影片
營業時間
星期一
全日休息
星期二至五
11:00 - 17:00
星期六至日
09:00 - 20:00
公眾假期
09:00 - 20:00
公眾假期前夕
09:00 - 20:00
以上資料只供參考, 請與餐廳確認詳情
招牌菜
係附近番工，諗住搭去虹橋睇下有咩食，行到街尾，就見到呢間寫住沙嗲牛X漢堡芝味的小店！🌟🌟行到店門，入面座位唔多，都係兩三張細枱，但一樣已經有學生哥幫襯～ 我睇緊menu時都已經有唔少學生/番工族停低望下🥳Menu種類好多，本身係菠蘿漢堡控嘅我見到大大張菠蘿牛堡+田園沙律已經想埋去落單，但跟住又見到旁邊嘅漢堡/熱狗套餐，有特別嘅蛋沙律熱狗、韓式/洋蔥豬扒漢堡、仲有雞堡。40-50蚊，包埋一款小食+飲品（免費只包罐裝汽水，+$3有伯爵/茉莉茶）！第一次試，就叫左個雞堡餐試下。😋當我以為特色小食會逐樣加錢嘅時候，就睇到原來係3款小食有齊哂！地瓜球、薯寶、雞寶、春卷等等 … 如果要特色啲eg章魚小丸子先要加啲錢，完全係超班嘅小食+漢堡專門店！外賣拎到手，大大杯茉莉茶都嚇親我🥤😂 係一般飲料店嘅size，少甜少冰真係做到，唔甜到漏之餘，又飲落夠fresh~~ 🤩漢堡size都驚人，兩隻手拎住都hold唔哂入面嘅餡。除左入面嘅雞夠嫩滑，其餘配菜都好新鮮。加上特制調醬汁，成件事食落比一般快餐店更滿足🥰最後不得不提一腳踢嘅（唔知係咪）老闆娘，有禮好笑容，好快手10分鐘唔駛已經出到餐～🍱 第一次寫食評，因為佢真係難得一見嘅高cp漢堡店，希望下次去可以試埋其他出名嘅牛系漢堡/澳洲牛麵早餐！😚 （同埋有位可以堂食啦🥹）
繼續閱讀
之前Dr burger個位轉咗手又開咗間新賣Burger 叫 漢堡芝味我同細佬叫咗個B2餐$98 -2個包-3款小食-2罐汽水不過我地要左個菠蘿牛堡+$2 美式牛堡+$2我又想要芋泥地瓜圓+ $10 埋單$112 。中間塊牛🐮的確冇Dr. burger咁好食但食得出係手作牛肉漢堡嘅鮮味略嫌汁醬太稀我個菠蘿牛堡嘅千島醬 咬第一啖已經滴晒落嚟細佬個美式牛堡 茄汁都非常稀食得非常lei hea 好彩係屋企食😅小食方面我哋叫咗薯寶，薯條同地瓜圓分兩方面都冇Hea我哋不過薯條可以炸耐少少，未夠香口除翻開每人都係$50到而家去M記食個貴少少嘅餐都要40幾蚊倒不如食一間真係手作漢堡嘅burger感覺好似抵少少😂希望呢間質素再提高啲小食Keep住呢個份量同質素Overall 我覺得係抵食過M記😊屯門友近近地可以買返個試吓
繼續閱讀
見到新開就諗住試下啦除咗burger仲見到menu有意粉/飯甚至仲有all day breakfast嗰啲價錢都係喺合理範圍不過都係叫返舖頭名嘅主題先啦$48 burger餐 有burger+小食+飲品揀咗加多$2嘅大大菠蘿牛堡食得出真係安格斯牛肉 佢有寫明係用呢種其實個burger好大個 但我影得唔係咁好個sauce好好食 菠蘿都好大塊好juicy有啲似去韓國食isaac toast嗰種沙律醬薯寶好食唔算熱氣 如果提供埋茄汁會更加好仲包一罐汽水 真係好飽又幾抵食整體嚟講 係會有下次嘅當時都6點幾7點 所以就外賣自取佢係即叫即做嘅 大約等10分鐘返到屋企都冇覺得凍晒/冧晒
繼續閱讀
放假去朋友屋企懶人上身叫美食平台，見到呢間好似未食過但價錢都唔貴，所以即刻試下佢！叫左個堡堡hotdog餐 ($120)，仲有埋汽水同3款小食😍，加配完都係$140 2個人，自取應該仲抵食。🔅和風汁安格斯漢堡第一啖咬落去好香芝麻味，肉都頗大塊，幾juicy，加埋椰菜絲有口感。和風汁唔算多，不過都夠味唔會太鹹。Openrice望單叫呢個burger只要$38，呢個價錢黎講超抵食😋！🔅韓式甜辣炸雞堡 (+$10)炸雞好大塊，仲大過burger 🤤！包有烘過所以香啲，甜辣醬唔算好多，不過都夠晒味，同埋唔會整到炸雞腍晒。普通女仔應該食唔晒成個😂。🔅小食揀左薯條，薯寶同地瓜丸(8粒)(+$8)。炸野黎到都無腍晒仲脆脆地都算唔錯。地瓜丸口感唔錯，入面都幾多芋泥，都幾煙韌😍。💬Lunch hour叫都無遲到，送到黎仲熱，好滿意！2個burger都好足料，cp值超高，成個set2個人係食唔晒😂。唯一想講係俾錯左罐雪碧做普通可樂😂。不過上網望返舖頭好似係月頭先正式開張，希望可以keep住質素😌。
繼續閱讀