個招牌下次一定向上望！雜誌話必試既有咖啡、生牛肉湯河、咖哩牛腩紅米飯，三款叫齊仲叫多左鳳爪一碟。咖啡：都幾好玩，有一個杯在個咖啡斗下面，一滴滴咁滴 d 咖啡出去，幾 milky，因為我第一次控制唔係太識玩，整到杯咖啡都幾甜，開頭有少少埋怨，因為冇人介紹我知點玩但原來越南咖啡係咁的，而已好多好多人都識呢個活動…..只係我太鄉下仔….我決定下次會再叫同再玩！楊枝金露：配合得好好，唔會太甜唔會太酸但兩種味覺都出現在呢杯野身上。而芒果肉都算幾多，加3蚊換的。我覺得好抵！生牛肉湯河：雜誌介紹既湯河真係錯，好耐都冇試過食生牛肉湯河，主要係因為覺得之前食果d 碗湯唔太熱，生牛肉到左吞入肚果陣，都依舊係生牛肉，咁搞法真係幾肉酸。不過呢碗生牛肉既湯就夠晒熱，加上本身碗湯好香有得揀牛肉味 or 雞肉味，我揀左牛肉味，話晒我食既係生牛肉唔係生雞肉嘛！ 生牛肉本身都算幾滑，但係d 根多左少少。不過唔影響味道。咖哩牛腩飯：唔算辣，但係咖哩味道就十足，如果怕辣既人就岩晒你，但追求辣既話，

因為實在太多原因的關係，寫食評的動力越來越少了....有日剛好見到雜誌推介這間越南餐廳，家住元朗不時出荃灣行街，有日便順道去試試。位置不近地鐵站，西鐵站行過去約10-15分鐘，門外有好大個招牌！雜誌話必試的有咖啡、生牛肉湯河、咖哩牛腩紅米飯！咖啡：都幾好玩，有一個杯在個咖啡斗下面，一滴滴咁滴 d 咖啡出去，幾 milky，因為我第一次控制所以不太識玩，整到杯咖啡都幾甜，開頭有少少埋怨，因為又無人介紹點玩。但原來好多人都知道越南咖啡係咁，只係我鄉下妹未玩過。楊枝金露：味道配合得幾好，不太甜不太酸，芒果肉都算幾多，加3蚊換的，好抵！生牛肉湯河：雜誌介紹的湯河真係OK，好耐無食生牛肉湯河，主要因為覺得之前食的生牛河 d 湯不夠熱，生牛肉真係生牛肉。不過呢碗 d 湯就夠熱，而且碗湯好香，有得選擇牛肉味或者雞肉味，生牛肉本身都算幾滑，不過根多少少，但味道都OK。咖哩牛腩飯：不算辣，但咖哩味道十足，但怕辣的朋友都可以試試，反而好求辣的則記得同侍應要求要「辣辣辣辣辣d！」牛腩好腍，入口用脷已經可以推散牛肉，一定唔黏牙。總括來說‧食物款式其實都算多，都是傳統的越式小食，下次有機會再試下其他小食。結賬時

今天去附近醫院探病，去左果頭食野。果頭有好多好多間野，選擇太多唔知揀乜好。最後盲中中咁中左入呢間滿越，因為佢地個名幾搞笑。睇左陣餐牌都唔知食乜好，二人餐我同朋友未必夠食。咖哩想試但係又覺得去食越南野要叫個湯河。終於一人一碗，有湯河又有咖哩牛飯。生牛肉湯河：~ 好濃既牛肉味，呢d 味唔係來自d 生牛肉，而係湯底。相信佢地既湯底都有下過d 功夫，因為湯夠香既話，放入口既粉都可以吸住d 湯入口就更加好味。~ 河粉又滑又彈牙，不過有d都好碎，唔用匙既話根本冇可能夾入口，都咪話唔失敗，不過食物最緊要都係味道！呢碗野我比 90分。咖哩牛腩飯：呢個都唔錯，值得一試。好味在佢地 d 咖哩夠晒香，夠香口，若果唔想又係食牛，仲可以揀咖哩雞。~ 咖哩入面既薯仔唔算太入味，但係本身好重既薯仔味岩岩好補救左呢個問題，表面可以「點」咖哩增加味覺，又可以唔「點」食返佢最原本既味道！overall，非常理想既一餐，相信會有下次！

一向對越式野都唔係特別有興趣,琴日食飯諗唔到食咩見呢間好似幾平就入左去由於自己一人食由太累就求其點左個越式生牛河本身都冇咩其望, 只求醫肚但食落又幾好食,湯底好濃, d牛都好多最重要係又夠大碗岩哂大食既男仔~埋單都算平, 算係黎緊打完波醫肚既好選擇

