漢城美食

營業中

休息中

呢間餐廳係韓國人主理，可以食到正宗韓國菜～開業咗差唔多25年，質素唔錯又抵食，到而家都係咁多人幫襯～-佢每日都會有daily special比較抵食，通常星期五至日都係醬油蟹，鍾意食醬油蟹嘅記得呢幾日嚟啦～今次星期六食，就係醬油蟹加紫菜飯團（$171）～醬油蟹嘅醬料調得好好，仲食到蟹嘅味，食完第二日都無事，證明夠新鮮🤣-想食新嘢就叫左漢城炒年糕（$77），年糕好煙韌，不過辣度都幾高，好彩有紫菜飯配🤭-食韓國菜梗係要食炸雞，今次試蜜糖蒜蓉雞翼（$79/7隻），隻隻都夠大，炸得夠脆但唔會硬，蜜糖味唔會太甜～食完炒年糕再食啖雞翼可以解辣😛-雖然開業咗咁耐，但係餐廳都有翻新過，座位變得闊落，都坐得幾舒服，有啲位仲可以坐10人，啱晒同一大班friend嚟～

問咗店員原來開咗20年，好勁，入到去好大好光猛裝修都幾得意，尤其個窗有啲韓文字好得意。嗌咗Premium Purple Sweet Potato Rice Wine，係紫色嘅，每一次飲韓國米酒都會有醉意🤣好飲好飲，唔會有餘溫喺個口度令到口腔好臭韓國人主理正宗韓國料理，真係太好食。店員話開咗20年左右。真係超級好食醬油蟹，好新鮮好嫩滑啲蟹膏好甜，而且價錢吾貴!!!好驚食到嗰啲唔新鮮真係危險入醫院。套餐配紫菜飯又係好好食，紫菜新鮮脆卜卜啲飯微濕軟，入邊仲有好多細細粒香料牛骨粉絲鍋又係好驚喜好好食，粉絲好腍，充滿牛骨味，牛骨好香好濃郁好腍。根據韓國傳統，他們另外配了一碗飯可以整泡飯點泡菜食。還有三小碟，包括腐皮、泡菜和韓國煎餅。

喺金巴利道已經超過20年，由韓國人主理，韓國餐廳嚟講地方都算幾大，座位寬敞，環境都幾啱傾偈，適合朋友家庭聚會。醬油蟹+紫菜飯醬油蟹係韓國名菜之一，用新鮮生蟹浸醃特調醬油製成，今次呢隻蟹肉質鮮甜，蟹膏好豐富。醬油蟹配一配紫菜飯，可以拌蟹膏食，鹹香鮮味兼備，醬油不會掩蓋蟹肉本身嘅海鮮風味。年糕餃子湯結合牛骨高湯、年糕片及韓式餃子，口感豐富且飽肚。湯底香濃，年糕滑嫩，餃子多肉香，再加蛋絲、蔥花等增添層次。生米酒生米酒用糯米或大米發酵而成，酒精度低，味道清甜。適量飲用可促進消化同增進食慾添！

外型跟在韓國的街角餐廳一模一樣，進去的感覺更像，空間感十足，枱面好大，只是餐具沒有用不銹鋼，否則的話，簡直以為自己身在韓國了。✴️芝士雞翼 $52韓式炸雞，真的好難挑剔。口感非常酥脆，還配上了炸糕，表面撒滿了咸香的芝士粉，味道無得彈。✴️牛肉紫菜飯卷 $76色彩繽紛，紫菜包着大量蔬菜（菠菜／紅蘿蔔／牛蒡……）雞蛋。及牛肉碎，口感豐富，好食。✴️炸醬麵 $89韓國菜必食，份量好大，炸醬用上大量洋蔥及不同蔬菜，麵的質地爽滑。✴️拉麵（公仔麵）炒年糕 $86年糕／公仔麵／魚糕，濃滿滿一大碗，份量也很多，我們吃到最後，真的吃不完。總結，餐廳環境令人有身處韓國的感覺，地方寬大件夾抵食，喜歡傳統韓食的，這家是不錯的選擇。

