漢和韓國料理 (已結業)

我之前都去過依到食野..跟住今日就同5個fd去食野啦~食午市buffet~由11點30分食到3點30分!飽死喇~~加埋一都係每人$75抵!!!一入到去就有位坐(好少人)D服務都OK喎=]見到個爐吾CLEAN都主動幫我地CHANGE^^D野都好好食=]=]特別係牛肉!好好味!不過D SUSHI就...豆腐花超讚的*仲有多春魚都好好味..仲有魚柳..仲有'油'魚..仲有..好多好多=]Environment IS GREAT

正如標題所示，我又進行大計劃。係所有粥粉麵飯都唔食得既情況下，唯有黎呢度狂食肉(可惜苦了朋友仔)。1點3左右黎到，幾乎全場爆滿，只剩下角落既2.3張檯。由門口行去張檯既時候，有個男性"大粒野"走黎serve我地，態度好麻麻。我知午市你好忙，所以講野一定要快，不過講野快唔代表語氣都要差。希望佢有所改善!至於食物方面都幾多元化，味道方面亦相當不俗。不過廁所真係好烏糟，比公廁仲唔掂!另外唔知係咪因為我地坐得入，所以成棟碟都無人收。

原先諗住$98/位,再加一亦只係約$110,點知星期五至日額外要加$10/位,都唔緊要,最氣憤就係燒烤時間只得個半鐘(2位),而4位就有2個鐘,攪到我同老婆都唔夠時間食.食物都算可,但地下就痴泣泣,廁所門口仲差D"扇"死我

低能的我們一直都諗著去食一次韓燒見依間就腳, 所以就決定要依間試下一入去就見到傳聞中果位亞姐果把聲真係如雷貫耳, 隔離街都聽到不過我諗佢都係生性豪邁jei又唔見得佢d 態度話太差既由於去到果陣都尚早, 亞姐俾左窗口位我地雖然離食物位好遠, 不過勝在夠清幽唔駛聽到d 亞巫鬼殺咁嘈講到食物, 先講燒既食材可以話多, 又可以話少d, 都係雞牛豬墨魚腸咁啦130(連加一)貨仔算係咁上下其實d 咖哩雞脾同d 肉都幾入味仲有低能c 最愛(玩) 既多春魚除此之外, 仲有魚生壽司任食不過d 三文魚係冇味既, cheap 貨而熟食方面都有好多, 唔見咖哩蟹不過就有賴尿蝦, 滿足下我地d 好奇小寶寶反而最好既就係d 甜品同水果有豆沙鍋餅馬蹄糕沙律豆腐花等等低能的我們仲囉d 鍋餅呀薯條同糕去燒有相為証呀~依餐其實都食得過, 唯一唔好就係得個半鐘同埋亞姐臨走講左句: "你地食到過哂鐘啦!"

今日lunch break 同成班同學去食開年飯我地一行14人去到, 佢剛剛開門, 無人wor有個女經理, 黑衫, 安排我地一張4人+8人枱, 叫我地10個人坐8人枱, 因為遲d 會好多人, 2?人唔可以坐4人枱!結果我地同佢理論, 最後都係要坐到好逼..後來ar sir 來左, 之後同佢講無位, 最後萬般唔願意開埋另一張相連4人枱俾我地d 食物唔錯, 多原化, dessert 都ok 多其實間野ok, 如果ignore poor service

1號同4個friend一齊去食韓燒. 呢個價錢, 無期待過有咩特別好嘅野食, 所以唔多講. 想講嘅係果度嘅某個長曲髮女部長.5個人食2個鐘. 同一張梗枱嘅另一邊有3個人, 聽到個帶位同佢地講佢地食個半鐘.一心諗住隔籬都未食完, 點都應該仲有半個鐘, 所以出得到去攞野食幾個就出去再攞野食.呢個時候有個男部長走嚟同我地講夠鐘, 要埋單. 最初以為佢凈係同隔籬講, 點知原來2枱都係. 睇吓表, 又真係夠鐘, 咁都ok啦. 叫佢攞單過嚟, 我地咪埋單走人囉.等等吓, 有個女部長好惡咁走過嚟:喂!你地呢枱坐到過晒鐘囉喎!大姐!你都唔攞單嚟俾我埋, 我地點走呀? 係咪唔駛埋單就走得先?又等咗排, 亞男部長卒之攞單過嚟, 但係就得隔籬果張. 原來佢地以為我地係一齊嘅(大佬你地唔係電腦入單嘅咩?)當我地又喺度等埋單嘅時候, 果個惡死女部長竟然走嚟一手搶咗我個friend拎住喺手嘅信用卡!咩事呀家陣?!呢間野因為呢個亞姐即刻俾我地打入黑名單, 打死都唔會再去!!

我同朋友食既係晚市一零八一位食物選擇都幾多,燒肉有牛,雞,豬,多春魚,煙肉,仲有好多,另外仲有一些熟食如咖哩蟹等等,當然多款前菜例如西芹,泡菜都唔會少!味道方面,燒肉醃得唔錯,特別係自助餐味道好少可以ok,但係熟食只係一般,例如咖哩蟹無咩肉,又細隻,而且reload慢!可以嚟食既,但係無咩特別之地!

