漁吉海鮮丼專門店 (已搬遷) 新店位置

九龍城嘅漁吉丼飯超大碗‼️好足料呢😳最平係$108！呢度嘅麵豉湯係任飲架！好飲👍🏻.漁吉特選丼(三文魚,油甘魚,星鰻,帆立貝,海膽,三文魚籽,櫻花魷魚,赤蝦,蟹籽)$188勁吸引！😍有好多款刺身呀！🤩油甘魚嘅油脂同口感都好正！赤蝦同三文魚好肥美！總之就非常豐富❗️.蟹王丼(松葉蟹肉,海膽,三文魚籽,蟹籽)$238松葉蟹肉多到好澎湃！食極都仲有😂好新鮮！完全冇腥味👍🏻海膽都係夠新鮮，三文魚籽同蟹籽又係好多！口感一流🤤.清酒煮蜆 $38蜆肉好大隻！個湯好鮮甜😋好想飲晒！🤣

海膽帆立貝三文魚籽丼我揀咗呢款海膽帆立貝丼✨分別有帆立貝 三文魚子 海膽同蟹子帆立貝經過火灸燒過 令鮮味提升入口好鮮甜好軟綿 帶點火灸焦香另外海膽都有火灸過 同樣好鮮甜✨成碗亦舖滿左三文魚籽同蟹籽三文魚籽晶瑩剔透 食落唔會過咸而且份量好多 足夠撈滿成碗飯食 好下飯🤙🏿成碗都係我最愛嘅魚生配撘 大推❤️另外一碗就叫咗招牌之一 蟹王丼分別有熟蟹肉 三文魚籽 魚籽同海膽✨蟹肉嘅份量真係唔講笑 超 級 多！成碗飯都鋪滿蟹肉 好足料好澎湃唔敢想像差幾多隻蟹先有咁嘅份量😳而且蟹肉拆成一絲絲 食落好鮮甜 啖啖蟹肉 唔使剝殼嘅感覺真係好滿足🤤蟹迷真心必食 呢個都同樣大推😭❤️除咗佢哋魚生嘅份量夠曬足料之外飯量都同樣唔講得笑 同樣大大碗分別有正常飯量(330g)同少飯(200g)選擇另外每台都會有壺濃味麵豉湯任斟雖然就咁睇價錢可能會覺得少少貴但一分錢一分貨 以份量黎講呢個價錢真係好值好耐冇食過高質嘅丼飯 真係好滿足🥰

好耐之前已經聽過呢間海鮮丼專門店，最近終於一試。漁吉位於衙前圍道，轉角位顯眼，地方唔算大，全店約三十多個座位，裝潢以淺木色為主，牆上一幅漁夫捕魚的壁畫幾吸睛。枱與枱間稍為狹小，但都不至於背貼背，只係枱面較小，放置左餐具、紙巾、醬油、菜單，仲有一壼差啲誤以為係茶水，原來保溫瓶裡面係無限任添嘅味噌湯。餐廳主打丼飯，共11種固定款式，包括各種魚生組合，例如帆立貝海老丼、比目魚星縵丼、海膽三文魚籽丼、原隻龍蝦魚生丼等，定價$108-238，價格最高嘅分別係「蟹王丼」、「龍王丸」。正常飯量每碗330g，怕食唔哂可以選擇少飯係200g。蟹王丼 $238賣相非常吸引、澎湃嘅蟹王丼，鋪滿厚厚嘅松葉蟹肉，仲有不少三文魚籽、蟹籽和海膽，伴上青蔥、印有店名嘅玉子蟹肉鮮甜，份量足以送飯、三文魚籽少許鹹鮮，水準不俗，喜歡食蟹肉嘅朋友應該會滿足。值得一讚，海膽輕輕火炙過，香口滑嫩。漁吉特選丼 $188像我一樣心大心細或者有選擇困難症的朋友，點特選丼就最適合。一碗有齊多款材料，包括三文魚、油甘魚、產地直送鮮魚、星鰻、帆立貝、海膽、三文魚籽、櫻花魷魚、赤蝦、蟹籽，鋪滿整碗飯魚生整體新鮮富油脂，厚薄適中；赤蝦鮮甜。星鰻