今次終於嚟到漢城美食啦！🤩 呢間小店雖然唔係咩華麗裝修，但係勝在夠地道，啲嘢食有晒家常風味，而且價錢好親民，係想食韓式嘢嘅唔錯選擇！🍜炸醬麵：招牌炸醬麵真係冇得輸！🥢 炸醬超濃郁，撈勻晒每一條麵條，上面仲有隻半熟蛋同青瓜絲，食落去甜甜哋又有少少鹹香，口感豐富，真係食到停唔到口，好似置身韓國咁！🍗甜辣炸雞翼: 雞翼炸到外脆內嫩，甜辣醬汁包住晒成隻雞翼，甜甜辣辣好開胃🤤🍙吞拿魚紫菜包飯：紫菜包飯大大份，入面嘅吞拿魚餡料都好足料，配埋其他蔬菜，口感好豐富🌶️少辣拉麵年糕：想食得豐富啲，點咗個拉麵年糕，揀咗少辣，啱晒我呢啲食得辣又唔太食得辣嘅人！年糕煙韌，麵索晒湯汁

尖沙咀韓國街有好多間韓國餐廳，我自己鍾情「漢城美食」，從幾年前睇演唱會去食過第一次，依家去搵尖沙咀想食韓國野都會去食。今次去食試左D我自己未試過既野，就係韓國豬手同牛骨湯，再加左個炸雞翼，人均$2XX，但食得飽飽，又好食。豬手係韓國食過豬手真係好好食，但係香港真係好少食，因為一直食唔到好食既豬手，今次朋友想食，所以試一試，結果無令人失望，豬手煮得好好，肥瘦適中，味道煮得入味，入口溶化，唔會令人覺得太油膩，所以兩個人食半份，剛剛好。仲要配埋生菜及兩款醬汁，食豬手都有不同味道、口感，值得一試。牛骨湯個湯好飲，湯內有粉絲，粉絲滲透牛骨湯，好入味。喜歡食飯既，又可以食埋隨牛骨湯一齊既白飯，牛骨湯撈飯，有另一番滋味。炸雞翼去韓式餐廳，都好想食下炸雞，飲下酒。今次叫左豬手同牛骨湯，所以食唔到炸雞，只好試下個雞翼，甜辣雞翼醬汁好食，充滿韓式風味，滿足到食唔到炸雞既我。

尖沙咀韓國嘢食選擇好多，呢間餐廳屹立喺尖沙咀好多年，睇返原來廿幾年歷史。店舖環境整潔，空間闊落，仲有每日特價精選，超抵。醬油蟹加紫菜飯醬油蟹蟹身唔算太大，但充滿蟹膏，味道鮮甜冇腥味，醬油亦唔會過鹹，紫菜飯加咗麻油同芝麻調味，單食或者撈飯都好好味。年糕人蔘雞湯上枱熱辣辣，人蔘湯香甜暖胃，雞肉已經撕到一絲絲，好容易食，年糕煙靭有咬口。芝士炸雞（半隻）大量芝士粉係炸雞表面，炸雞炸得香脆，肉質嫩滑。生米酒韓國傳統米酒，微甜帶有少少酒香，容易入口。

今日黎左尖沙咀食間老牌韓國餐廳。 佢地都開左有20年以上, 韓國人主理正宗韓國料理. 店內環境整潔，座位寬敞.醬油蟹加紫菜飯團今日有D熱氣，唔食炸雞了，叫左醬油蟹， 個醬油好鮮甜唔會死咸，蟹肉浸到入晒味同好creamy, 食到啖啖蟹膏, 配紫菜飯一齊食，真係食到停唔到口. 單係紫菜飯撈醬油蟹個汁 都好正!辣牛肉京怱湯熱辣辣嘅 辣牛肉京怱湯 ，滾住咁上枱好香呀！呢個湯有點酸辣，入面有粉絲同牛肉辣度微辣, 配飯食一流. 超開野胃.生米酒韓國米酒，呢款米酒有少少甜度,好易入口. 啱曬解辣 !呢餐簡簡單單兩個菜都已經好飽又好味。 下次再食其他野！📍 漢城美食尖沙咀金巴利道74-76號地舖

