漁川米線 (沙咀道)

營業中

休息中

行荃灣買野肚餓又唔知食咩既時候我80%會去漁川食個lunch.呢度可以食米線或湯飯，呢度出名食魚仲要係原條上。小食都好正即叫即整新鮮熱辣。今日叫左魚腩泡飯+炸雲吞。魚腩泡飯，上面魚腩是鲩魚腩，有3大件新鮮肉厚。湯底係用鮮魚煲的奶白色好好味，我通常都全喝掉。炸雲吞，即叫即炸新鮮熱辣，皮脆蝦爽口彈牙，令人食完一粒又一粒。呢度仲有好多不同款的泡飯、米線。小食都有其他款式也好好食。推介，金牌米線或泡飯，可以食到幾樣野而且好好味，想知就去試下。原條馬友米線都正。小食可以試下墨魚餅，非常彈牙值得試。

同一日去曬兩間漁川米線度食午餐、 真正比較一下15年老店及一年分店嘅分別兩間都是在仁濟醫院附近兩間分店餐牌上的食物冇分別有好多新鮮魚可以揀包括黃花魚三文魚紅衫魚馬友魚等等蒸魚腐米粉 33hkd送豆泡香菇做配菜魚腐炸得比較香口金黃湯底方面顏色比較白魚味比較香濃鮮味比較重下午茶時段家送熱檸水裝修雖然比較舊但是充滿老店 啲味道另一間新開嘅分店喺街市街味道則比較遜色out of list下次會再嚟試下新鮮魚米線支持小店營業

寶仔今日星期五同同事一齊去咗荃灣食lunch，好開心，因為寶仔好鍾意食米線㗎！木瓜南瓜鯇魚尾米線($51)木瓜超甜，超軟，煮得好爛，超級好味，令到個湯更加鮮甜！好多舊魚尾，非常之鮮味！寶仔更加係飲晒成碗湯，飲到個肚超脹！一定要帶張生黎食啊！性價比又超級高，因為係第一次食，所以唔係好識叫，但下次寶仔只會叫木瓜同埋鯇魚片，因為其實加埋南瓜就好飽，成碗都係澱粉質，仲要留肚飲湯㗎嘛！不過寶仔都完全食晒，淨係整咗少少米線咋！

趕上下午茶時間，魚腐魚餅魚湯米線多一杯餐飲，因為蠔蜆無送，但發現佢有粒蠔特別圓潤飽滿，開頭仲以為係唔知邊度嚟嘅肉丸，你又見唔見到？大大碗照舊梗飽肚，生活總要有驚喜！

漁川，睇個都估到同魚有關，無錯，佢係主打魚湯，上次食左魚腩，今日等我試試佢地另一款特式小食先，就係炸魚餅。我配以米線，加杯凍飲，下午茶時間，盛惠41大洋。米線到喇，d湯淡白色，味道ok啦，未算太濃太鮮那款，自己加d胡招吊少少味道，墨魚有四件，彈牙有料，好味，配幾粒豆卜，簡而清。至於環境，上次午膳時間，迫到爆炸，卡位很窄, 肥少少肚腩應該會頂住的呢, 所以我剛剛下午茶來，舒服很多吧。還有提提大家, 在街市街悅來酒店附近有一間分店, 但是上次試了, 差很遠呀。

漁川米線，賣點當然係鮮魚湯底啦，小店午餐時段好多人，座無虛席，好彩冷氣都好夠，大熱天時坐得都算舒服。湯底係全部用魚湯餚製, 天然完全冇味精鮮味濃郁, 大大條倉魚！外層煎得很香，但吾影響內層既魚肉，好鮮、嫩滑！米線份量十分足，好底食！不錯。