📍位於九龍城衙前圍道同南角道交界的轉角位🕋，店外裝潢行日本風⛩，與整條街比起上來，與眾不同，別樹一格，很易就找到店了🤗！入到店內，裝潢主要採用了淺色的木材，感覺好簡潔。坐低後，侍應好主動介紹菜式，而且仲俾左ipad📱我地睇每個丼的照片，有時淨係睇字真係幻想唔到係點樣，又刺激唔到我既食慾👀.✔️#麵豉湯 🍵每張檯上面都有一個暖壺裝住麵豉湯任飲，本人係極度鐘意個麵豉湯。坦白講，出面好多麵豉湯都係用粉開同埋得個鹹字，我好多時都直接skip左佢。今次好驚喜👍🏻，味道唔算好鹹，而且個湯帶有鮮甜味，食完成個丼之後再飲，有種清清口喉，洗走丼入面既濃味！如果可以加少少豆腐粒落去就更加prefect!💯✔️#蟹王丼 🦀($238) 俾佢既賣相吸引到我勁流口水🤤，D蟹肉同三文魚籽好似多到要漏出黎咁。除左蟹肉同三文魚籽，仲有海膽同埋蟹子！超足料，真心覺得要少飯，因為真係好！飽！🥢勁滿足🥰🥰~~~ 講番食物先，每樣食物都新鮮既無怪味，蟹肉中間夾左少少蟹殼同埋d軟骨係入面，扣左少少分！另外，Ｄ蟹肉食到後期無咁凍果陣，Ｄ蟹味仲出，建議大家可以先食小食，等Ｄ蟹肉回溫再食會更加好味！🙂✔️#北海帆立丼 🍚($178) 其實

個「蟹王丼🦀」($238) ［限定］面頭舖滿鮮甜嘅松葉蟹肉同脹卜卜嘅三文魚子 仲有兩塊入口即溶嘅大海膽 食到尾會有d過鹹 另外個「漁吉特選丼🐟🦑🦐🐙」($188) 用料豐富 大部分食材新鮮 但個人覺得某d食材唔火灼可更能保持其鮮味 如果兩個飯都用珍珠米會加好多分！btw「海虎蝦天婦羅🍤」($88) 隻蝦好大隻!🤤haha提示⚠️：唔太近地鐵站 去嘅話要預留時間轉車🚇/ 可以揀正常飯量(330g) or 少飯(200g)-The Crab Meat Rice🦀 ($238)［season limited] is served with a lot of crab meat, salmon eggs and two pieces of sea urchin. For me, the salmon eggs are too salty. Another donburi called Isakichi Donburi🐟🦑🦐🐙 ($188) is served with various sashimi, including salmons, octopus, shrimps, scallops,

一個人食飯又多個選擇呢個海膽三文魚子井真係好夠霸氣份量超多三文魚子鋪滿全個飯仲要有幾層海膽輕微燒過所以更加香唔係普通果種就咁生食中間嘅生雞蛋令佢嘅層次口感更加豐富小食再加多左半條鰻魚燒一出嚟已經聞到好濃郁嘅香味食落去好飽滿多汁再加埋佢獨有嘅山椒粉其他平時食到嘅鰻魚感覺真係唔同除此以外仲有小驚喜就係呢度嘅味增湯係任飲！雖然對我來講有少少咸但係都會推介朋友嚟食始終份量同材料都好性價比唔錯下次會再嚟試佢嘅龍蝦🦞

原來九龍城除左食泰國嘢🧐仲有間超正嘅日本料理😛用料同份量都好豐富😍真係超級大滿足😘龍王丸🦞$238六種不同既配料☺️見到原隻龍蝦已經覺得興奮😋仲有三文魚、帆立貝、左口魚裙邊、三文魚籽同蟹籽作伴🤤食材全部都好新鮮😉真係好抵食👍蟹王丼🦀$238完全無諗過真係鋪滿哂整碗丼😮響上面睇，連一粒飯都睇唔到☺️證明用料真係非常多🤤松葉蟹肉好鮮甜🦀份量亦都好誇張😛配埋海膽、三文魚籽同蟹籽😘口感豐富，有層次😆絕對係必食之選😋蒲燒鰻魚(半條)🤤$88鰻魚好厚身😎油脂豐富，非常肥美🤤另外，每張枱有個暖壺😎裡面原來係漁吉味噌湯😉可以任飲😍值得一讚👍