正宗韓國料理喺尖沙咀屹立超過二十年，係同區開店最耐嘅韓國料理，所以現場有唔少韓國人幫襯。餐廳菜式多樣，適合有唔同用餐需求嘅家庭聚會，環境闊落乾淨，服務友善主動，推薦鍾意食韓料嘅朋友！.🌟蜜糖牛油炸雞（半份）炸雞外皮脆卜卜，裹住薄而均勻嘅蜜糖牛油粉，甜鹹平衡得啱啱好。肉質鮮嫩多汁，咬落去有淡淡奶油香。雖然係炸物但一啲都唔油膩，凍咗之後口感依然keep得住。份量足，適合2-3人分享。.🌟香辣雞肉芝士石頭鍋飯辣度適中，濃郁嘅芝士完美中和咗辣味，食落溫和唔刺激。雞肉嫩滑入味，配搭熱辣辣嘅鍋飯，口感豐富。上枱時芝士仲可以拉絲，趁熱撈勻之後每啖都充滿奶香同微辣嘅滿足感。加埋蔬菜一齊食，除咗口感更豐富之外仲可以解膩。.🌟Cass啤酒呢款啤酒酒體清爽，淡金色酒液帶住細膩嘅泡沫，入口有淡淡麥芽香，雪凍之後特別解膩，好夾炸雞或者烤肉，係韓國國民啤酒。

放工去韓國街食嘢，揀咗呢間好似幾多人食，原來呢間餐廳已經屹立超過20年，咁多年都有捧場客，啲嘢食又真係唔錯。芝士炒年糕辣炒年糕好惹味，但有時對唔食得太辣嘅人會太刺激，呢個芝士炒年糕就啱晒。芝士中和辣味又保留辣炒年糕香味，加上少少creamy熱溶芝士，每件年糕都入味煙韌。蜜糖蒜蓉雞翼炸雞翼香脆，配上蜜糖感覺冇咁熱氣，伴碟嘅炸蒜都不能錯過，好香好惹味。牛肉紫菜飯卷韓式飯卷我最鍾意，每次都要食，一口一件，有牛肉有菜有蛋，配上紫菜同麻油好食。炸醬麵炸醬麵唔好睇佢咁深色，佢又唔太咸喎，可能有好多洋蔥，仲有少少甜味添。食嘅時候伴入流心蛋液，醬汁帶少少creamy，配上小肉粒，啲有啲似扁身烏冬，煙靭煙靭咁樣。

屹立不倒20年嘅尖沙咀韓國餐廚，韓國人主理，好正宗韓國料理！區內開店最長時間，仲要係最經濟實惠！有特設學生優惠價，又啱家庭聚餐！1. 炸醬麵 $89都幾大碟，上面仲有隻太陽蛋，麵條口感彈牙，醬汁好滿，夾雜了肉碎、青瓜絲等配料，豐富令口感有層次，且甜而不膩。🌟評分7.5/102. 吞拿魚紫菜飯卷 $84食材比例比飯多，卷咗吞拿魚青瓜、紅同埋黃蘿蔔，再加上芝麻，層次好豐富又香口。🌟評分7.5/103. 蜜糖牛油雞翼 $58/4隻甜甜香香，食落好香牛油味，味道有啲似蜜桃香牛油味薯片，雞翼部位更加幼嫩，外脆內軟，另配燒年糕。🌟評分7/104. 拉麵炒年糕 $95拉麵既辣汁與年糕既油非常配合，甜甜辣辣，開胃又惹味，拉麵質感彈牙。🌟評分7/10前菜每枱提供3道前菜：泡菜、腸仔及煎餅。.📍 漢城美食 (尖沙咀)尖沙咀金巴利道74-76號地舖

