漁樂 (已結業)

炸魷魚係本灣魷魚，老細話係琴日新鮮捕獲的本灣魷魚。這裏的炸魷魚炸粉不厚，只是薄薄的一層，咬下去係新鮮爽滑嘅魷魚肉，魷魚細細隻但有鮮味。店主亦在魷魚上灑了檸檬皮碎，淡淡黃色令賣相吸引，亦減低食物油膩感。配上沙律醬再擠啲檸檬汁一齊食，感覺清新爽口，是不錯的小食。魚仔濃湯亦係招牌食品，不得不試。魚仔濃湯呈奶白色，加上紫菜條、同埋湯面嘅蔥花，很有家庭湯的感覺。此店標榜無添加味精，魚仔濃湯飲得出真材實料，魚香鮮味十足，有益又好飲。

-❣️新鮮魷魚炸魷魚最怕就是炸粉太多這裏的炸粉只是薄薄一層的新鮮魷魚的鮮味是一進口就很突出而且店主很聰明的撒上新鮮刨的檸檬皮這讓整體都變得很清爽十分推薦-❣️魚仔濃湯在大熱天喝這個熱湯好像有點在耍自己但是的確是非堂鮮美而且一點油和味精都沒有喝得出來是心機之作唯一美中不足就是加了紫菜乾有點多餘而且容易搶味-

連續3日入左長洲, 食大魚蛋食到計唔到幾多串😐 去左間餐廳食完飯, 路過見到有剉冰賣。又有紅豆, 綠豆咁款。雖然貴過d貌似用糖水既刨冰, 反正市區好少遇到剉冰賣。我同我fd一人一碗。一拎出黎, 乜咁大碗同咁多料, 第一日同第三日都有去食。味道ok, 唔太甜, 啱晒我地口味。

(首先溫題：幾時都要做足防蚊措施) 食海鮮，能吃到 Catch of the Day，應該會很快樂和過癮。不時不吃，誰不愛？ 此店主打用本地漁民撈穫的海鮮，做成小吃，收到 order 後就即做： 店子小小，佈置也滿有漁船和長州風味： 「炸新鮮池魚」$45 / 五條 通常吃到池魚會是魚生，用的是深海池魚；這個本地的約有多春魚般長度，打橫清潔好，保留頭部和骨，原條酥炸，然後連骨一齊食： 那幾粒鮮提子就起了滋潤作用，不會每啖都乾柴柴，不錯的諗頭： 「千層炸蠔」$50 / 五隻 用吉列方式來炸，配 wasabi 醬和酸瓜條： 蠔是一咬爆汁，相當鮮味和 juicy！Wasabi 醬和酸瓜亦起了間場作用，不會每啖都是一種味，緩和吉烈的那股熱氣。 「魚仔濃湯」$30 用上當天漁民捕捉到的魚仔來滾成，例如梭羅魚、石狗公，我今天的就是滑仔魚。滑仔魚屬平價魚，通常 $20 有八條，以肉滑見稱且命名。將魚仔滾成奶白色的湯，加入大蔥、海帶、紫菜，因為全店食物都不放味精，味道很家庭式，堅・無添加，這項大人細路都啱，有益。 店內有一系列啤酒售賣： 我選了「自家煲冬瓜茶」$15 用長

大熱天時，老婆話要入長洲食野，好啦。對上幾次入長洲，都係食下魚旦，薯片。你問我都唔知有咩好食。入到去人山人海。排排下隊買芝士焗蠔，見到有間日本水產咁既野。老婆話要入去睇下。一係唔睇，一睇感覺好似去左日本咁，感覺都ok,於是叫了一個鮮魚湯同炸鱭魚。鮮魚湯飲落無味精，但係略厭淡了些少。反而炸鱭魚好味，火喉剛剛好，食落去完全不油利。直頭可以連骨食。另外佢仲有好多啤酒可以揀，都係廿拎蚊支，一定有下次。除此之外老闆娘仲請甜品給我地食。

講真，長洲好多地道小食都已經食過路過這間新店，見到很多人排隊所以想試吓！點知真係好有驚喜！新鮮又好食！一啲都唔覺得油！仲有少少生果和檸檬汁！有心製作！值得推介！

每次到長洲總會到此品嚐漁民小食我最最喜愛的漁仔湯 及 其店當下時令捕獲的海上鮮。得悉這段時間為休漁期，沒有我喜愛的赤米!所以今次就試咗池魚另加漁仔湯。好好味想食另類海上鮮唯有再等下次再到此品嚐

因為看到openrice特集推介，所以在肚子不太餓的情況下仍決定試一下。我們六時多到達小店，原本想試魷魚的，但已賣光。反而見到不常出現的池魚王仍有貨，於是點了一份。這裡的海鮮是即叫即炸的，所以需要一點時間。餐廳只有站立的位置，因為我們要看顧著單車，所以只能站在出面一點的位置，但冷氣在裡面啊，太可恨了﹗等了約15分鐘，池魚終於炸好了。大大份炸池魚有5條，店員擺放得漂漂亮亮。店員特別告知整條池魚也可以吃，還提議拿著魚的尾巴吃。吃前先擠點檸檬，旁邊還放了點沙律醬。我覺得這個檸檬汁真的有提升池魚鮮味，沙律醬則沒太大味道。池魚炸得挺好，咬下去啖啖肉，吃得出是新鮮魚。我吃了2條已經是很飽了，最後再把旁邊的提子吃掉清一清口腔，完美解決這道小食。這道小食比起長洲其他小食價錢方面有點貴，但細心想一想，跟外面的餐廳比要吃這種質素的炸池魚則便宜很多。

