漢和韓國料理

營業中

休息中

今日喺老公生日，祝老公生日快樂，健康日日都開心快樂，今日專登煮咗個五香肉丁煎蛋烏冬，午餐整咗節瓜排骨，今晚就同老公二個出咗去食飯，因為每晚都收得夜，今日專登同媽咪講盡量6點幾走，日日都好忙還有個多星期就完工，每日都抽時間去準備湯包等媽咪可以補足100日，中午突然收到12月中媽媽入院生咗BB，詳情未清楚呢個媽媽知道就話可以早啲完工去幫個新媽媽，應該欠4-5日先完，而家要睇個媽咪幾時出得院，所以就更忙無咩時間淨，要趕炒埋啲米同準備30幾個湯包，今晚約咗老公出佐敦，因為有車出佐敦後再轉另一巴士回家，點知又塞車要老公喺巴士站等咗成個鐘，最後近近地入咗漢和食韓燒，好似好耐無食，呢間啲嘢真係好麻麻，無咩特別嘢真係食飽，燒嘢就豬，牛，羊雞，湯有幾款我只飲咗碗仔翅，老公就入咗參湯，燒嘢都喺食牛，羊同雞翼，其它都唔啱食，熱暈就幾款同有三文魚，價錢一個$230左右連加一，呢間差過官塘果間好多，應該唔會再嚟

第一次去漢和系個朋友帶我去食午餐，估唔到百零蚊可以食到甘多選擇自助餐.....自此之後我久唔久都會帶朋友上去食，對上一次系政府防疫限制堂食由夜晚6點改到9點第一日，我即刻好開心同男朋友一齊去幫襯，我最鍾意係佢哋選擇多啲肉又好新鮮，而我男朋友覺得佢哋嘅甜品豆腐花好好味，他話好味過系大澳食嘅.....總體來講咁嘅價錢可以食到咁嘅質素超抵

眾所周知漢和依類連鎖式燒肉放題，都係平價親民嘅。嘢食種類較多，質素未至於太差，勝在多選擇，可以滿足一大班人唔同嘅口味。而我每一次嚟食，都係主打食牛仔骨，牛仔骨嘅味道，質素，都相對係比較穩定，唔會有時醃得太鹹，或者唔夠味唔均勻。除咗牛仔骨，仲有另一款肉都係主打會必食嘅，西冷牛扒，當啲西冷牛扒煮熟嘅時候就會變咗肉碎，加兩片蒜頭少少韓國醬，然後攞片生菜包住食，就好似韓式生菜包咁。食到咁上下就係食甜品嘅時候，雪糕涼粉，當然要自製啦，喺飲食區拎一碗涼粉，然後行去雪糕櫃，揀自己想食嘅雪糕口味，然後加入啲涼粉度，即成

同阿媽間唔中都會食漢和午市自助燒烤，因為最抵，同晚上嘅嘢食差唔多但平成一半。今日因為去尖沙咀睇戲所以揀咗佐敦。平時都有食開，所以知道食物質素係OK嘅，但佐敦的店員服務態度真心差，入座時已經態度差，好聲好氣問佢有冇第二張枱，佢叫我自己搵下囉。叫佢幫手換爐，佢係有應我，但冇行動，我已經好有忍耐力，等咗一陣，見到佢忙完行返返嚟冇嘢做，之後再問佢，佢態度hea我話知啦，之後先慢慢去拎板換。所以我下一輪都冇再叫佢。呢一間真心輸在態度差

好耐無食過漢和燒肉一直認識漢和都出名抵食既燒肉放題莊士敦廣場呢間店面積唔算大但都夠舒舒服服坐低食燒肉類款式都係以牛雞豬為主值得一讚係，呢到啲肉奄得夠晒味非常推介燒魷魚鬚五花腩 碎碎牛肉有生菜可以拎黎包肉肉食場內亦都有熟食可以取 : 豬腳薑唔錯~有冷盤小食同少量壽司另外更有人蔘雞湯 任裝唔嬲漢和受歡迎既湯品生果賣相都新鮮食落都清甜甜品就較為失色一啲 雪糕就雀巢牌啦而飲品款式唔算太多服務員都樂意幫忙換鐵板整體上都好滿意 價錢都平民化會想再次光顧