漢城美食，韓國地道風味料理，店子開業久，尖沙咀最老牌韓料店之一！店面大，踏入彷彿穿越到首爾街頭店，播着韓文歌，滿滿美吃，氛圍感拉滿～ 韓式豬手必點！豬手入味，皮層晶瑩剔透，膠質感，蘸上特製辣醬，生菜中和油膩～滿滿正宗！ 絕配飲品生米酒自家釀造，帶微微氣泡，米香清甜，酒精感輕，像汽水順口，配油膩的豬手，絕也！ 韓國面鼓湯配香飯寒風中之暖心！濃郁面豉香氣，琥珀色湯頭翠綠蔥花，嫩豆腐翠綠櫛瓜和金針菇，用料實在！湯底滿滿韓國大醬，咸香帶微甜，胃也暖起來～ ▫️晚市人氣旺，氣氛熱鬧正宗又不貴韓國料理，回憶滿滿！

˙𐃷˙生米酒 $105韓國人除了燒酒外的選擇生米酒沒有燒酒那樣猛烈入口香甜帶了汽泡的感覺是種相對容易接受的甜酒KOOKSOONDANG Fresh Makgeolli offered a sweet and slightly fizzy taste with creamy rice notes🌾 ˙𐃷˙牛尾湯 $128牛尾湯除了附送白飯之外湯內還有巨量的韓式粉絲👀牛尾份量也多味道淡淡的很適合喜歡吃清淡的朋友🤍Oxtail soup, paired with a bowl of rice 🍚 and loaded with Korean glass noodles, was super filling!!🤣 The soup was flavorful yet not too strong👍🏻˙𐃷˙醬油蟹＋紫菜飯團 $190以醬油蟹的價錢尚算抵食✨雖然蟹身不大但充滿蟹膏味道鮮甜而醬油不會過鹹最重要是以蟹蓋撈飯品嘗😋The soy sauce crab here was fresh and a great value🦀 It’s not too big but still packed w

這間2001年開業至今，屹立金巴利道超過20年的韓式餐廳，必定有它的吸引力。每次經過門外都會被它外牆那充滿藝術色彩壁畫吸引，今日跟朋友又再入去食個晚餐。米黃色牆身，橙紅色的瓷磚鏡牆，木製餐枱凳，在微黃的燈光下襯托下，感覺好有懷舊風，地方亦非常闊落，坐得舒適。這家由韓國人主理，煮出美味又正宗的韓國菜。我們點選了以下菜式，味道唔錯，而且價錢實惠。店員送上三小碟前菜，有惹味的泡菜，薯仔絲和煎餅都係開胃小食。蜜糖牛油雞翼，外皮炸得香脆，內裏肉質嫩滑，灑上蜂蜜牛油味粉，食落甜甜地牛油味香濃，好食。牛肉飯卷，飯卷包得紮實牛肉、菠菜、雞蛋、蘿蔔，用料豐富。炸醬麵，口感彈牙，有嚼勁，每條麵都掛滿濃郁的醬汁。漢城炒年糕，年糕口感煙軟糯，還有滿滿的椰菜絲及魚糕，甜甜地微辣，好惹味😋

嚟到尖沙咀韓國街 梗係要搵返間非常傳統嘅韓國菜食 一上枱先有小食幾碟 包括泡菜 大蔥煎餅 同魚餅韓式豬手半份豬手份量好足👅 半份兩個人食完全夠有多 有生菜可以包著食 另外仲有南乳醬同韓式醬汁 可以唔同口味年糕人蔘雞湯 人蔘雞係散開件上 不過都好多雞件 年糕係薄件片裝 好煙韌 雞湯完全冇味精 飲落非常舒服 仲有個白飯跟上 食到一半可以變成湯飯 生米酒 (750ml -6% 酒精)食韓國野點可以唔嗌米酒！今次嗌咗支好易入口嘅米酒 只有6%酒精 啱晒星期五飯後小聚 小酌兩杯 飲落都有少少米味