漁米之鄉 (已結業)

由於男友住附近, 係佢推薦的~去親都係自助火鍋, $88一位免加一, d野都新鮮, 最吸引就係有蝦, 任食, 仲有汽水同啤酒(唔係大牌子)任飲, $88包你抱住個肚走XD間酒樓d坐位唔太密, 感覺好d, 唔會迫&"火局". 服務一般. 晚市唔係火鍋的話, 食過兩次, 10人左右, 都係一千多d埋單, d野食都好ok, 唔會覺得麻麻, 一大家人去食都算抵~

我成日去個度食既因為我係住個頭!點心好新鮮!熱辣辣!坐又坐得好!食野又平!2個人食野53蚊走人仲要飽飽!服務唔錯!有反應!追軍唔夠1分鐘有野黎!又有講sorry!

昨日全家陪媽咪去飲茶,之後就一起shopping.四人1:00pm才到達,以為要等位,原來可以即刻入坐,仲有張卡位可以坐.點心味道一般.另要了燒肉-唔錯,皮脆不油.椒鹽九肚魚,賣相幾好,可惜不好食,還有點腥,相信是不新鮮.雪菜火鴨絲窩麵,本想轉米粉,不過要加十元,感覺唔太抵,配料和湯底的味道都不俗,但那個麵影響口感.找數要$250,以味道來說是不值.去隔離金港,選擇多又抵食.就係咁我就知道點解1:00pm的旺場時間都不用等位了.

本人試過幾間自助火鍋，此間最難忘！一班同事十七人，兩張圓，四個爐頭，樂也融融！食物理想！服務妥當！每人只付$88，不須加一，真是回味無窮！

食物貴而不好味少人手又服務差21人食$4600 仲唔夠飽

果日成家人去左呢度食野.ｄ野遲黎不特只...叫佢快ｄ拎ｄ野食黎..佢起到鬧我地喎..邊有果ｄ侍應鬧客人嫁！!!！成一個hour 先黎一碟’ｄ魚又硬喎’我以後都唔會再去嫁喇’

我覺得似以前既百樂酒樓同福運海鮮酒家(兩間都執左lu)既混合類，因為完全係佢地兩間既sytle。環境舒服，侍應招呼尚算殷勤，都叫有求必應。食物方面，點心其實同其他酒樓既野差唔多，都係個d囉,冇乜特別，亦唔會有咩特別既點心。但我覺得點心都好新鮮，而且下午茶時間，灌湯餃都係6.8咋，仲有周不時都有特價點心，例如乾蒸牛肉或者山竹牛肉，$4.8咋。另外，佢都有燒味，燒肉同乳豬都幾好味，皮夠脆。但叉燒同切雞就差d。