今日我同男朋友同另外兩個朋友一齊去呢度食晚餐。之前果幾日我已經打定電話,問佢可唔可以訂檯。佢話要五位或以上至得,又話星期一至四唔使等都有得食，點知－－一去到就見到全場滿座，我地之前仲有六張檯（對四人位而言），外面堆滿食客……我地本身去到時係八點九，打算等到九點三就唔等，因為佢九點半會平ｄ，如果我地九點二十九分入就好唔抵。但結果，我地唔甘心等左咁耐都無得食，所以等到九點七，都終於入左去。但由於我地九點半前已ｌａｗ飛等位，所以都預價錢無得平。入到去見到三文魚刺身同ｓｕｓｈｉ都係任食，我地都拎左兩碟。魚都算新鮮，而且燒佢大概２０秒左右，就外熟內軟，都算幾好食。而佢ｄ牛肉ｙｅｐ得個味都合適，唔鹹唔淡，都ｏｋ唔錯。雪花肥牛都值得食，如果食得有ｄ滯，飲ｄ酸梅湯就可以開返胃再食多ｄ。不過人參雞湯唔算特別好飲，而且豆漿係熱ｇｅ，各位可以注意一下。到最後埋單時，發現總數比預期少，原來我地九點半先入座，佢就計返我地係九點半個價，以免我地等左咁耐唔公平，我地都好開心，起碼覺得佢地均爭。ｏｖｅｒａｌｌ　ｓｅｒｖｉｃｅ就唔好苛求太多，始終呢個都係自助餐，以呢個價錢佢都算交足貨了，值得再去。

係01-02-2008 7:30　我同４個朋友一齊去食，　由於５個人可以任食２小時，　我哋入到去之後當然係去攞野食，　就發現放置生食物既位置好細，　要排長龍至可以攞到野食，　而且一路排隊，　一路有人係你身邊前後而行，　非常麻煩最差既係當你食到差不多２小時後，　有位類似經理既女士走到我哋張枱話　"你哋張枱夠鐘喇，　要走喇，埋單喇"，　"你哋比卡定比現錢，　我攞去埋佐張單佢" 嘩，　我哋單都未睇就要比錢，要人走都唔係咁無禮貌麻，　服務態度咁差，　我一定唔會再去

前日,與女朋友到這裡食晚飯,食品不算太多(食品比漢陽苑少),環境也是一般,如果是近拿食物的座位不夠清潔,不過烤肉算唔錯,幾好食,只有咖哩雞比味道不太好.其他無問題,算好食.服務態度也好,算有禮貌.電視算大,遠一點也可以看到.

10月27日, 挑起條筋想食韓燒~ 如果係銅鑼灣, 唔想食太貴又唔介意無甘正宗的話, 漢和就真係幾arm心水~ 之前我地都食過好幾次架啦~ 佢地方都幾闊落環境又乾淨. 仲有電視睇添~ 所以我同呀比都好鍾意去~今次我地淨係食韓燒~ (因為佢可以一路打邊爐一路韓燒~) 其實我覺得佢d野食都幾多款. 牛雞豬羊魚有辣有唔辣有腸呀魷魚呀等等等等! 燒得耐又可以食下其他小食好似魚生呀壽司呀韓式小食呀炒飯麵呀炸饅頭呀薯條沙律等等等等. 佢韓燒野食都整得幾入味之餘, 令人意外既係佢其他食物都幾好味~ 而且野飲係任飲添~ 不過以前有3款野飲(酸梅湯/ 豆漿/ 西瓜汁) 但係而家就冇左西瓜汁~總括黎講其實我覺得甘既價錢, 韓和無論環境同埋食物都好唔錯!! 久唔久都會去下!!*** 比d小提議比大家~ 其實打邊爐d料都可以用黎燒架!! 今晚我地就試左金菇牛肉炒烏冬~ 以前有蛋仲可以加埋蛋炒~ 好好味架~ 大家下次不仿試試~

現在只有個半鐘...太過份...兩個鐘就差不多...

兩個人星期四去左食, 7點左右, 無咩人等位, 所以即刻有得食...1個半鐘, 食左兩個鐘先走人, 都算係咁啦~都唔係第一次去了,所以都自動出去拎D牛燒夠本先~野食唔算太多, 但係都叫唔錯..除左BBQ之外, 仲可以拎D韓式既小食..白菜仔, 魚仔....都幾好食..三文魚就馬馬喇, 唔食也罷~埋單108加一兩個加埋都係二百幾, 叫做唔錯啦

食物質素比漢陽宛好，牛肉有點黑椒的味道，辣豬肉切得夠薄，卻稍嫌不夠辣，雞肉亦不錯，頗欣賞肉類食物很入味，相反魚肉肉質鬆散要扣分。三文魚有驚喜，冇雪藏味而鮮味亦合格，豆漿淡而冇豆味，自助沙律比某些酒店buffet要好，蕃薯糖水一般，糕點一般，很奇怪居然有炸薯條(粗身波浪紋那種，絕對不是老Mc那種)，涼粉ok(難吃的涼粉應該很難弄..)，雪糕則千萬別選綠茶，半點綠茶的味道也沒有，換來的是煉奶味。要彈的也不少，一眾阿姐級服務員架子比汪阿姐還要大，態度語氣不佳，典型香港式服務。還有時間限制，星期五六日限時個半鐘，算是頭一次吃自助韓國燒烤要跟時間比賽。話雖如此，總的來說還是比漢陽宛好，應該有下次。

上兩個星期到CWB晚餐，想找一間不用排隊的餐廳，選了這裡，假期前夕無人排隊實在有點保留。但和友人工作一天實在太累，最後還是選了這裡。這裡和漢陽苑的食物差不多吧。友人說食物比漢陽苑優勝一點點，哈...其實熟食選擇不多，本人又不好BB燒，但勝在有個好玩的友人陪伴，加分了。所以最後都食到很飽離開。食物: 雞翼、壽司、三文魚、沙津、各種甜品、飲品