其實我都唔係好耐冇黎姐點解好似轉變左啲嘢咁🧐🧐🤔🤔 分量少咗 魚生擺位唔同咗等我仲諗住帶男朋友嚟食餐好 因為之前同佢講呢度好多料點知呢反餐勁失望 唔知點解魚生少咗勁多🤦🏻‍♀️🤷🏻‍♀️究竟係咪因為就收舖 所以師傅👨🏻‍🍳走咗個丼似好似係一早切定雪左落雪櫃出嚟嘅時候 連個碗都係凍之前啲魚生係會填滿成個碗面而家好似分開到離行離勒扮填滿😥上碟嘅時候攞條匙羹遮住啲空白位 下面當然係得飯啦少咗勁多魚生 而且唔係太新鮮以前會覺得一分錢一分貨而家會覺得一啲都唔抵 要百幾蚊但係得勁少塊魚生👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿👎🏿

邊個話九龍城淨係得泰國野食?🧐漁吉係近期呢區跑出既🇯🇵新寵🤩魚生份量多到我都唔知由邊到開始食起好🤣😍.飯都好多 店員落單會主動問女孩子洗唔洗少飯👍🏿但我貪心啲 一口拒絕左點知食到最後就真係食唔哂🙈老老豆豆 一分錢一分貨 百幾蚊一碗 唔算平咖 不過係好食既! 🍣🍚————————————————————— #魚生丼 #sashimi #sashimilover #sashimidon #japanesefood #海膽 #三文魚 #帆立 #玉子 #foodiehk #yumyum #九龍城

同幾位組員一朝早經歷完好大壓力嘅present，決定食lunch一定要食好西，好好慶祝一下困擾左幾個月嘅project終於完結啦。住九龍嘅組員推介不如去九龍城豪一豪，食個魚生丼飯。唔係佢帶路，我都唔知原來九龍城除咗食泰菜之外，原來仲有間出色海鮮丼。一坐低，店員就放低一壺水，倒出嚟先發現係味噌湯，而且係無限斟，以湯代替左茶。大家都做到心力交瘁，唔想用腦，跟曬大佬叫曬 漁吉特選丼飯。四碗 特選丼到！材料非常豐富，有十多款魚生/配料：帶子，三文魚，三文魚籽，赤蝦，海膽，油甘魚，星鰻，比目魚，櫻花魷魚，蟹籽，玉子。每款刺身都好新鮮，星鰻同海膽有輕轉火炙過，帶點焦香。丼飯已經加左醋調好味，唔洗點再落豉油，而且飯面除左魚生片外，仲舖左大量蟹籽同三文魚籽，每一啖都好滿足。大佬仲叫多左個小食，炸櫻包蝦豆腐。呢個出奇地好味，令我感到好驚喜！豆腐切到一粒粒，岩岩好可以一口食曬，外層係俾滿滿嘅櫻花蝦包圍住，外皮脆得嚟帶點蝦嘅咸味，入面係滑嘟嘟豆腐，好味道，光速被大家分曬！食飽飽，叉滿電，要番去繼續努力工作。

去九龍城唔食泰國野既話,日本野都係唔錯既選擇，呢間漁吉望落幾靚仔，所以就試試。環境做得好日本風格，最重要係佢會播d日本風既輕音樂，氣氛非常好。唔會好似有d日本餐廳播k pop,英文歌。望望menu, lunch 黎講真係算貴。見佢有個是日精選，北海道海膽拖羅丼，288蚊。阿媽教落做人要一步到位。所以一係唔食，一食要食最好。我就揀左呢個飯。呢度好特別，會有免費面鼓湯提供。你要茶佢都會俾你既飯好快就到，望落賣相唔錯，海膽同拖羅份量都唔少，不過就太多青瓜絲。拖羅食落新鮮好香，但係應該係中拖羅黎，唔係非常頂級。海膽好鮮甜，8成以上既海膽都好完整，但係敗筆係紫菜，擺得太耐，乾左d同唔香。整體係好食既，d細緻位可以做好d，不過質素都對得住288呢個價錢既。

