漢陽苑韓國料理 (已結業)

昨天放假，出去尖沙咀換拎禮品，順便去漢陽苑一嘗其風味。在中午12時許到達，内里的服務員安排我坐在卡座，跟着我就去拿食物。首先我選擇熟食先下肚，有炸雞，蘿白牛腩，壽司，猪腳畺，炒飯，炒麵，炒菜等，但大部分熟食都冰冷，失去了熱食的風味。然后去拿烤肉，有雞，牛，豬，香腸，冬菇，金菇肥牛，茄子，烤肉都很入味，飲品有豆漿，金柑，人蔘雞湯等，味道OK，最后還有雪糕為甜品，下次有機會會去漢和比較其分别。PS: 罐裝飲品要拎外收費，每罐$8元！

我本來同個frd 諗住去韓國街食野, 只知落大雨. 所以去左漢陽苑食, 貪佢近地鐵出口. 我本身係牛魔皇, 一去到食左幾碟肥牛, 同牛肉. 重有d牛仔骨, 好好味. 牛肉粒好有口感. 正!!野飲都幾多選擇, 我最愛豆漿同西瓜汁. (西瓜汁重好似係鮮楂, 正)熟食方面, 都ok, 但唔係我杯茶 , 不過個炒青口都幾好食. 我食個時發現原來都幾多韓國人黎食, 反而唔知點解韓國街冇乜韓國人去食. 真係奇怪.

這家店比較冷清的，位於尖沙嘴但人都不多，我也不知道朋友怎麼找到它的。小食種類都ok，有港式的和韓式的，港式的就豬頸肉最好吃，韓式的一個炒粉絲還不錯，我們添了很多盤。但是因為人不多，食物更新的速度也就很慢，薯條都冰涼了半小時了還是沒有新的上來。說到這個薯條邊上竟沒有蕃茄醬或鹽，我們只好蘸用來配豆花的黃糖，倒別有一番風味。飲品難喝到爆，都是香精調出來的。烤肉部分呢味道還可以，肉質也不錯，推薦各類牛肉和羊肉，我覺得豬肉烤起來不嫩，雞肉也就一般。朋友的評價是不如漢和，但價格都差不多。總之最大的問題就是小食都冰冷的，哦對了，冰淇淋還不錯食，但要碰運氣啦，mint chocolate百食不厭呢…

本來一家人去尖沙咀食韓國燒烤,食食下隔離埋單走左,有個著西裝既阿伯冲過來叫個伙計收返係枱上食淨既食物好似當我地冇到咁,呢間野又唔好食重要回收食淨既野真係好缺德,賺錢姐唔使咁過份

好差!!先唔好講平安夜收$168一位加一得一個鐘，D野食完全唔掂。首先食物款式少得可憐，刺身得三面魚一款，雞腎又無，雞亦、牛扒、朱扒全部得一隻味，辣味都無，調味又一般。飲品好似糖水咁，得個甜字，甜到酸，好難飲甜品方面好似見唔到有雪糕，可能無時間搵，因為一個鐘實在太少。最後好快脆就夠一個鐘俾人踢走。感覺上兩人差唔多晒4舊水，但得D垃圾食 中過一次招唔會有下次

原本見無乜人又企理,就同個去左外國好多年既朋友上去食,一去到我朋友就燒多春魚,當然新手唔係燒得咁靚,跟住有個女侍應好好心咁過嚟幫我地換板,仲話教我地燒.燒完一轉,都諗住ok啦,大家就暢談近況,誰知以下落嚟大半個鐘,最少3個侍應,一個阿伯(職員)走埋嚟,唔係話我地d魚擺位唔正確,就係行過無啦啦話'燶啦'......已經阻住傾計都算啦,唔講野果d,得閒就埋嚟較細個火,唔夠兩分鐘,第二個行埋嚟又較返大,如是者比佢地騷擾左成個鐘,真係址火,後來阿伯又埋嚟話d魚就燶啦,我地忍唔住叫佢地唔使再埋嚟幫我地攪啦,點知阿伯一句'得'埋嚟話:見你就燶同你講又話人地攪你........超串........直到我問個著西裝既,經理邊位?佢話經理放左假我諗佢地唔係好知咩叫自助,未試過食自助韓燒食到咁忟憎,以後唔會再去