呢間係最近長洲既熱門小店之一，鋪面好日系風，而且係open kitchen，全部即叫即炸，賣既野唔多，去既當日有本灣魷魚，去骨鱭魚，千層炸蠔，同埋魚仔濃湯，另外仲有賣啤酒，叫左本灣魷魚，好好食，炸得好香口，而且魷魚好新鮮，好彈牙，份量都唔算少，而且加左椰菜絲，沙律醬，提子同埋酸瓜，亦放左d檸檬皮係面，可以減輕油膩感，雖然只可以立食，店鋪亦唔大，只放左幾張枱，但食得出係誠意之作，一定會再encore~~

去開長洲，通常必食既都一定係大魚蛋同芒果糯米糍，不過有時食得多，都總會悶，今次就發現呢間幾特別既小店，佢自稱係港式美食，但裝潢就幾有日式味道，以木製品為主，幾別緻～吊筒魷魚 HKD40魷魚即叫即炸，拎上手熱辣辣，除咗好香酥炸味之外，當然唔少得檸檬皮帶嚟嘅淡淡清香。口感外脆內爽，配埋沙律醬一齊食，更加滋味，送酒一流～香脆池魚 HKD40池魚亦都唔輸蝕，香脆可口，好有魚味，拎去海灘，聞住海水味咁食，真係幾有風味，唔係講笑～

假期入長洲，掃街是常識吧。除左魚旦，旋風薯片，原來入面條街有間煮本地海鮮小食既舖頭。裝修都有d 日本 feel, 全企位。見有個炸去骨魚，就叫呢個試。由於係即叫即炸同埋長洲人山人海既關係，都等左10零分鐘。見廚師炸完魚后仲要好有心機磨檸檬皮，放青瓜，檸檬同沙律醬伴碟。令起手條魚超熱，由於個名叫去骨魚，等我一下咬落去，但其實條魚仲係有d小魚骨的，去試既朋友小心d。如果可以炸脆埋d 魚骨就更好啦。最有驚喜反而係條青瓜，酸酸甜甜，爽口，好好味。

新鮮椰菜在底，用心放置剛炸乾身的美味鱭魚🐟🐟🐟🐟🐟🐟， 再配以青提子，甜酸瓜，lemon, 沙律醬，最後再在魚上加柠檬皮，心思～ 盛意～味道也超讚！👍🏻👍🏻

放假入長洲打個白鴿轉，特登走黎試試呢間好多人推介嘅小食店。舖仔細細，裝修幾精緻每日嘅Menu都有些小唔同，睇下當日邊隻海產新鮮就用邊隻！去骨池魚第一次食池魚，即炸好香口！食到魚肉，唔會炸到乾晒又鞋，非常好！吊筒魷魚配沙律醬同青提mix埋一齊食好清新，唔油膩好juicy好爽口！

週末長洲遊玩，非常NICE的一家店，店面不大，裝修風格像日本小漁村的小商店，店裡播放著非常groovy的音樂。店面裝修讓人感覺非常舒服。朋友點了炸生蠔。因為我不太吃生蠔，所以不好評論。但我朋友經常吃生蠔，他覺得這裡的生蠔很不錯。我點了章魚厚切，非常多汁，十分美味。在長洲的幾家餐廳中，這家給我留下最深的印象。但是要提醒一下，因為店面比較小，店里不提供座位，只能站著吃或者TAKEAWAY。但是儘管如此，還是十分推薦來這裡吃一下，不可錯過

嚟長洲總離不開食食同埋食😋有必食大魚蛋、芒果糯米糍、豆腐花、手卷壽司、車輪餅.......真係應有盡有！所以每一次嚟都會想睇下有D乜新嘅嘢，今次試嘅小店就係漁樂 yulokcc，其實上次經過時已經想試，不過因為食得太飽嘅緣故，又趕住搭船所以最尾冇試。上次店舖冇乜人，今次就好多人。經過一輪三心兩意又選擇困難之下（其實Menu只有四個Items😅) 。我地揀咗原條鱭魚$40，始終對炸魚情有獨鍾。首先講賣相先，見到店員都好俾心機去上碟，唔係求求其其就算，仲配酸瓜同青提子伴碟，幾有心思。炸魚炸得剛好，唔會太炸或太乾身，唯一係調味好似唔係太夠，有啲淡。不過有一點更加要改善係take order嘅程序處理，見到員工都好似好用心但係感覺整體有啲亂。搞到成間舖都企滿，食野、排隊、等order嘅人，有啲混亂同迫嘅感覺。加油！支持小店！