丼～丼～丼，成日去親九龍城都係食泰國野，其實除左泰國野九龍城仲有好多好野食，今次就去試下呢一間日本丼，呢間係我之前係九龍城做野果陣先岩岩開，唔經唔覺都已經兩年幾，今日先有機會去會一會佢。其實九龍城好多都係小店，唔似泰國野咁有幾間舖位，呢一間都係小小地係角落頭位置，入面有唔少日本既裝飾，最吸晴既就係牆上既大畫。呢度有個好特別既地方，就係以湯代茶，店員係你坐低之後，就有倒熱辣辣麵豉湯，以為只有得一碗？係成個壺放低任飲，麵豉湯唔會過咸就算飲幾碗都無咩問題。呢排推出左四款新丼，本來想食和牛烏冬不過已經賣哂，既然想食牛店員就推介呢款《冥皇丼》($198)，最先做既就緊係要整穿溫泉蛋撈飯，夾起牛肉見到中心部份依然嫩紅，牛味都重，個炸粉整得幾薄身，而且好貼牛肉唔會散開哂。除左四款之外本身都有好多刺身既丼飯，《漁吉特選丼》($188)有齊勁多料係入面，比目魚、三文魚、油甘魚都好新鮮厚身，海膽微燒過香口加上鹹香櫻花魷魚，星鰻較薄身不過勁長，丼飯已經加左醋調味，今次無落其他調味就咁食都夠味。店名：漁吉海鮮丼專門店地址：九龍城衙前圍道84號地下A舖餐牌:

甘巨型既天婦羅海鮮丼都係第一次見！手甘大既虎蝦天婦羅 同極長既鰻魚天婦羅～ 連和牛都有 一於食豪D la😋 冥皇丼 ( $198 )和牛油脂分佈平均 炸完都唔會韌 就算唔點沙律醬都夠和味～食落飯就有D乾 不過有隻流心蛋撈飯係加番D分既😬天皇丼 ( $238 )樣樣野都好大件，除咗手掌甘長既虎蝦，極新鮮爽彈🍤 連原條鰻魚都有😝 其他就係天婦羅必備既蕃薯🍠 茄子🍆等等🤤 炸粉唔厚 唔油膩 夠哂脆，而天婦羅汁就預先落左係飯入面，唔夠先叫店員俾～

今次係第二次食漁吉上次食過覺得cp值幾高無黎一排原來出左新丼飯咁就梗係要一戰食飯前當然飲碗味噌湯黑洞叫左個呢碗天皇丼本身黑洞吾算太好天婦羅但呢個又接受到喎 吾會食到一口油既感覺炸皮吾太厚 即叫即整果然夠脆口重點當然係大大隻虎蝦 肉質爽彈足足長過一隻手掌估吾到星鰻做天婦羅一樣好食星鰻甜甜地既醬汁食落好開胃除此之外 仲有茄子 南瓜 蕃薯 香菇 紫菜值得一讚 食材炸完仲保持到原有水份吾會乾爭爭既感覺飯量一如以往咁足料 細食既朋友可以少飯另外又點可以少得魚生丼今次呢碗漁吉特選丼有勁多配料比目魚 三文魚 油金魚 櫻花魷魚 帆立貝 赤海蝦 星鰻 海膽 三文魚子 蟹子 玉子真係數都有排數成碗飯充滿三文魚子同蟹子 每淡食落脆卜卜 口感豐富櫻花魷魚係第一次食原來口感好特別 而且勁足料完全可以一啖飯一啖餸特別一讚 赤海蝦鮮甜又大隻海膽都幾濃味 每次食漁吉都食到飽飽下次會繼續幫襯支持

和哈子餅兩人去試下外觀幾吸引的呢間海鮮丼。雖然 麵豉湯任飲 但係飲完兩啖已經覺得勁味精 。飲多兩啖即刻覺得好頸渴， 想飲啖水 沖淡下， 點知原來係冇茶水供應嘅只有汽水(當然吾平) 一開始已經覺得唔係咁好。 又坐得唔舒服。 我哋食晏晝所以食咗一個最平嘅海鮮丼。 食完都唔記得咗自己食咗啲乜嘢呢, 記憶中有好多蟹子。 刺身比較淋身，沒有鮮味，只有面頭嘅調味料味。 唔明點解咁多好評。又吾係平，人均$1xx，吾值。佢有張優惠卡, 食夠五個丼飯有野送， 可借我哋已經唔會再去。