荃灣好耐歷史嘅漁川米線，賣點係鮮魚湯底小店午餐時段好多人，座無虛席，好彩冷氣都好夠，大熱天時坐得都算舒服叫左一碗三個餸米線，湯底揀酸辣魚湯湯底好好味，好多酸菜有啲似北上食酸菜魚嗰種味，愈食愈想食雲吞大大粒，有蝦有肉夠鮮味魚腐好特別，真係有魚味，唔係隨街可以買到嗰種仲有紫菜都比得好大方，唔會食兩啖就冇加埋本身有少許冬菇絲同豆卜，非常足料，食完好滿足咁豐富再加多杯熱飲，埋單先五十六蚊，又平又好食，今時今日非常難得

今天沒有吃午餐，因為早餐吃太飽了，但是又想找點東西吃，所以我就去了吃米線！ 這間漁川米線的魚湯底很出色，是淡淡的白色，我點了魚腐和墨魚丸，整碗米線就幾乎是白色，很清淡的樣子！ 對於不想吃重口味的人，這間魚湯米線也是可以一試！ 解解饞😬😬

港式早餐變化唔大，有時小小變化已經好滿足。好難講健康，以現代人嘅飲食文化，真正健康嘅嘢食完會覺得空虛，就算再健康都會加小小唔健康嘅成份，令到你入到口。依間米線係有營食肆，湯底無加味精，亦有營養推介，以前都有推介過我食開嘅款式，而今次會講早餐。同一般港式餐廳一樣，三文治、奄列，多士唔會少，麵食都有配唔同嘅肉，亦有公仔麵，但湯底係魚湯，而且好多款都配蕃茄，感覺夠為健康。留意一般早市麵餐款式少，套餐更唔係雪菜就炸菜肉絲，最多有仿鮑片，再來多士加隻蛋，份量樣樣少少，變化又少。而依度餐牌雖然加價多過變化，但勝在本身配搭已比好多地方多，份量足，想食多啲加幾蚊可加配，腸仔/火腿/餐肉配煎蛋同牛油方包，即係平時早餐過份，價錢同出面差唔多，但個麵就升級咗，雖然早市個湯底比較淡，但性價比仍較高，對好食魚嘅嚟講，確實係唔錯選擇。每朝要來杯咖啡嘅，佢哋係即磨意大利咖啡，雖然係咖啡機冲，但質素唔會太差，留意附近分店除座位外，款式都有小小唔同，首次食建議望望餐牌先。

Super delicious fish noodle👍荃灣必食推介🌟 東星斑魚湯米線湯底係全部用魚湯餚製, 天然完全冇味精鮮味濃郁, 大大條東星斑差啲連個碗都放唔落😂 蕃茄湯底會令到成個面更加鮮甜🤤 女仔雖然細食，但係原來呢度米線仲可以任添, 店員又親切, 點可以唔食啊❤️❤️~~~~~~~~~😋味道: 9/10📸賣相: 9/10🛋️環境：7/10💁‍♂️服務: 7/10💎性價比: 9/10💲人均：$100⏪回頭率：100%

失戀傷心中😭之前和同事嚟食過一次覺得好好食，講過帶佢嚟食一次，可惜未食就分手了😩所以今日一個人嚟食多一次鮮蠔蜆米線@蜆同蠔都洗得好乾淨無沙，蠔仔隻隻都相當肥美而且蠔和蜆的數量挺多的米線方面煮得啱啱好，軟綿綿又夠滑，正！魚湯夠鮮味，而且不加味精，食完碗招牌米線，然後再飲埋碗魚湯，大滿足！炸墨魚餅@自家手打墨魚餅，炸到金黃香口，墨魚餅夠哂彈牙爽口，仲有泰式醬點聽朋友講話可以免費加米線，下次試下問問先

各花入各眼啦…我地都係好魚之人，佢介紹我黎食，我叫左招牌米線，酸辣味湯底要加$6，我叫左大辣…但落錯單比左中辣，叫佢轉，佢叫我自己加辣椒油，湯底既辣同辣椒油既辣一樣既話，我使比錢加?同埋唔夠酸，唔夠辣。我試朋友個魚湯清湯底，魚湯同白色既鹽水冇乜分別，仲有小小腥，冇魚香。之後員工攞碗米線倒瀉湯，枱同凳都有，就咁抹枱算，我叫佢埋凳，明明有聽到但走左去，第二個呀姐過黎落野飲既時候，我叫佢抹先識抹，但抹完係仲有既。唯一ok既係個2塊魚腩，同魚腐，魚餅唔香，好彩冇骨。最後…清湯唔代表冇味唔香，呢間野係冇味及唔香。服務態度有d人好，有人d差。