是日朋友話想食韓燒就到左呢間野一入去都覺得服務唔錯,一望都算多野食我中意食肥牛所以勁拎肥牛其他牛仔骨(唔知係咪叫呢個名)同埋雞串都幾好食,好香重有好多肉類但我唔太記得了,都唔錯抵食既不過真係唔多三文魚壽司,好快就比人食曬其他壽司賣相都唔係太好,所以唔敢食呢度都有唔少糖水甜品,有蕃薯糖水,粟米西米露(我第一次見),涼粉,jelly等等重有不同生果如西瓜,哈蜜瓜等等我到左最後不停拎黎食不過d湯唔多好飲,有隻叫"人蔘雞湯",隻味勁似忌廉湯,但我明明見到佢有用雞煲我最中意就係任飲豆漿overall:有好有唔好,但亦不妨一試

家人提議出外吃飯,大家提議到漢陽苑韓國料理任吃燒烤加火鍋,約7pm到了漢陽苑韓國料理,,一進門口,.侍應立即問我們幾位,並安排我們的坐位,服務真不錯我首先吃它們的泡菜,味道一般辣,我們出去拿食物, 大多數食物都不錯,很美味又有飲品,有豆漿,菊花茶和酸梅湯選擇,我們飲了菊花茶,很有菊花味,還有很多美食, 不能盡錄!呢度的韓式泡菜最美味,服務又快又好!任吃燒烤加火鍋, 有魚生吃~ good^^大家有空就去試下啦,值得稱讚~值得推介架!!

今日好想去食韓燒,但由於放工時間太夜了,所以就決定揀最近的公司既尖沙咀漢陽苑,於是我就打去問問宵夜時間有無三文魚吃同哂唔book位啦。本人:「喂,唔該請問宵夜時段有無三文魚吃呢?」漢陽苑男員工:「唔知喎,食哂咪無囉。」他的服務態度已經好鬼吋本人:「咁今而家仲有無三文魚呢?」漢陽苑男員工:「唔知喎,你咁快問定今晚,點知啊。」本人:「咁要book位嗎?漢陽苑男員工:「你幾位先?」本人:「2位=.=」漢陽苑男員工:「唔哂啊...」此時此刻,我是否應再考慮去呢?雖然漢陽苑真的便宜,而且有分店但香港也不只得你一間這樣的價錢但就可能只有呢一間連電話booking都有咁差勁的韓燒餐廳希望漢陽苑的老闆會妥善管理一下

都有三年冇食過韓燒, 因為為了一個外國回來的朋友, 所以重返舊地. 因為個朋友話唔想去旺角所以去左老尖間韓蕉去燒一燒食物方面, D款式都好多選擇, 正一大魚大肉, 正合我這種食肉獸口味生食- 有我最愛牛肋骨- 肥瘦正好, 牛肉都好入味, 雞脾同豬肉都好入味熟食- D咖哩蟹同真陰公湯都Very good 甜品- 我只係對D番薯甜水情有獨鍾服務- 都OK LA, 如果你同D 三百幾蚊一碟牛肉餐廳比當然一般LA, 但以這一個價錢OK 嫁LA, 加茶同換鐵板都好快同主動總結 - 以百幾蚊, 可以食到咁多野食, 一個字---抵

個日LUNCH 约左朋友食LUNCH, 我叫左個鐵板牛仔⻣, 跟埋白飯, 配菜, 糖水 , 湯, 有成10件牛仔⻣. : 牛仔⻣好"林", 好香, 又唔會太肥. 配菜一般, 我自己中悥食. 唔知大家口味如何?. 朋友叫左個雞肉, 跟埋白飯, 配菜, 糖水 , 湯 . 味道好好, 份量亦好大: 雞肉夠入味, 又大件, 不過有少少燶.埋單2 人加埋 HKD62. 超值, 會再試.