行完街，今晚去左佐敦漢和食韓燒。如果韓燒放題，本人都幾鐘意去漢和，因為佢燒肉質素都唔錯外，佢地其他既食物都唔會令你失望，而且會有人不停refil, 刺身雖然得三文魚，但無腥味，有油香。有韓式食品，炸菜煎餅同韓式辛辣湯都係很有水準，不得不提佢地個薑醋，真係好有水準，豬手同雞蛋都非常入味，亦唔會係放左好多日個種，雞蛋咬開，再沾少少薑醋汁，好味飲品方面，唔算非常多選擇，但正常可樂，茶，芬達都有，而且佢地有韓國啤酒任飲。甜品有雪糕，朱古力火煱，生果，豆腐花，甜品等，豆腐花可以自己一片片甘畢入碗，可以過下手隱。😂平民價既價錢，質素算相當不錯，而且位置較其他韓燒食店寬敞，大部份都係car位。所以我要俾個好評

來到佐敦，尖沙咀一帶，間間食肆都好多人吖。朋友喺呢頭返工，帶我來到呢間韓式餐館，見個餐單冇加到價，幾好两人叫咗66蚊嘅牛肉石頭鍋飯同埋46蚊嘅韓式羊肉湯年糕，有前菜泡菜同菠菜，鍋飯有飯焦，韓式年糕够煙韌，性價比高

話咁快又星期六，老公唔洗返又出去一日遊，搞掂啲女出們後，我同老公就食咗早餐先出門，第一站喺高鐵站，喺官塘搭新線去真係好快半個鐘左右，順便再行下三月媽咪家的路線，之後就去新開的戲劇中心，剛有隊中樂團喺度演奏，我哋停下嚟聽到完先走，原來已經點半就睇下邊度有得食，諗住龍寶有加長午餐buffet, 直接去到話滿哂，最快等到2：45先知有冇位，但好似食到4：30，咁我哋就離去，之後去咗以前倫敦廣場樓上，記得全層都係食店，之前試過一人一鍋都無咗，唔知去邊就先上5樓喺燒嘢，但只得一個鐘諗下就離去，諗住是旦一間飲茶，見到有漢和就去睇下，百幾蚊有燒嘢又有熱盤，雖然得個幾鐘都無所謂，太耐無食都唔太差，回想起同老公好多年前食韓燒，叫二碟都要百幾蚊，而家二個任食都係三百蚊還有飲品同熟食覺得好滿足，食飽飽就去九龍公園行剛有攀石比賽又睇下，再去行星光大道原來剛開返，手印轉哂上欄杆，好多人都影我就搵唔到我喜歡，但最後都同二，三個手印影下，行到六點幾幾諗住回程，點知老公話應該有煙火，還掂無咩嘢做就留低睇完先回家，二個人傻傻喺度等，最後只睇到十分鐘的激光，可能星期六晚好快就迫滿哂人，走時都要浪費好多時間先出到去，回家差

冷氣滴水滴滴中頭還好冇滴落食物中侍應好招呼 不停抹水道歉午市 $118加10%= $130客唔滿 食到3點冇限時 hea住食冇魚生 冇牛仔骨 冇虾青口扇貝……食物生料 & 熱葷 冷盤 沙律 千篇一律壽司卷~有時飯生硬 今次飯軟熟牛肉羊肉~醃料同色 肉味唔同 好味 西冷牛肉~第1次食 有驚喜 肉嫩油香牛舌~冇醃 有啲腍有啲硬到咬唔入泡菜海鮮辣湯~ 湯鮮微辣材料豐富 有魚塊 細虾 八爪魚仔……人參雞湯 & 青紅蘿蔔湯 ~ 唔夠熱 湯水濁 微酸 材料煲到熔晒 感覺係番熱再番熱

好耐無去食韓燒，於是上網睇openrice食評睇有這麼多好評，以為依靠得著，可是食評與實際相差太遠……首先，我和朋友大概於6點左右到達，見人流不是太多，有店員招待我們坐在窗邊位，在整個兩個小時的晚餐時段，我先後發現兩隻小蟑螂爬上枱面……食物飲品方面都屬於自助，需要客人親自在外選取，肉類有分熟食及醃製類別我們選了豬扒，肥牛，牛仔骨醃製食物等，自己燒熟以後都一概覺得唔新鮮，吃了有一股變酸的味道，而牛舌燒熟後咬了幾塊，全部咬不斷……之後我們選了現醒熟食的三文魚鮫……三文魚鮫不知是否放太久，非常乾硬沒有水份…不過沒有感覺變壞於是，我們只有被迫食一些平價的熟食醫肚子，只有炒蛋飯和豆腐花沒有失望………另外，用來“筆”豆腐花的用具感覺非常不衛生，因為是浸在非常污糟的水中……最後我們吃完甜品（水果，牛奶布甸和雀巢雪糕）就離開了……店員服務態度一般，沒有太差又沒有太好……