黎荃灣做野，每日返工都好期待同事帶我食好野！今次中午同同事去左附近食漁川米線！呢度啲卡位都幾迫，4人卡位都只係坐得啱啱好。黎呢度緊係試下出名嘅魚湯，我就點左手工墨魚餅米線，盛惠$38元。等左5分鐘左右就上菜！白色魚湯搭4舊墨魚餅。湯底我就覺得普普通通，魚味唔算太濃，不過不失咁。而我覺得最好食嘅係個4舊墨魚餅！！！個墨魚餅咬落好彈牙好爽，而且墨魚味濃，有墨魚嘅鮮甜，個啲普通墨魚丸係比唔上！米線嘅話，份量偏少，體力勞動完嘅我去食就唔夠飽

與同事志趣相投，大家都是貓，喜歡吃魚，所以今天午餐時，選擇了這間專吃魚米線的餐廳 - 漁川米線。我一向是好辣之人，加上愛吃魚腩，所以點了一份酸辣湯鯇魚腩米線，份量很多，配料也不少，有豆卜冬茹等，魚腩也新鮮，米線口感也不會太淋，可惜酸辣湯底不夠濃，如果點普通魚湯可能會較好吃。知道這𥚃炸物也出名，所以也點了一份炸蝦卷，蝦卷口感爽脆，蝦肉彈牙有蝦香，推介👍🏻同事叫了黃花魚米線，原味魚湯，偷喝了一口，魚湯香滑鮮甜，吃了有點幸福的感覺❤️黃花魚整條上的，侍應細心的提供了每人一隻膠碟，讓我們處理好吐下來的魚骨，黃花魚肉感嫩口，加上廚師有稍為黃花魚煎香了，在魚皮香口，滿滿的魚湯米線配上美味的的魚肉，真的讓人吃到停不下去呢！同事點了炸墨魚餅，墨魚餅口感也很爽口香脆，每口也有淡淡的墨魚香，會令人吃上癮！

平安夜，愛人忙完已八點幾九點，原先愛人話想去潮州仔速食便算，殊不知，潮州仔原來七點已關店休息，結果我們又係選擇隨意吃。愛人看見這店吃魚，清清哋幾好吖！晚上差不多九時，沒有太多食客，店員已開始打掃⋯⋯看見店內寫著當天供應的鮮魚及時菜，由於將近關舖，筆者和愛人都覺得選一些簡單的類別更好，故沒有選其鮮魚配撘。餐牌種類多，清淡、煎炸、素菜樣樣齊⋯⋯秘製鮮蝦條$22~味道不過不失，但店員說原先只得四條的，但關店前，送多一條給我們，這點令食客加了不少分之餘更開心。勝瓜鮮茄魚腩米線$57~愛人點了這個，想試吓魚腩如何，湯底唔錯，但奈何魚腩太老身，一試無妨。酸辣勝瓜木耳濃湯米缐$40~明知道愛人今晚太忙會遲吃飯，筆者最怕捱餓，所以預先自己打底，現階段只是陪愛人清清哋吃過便算。由於在落單前已告知店員酸辣米缐要小辣，但當米線端上檯時，筆者頭啖湯很辣，吃啖米缐更辣，於是告知店員，小辣也太辣，店員立即拿一大碗原味漁湯過來，建議筆者將碗倒進大碗內溝淡，如此細心，一讚。溝淡之後，整體上滿意，只是冬菇切薄片後，仍覺很有𡁻頭。和愛人今年平安節的二人套餐只是$125, 平平凡凡地過節⋯⋯妙哉妙哉。整體來說，食物質素一