最近週末我和男朋友都很愛來幫襯這間越式小店,十分喜歡她們的越式生牛河和香茅豬扒紅米飯, 生牛河湯頭很甜, 湯底味道有點層次, 有著很重白蘿蔔的清甜味道, 但又有濃郁的牛骨味道, 河粉滑滑, 芽菜爽脆, 亦是一吃難忘的味道。 比起爽爽的豬扒, 老公更愛這裡的豬扒, 每次來一定要吃她們的香茅豬扒飯, 其實 我覺得是不同類型的豬扒製法, 但同一天吃過這店的豬扒後再吃爽爽的, 會覺得爽爽的豬扒味道單調了一點。另外健康的紅米亦加分不少。 飲品方面, 我們只試過青檸梳打, 味道不俗, 唯一不好是冰太多, 喝兩三口便沒多少剩, 而且飲品價錢不算平, 相對上便覺得不太值了。 但食物方面真的很出色, 現在心思思已很想再去幫襯了

隨意點了一些檬粉友人要了楊枝甘露，一杯的，確實不似常見的甜品樣貌友人讚不絕口，說用吸管比湯勺更滋味一點，我沒有試也理解不了我不怕天氣熱，選滴漏咖啡，也貪其玩味等多一滴咖啡，等多一份香濃那份累積起來的等待比甚麼都精采檬粉不俗，不過還是搶不了咖啡的味道這才是下午茶的悠閒

話說尋日想去食個tea, 求其叫個檬就算, 反正幾平見到個餐牌有個好怪既菜名, 香茅叉燒?本住我不入地獄既精神, 叫左呢個菜名同爆醬瀨尿牛丸一樣咁有氣勢既撈檬上菜, 望上去有少少似豬頸肉, 不過冇咁油聞落真係幾重香茅味, 咬落去唔係太淋, 幾有咬口, 都幾咸配返個檬粉, 味道都唔錯各位勇士可以放心享用

人年紀越大，體重就越難控制，所以為左將來幾十年嘅健康著想，無論點忙都好，都要抽啲時間做運動。於是乎，J、我同埋「Mac」約定每逢週末都要打吓波，出一身汗。世事又那有咁完美，伴隨而嚟嘅就係打波後一齊去食好嘢。與其話減肥，不如話減慢增磅嘅速度。是晚阿Mac好想食越南嘢，所以黎左e道越南野响幾乎唔駛睇餐牌嘅情況下，阿Mac已經叫咗幾樣嘢，包括「香茅雞翼」、「烤豬肉撈檬」、「菜」、「香芧叉燒紅米飯」等。「香茅雞翼」入面嘅主角唔係雞翼，而係釀在雞翼上面嘅配料。，縱使唔健康，但我地都忍唔住手咬多幾啖；「香芧叉燒紅米飯」, 香茅叉燒 第一次吃 , so far 感覺唔錯 , 叉燒香口 ~ 特別之選價錢每人食咗$45,超平，食越南嘢，呢度依然係一個唔錯的選擇。

荃灣近爵銳亭一帶，係我同bf搵食的熱門地區之一，今次就揀左呢間越南小店晚飯。 好耐以前都幫襯過呢間店食個簡單檬粉，今日同bf就齊齊分享左一個二人拼盤套餐。哩個套餐好大份…HK$138 , 2個人肯定食唔曬 青檸梳打 x 2 ：最先送上，飲落唔太甜，尚算唔錯。 ＊越南小食 x 2 ：左雞翼同泰式鳳爪 ,雞翼製得好滑溜, 肉味可以, 肥瘦適中, 泰式就配以甜酸醬, 醒胃! ＊Main dish 牛肉撈檬和香茅豬扒紅米飯 : 撈檬汁超開胃 , 牛肉肥瘦得宜 ~ * 菜同甜品 ~ 普普通通 PS.屬抵食夾大件的店, 以$60一個頭dinner 來講 , 唔錯PS2.唯一要彈的係張檯實在太細張，放兩碟餸只係剛剛好，再多一碟的話，就要快快食先得，不過小店地方細，都無計。

舖頭新開...平時真係唔覺有間咁既野係到...anyway lunch就同事去試下la..1:30點去到都坐滿一半 , 生意ok ..生牛肉湯河 碗河粉一黎到..好香好香..好有牛肉味..一飲個湯好老實講竟然無味精..神奇 !!而且牛味好濃配合d牛肉薄薄的 !! 正..同事叫左越式春卷撈檬 , D春卷ok脆 , 都好味 ,同事仲落晒成碗汁 , 好似幾開胃 但見佢食到一半就好"漏"=加埋2杯野飲 , lunch 來講算唔錯 ,可番單 ~