食物ok嘅，燒烤食物都多種類嘅，醃肉有啲重手咗，不過都好食嘅。熟食同甜品方面都ok嘅，有三文魚刺身，食完好快refill。湯都有三四款(碗仔翅、老火湯、麻辣海鮮湯…)，又有幾款水果(西瓜、哈密瓜、菠蘿…)，鑵裝汽水啤酒任飲，又有豆腐花、涼粉、牛奶公司雪糕，又有沙律，好多款。如果你唔係要求真正韓式燒烤，而你接受到港式韓燒(我會叫漢陽苑式)嘅話，呢間餐廳係唔錯嘅選擇。二百零幾蚊一位，超值。不過唔知點俾我見到小強，仲要俾我發現兩次，(窗邊同枱面各一次)………可惜!

一行3人, 當中有男士, 感覺佢會戰鬥力都幾強, 可以大魚大肉地食, 所以就提議食韓燒, 都好耐冇食過韓燒喇!我地冇book到枱, walk-in好快有得入座.座位好大好舒服, 地方都算乾淨企理.入到去唔會好大陣油煙同黐立立.燒既野食種類有好多, 牛羊雞豬通通都有, D肉醃得係幾好!留意到D雞翼有界開, 感覺快熟D又入味D! 可以快D有得食, 哈哈!O係友人燒緊肉之際當然要睇下有咩熟食. 肚餓丫嘛~一系列既前菜! 夠哂開胃呀!仲有三文魚刺身同壽司~三文魚刺身就一般啦, 淺嘗就OK.有湯同D飽肚既野食.拎左少少豬腳薑, 都幾夠味wo!仲有D香口野, 食左少少, 因為仲有D肉肉等緊我!朱古力火鍋, 諗住整粒食下, 唔知係咪唔夠熱, D朱古力好杰, 做唔到個效果生果區, 食飽refresh岩就最岩喇!食材唔算係咩名貴野, 但so far都OK,野食都會定時有人refill.  200幾蚊一位, 限時2.5小時, 不過當時冇人等位, 佢都冇趕我地走, 都幾岩同朋友邊食邊吹水.

今日公司無啦啦停電，可以早收，於是同事話不如一齊去食韓燒啦，冇限時間又可以任食非漢和莫屬👍🏻中午時段，可以選擇燒烤放題，或者食定食。因為早收我哋心情大好，所以一於就食返夠本啦。🙊🙊燒烤嘅肉類種類繁多有五花腩，牛肉，羊肉，腸仔，火腿，雞翼，雞扒，魷魚，金針菇等等多，多到數都數唔晒😯😯肉類都有醃過，味道適中，唔會太鹹，配搭醬汁更加美味。重點係佢冇限時，可以慢慢坐慢慢食，買單結算都係大概每人＄130左右，抵食之選。👍🏻👍🏻

一行24人團拜，食放題有彈性。因為早了一個月訂枱，門口有個四方位，四張枱給我們，容易安排。食物肉食選擇多，不過有少少辣，不太適合我兩個女，但大伙兒吃得很滋味。他們食熟食和甜品去，熟食有壽司，不過不失，有菜，油多了少少，勝在不用啖啖肉；甜品有啫喱糖，小朋友至愛。媽媽手忙腳亂燒、吃了一些魷魚，夠「林」、易處理，適合貪方面的媽媽醫肚。總的來說，環境食好，油煙味少；肉食選擇多，但有少少辣；其他食品也不俗。最緊要，團拜時，大伙兒能各取所需。

Saw a cockroach in the lettuce. Told a member of staff. She brushed the cockroach into the floor, then stepped on it and walked away. I asked her if she was going to change the lettuce, the lady said it had already been previously washed. The cockroach was still on the floor, she didn’t even bother to get rid of it. Another lady heard me complaining and quickly changed the lettuce. She said the original lady was only a temp for the day. Never been so shocked at this poor level of hygiene. The Fi