行完街街見到呢間有得食,咪食下囉,點知真係好唔掂食物無特別,都無所謂,但熟食味道難食,太過咸,泡菜就幾好燒烤同火鍋既食物款式唔多,有部份醃得唔錯, 如雞翼, 牛仔骨牛仔骨值得推介既一款,真係幾好味又話有三文魚魚生,但又唔見有,見到有台客有魚生亦瘦得可憐但始終都見唔到出面有得拿,可能出得好小份量甜品唔係咁得,見到無胃口,飲品比較啖ok 既整體都唔係好理想,不過$100有找,一分錢一分貨la我還是喜歡旺角個間.最正係D服務態度好nice

好耐無食過韓國燒燒燒, 見雜誌有coupon咩去食餐飽食物種類都唔少, 我地9:30後去都不停有食物供應, 前菜, 湯水, 肉類, 海鮮, 熱食, 甜品應有盡有, 好食就唔講得, 不過飽肚都ok不過d肉類同海鮮唔知係咪freeze左好耐, 硬係牛無牛味, 魚無魚味, 三文魚刺身雖然都係無味, 但係切得都幾厚, 同不停refill, 點wasabi過下口癮都ok埋單拎張coupon出黎, 經理話9:30晚市特別場用唔到, 因為呢個已經係優惠價, 我心諗你張coupon又無寫9:30個價無得折, 不過見自己無問就算啦, 跟住check張單9:30後$108?! 我拎埋本雜誌俾經理睇, 我話你個廣告寫住$98咋喎, 佢話果個係舊價, 我話今日1/5, 本雜誌24/4出你話俾我知係舊價?! 你門口又無寫明幾錢, 咁即係呃錢啦, 卡片, 消委會見啦跟住經理無聲出, 佢話公司set左個價無得改, 我地見佢面有難色, 我話算啦, 廿幾蚊當我跌左, 反正都唔會再黎呢d黑店未試過食既而又無咩要求既朋友一試無妨, 不過入座前一定要問清楚價錢先好開始食, 費事同朋友食飯掃興就唔好啦

本來約好朋友去飲茶的, 料不到因為病的病, 有事的有事...冇咁一半人, 姐又說起阿姨請食飯. 咁未有約會的星期日. 就癡一癡餐吧. 沒有問清楚, 沒有期望食D咩好野. 只知道是食 buffet, 出門口滿以為是食泰菜. 一入地鐵才知道是上來食韓燒.漢陽苑, 以前在銅鑼灣分店食過. 完全自助式, 今次呢, 多了一大檯國內遊客. 不是歧視, 而是他們真的沒有秩序, 一出來, 有點像搶食般, 老人家又動作慢......食物方面, 都係一般 BBQ 野, 是 BBQ 野, 不是 for 韓燒既食物. 另有一些壽司, 熟既三文魚骨等等.....不過全都不是我的歌兒. 只拿一些生肉, 韓燒嘛, 當然燒燒燒.肉類其實普通, 只有那牛仔骨叫做好食, 魷魚都唔錯. 牛仔骨入味亦夠肥美. 難怪一有新貨到便搶掠一空, 直至旅行走左情況才有所改善.甜品, 那碗豆腐花不知放了多久. 沒有勇氣去拈佢. 其他有一些泰式甜品, 搞搞下感覺有點大混亂......除了食左少少糕點外, 只喝水密桃汁.....沒其他. 不過不用$100食一餐, 又幾抵食既.

本來係去食日本放題既，但因為book 唔到位，所以就係尖沙咀一帶行左近20分鐘，我地一行七人都唔知食咩好，諗諗下好似金馬倫道都有日本放題食架bor ~ 行左過去，有幾間都係食日本野，但就無任食lor....咁諗住睇埋太興上面果間日本野，但都係唔係好o岩，所以行左落2樓睇下d韓燒啦....見佢價錢又ok....$118/位，而當時已經接近8點，去到邊度都要等位，所以咁就入左去食啦~都未等佢開爐，我已經出左去睇下有咩食啦....都係一d好普通既野，雞翼、紅腸、豬肉、牛肉、金沙骨、多春魚等等啦，十幾款左右啦，反而熟食既仲多過d需要燒既食物lor ....咁點解我仲要黎韓燒呢??!! 熟食既包括有: 青口、壽司、咖哩炒蟹、炒菜....個人覺得個炒蟹幾好味，而且佢仲係有膏既....朋友攞左d三文魚既刺身，試左幾塊....e...都無味既??食刺身都係去返d壽司舖食好d.......而甜品有豆腐花(佢已經裝好左一碗碗架啦，無得玩)、o者喱、雪糕等等.....食到差不多9:45就埋單走人，埋單時張單上明明係顯示有毫子既，當我地比毛毫子佢既時間，佢竟然唔收lor.... 當時都o左咀....下....