連續幾個星期上牛寮教班.落堂時通常都同幾個教練食個下午茶餐.不過食快餐店食到悶.今日有人提議食越南野去左呢間食, 我叫左個生牛肉河, 加錢配滴漏咖啡.個河粉唔錯, 個湯幾甜配菜都係大路野, 白蘿蔔呀, 芽菜呀咁.喝咖啡可以說是越南人生活的一部份所以大部份既越南餐飯都都咖啡飲不得不提既係滴漏咖啡.越南既滴漏咖啡佢唔係滴漏好先拿畀你,而係一個一人份既滴漏器.放係個杯上面等幾分鐘一杯香濃既咖啡就誕生了.乜都唔加, 先喝一口唔錯唔錯下個星期教完班應該會再黎多次

同屋企人搵地方食晚飯，行街經過見到呢間野門面同裝修都唔錯於是入咗去。入到去個侍應搵咗個位叫我地埋去, 點知得張枱但d櫈唔齊又冇spare。仲企咗一陣先有人同我地講快架la, 好快攞櫈黎架la嘞 好在跟住對面枱走咗, 即刻坐落。如果仲企喺度等, 蚊瞓都似好嘞到點菜點咗: 牛腩片懞粉, 咖哩牛腩紅米飯 配 特飲 (大棏個名叫" 芒果xx, 少少似雜果冰)冇耐野食黎到 & "氣"肉黎嘞!! : 牛腩片懞粉d牛肉*勁腥* 好似未熟咁, 最後換過扎肉檬 味道算ok。 我嗰份紅米飯好過份: 冇紅米唔出聲完全唔通知客就求其端碟 白飯就算囉!跟住我都好好禮貌問其中一個男侍應點解唔通知我地! 跟住佢同身邊女同事(送野食黎嗰位)講番。 點知佢大聲鬧人: "我點知冇紅米呀" 講番碟飯: 跟本就冇肉, 全部都係骨同薯仔, 就算有都係d好硬 勁似未煮好o既肉, 份量又少!好快就埋單。去收銀埋單, 個收銀職員(幫我地換第2 輪野食嗰位姐仔)仲要串我地: "唔食牛肉當初就唔好叫"咁話。 雖然笑笑口同我地講, 不過佢讈氣同用詞一d都唔禮貌。而且佢咁講一來就唔make sense: 唔想食牛我就唔會點呢度菜啦

第一次同男友+ 妹妹黎 , 望住個餐牌…本來想叫香芧叉燒檬粉 .......但吾知點解埋到去落單, 開口就會叫左2人套餐的…哈哈!!...善變係女仔o既專利嘛!跟住待應快手快腳已把餐送上…熱辣辣 ~ Good ! 哩個套餐好大份…HK$138 , 2個人(情侶計)肯定食唔曬 湯夠熱 , 飲完後冇味精發作 , 非常好小菜叫左雞翼同泰式鳳爪 ,雞翼製得好滑溜, 肉味可以, 肥瘦適中, 泰式就配以甜酸醬, 好醒胃!!...個粉就正正常常...整體來說還不錯!! 以幾十蚊 , 人頭計 , 屬可番單系列

近排成日出街食飯，心理、生理上，都覺得唔係咁健康。所以今日決定食得健康D，揀選了紅米飯!!!LEE間越南餐廳，都開業了數月，我間唔中都會嚟幫襯，貪佢D凍飲大大杯，卡位梳化大大張，坐得好舒服。有時一個人無聊，仲會一邊食，一邊嘆雜誌，非常正!!! 哈哈!!!今日又係一人行，叫了咖喱牛腩紅米飯 + QQ滴漏咖啡。咖喱牛腩﹕一向出色，牛腩非常腍身，而且好入味。一入口，啖啖都係香濃的咖喱汁及牛味。紅米飯﹕好多時出街食紅米飯，都係因為感覺上健康D，因為佢比白飯高纖。不過，市面很少餐廳供應，又或者有得供應，個飯通常都係超堅...硬!!!好難食!! 今日有D驚喜，因為這個紅米飯，高纖有咬口得嚟，都尚算軟身，不會太硬。而且，紅米飯放在綠色生菜上，賣相好靚，增添食慾。QQ滴漏咖啡﹕同平時外出飲的coffee不同，越南餐廳通常都會有這個滴漏咖啡，好好玩，好似沙漏咁，一滴一滴咁累積成一杯美味香滑的咖啡。發呆咁望住佢滴下滴下，都好過癮。很愜意的一餐。